لقاء TG الصيفي (الكويت 2008) -- تم اختتام أضخم لقاء صيفي في تاريخ TG !

[bnbn]

مشاء الله الايفنت كان ناجح و فاق توقعاتي بكثير

مع اني ما كنت اعرف احد نهائيا بس بسرعة تأقلمت و ما حسيت اني غريب نهائيا و الشباب ما قصروا معاي

احب اشكر المنظمين علي الايفنت و اقولهم يعطيكم العافية و ما قصرتوا

...

 

[Golden_Sun]

ماشاء اللخ خوش تجمع واينيفنت.. مع اني وصلت متأخر << اسف شباب!!
يعطيكم الف عافية يالمنظمين! وان شاء الله الكل استمتع، هذا اهم شي =)

فيه وااايد صووور وفيديو @__@ مادري شلون بتحطونهم كلهم!!
عموماً اللي يبي فيديو الديك ترى عندي تصوير، اعتقد كان واضح P:

 

[dingo]

اي والله كاان الاييفنت ممتع الى ااااخر دقييييييقه ....

اهم شي يووم فزناااا..... فريق ابووو خليييل فووووور ذااا ويين

 

[Super Mario]

فيه وااايد صووور وفيديو @__@ مادري شلون بتحطونهم كلهم!!
عموماً اللي يبي فيديو الديك ترى عندي تصوير، اعتقد كان واضح P:

ياريت لو ترسله لسنيك
وجزاك الله خير

 

[Shot]

يعطيكم الف عافيه شباب الصراحه

اشكر المنظمين يعطيكم الف الف عافيه الصراحه ما قصرتوا بآي شي بيضتوها والله واشكر الشباب الي جو من السعوديه

ايفينت اسطوري الصراحه !!

والكبير كبير

 

[Nintendo]

يعطيكم العافيه شباب الكويت ماقصرتوا جميعا ( اخاف اذكر احد وانسى احد فيزعل ) ..

ايضا الشكر موصول للشباب اللي حضروا الايفنت من خارج الكويت .. ماشاء الله شكله كان ايفنت اسطوري بمعنى الكلمه سواءا بالعدد الكبير اللي حضر او بفاعلياته اللي اكيد ودنا نسمعها عنها بالقريب العاجل ..

 

[ASWD]

ماشاء الله تبارك الله..ان شاء الله دوم هالجمعة مو يوم

متحمس مرة للصور والفيديو.فيصل*اش* شكله فالصورة الجماعية كانه ناوي على شي خخخخخخخخ*نظرته للكاميرا لول*

ويعطيكم العافية جميعا من منظمين وحاضرين من داخل وخارج الكويت

 

[The Shadow]

ماشاء الله 32 شخص !؟!؟!؟ اظنه اكبر من ايفنت الاحساء ولا ؟ بس بالله ابقى اعرف شخص شخص من اللي في الصورة ، خصوصا المشايخ الله يثيبهم ^^

بس سؤال يدور في راسي ، افضل موضوع عام 2008 محجوز لـIsaac .... مادري هل بتجيبوا راسه بموضوع اجمل لول ...
EDIT : ياليت تحطوا الصور في البومات بيكاسا : ....

 

[kanon]

جزاكم الله الف خير على الايفنت الاكثر من رائع

اشكر المنظمين على المجهود الطيب والمسابقه الهاردكوريه والمنظمه

واشكر الحضور على تفاعلهم على انجاح هذا الايفنت اللي مايتكرر الا كل سنه مره :crying:

واشكراخوانا اللي حضروا من السعوديه ( محمد واحمد وعبدالرحمن )

 

[q8 spy]

وين هااايب أبو خليل XD

 

[s3rorh]

صداع رهييييييييب .... ما ادري ليش >_<



نخش بالموضوع

كلمة شكر ​

- أوجهها للمنظمين ,, الثلاثي المحمدي .... ألي صراحه ما قصروا علينا بأي شي ... بدايه من نقطه التجمع وصولاً لمكان الحدث :razz:: ... وصراحه ترتيب وتوزيع* و تنظيم وضيافه من أحسن ما يكون ... والأسئله ما شاء الله ... ما ادري من وين جايبينها :razz:: .... صحيح بأنه اغلبهم كان تعجيزي .... و بعضهم كان عليهم كلمة (( شكوو )) .. بس يالله ما عليه اهم شي خلونا نحرك المخ اشوي


*

محتوى مخفي

ما عدا توزيع فريقنا ( Mix ) يعني حاطين 4 ضيوف وأنا وياهم وجايبين اسأله تخص المنتدى >_> .... حسيت بأنه خساره الفريق كانت بسبتي ... :

- اوجهها ايضا لشباب السعوديه ألي قطعوا كل هالمسافه بس علشان ينورونا... صحيح بأني ما قعدت وياكم وايد .. بس شوفتكم كانت أحلى شي صار بالأيفنت ... وإن شاء الله تردون بالسلامة

- اوجهها للشباب الفله ... (( ودي اذكر الاسماء بس اخاف انسى اسم واحد .. وانا ما ارضى هالشي :sarcastic:... لأنه ما شاء الله امس وايد وجوه طيبه وسمحه شفت خلال فتره قصيره ... فا ما مداني اثببت )) طبعا بدايه من مكان التجمع ... ألي التقيتهم اهناك ... ... وصولاً للشباب ألي سووا جو رهيب بنص المسابقات ألي صارت بالمزرعه (( احلى شي لما ريد فوكس زيرو ... قام وشكله امعصب تقول داش بهوشة ... واهو قاعد يشرح الروبوتات لزيل .. وختمها ب( راجع معلوماتك ) لوووول تقول داشين امتحان :razz:🙂)

- اوجهها

محتوى مخفي

للديييييييييييييييييييييييييييييييييييييييييييييك :xd:

متفرقات :​

- بن بن, فيصل , عيسى .... تشرفت بمعرفتكم و سعدت بالحديث معكم ^^ ... وللأسف فيصل الدقه أو التخريعه ألي قلتها لي ما اثرت علي 😎: .. مع اني صدقتها ببادئ الأمر :w00t:.. بس بعدين ما توقعت يسوونها الشباب ^^"
- اعذروني شباب ( السفر عالطريق ) ... حاسس بأني سويت لكم قلق ... بس دخت من كثر ما تحذفون من حاره لحاره وانا وراكم ... وكل اشوي ابريك مفاجئ والطريج زحمه ... فا خرجت عن خط القافله ومشيت جدامكم وهالشي تسبب بتضييع bnbn .... :
- العشا .. 10 على 10 مشكور سوبر ماريو على هالعشى الطيب

MIX ​

اكبر تحيه لأكثر فريق سعدت بالتعامل مع اعضاءه ما شاء الله ... متماسكين بأصعب الأساله ... ومتشاركين في معلوماتهم ... سريعين بالإجابه ... وما يندمون على اجوبتهم ( ميتل قير ) :razz:: ... والاهم من هذا صاحيين وما نااااااااااااموا لغايه انتهاء المسابقه :laugh::
والاعضاء كما ذكرت ... تم انتقاءهم بكل حرص وعنايه تحت إشراف اكثر المنظمين خبره و تم توزيع الفئات فيما بيننا و بينهم ... بحيث صار فريقنا .. 4 ضيوف ( علي- ناصر - صالح -يوسف ) اعذروني اذا ضيعت بالأسامي وواحد فيهم عضو بالمنتدى ( أنا ) ...
ولكن تجري الرياح بما لا تشتهي السفن ... ولم يكتب لنا الفوز في المسابقه ... مع اني حاولت أحصل على اخر فرصه كان من الممكن انها تكتب لنا النجاح وهي فقره الديك ... بس للأسف شكله الديك امكثر بالعشي وجايبينه لنا متعافي :whistle: .... وكانت نسبه فوزنا 99% .. لولا الإنزلاق الأليم :crying: ....



والله يعطيكم ألف عافيه .... ولقاء لن ينسى

 

[general kane]

:confident:زيين متى الصور

 

[Snake-87]

:confident:زيين متى الصور

SOON

.......

 

[Gunrock]

يعطيكم العافيه شباب على الافنت الرائع ...

واشكر جميع من ساهم على نجاح الافنت ...

وشكر خاص لاخوانا السعوديين الي حضرو (احمد ,محمد,عبدالرحمن) ...

 

[gaara 660]

أشكر كل مـن شارك بالإيفنت

وأقــول


الكبـيـر كـبـيـر​

يا بـوجاســـ🙂ــــــم

يعطيكم العافيه يا شباب على الإيفنت الروعة​

وأخـــص بـ الذكــر الأخـوان :​

"سوبر ماريو ، سنيك 87 ، جانروك ، كولورزيشن ، شاي جاي"



*****


وأشـكر فـريقي واحد واحـد مـن الأخ جولدن سن ، وصـاحبه محمد ، وفول كونفيدنس ، وريد فوكس صفـر 😀



وبـصراحه ما قصـروا

بــس كنت شاد الظهـر بـ ريد فوكس صـفـر بأسئلة الجيمز لكن يلا ما عليه :w00t:



وشـكرا لـ كل

ما قـصرتوا وبيضتوها يا المنظمين " 🙂 "​

 

[Super Mario]

و بعضهم كان عليهم كلمة (( شكوو ))

لتلطيف الجو , وخروجا من الاسئلة التقليدية

ما عدا توزيع فريقنا ( Mix ) يعني حاطين 4 ضيوف وأنا وياهم وجايبين اسأله تخص المنتدى >_> .... حسيت بأنه خساره الفريق كانت بسبتي ... :

هذا المكتوب وهذي القرعة :laugh::
بس فريقكم كان ناااايم في القسم الثاني :xd:

مع اني حاولت أحصل على اخر فرصه كان من الممكن انها تكتب لنا النجاح وهي فقره الديك ... بس للأسف شكله الديك امكثر بالعشي وجايبينه لنا متعافي :whistle: .... وكانت نسبه فوزنا 99% .. لولا الإنزلاق الأليم :crying: ....

والله ضحكت عليك ضحك :xd:
اتمنى ان قولدن سن صايد لقطة الزلقة :xd::xd: لأن كامرة زيل و جنروك ما صادتك
بس يمكن القناص ريد فوكس صفر صادك بالشوتجن ماله :laugh::

 

[Snake-87]

وصلتني توه الدفعة القبل الأخيرة من الصور .. باقي كاميرة جولدن صن .
احمد (بوجريس) (ريد فوكس زيرو) يرسل تحياته مع هذه الصورة إلتقطتها للتو وهو يسلمني تصويره ويقول لكم : COoL

سوف تشهد أعينكم شيئا لم تشهدوه من قبل ..
انتظروا المفاجآت قريبا من .... RED FOX ZERO


تحرير /

اتمنى ان قولدن سن صايد لقطة الزلقة :xd::xd: لأن كامرة زيل و جنروك ما صادتك
بس يمكن القناص ريد فوكس صفر صادك بالشوتجن ماله :laugh::

للأسف ماصاده ظلمة T.T

 

[Majeed]

،،

 

[gaara 660]

ريدفوكس يبيلك شـوت جن على الإذن 😀

 

[s3rorh]

هذا المكتوب وهذي القرعة
بس فريقكم كان ناااايم في القسم الثاني

صحيح ... قبل العشا فزنا مرتين بالصداره .... بس بعد العشا الفريق حاشه خمول ( واحد مننا أخذ قيلوله ) و صار تشتيت للأفكار .. فا ما ادري يمكن الشباب تعبانين أو في واحد حط لنا مخدر بالعشا خوفاً منا

بس يمكن القناص ريد فوكس صفر صادك بالشوتجن ماله

ههههههههههه ضحكت لما قالوها الشباب .. كانت راكبه لما انقالت بوقتها

للأسف ماصاده ظلمة T.T

أفا ... ولا واحد صور الزلقه :crying: <<< نصاب فرحان على الأخير لأنه ما تصور

أخر أمل غولدن سن ... وانا سمعت بانه صورها واضحه :w00t:

 

[Super Mario]

والله الايفينت كله بصوب وانت بصوب :laugh: :xd::xd: :wow::wow:
والله عالم ثاني
رهيب يا رد فوكس

 

[G7Ga7]

ما شاء الله .. ما قصرتوا شباب الايفينت .. الكل طالع مستانس D:
عاد الله الله بالصور سنيك

رد فوكس يا كبير XD

 

[Snake-87]

شغالين على الصور .. ( لودنج:w00t🙂

محتوى مخفي

(ترى بالرسام ما عندي فوتو >.>)

 

[hamad 11]

^ هههههه خطيرة.

والله ريد فوكس شكله غير متوقع ابداً.. انا اطالب ترفعوا الـBanned عنه :w00t: والله مسوي جو رهيب بالمنتدى.

 

[general kane]

coooooool

يا ليت لو اني معكم:crying:

 

[Torpedo]

الحمد لله على نجاح التجمع هذا و واضح كالعادة تجمعات ترو جينمج ما تخيب أمل أحد .. من أفضل إلى أفضل و الحمد لله .. بانتظر تجمعات أخرى .. للأسف الظاهر هذه السنة ما راح أحضر أيفينت .. خيرها في غيرها 🙂

. فا خرجت عن خط القافله ومشيت جدامكم وهالشي تسبب بتضييع bnbn ....

لول .. فلاش باك الطريف لحفل توزيع الجوائز P:

 

[Colorization]

http://www.flickr.com/photos/rainbowcoloredpain/2659877676/

صورة التجمع اللي بالصفحة السابقة هي نفسها، لكن مع notes فيها إسم كل عضو (بعض الشباب ما عرفت أسماء عضوياتهم، والبعض الآخر مو مسجل في ترو جيمنج).

 

[king zell]

REDFOXZERO شخصية أسطورية خسرها المنتدى

لكن يمكن نشوف عودته قريبا جدا :xd:

 

[Snake-87]

^
الحمد لله على السلامة

صورة التجمع اللي بالصفحة السابقة هي نفسها، لكن مع notes فيها إسم كل عضو (بعض الشباب ما عرفت أسماء عضوياتهم، والبعض الآخر مو مسجل في ترو جيمنج).

احم .. نسيت جراح (بلاك أكس)
اطالب بصاحب رنة المسج ( كونّيجيوااااا ) يدزها لي على الخاص .. اتوقع بنبن :what:

 

[gaara 660]

الحمدلله على السلامه يا الكبير 😉

كولو راجع الصورة 🙂

فـي عضو مو كاتب اسمه 😀

black_X

تحت فول كونفيدنس 😉

سنيك بي بوس مو مسجل ضيف فقط 🙂