الموضوع الرسمي للطالبين ps4 طلب مسبق من عالم سوني , مبروك للجميع النكست جين

[W.W.W]

استغربت ما شفت احد فتح الموضوع , باقي 10 أيام ونستلم الجهاز , اعتقد في كثيرين مثلي ينتظروا بشغف @@

السؤال المهم , ما عمري جربت اسوي طلب مسبق لسوني , ابي اعرف لمن قالوا يوم 13 , هل هذا يعني اني بستلمه هذا اليوم بضبط ؟ هل في أمل اخذ الجهاز قبل ؟ وهل الله لا يقول ممكن يتأخر الجهاز ؟

وبعدين اول مره اشوف طلب مسبق يشفطون الحساب كله 1799 ريال >_>
مو مفروض في عربون 1000ريال مثلا وادفع الباقي في وقت الاستلام ؟

متشوق للجيل الجديد جدا 🙁

 

[Master Assassin]

المفروض في نفس اليوم على حد علمي زي ما صار ايام الڤيتا

 

[Black JK]

انا طلبت جهازي من اكسترا قبل شهر ودفعت المبلغ كامل لهم، قبل كم يوم اتصل علي مندوبهم حتى ياخذ تأكيد نهائي للمعلومات اللي ادخلتها اثناء الطلب، واكد لي انه جهازي راح يصل في يوم الإصدار الأثنين 13 ديسمبر وراح يتم توصيله لباب بيتي العصر

 

[W.W.W]

انا طلبت جهازي من اكسترا قبل شهر ودفعت المبلغ كامل لهم، قبل كم يوم اتصل علي مندوبهم حتى ياخذ تأكيد نهائي للمعلومات اللي ادخلتها اثناء الطلب، واكد لي انه جهازي راح يصل في يوم الإصدار الأثنين 13 ديسمبر وراح يتم توصيله لباب بيتي العصر

الأثنين ؟!! >_>

تقصد يوم الجمعه

أكسترا يوصلون لبيتك ؟ أول مره اعرف هالمعلومه @@

 

[W.W.W]

المفروض في نفس اليوم على حد علمي زي ما صار ايام الڤيتا

هم اتصلوا عليك ولا أنت الي رحت لهم ؟

 

[BARCA]

للأسف ما امداني اسوي بري اوردر :: .
و متأمل اني احصل الجهاز في احد المحلات . او اني اصبر للدفعات الجاية :: .

 

[W.W.W]

للأسف ما امداني اسوي بري اوردر :: .
و متأمل اني احصل الجهاز في احد المحلات . او اني اصبر للدفعات الجاية :: .

بيت الكمبيوتر افضل مكان تخذ منه الجهاز من بعد عالم سوني

كلمتهم من يومين وأكدوا لي نزول الجهاز عندهم في 13 ديسمبر

 

[BARCA]

بيت الكمبيوتر افضل مكان تخذ منه الجهاز من بعد عالم سوني

كلمتهم من يومين وأكدوا لي نزول الجهاز عندهم في 13 ديسمبر

المشكلة اني من الحسا :: , فما عندنا فرع لبيت الكمبيوتر للأسف .

 

[DEMON]

أقسم بالله على وشك أفتح نفس الموضوع.
كفو عبدالله:v:


الزبدة:

وبعدين اول مره اشوف طلب مسبق يشفطون الحساب كله 1799 ريال >_>
مو مفروض في عربون 1000ريال مثلا وادفع الباقي في وقت الاستلام ؟

أنا دفعت 1000 ألف ريال فقط وباقي 799 ريال بيوم 13 ديسيمبر من عالم سوني.
البائع في فرع عالم سوني المدينة المنورة قال: احتمال نبدأ نبيع الجهاز قبل بيومين"
ما أدري على أي أساس....


أيا كان، أنا بأسوي كاونت داون هنا .


10 أيام

 

[ABCD112]

اقدر اسوي طلب لبندلات الاطلاق؟ (شادو فال\ بلاك فلاق)
ولا لازم انتظر لأول يوم؟

 

[DEMON]

^^^
على كلام عالم سوني، لأ...ما تقدر.

 

[Master Assassin]

هم اتصلوا عليك ولا أنت الي رحت لهم ؟

عبدالله انا ما لحقت الطلب المسبق ولكن سبحان الله انا خرجت من عالم سوني وركبت سيارتي و فكيت الجوال على المنتدى ولقيت موضوعك هذا
الرجال في عالم سوني أكدلي وصول الجهاز عندهم يوم 13 ان شاء الله 100٪

 

[ABCD112]

@Demon
شكرا , بأنتظر ليوم الاصدار وبآخذ بندل شادو فال بإذن الله.

 

[The Last Lombax]

إذا راح تتوفر بندلات للي ما حجزوا في وقت الاصدار احتمال ما أصبر @@

 

[Master Assassin]

بالمناسبة للي يقولوا ان الدفعة الأولى من الأجهزة 2500 جهاز فقط في السعودية
سألت الرجال هذا السؤال وضحك وقالي المستودعات وصلها للآن حوالي 68000 جهاز والدفعة اللي بعدها ما يدري عنها بس قال ما اتوقع تتأخر كثير.

 

[kiryu]

متأكدين إن بندل كيلزون بيكون متوفر بأول يوم ؟

 

[Unknown]

الجهاز بيصل قبل الموعد بكم يوم والعامل قالي ممكن نبيعه قبل
المهم يوم 13 هو اليوم النهائي الي بيبدا البيع فيه 100%

 

[SAUD~F-16]

الحين الجهاز مابيكون معه اي لعبة صح؟ اتكلم عن اللي بـ 1799 . وش يكون معه بالظبط؟ الكاميرا تجي معه؟ وايضاً اشترك واحد في البلس يكفي ان كل الحسابات يكون عندها وصول للأونلاين؟

 

[kiryu]

الحين الجهاز مابيكون معه اي لعبة صح؟ اتكلم عن اللي بـ 1799 . وش يكون معه بالظبط؟ الكاميرا تجي معه؟ وايضاً اشترك واحد في البلس يكفي ان كل الحسابات يكون عندها وصول للأونلاين؟

يب اللي حصلته عند عالم سوني الجهاز لحاله مع يد وحده بس و إشتراك شهر بلس

 

[W.W.W]

المشكلة اني من الحسا :: , فما عندنا فرع لبيت الكمبيوتر للأسف .

اجل عندك جرير او اكسترا

شطحه جرير اكد لي ان الاكس ون بكون متوفر عندهم في شهر ديسمبر (&)

أقسم بالله على وشك أفتح نفس الموضوع.
كفو عبدالله:v:

خلاص ما يحتاج تحلف , صدقتك @@

الزبدة:


أنا دفعت 1000 ألف ريال فقط وباقي 799 ريال بيوم 13 ديسيمبر من عالم سوني.
البائع في فرع عالم سوني المدينة المنورة قال: احتمال نبدأ نبيع الجهاز قبل بيومين"
ما أدري على أي أساس....


أيا كان، أنا بأسوي كاونت داون هنا .


10 أيام

لول الظاهر لكل فرع لهم سياسه لحالهم , الفرع الي رحته فيه هندي قلت له , الجهاز هل في احتمال يتأخر أو شي من هذا القبيل ؟ رد عليه وهو معصب حبتين , اذا قلنا يوم 13 , يعني يوم 13 ولا ايش فايدة البري اوردر ؟ , سألت مره ثانيه هل في احتمال ينزل مبكر , برضو رد عليه بكون يوم 13 فقط لا غير , لا قبل ولا بعد , وقهقهت قليلا وخرجت من المحل وانا مبسوط 🙂

ابي بلاستيشن فيا

مع ان ما عليه ألعاب تسوه , ما في الا كيلزون وباتلفيد4 الي متحمس لهم نص نص , اتمنى يبهروني تقنيا على الاقل >_>

 

[W.W.W]

اوووه صح تذكرت , الجهاز بكون معاه اشتراك بلاص مجانا ؟ اعتقد اشتراك 14 يوم صح ؟

 

[SAUD~F-16]

يب اللي حصلته عند عالم سوني الجهاز لحاله مع يد وحده بس و إشتراك شهر بلس

بدون كاميرا؟ (مدري ايش يسمونها،الزبدة، كنكت البلايستيشن؟)

 

[kiryu]

بدون كاميرا؟ (مدري ايش يسمونها،الزبدة، كنكت البلايستيشن؟)

الكاميرا تنباع لحالها وأعتقد بدونها مابتقدر تلعب اللعبه المجانيه المتوفره بالجهاز Playroom

 

[DEMON]

^^^
^^^
لأ، جهاز وكونترولر فقط.

 

[DEMON]

بالمناسبة شباب، ما أنصح أحد ياخذ الألعاب من عالم سوني. كيلزون بـ300 ريال >_>!!

لقيتها بمحلاتنا الصغيرة تباع بـ230-220 ريجون اوروبي "مكتوب على اللعبة بالعربي بعد.

فيفا وباتلفيلد4 وكود و بلاك فلاق كلها بنفس السعر.

 

[kiryu]

^
غريبه حصلتها بـ230 ريال عندهم *بتأكد بكره لأني بديت أشك>.>*

 

[Fatale]

ما ادري ودي يسير بلبله ويبيعونه قبل 13! :no_mouth:

في كذا محل بيوفر الجهاز على هالويك اند اوربي بـ 2000-2200 ريال

اتمنى لو شافو الوضع كثرة بيع الاجهزة في المحلات يبيعون قبل الموعد

ما ادري بس ثقافة البيع في يوم الاطلاق صعبة عندنا! باقي ما تعودنا ::

 

[W.W.W]

انا حجزت الجهاز مع كيلزون وطلع علي ب2098 ريال >_>

ادري ان 300 ريال سعر كارثي ! بس قلت على الاقل ابي اضمن لعبه وحده مع الجهاز , اخاف اخذ الجهاز واشوف الالعاب كلها مختفيها من السوق :cold_sweat:

 

[bXNmbQ==]

انا حجزت الجهاز مع كيلزون وطلع علي ب2098 ريال >_>

ادري ان 300 ريال سعر كارثي ! بس قلت على الاقل ابي اضمن لعبه وحده مع الجهاز , اخاف اخذ الجهاز واشوف الالعاب كلها مختفيها من السوق :cold_sweat:

psn store

 

[Fatale]

^^

حلات الجهاز اول ما تجربة غلاف لعبة جديد تمسك الغلاف وتتفحصه وتكون منبهر من التصميم!!!!