hits counter

للـــوالـــد .. لاب توب ولا آيباد ؟

Al Pacino

Al Pacino

True Gamer
السلام عليكم


ابوي جاني اليوم مـHـه معه من النتبوك حق MSI الي عنده .. وقالي اشتر لي لاب توب محترم مايعلق ولا هو بطئ .. فـ فكرت فيها .. الوالد من زمان معجبه شكل الايباد واستخدامه لكني شلته من راسه لان حسافه يشتريه وثلاث ارباع ميزاته مايستفيد منها .. بس حاليا افكر فيه وبقوه فـ عندي كم سؤال عنه بتحدد هل تصلح له ولالا :

1_ يستخدم مواقع البنوك كثير .. فـ هل متصفح الايباد يدعم ولالا ؟ لاني اخبر مواقع البنوك مع اكسبلورر بس .

2_ يستخدم زين كونكت حاليا .. فـ هل فيه طريقه لتشغيلها عالايباد ؟

3_ اللغة العربيه مدعومة ؟ كأني سمعت ان فيه مشاكل بالكيبورد .. ولا انحلت ؟

4_ بشكل عام يصلح للكبار ولالا ؟


جواب هالاسئله بيحدد هل اشتري لاب توب جديد ولا ايباد للوالد .. الي يخليني افكر بالايباد اكثر انه يحب ياخذ معه النتبوك هالايام لشغله ولا للمكتب فـ ودي بشي يكون خفيف ويساعده اكثر بالتنقل .. انتظر مساعدتكم .
 
من الاخير لااااااب توب افضل بمليون مره +فيه كل حاجه+ يرحمك من اذى الوالد كل شويه يقلك فهمني هذي ولا ليش هذا الشي مايحصل :laugh::
 
أنا انصحك تشتري لابتوب، تبغى شي مضمون إن بيشتغل مع كل اللي ذكرته إذا بتاخده لشخص غيرك...
 
اذا هو مو راعي ملتي ميديا .. ما اشوف الآيباد مناسب له
هذا فضلاً عن إن الآيباد جهاز مكمل للابتوب أو الـ PC بشكل عام.. و مستحيل يغني عنه أو يحل مكانه.

1. انا جربت الأهلي و الراجحي عليه شغالين تمام.
2. إذا هي على شريحة.. فـ يحط الشريحة مباشرة بالآيباد.
3. الاصدار الاخير يدعم العربية بشكل كامل بدون مشاكل.
4. يصلح لاستخدامات محدودة

إذا هو موظف شركة أو بنك.. و يبيه كشغل دعدعة و رزة .. بيكون له هايب :laugh::
أما إذا هو موظف حكومي.. فإجمالاً ما يحتاجه.


و عموماً ما يصلح يصير جهاز رئيسي يُستخدم بشكل كامل
أنا الكوارتر الماضي كان عندي بريك 3 ساعات بالجامعة و قلت تمام هذا وقت الاستفادة من الآيباد
اخذته اسبوع و زهقت منه و بديت آخذ اللابتوب.
 
لابتوب صغير وخفيف. مشكلة الآيباد يبغاله تعلّم وتعوّد. ما أعرف ابوك, لكن الناس الكبار في السن ممكن ما يبغى يتعلم شيء جديد فقط لأنه شيء جديد. على كلامك هو متعود على اللابتوب التقليدي, فجبله لابتوب محترم.
 
لاب تووب .. ما انكر ان امي وابوي منجنين على الآيباد ويطقطقون فيه ... بس انا اشوف الاب توب عملي اكثر للآباء
 
حسب علمي في بنوك بدأت تدعم الآيفون (أنا مو مستخدم للبنوك أو أجهزة Apple فما أدري عن عدد الداعمين)، بس زي ما قالوا الشباب الكمبيوتر بيكون شيء مضمون، تذكر الآيباد تابلت وما تقدر تقول عنه كمبيوتر حرفيا.

بعدين الآيباد فيه 3G والكونكت 3G أصلا فهو لو بيستخدم إنترنت جوال فالنتيجة واحدة بالنهاية... كلها شريحة.

في النهاية يعتمد على مدى تقبله للأشياء الجديدة وتكيفه وياها، لو هو كبير بحيث أنه من النوع اللي يتعلم بسرعة فما أشوف التغيير قرار حكيم، والأهم أن الشيء اللي بياخذه يكون ضامن أنه يلبي ما يحتاج.
 
لابتوب صغير وخفيف
أنقر للتوسيع...

مستحيل بعد ماجرب النتبوك الي عنده ياخذ ثاني .. هو يبغى شي مايعلق وسريع .

والأهم أن الشيء اللي بياخذه يكون ضامن أنه يلبي ما يحتاج.
أنقر للتوسيع...

عشان كذا حطيت الاسئله وبغيت اتاكد ..

الوالد مو مستخدم حقيقي للكمبيوتر .. فقط للتصفح ..

بالنسبة للكونكت مافهمت كلامكم بالضبط .. انا ماعندي اي خبره بالـ 3G والكونكت بشكل عام .. بس القطعه حقت الكونكت شكلها زي هذي لو تلاحظون الراس حقها مو زي اليو اس بي العادي .. هل هذي تدخل بفتحة الذاكره للأيباد ؟
 
التعديل الأخير:
Al Pacino قال:
بالنسبة للكونكت مافهمت كلامكم بالضبط .. انا ماعندي اي خبره بالـ 3G والكونكت بشكل عام .. بس القطعه حقت الكونكت شكلها زي هذي لو تلاحظون الراس حقها مو زي اليو اس بي العادي .. هل هذي تدخل بفتحة الذاكره للأيباد ؟
أنقر للتوسيع...
في الواقع شكلها USB... على حد علمي إن مافي USB في الايباد
 
مو هذي المشكله .. هل فيه وصله تدخل بفتحة بالايباد والفتحه الثانيه ممكن تستقبل اي usb ؟
 
طيب ليش ما تحط شريحة زين نفسها في الأيباد ؟؟
 
زي ماقلت ترا ماعندي اي علم عن الكونكت فـ لاتضحكون على سؤالي القادم ... يعني الكونكت داخلها شريحة ؟
 
^
هذا اللي أعرفه يكون فيها شريحة داخلها ( كونكت موبايلي ) ما أدري عن زين مع أن أتوقع راح تحصل شريحة داخله
 
الوالد الله يحفظه صاير مدمن اي باد .. في البيت جنبه دايما .. ياخذه الاجتماعات ... الحين صاير يبغى يحمل افلام عليه 😀

الاي باد خيار حلو خصوصا اذا اسئلتك هي الي فعلا تهمك فالاي باد مناسب .. لسبب انه اسهل بكثير من اي جهاز ثاني استخداما + ممكن تتفرج فيه قناة العربية ( الوالد عاجبته الخاصيه هذي ههههههههه )

بخصوص الاتصال لو تاخذ اي باد ١٦ جيجا مع 3g يكون شي مريح ..

بس ارجع اقول ان لو ابوك الله يحفظه ما عنده جهاز نهائيا فممكن تفكر شويه زيادة لو بتاخذ الاي باد
 
لا النتبوك بيكون متوفر اذا أزمت الامور ولاب توب اختي الصغيره موجود للأشياء السريعه .. بس الايباد بيكون شي حلو له + للعائلة كتـجربة جديده للتقنية بشكل عام .. بس تعال وش قصة قناه العربيه ؟ لو اقول هالميزه لأبوي تشوفه بعد ساعه ماسك الايباد .. يعني شلون جودة القناه وهل تتطلب نت محترم ولا عادي ؟
 
من الأخير لاب توب , و عن الإتصال و الكونيكت .. الشريحة هي الأساس وكل الشرائح حالياً تدعم الجيل الثالث 3G والكونيكت و الآيباد وغيرها .. مجرد وسيلة للأتصال وإذا دعم الآيباد أو الكونيكت أو الجوال نفسه الجيل الـ 3G فـ تقدر تدخل النت.
 
أنصح انك تأخذ له لابتوب أنيق وحلو وفيه حركات، بدل الآيباد. توافقية الملفات اللي بيفتحها من العمل ومن ربعه شيء مهم جداً جداً، ولازم ما يتعب عشان يشتغل عليها. ولا أشوفك ذكرت من استخدامه القراءة مثلاً أو الأفلام، وهذي الأشياء يقدر حتى يسويها على لابتوب. خذ له لابتوب أنيق، شي كذا زي سوني فايو، تراهم يحبون يكشخون على ربعهم.
 
لاب توب الا اذا كنت ناوي تشفط الايباد عليه لما يلاقي صعوبه في التعامل معاه :tongue:
 
الزبده ، ابوك يدش قيمزر والعاب فلاش بالدوام؟ اذا ايه انسى موضوع الايباد واخذ لابتوب ، بس حاول يكون خفيف الوزن.
 
ابوك يدش قيمزر والعاب فلاش بالدوام؟
أنقر للتوسيع...

!!

ابوي مدرس .. + هل فيه فعلا اباء اعمارهم +45 يلعبون العاب فلاش ؟


شباب ترا الوالد استخدامه تصفح فقط وماهو الي ياخذ معه الاب توب عشان ملفات ولا معلومات فيه .. عشان التصفح بس .. فـ عشان كذا اشوف الايباد بيرفكت له .. معليش اذا ماوصلت هالفكره بالموضوع نفسه .


لاب توب الا اذا كنت ناوي تشفط الايباد عليه لما يلاقي صعوبه في التعامل معاه
أنقر للتوسيع...

والله فيه نيه 😀
 
التعديل الأخير:
Al Pacino قال:
شباب ترا الوالد استخدامه تصفح فقط وماهو الي ياخذ معه الاب توب عشان ملفات ولا معلومات فيه .. عشان التصفح بس .. فـ عشان كذا اشوف الايباد بيرفكت له .. معليش اذا ماوصلت هالفكره بالموضوع نفسه .

😀
أنقر للتوسيع...

الفكره واصله + أشوفك مركز على الآيباد بالرغم إني أشوف الاب توب مناسب له أكثر , وبما إنه مدرس فـ راح يستفيد منه فيه تحضير الدروس أو وضع أسئلة .. إلخ
عموماً الأمر راجع لك.
 
للأمانه الوالد يوم جبت له طاري الايباد اليوم قالي انا للحين افكر فيه بس انتو ( انا واخوي ) مانصحتوني فيه من قبل .. وكان سببي انا وخوي ان الايباد له فوائد كثيره خلت سعره كذا واذا الوالد شراه بيستفيد من ربعها بس .. بس الحين خلاص 87% (&) الايباد ان شاء الله .. باقي ابحث واستفسر عن افضل مكان لشراءه وكم شغله اتاكد منه وخلاص .
 
Al Pacino قال:
لا النتبوك بيكون متوفر اذا أزمت الامور ولاب توب اختي الصغيره موجود للأشياء السريعه .. بس الايباد بيكون شي حلو له + للعائلة كتـجربة جديده للتقنية بشكل عام .. بس تعال وش قصة قناه العربيه ؟ لو اقول هالميزه لأبوي تشوفه بعد ساعه ماسك الايباد .. يعني شلون جودة القناه وهل تتطلب نت محترم ولا عادي ؟
أنقر للتوسيع...
هذي يا طويل العمر اب جديد من العربية يسوي ستريم .. الكوالتي على الايباد جدا ممتاز .. و النت 3G يفي بالغرض

انا اصوت للايباد خصوصا ان عنده جهاز ثاني في البيت لو يبغى يسوي شي يحتاج شغل زي باوربوينت مثلا ( مع انه في Keynote في اي باد ) .. و صدقني البيت كله راح يستخدم الجهاز .. و الله يعينكم على اول الايام ما راح تجلس مع ابوك من كثر ما يتصفح يوتيوب علي الجهاز ههههههههههههههههه
 
طيب الايفون مو نفس خصائص الايباد ؟
 
اذا يحب التصفح بس خذله اي باد
ونت تقول الوالد بيستخدم ربع امكانيات الجهاز, لكن باللاب توب هل انت تستخدم ثمن امكانيات الجهاز? ما اعتقد اللاب امكانياته اكثر يا عزيزي
 
لا كنت اقصد مقارنة استخدامه مع سعر الجهاز .. عموما


احد عنده علم عن افضل مكان لشراء الايباد بالرياض ؟ هل اروح لجرير ولا لصفة محلات ابل عالتحلية ( tne , istore وغيرها ) ؟
 
أنصح بنوت بوك .
هل فيه فعلا اباء اعمارهم +45 يلعبون العاب فلاش ؟
أنقر للتوسيع...
أذكر أمين المكتبة كبير بالعمر وكل ما أدخل عليه يلعب ألعاب فلاش xD .
 
انا انصح با نت بوك افضلك ( وبعدين MSI من زينها عااد ) رح الحراج وخذلك توشيبا وفك عمرك

شف اذا مصر على اي باد ورا ما تصبر على النسخه الثانية ترى قرب ما بقى شي الان نسمع شائعات عنه ,,, اذا ما عندك صبر شف موزعين الحاسبات العربية " اي ستور وجلوبل ستور " انصحك بجلوبل ستور اذا ما حصلت رح اكستر اذا ما حصلت رح بست اذا ما حصلت رح الكترو اذا ما حصلت دور با مكان غيررر جرير اخر شي اخر شي دوره بجرير

سعود نصيحه دور شي يناسب ابوك ولا تدور شي انت تبيه 😀 وانصحك بنت بوك من توشيبا او ديل رح الحراج وشف الموصفات الي تبيها 😀
 
التعديل الأخير:
سعود نصيحه دور شي يناسب ابوك ولا تدور شي انت تبيه
أنقر للتوسيع...

هههههههه يابن الحلال صدقني ابوي يبغى الايباد اكثر مني .. من يوم مانزل وهو عاجبه ..

ابوي جت له عقده من النتبوك بعد هالاب توب .. بالاضافة الى ان شاشة النتبوك صغيره .. صحيح الايباد صغيره بس جودتها وطريقة حمل الجهاز تغطي على صغرها .. وماعتقد ابوي بيصبر شهرين " أقل شي " للنسخة الثانيه .. بس ليش اخر شي جرير ؟ دقيت على tn ستور وقالي سعره 3000 وجرير سعرهم 3000 ايضا ! فـ مافيه فرق بالسعر .. بس للامانه مادقيت على المحلات الثانيه لاني كنت متوقع اجهزة ابل دائما لها نفس السعر عند كل الموزعين .. بس ليه جرير اخر شي ؟
 
سعود

انا كلتها بسعرهم 😀 ... رغم انه مو من منتجات ابل ... بس لمعلومية اذا بشترية من جرير اتوقع ما يشملك ضمان الحاسبات العربية وما شاء الله على جرير صينتهم تهبل من حلوتها تجيبلك الصمرقع ! .... دور في الموزعين اول شي ثم المكرات الكبيره مثل اكستر ( حاول تتاكد ضمان الحاسبات العربيه او لا ) واخر شي جرير ... مشكله جرير ازليه السعر والصيانه ولا هم افضل الموجود حتى فيه اشياء ما تحصلها الا عندهم ....وبعدين مو 3000 نسخه الوايرلس ؟
 
يجب تسجيل الدخول أو التسجيل كي تتمكن من الرد هنا.
عودة
أعلى