احتمال كبير اني غلطان، لكن شيكت الصفحات الماضية على السريع و ما حصلت أحد علق على موضوع ايش تسوي بعدما تخلص كل قصص الثمان شخصيات.
ما راح احرق لأنه في الحقيقة ما فيه شيء ينحرق هنا. لكن باحط سبويلر احتياطاً عشان لا يتم صلبي.
انا الان خلصت كل الحلقات و لفلات شخصياتي كلهم من ٦٤ و فوق. كنت متحمس ايش بيحصل لما خلصت اخر تشابتر من اخر شخصية بقيت لي ألا و هي أ'نييت.
تدرون ايش بيطلع لك لما تخلص و تاخذ اخر صورة ختامية؟ و لا شيء!!!
يب و لا شيء!!!!
اللعبة ترجعك لقرية اخر شخصية و ما يعطوك أي تلميح… المفروض فيه شيء صحيح؟ مو معقولة اللعبة ما تعطيك ختام او علامة انك خلاص خلصت رحلتهم، صحيح؟
شيكت مواضيع من سنة ٢٠١٨ لما اللعبة نزلت و صراحة استغربت لما شفت اغلب التعليقات حينها قالوا خلاص انت خلصت اللعبة و ما بقي لك الا انك تلعب المهمات اللي علامتها نجمة برتقالية.
تعرفون كم عددها؟ ممكن فوق المئة و بتزيد لما تخلص حلقات كل شخصية.
معقولة اني ملزم اخلص كل المهمات الجانبية اللي أغلبها ما راح يعلموك وين تروح او ايش المطلوب منك تسوي ؟ مرة ثانية عدد المهمات الجانبية أكثر من يأجوج و مأجوج.
قريت شوي و حاولت ابتعد عن اي سبويلر و صراحة مو مصدق السخافة اللي اشوفها.
طلع المفروض انك تخمن مهمات جانبية المهمة: المهمة الفلانية و العلانية و لازم تسوي كذا كذا عشان تكمل.
ما راح تفرق بينها و بين مهمات الفيلير. و حتى لو حاولت تقرأ كل شيء مستحيل استحالة انك تعرف ايش المهمات اللي المفروض تخلصها بدون اي تلميح او شرح!
انا الان استوعبت ليش وقفت ٤ سنوات بعدما خلصت نص اللعبة. اللي صمم اللعبة كان يبغى يصمم لعبة كبيرة بحيث مستحيل شخص واحد يخلصها لوحده. لازم يرجع لنظام التسعينات بحيث يسأل اللعيبة عن الحل او يدور قايد.
اسلوب القرايندق ، الكومبوز، زراعة المال و الايتمز، خلط المهارات بين الاشغال ، كنوز و جوبز مخفية و مهارة ألڤين الخاصة خلاني اشك انه ممكن الغاية انك تلعب و في يدك قايد…. الان انا متأكد ١٠٠٪ انه هذا كان قصدهم لأنه مستحيل اي احد يكتشف المفتاح السري للختام كذا لوحده الا اذا كان مجنون و ختم كل مهمة جانبية في اللعبة كاملةً.
صحيح و اتذكر نصها لكن النص الاخر راح في طيات النسيان لاني قريتهم قبل ٤ سنوات.
من الأخير: اذا تبغى تكمل بعدما تخلص كل الشخصيات،خلي قايد في يدك او اذا عندك طريقة تسوي
هو مدري هل يسوى اساسا اكمل بعد ما اخلص قصص الشخصيات ولا كيف. للحق لكن اصلا لسا يادوب مخلص اول شابتر لكل شخصية ووقفت.
خلني انصحك عشان لا تتعذب:
بما انك تلعب الرقاصة ، عليك بهذا السكل اذا انك ما تبغى تسوي قرايندق - ما الومك - :
ماكس بووست و شغلها. راح تسوي ٤ رقصات متتالية كل رقصة بيكون لها اثر ايجابي او سلبي، انت و حظك حرفياً.
اللي انت تبغاه : ١٠٠ مضروب للاكس بي او الجوب بوينت.
عارف ان البعض بيعارضني ، لكن الرجل عنده ٨ شخصيات و اذا ما سواها على الاقل مرة راح يطول في القيم.
اهم شيء تسجل بين فترة و فترة خاصةً اذا اخذت شيء كويس ، لان واحد من الافيكت : قتل كل الفريق و تاخذ قيم اوفر.
و نسيت اضيف : هذه ما راح تطلع لك الا لما تسوي ماكس بووست لفل ٤.
