الموضوع الرسمي لـGuacamelee | الجوتي المكسيكي!

[M 7 L]

^

بحثت في لستور ولقيت اكثر من اضافة مادري وين اضافة المراحل >،> خربطة!

El Diablo's Domain ?

هذي هي الإضافة؟

 

[khaled 13]

^

بحثت في لستور ولقيت اكثر من اضافة مادري وين اضافة المراحل >،> خربطة!

El Diablo's Domain ?

هذي هي الإضافة؟

يس هي
وتستحق الشراء بالراحة , فيها تحديات ممتعة
الشيء الوحيد المحبط منه عدم وجود قتال زعيم جديد , كان راح يكون برفكت

 

[Master Assassin]

^
يعطيك العافية ، أخذت التروفي ولكن هذي المرة في تروفي شكلة علق وما يبغى يطلع وهو حق تكملة كل الصناديق في اللعبة اسمه
???Who put these here
جمعت كل الصناديق بعد ما طلعت عيوني وبالآخر ما طلع 🙁
في حل ؟

للصفحة الجديدة

 

[Output No. 3]

جمعت كل الصناديق بعد ما طلعت عيوني وبالآخر ما طلع​

🙁

تأكد مرة ثانية إذا مافي صندوق ناقص.. شوف بالخريطة إذا كل المناطق 100%

 

[Nasser]

^

بالضبط ، شوف اول منطقة .. اللي هي الكوخ الصغير .. فيها صندوقين هناك.

 

[Master Assassin]

^
على الخريطة كل المناطق لونها ذهبي !!!

 

[Output No. 3]

^
غريبة والله، الظاهر والله الاعلم قليتش @@

 

[Master Assassin]

خايف امسح التخزين وابدأ من جديد على الهارد ويروح تعبي على الفاضي كمان مرة

 

[Master Assassin]

بما إني مضطر أعيد اللعبة عالهارد بدأتها من جديد ودعست فيها كويس ودوبي قتلت Flam face
بجمع كل السكلز وبعدها بجمع الصناديق من جديد و يارب يطلع التروفي اللي علق معاي على النورمل وما رضي يطلع.

 

[M 7 L]

اليوم رجعت للعبة ونسيت ان فيه تروفي أخير ما اخذته قبل ما اترك اللعبة وهالتروفي ( i swat you ) واليوم اخذته ولأول مرة اخذ بلاتنيوم في اي لعبة من بداية الجيل ههههههههههه

سؤال/ شريت الـ dlc ولا ادري من وين العبهم، لازم نيو جيم؟

 

[Master Assassin]

اكتشفت ان اللعبة من جد صعبة عالهارد 🙁

 

[Master Assassin]

باقيلي تروفي واحد على البلاتينيوم 🙁
Who put these here حق تحميع كل الصناديق
متأكد جمعتها كلها ومرتين مرة بالنورمل ومرة بالهارد🙁 ، والخريطة 100٪

يعني الجليتش هذا ما لقا غيري
من جد تعبت في تجميعها وخصوصاً على الهارد .
في حل ولا أهكر التخزين . >>قهر 🙁

 

[Hero Zero]

أفضل لعبه لعبتها على المحمول السنه ذي وممكن الجيل ذا بكبره .

جد , اللعبه فاجئتني بمستواها الممتاز جداً , مستوى الأفكار وتنوعها او مستوى تطبيقها اللي اكثر من برفكت او القتالات الممتعه اللي تلقاها يا من البوسز او الوحوش بمختلف اشكالها , مدري وش اقول بس. اللعبه خلتني اسحب على زيلدا عشانها . اللعبه ما طفشت من تقديم افكار جديده ووحوش جديدين حتى في اخر مرحله في مسيرة القصه , وحتى مع كثرة القدرات اللي تأخذها عشان تجتاز الألغاز او تقتل فيها الوحوش اللعبه توزع التحكم بطريقه حلوه , تخكم بسيط عليك انت ياللاعب وما يخليك تلخبط حتى مع كثرة القدرات اللي تاخذها.

واحب اتكلم ايضاً عن القتال , في البدايه حسيت انه بسيط جداً وخفت انه يجيب لي الملل اثناء التقدم! , الين ما رحت لدجاجه في اول مدينه , قعدت تعلمني حركات , تظهرلي ازرار على الشاشه وانا ما علي الا ان احاكيها عشان اسوي ضربات ممتازه , ومقدار الحركات القتاليه اللي شفتها وقدرت اسويها كبير جداً!! , وكل قدره اخذها اثناء التقدم تزداد الخيارات لكومبوهات اكثر وابداع اكبر في القتالات!!.

واللعبه ما تترك سالم بعد ما تنتهي , في كنوز سريه والكثير من المهمات .. وممكن في المستقبل افكر في الدي ال سي اذا ما تشبعت منها .

9/10

ابغى الجزء الثاني بسرعه , وابغاه اطول عمراً وأفضل جوده.

 

[Nasser]

فرصة الجميع الحين انه يلعب هاللعبة بما انها Free للي عنده بلس.

فاهم اللي تقوله هيرو زيرو، اللعبة قدمت لي شيء كنت فاقده من زمن.

منقهر ان اللعبة ما ترشحت لأي شي في الـ VGX.

 

[Hero Zero]

اللي بيلعبها لازم يحط بباله ان نسخة الفيتا افضل خيار موجود.

منقهر ان اللعبة ما ترشحت لأي شي في الـ VGX.

ايش ؟ :scream:

اللعبه من أفضل العاب المحمول (على مستوى العاب الفيتا/الـ3DS) السنه ذي ومستعد اطلعلهم مليون واحد يوافقني بنفس الكلام.

مو غريب عليهم ما دام حطيلي تومب رايدر في الجوتي ليست!!.

 

[belmont]

اللي بيلعبها لازم يحط بباله ان نسخة الفيتا افضل خيار موجود.

ليش ؟؟
..
المهم شريتها اليوم على ستيم , اللعبه كم ساعه ؟؟

 

[khaled 13]

سيرسلي لا تفوتكم اللعبة
هي وريجو لاجاسي من أفضل العاب الاندي هذه السنه

ليش ؟؟
..
المهم شريتها اليوم على ستيم , اللعبه كم ساعه ؟؟

تقدر تنهيها في 57 دقيقة :evil::

 

[Solay]

^
وشي ريجو ليجاسي؟! وعلى أي الأجهزه؟ لا تقول لي ستيم بس.

 

[khaled 13]

^
نعم على ستيم :heart:

لكن راح تنزل على الـps4 في 2014

 

[Hero Zero]

ليش ؟؟
..
المهم شريتها اليوم على ستيم , اللعبه كم ساعه ؟؟

انا لعبتها على الفيتا , وأقولك ان اللعبه جداً مريحه مع الجهاز , خصوصاً ان تحكم الجهاز لايعلى عليه من ناحية انالوج وخفة الأزرار والى اخره.

خلصت اللعبه في 7 ساعات على النورمال.

 

[Hero Zero]

اي واحد يعاني من مشكلة "تروفي الكنوز" :

المشكله مصدرها الباتش الأخير للعبه , اللي ما ثبته لا يثبته اللعبه بدونه مو خاسره شيء , اللي ثبته يرفع تخزينته على الكلاود ويحذف اللعبه ويحملها من جديد بدون الباتش.

طريقه مجربه + قريتها من بعض المصادر في الإنترنت.

______________________________

بقيلي حتى الأن كم تروفي وأجيب البلاتنيوم.

وأفضل شيء في اللعبه وفي طريق البلاتنيوم تجميع الكنوز ! , جداً ممتع وبعض الكنوز اماكنها صعبه , انا كان بقيلي كنزين عصرت مخي عشان القاهم يومين , واحد في الصحراء وواحد في الغابه , طبعاً الله يخلي العم يوتيوب بفضل الله ثم بفضله لقيتهم (وبعدها جتني مشكلة التروفي وحليتها).

 

[belmont]

حالياً انا بـ sierra morena , توني هزمت البوس الناري مدري وش اسمه
كم بقالي على نهاية اللعبه ؟؟

 

[Hero Zero]

^
ما بقيلك شيء كثير.

انصحك و أنصح اي واحد قاعد يلعبها الأن : بعد ما تختمها تبدأ تجمع الكنوز وتسوي المهمات , اللعبه نص متعتها في الشيء ذا لأن في كثير كنوز عشان تصلها تحتاج تعدي عقبات وغيره ويبغالها تفكير , وبعضها مخفي بطريقه ما يخليك تلمحها بسرعه , وغير الكنوز في القناع اللي يخليك تطلع النهايه الثانيه , هذا لحاله لعبه ثانيه عشان تجمعه 😱pen_mouth: انا لقيت منه اربعه والأثنين الباقيين فحمت وانا ادور عليهم :/.

بس قمة المتعه!!

 

[belmont]

^
ممكن أرجع لها بعدين .. عندي ألعاب واجد بستيم يبي لي أخلصها

 

[Nasser]

^

لا ، نصيحة أرجع لها على طول بعد آخر بوس فايت. الحاجه هذي مست ترى وفي تحديات هي اللي تبرز جمال اللعبة ..

 

[Master Assassin]

اي واحد يعاني من مشكلة "تروفي الكنوز" :

المشكله مصدرها الباتش الأخير للعبه , اللي ما ثبته لا يثبته اللعبه بدونه مو خاسره شيء , اللي ثبته يرفع تخزينته على الكلاود ويحذف اللعبه ويحملها من جديد بدون الباتش.

طريقه مجربه + قريتها من بعض المصادر في الإنترنت.

______________________________

بقيلي حتى الأن كم تروفي وأجيب البلاتنيوم.

وأفضل شيء في اللعبه وفي طريق البلاتنيوم تجميع الكنوز ! , جداً ممتع وبعض الكنوز اماكنها صعبه , انا كان بقيلي كنزين عصرت مخي عشان القاهم يومين , واحد في الصحراء وواحد في الغابه , طبعاً الله يخلي العم يوتيوب بفضل الله ثم بفضله لقيتهم (وبعدها جتني مشكلة التروفي وحليتها).

مسحت اللعبة من الجهاز الآن ونزلتها من جديد وعملت لود للتخزين القديم وكل شي تمام للآن
كيف اكشف الكنز اللي باقيلي مع العلم اني ماخذهم كلهم ولا طلع التروفي

 

[Hero Zero]

^

نزلتها بدون الباتش اللي حجمه 60 ميجابايت ؟

ذحين بعد ما دخلت اللعبه لقيت كل الأماكن ذهبيه ؟

 

[Master Assassin]

^

نزلتها بدون الباتش اللي حجمه 60 ميجابايت ؟

ذحين بعد ما دخلت اللعبه لقيت كل الأماكن ذهبيه ؟

نزلتها بدون الباتش و في مرحلة Tule Tree صارت برونزية ولكن جوا المرحلة ما ظهر الكنز
في له طريقة غير البحث عنه في الخريطة


تعديل : حصلت الكنز
يعطيك ألف عافية حبيبي وما قصرت والله .

 

[Hero Zero]

لعلمك مو كل الكنوز تظهر في خريطة المكان , في بعضها لازم تلقاه بنفسك.

الله يعافيك واي خدمه انا حاضر.

 

[YaWad]

اللعبه جاتني هالشهر مع ألعاب البلس
قلت بجربها بس , التجربه أستمرت ثلاث ساعات ههه
كل شئ في اللعبه يشدك وما يخليك تترك اللعبه
الجيمبلاي ممتع بشكل مو طبيعي والموسيقى رائعه خصوصاً لما تنتقل بين عالم الأحياء والأموات
أيضاً الحوارات بسيطه و مضحكه وأيضاً قتال الزعماء فيه تحدي ممتاز
توني خلصت اللعبه و إذا لقيت وقت بعدين برجع أجمع أجزاء القناع

إلي جاته اللعبه مع البلس لازم يلعبها , اللعبه قصيرة وممتعه من بدايتها إلى نهايتها