hits counter

الموضوع الرسمي لـ كمال الأجسام

Xeon-Q8

Xeon-Q8

True Gamer
الـسلام عليكم ورحمه الله


كيف الحال ياشباب ..

ان شاء الله راح يكون هالموضوع خاص لجميع المواضيع المتعلقه بـ لعبه كمال الأجسام
من تمارين وكورسات بروتين او هرمون .. استشارات .. اسئله .. اللي بخاطرك :xd:

انتظرت الشباب ينزلو الموضوع .. طلعوا معتمدين علي 😛
 
التعديل الأخير بواسطة المشرف:
راح ابتدي في طرح مشاركه بسيطه 😛

توني طالع من كورس تنشيف .. والحمدلله النتـايج كانت طيـبه
نزول في نسبه الدهون .. وبروز العضل بشكل واضح

استخدمت في الكورس :
whey protein
amino 2222 tab
glutamin
والمنتج الرئيسي ANIMAL CUTS

نسبه الدهون قبل : 22%
بعــد : 17%

الحين في فتره راحه لمده اسبوع .. وناوي ابتدي من جديد :smug:
بس ودي اغير من ANIMAL CUTS للـ OxyElitePro


arnoldx.gif

شرايكم ؟
 
التعديل الأخير:
كان افضل لو اسم الموضوع بناء الااجسام بدل كمال الااجسام. لاان الكمأل لله جل و تعالى فقط.

اذا تبي تصير مثل الي بالصورة لاازم تطق ابر هرمونات نسائية علشان تحصل صدر مثل الي بالصورة 😀
 
ان شاء الله راح يكون هالموضوع خاص لجميع المواضيع المتعلقه بـ لعبه كمال الأجسام
من تمارين وكورسات بروتين او هرمون .. استشارات .. اسئله .. اللي بخاطرك :xd:
أنقر للتوسيع...

اشوف مالها داعي .... اللي يبي هالشغلات يروح منتديات ثانية بس مش هنا ....
 
التعديل الأخير:
ياجماعه شفيكم لول
هذي اللعبه ..
 
اولا: كمال اجسام وليس بناء اجسام ... لان الشخص يسعى للوصول الى جسم يكاد ان يكون مثالي.... وبعدين كمال اجسام هذا الاسم المتداول

ثانيا : انا قلت كورسات بروتين ... اقصد فيها المكملات الغذائيه .. مثل بروتين الواي وسنثا6
الهرمونات .. محد يلعب حديد وينكر وجود مستخدمي الهرمونات !!
فاللي حاب يسال عنها فراح يلقى مننا تفاعل .. هذا اللي اقصده
لها خطورتها .. لاينكر هذا الشي الا جاهل

يقول المثل ... " عرفت الشر لا للشر لكن لتوقيه .. فمن الناس من لايعرف الشر يقع فيه"

تمام 😛
 
التعديل الأخير:
يعني انت تستخدم هرمونات :sadwalk:
 
لا ياقلبي ..لول
عندي شويه معلومات

انا ضدها لعلمك
 
السلام عليكم :tongue:
خل نسأل يمكن نستفيد p; انا صارلي 5 اشهر ألعب ( مبتدأ :innocent:: )
انا توني مخلص فترة تنشيف ( 6 اسابيع ) و نزلت بالوزن لي 75
و مو قاهرني إلى lower Abs إلي مو راضيه تروح :confuse:
لأني مسوي رجيم من قبل بس الحمدالله ماكو ترهلات !
في تمارين خاصة تمحيها من الوجود بسرعة ؟! + انا انشاء الله راح ابلش تنشيف لمدة شهر !
و راح اخذ
1- BCAA
2- iso pure
3- Nitrix
4- glutamine
5- fish oil

و كنت مفكر بالـ animal pak بس قالولي وخر عنه ! :sadwalk:
 
وعليكم السلام

ممتاز .. برافو عليك يابطل ^_^
بطبيعه الحال الـ lower abs اصعب مكان تتجمع فيه الدهون .. عليك بتمارين المعده
مايشيل هالدهون إلا تمارين المعده السفليه .. عموما الـ six packs ماتبين إلا لما تكون نسبه الدهون عندك اقل من 10%

والتمارين ثاني شي ^_^

BCAA .. ممم .. جربته فتره .. مافرق معاي .. البروتين البودر كان كافي
iso pure ممتاز .. Nitric حلو لبروز العروق .. يعطي شكل جميل للعضله 😀
glutamin .. وزيت السمك شي ضروري .. ^_^

انيمال باك عيبه الحبه رقم 11 في الصوره
animal-pak-pills.jpg


تحتوي على انزيم بيبسين الخنزير .. وتم تأكيد هالشي من صوب الشركه :sadwalk:

عموما مكملات ممتازه

ربي يوفقك يابطل ^_^
 
أفصل بديل للانيمال باك

اوبتي من
opti_men_130_black.jpeg
 
انا مابي 6 packs الحين لأنه يبيلها شغل :sadwalk: !
بس يظل الـ 6 packs اهو الطموح :innocent::
يعطيك العافية و شكلي بجربه لأني قريت عنه و الكل يمدحه
 
اسمه دمار الاجسام الي بيعتمد على هالحبوب
 
بالعكس ! في اشياء مفيدة و طبية بعد
amino مافي اي side effect
fish oil اتوقع اي واحد يلعب اي رياضية او يسوي رجيم ياخذه ! و أغلب هالأشياء تعتبر مكملات غذائية
الأشياء اللي تضر اهي الإبر و الهرمونات
و المحفزات ! تعتمد على جسم اللي ياخذها لأنه ناس تفيدهم و ناس تضرهم
 
^^
صح كلامك لأن لكل رياضة مخاطرها و اكيد في حل عشان الواحد مايصير فيه شي
و كل واحد عنده رياضيه يحبها او هواية
 
كلمة كمال أجسام أو الجسم المثالي كلمة عامة جدا وتختلف من شخص لآخر، يمكن الأغلبية تعتقد أنها تعني الشخص المنفوخ اللي ما يعرف يحك ظهره لكن أنا أشوف الواقع غير ذلك.

عن نفسي أتمرن خفيف وفي البيت وعلى حسب الفضاوة وما أستخدم حبوب وبروتين ومكملات غذائية (والوالد ضدها تماما)، أكلي دائما صحي من يوم ما فتحت على الدنيا ولا أشرب غازيات وخرابيط، أنا من الناس اللي من خلقته جسمه ناشف وخفيف جدا... وكنت ضعيف جدا قبل سنوات لكن هالشيء تغير الآن، يمكن المظاهر تخدع لكني تحولت من شخص ضعيف إلى شخص قوي جدا.

الناس أجسامها تختلف أنا من النوع اللي هيكل جسمه نحيف للغاية ومهما تمرنت راح يصبح جسمي مفصل ونحيف في نفس الوقت فقط، وزني يزيد بصعوبة بالغة بل ما يزيد أبدا، مو لازم تكون مثل الجدار ترى العضلات الممرنة جيدا والقوية أهم من الشكل... لأني أكرر مرة ثانية الناس أجسامها مختلفة فلا تحزن لو كنت عريض أو كبير بزيادة وجسمك مو راضي يتفصل بسرعة، بالنسبة لل abs فالموضوع سهل جدا الله يخلي ال sit-ups ومع الوقت بتقدر تسوي مئات في اليوم، ومو لازم تبرز عضلات البطن لأن مقدار بروزها يختلف من شخص لشخص على حسب شكل جسمه واللي حوالين العضلات وحجم عضلاته والمسافة بينهم...إلخ.

rbtrD.jpg


وهذا أنا حاليا، طبعا جسمي راح يظل هكذا دائما إلا لو الأكل صار له تأثير في يوم من الأيام وقدر يزيد وزني... بس ما يهم طالما أستطيع الركل واللكم والقفز أحسن من أي أحد :xd: :spy:
 
قابلني شخصيا وأوريك المجاعة XD، كثير من لاعبين ال Martial Arts ما عندهم أجسام مثل الجدار، هدفي أوصل وزني لوزن قريب من وزن بروس لي، بروس لي للمعلومية على الرغم من قوته الخارقة جسمه ما كان يختلف كثيرا عن ذلك.
 
التعديل الأخير:
لوول !! مجاعة !!
هذا الـ fitness :tongue:

انا من النوع العريض من فوق و قبل كنت العب و اكل اي شي ماكنت انظم اكلي بس من بديت انشف بدت العضلات تبين عالخفيف !
 
أيه هذا ال fitness ويش عرفك نواف، وعلى طاري الفيتنس تراني من النوع اللي ما يتعب بسرعة.

بعدين يتهيأ لي وإلا شباب الكويت واجد منهم يتمرنوا ما شاء الله؟ لو عندكم حل يخليني أرفع وزني لمنتصف السبعينات راح أكون شاكر :happy:، قلت لكم البروتينات ما راح أستخدمها... وإذا على الأكل؟ أنا من النوع اللي ياكل واجد بس ما أقرب الأكل غير الصحي.
 
أنا ولد خالتي نقسك جسمه ما يخزن دهون
سأل المدرب قاله أكل كل شيء تشوفه حتى لو ما كنت جوعان و شوف جسمك شلون يصير !
و يوم دخل النادي كان وزنه 65 و وصل 72 بس للأسف قطع نادي بسبب الدراسة
 
المشكلة أنا تجيني فترات آكل فيها أقل من المعتاد (مع أني أكلي كثير بشكل عام) والسبب هو الدراسة والانشغال... لول على الأقل أحسن من الناس اللي يمتنوا في هالحالة ويعانوا من السمنة، أنا على الرغم من أني أعتبر طويل نوعا ما إلا أن المشكلة مو بوزني بل مثل ما قلت هيكل جسمي ما فيه عرض نهائيا... وزني ما عمره زاد عن 58، شيء ما يزعجني بالعكس مبسوط وكيف ما أنبسط وأنا شخص كل من يعرفني جيدا يشهد لي بالقوة وأنا أدرى بهذا الشيء أكثر من أي أحد.

أنا ودي أرفع وزني ل75، ما هو شيء مستحيل لكن صعب ويحتاج وقت طويل جدا.
 
لول ... إذا تبي تسوي إلي براسك لازم تكون عندك ارادة
أنا من اللي بس يخربط شوي بالأكل وزنه يزيد بسرعة ! مرتين مسوي رجيم و نازل بكل مرة أكثر من 20 كيلو !
بس الحمدالله الحين محافظ
 
zero اذا عرفت طريقة لاتنساني .. انا وزني 55 وعمري 18 .. احس الستاندرد مايكون اقل من 63 ( ونص :tongue: ) رغم اني اكل كثير بين الوجبات الرئيسية .. واكل المطاعم مايوقف .. ليكون عندي دود بس : (

+ قبل كم يوم كان عندنا محاضره لياقة وسوينا تمارين كثيره وانا انسان بلا لياقة .. من بكرا حسيت بشد جهة البطن خاصة اذا شديت نفسي يجيني الم .. سألت واحد عندنا بالشعبة جسمه ماشاء الله بيرفكت ويمارس الرياضه قالي هالشي طبيعي لان ماعندك لياقه + شي ممتاز .. بغيت اتاكد من كلامه بس .
 
سالفة رفع الوزن ما تهمني كثيرا ومو قلقان لأجلها مثل ما قلت لكم سابقا، ترى كلامي كان أغلبه من باب الدعابة لا أكثر :happy:، ولد عمي جسمه مثل جسمي بالضبط تقريبا الفرق أنه أعرض وأطول بشيء لا يذكر... لكن الفرق بيننا في الوزن أكثر من 20 كيلو! يعني 22-25 كيلو جرام بالراحة، هو من النوع اللي نقول عنه بالعامية "عظامه ثقيلة" :xd:، هو أيضا قوي ورياضي بس أنا أقوى منه بفرق برضوا.

بالنسبة للياقة وال stamina هذه تعتمد على التمرين والاستمرار عليه، يعني أنت لو تستمر عليه فترة وتحاول بجد أضمن لك توصل مستويات خرافية. يا رجل أنا أقدر أسوي مئات ال Sit -ups باليوم وأسوي 300 متواصلين مو مشكلة، في اليوم الواحد طبيعي أسوي 350-400 حتى لو كنت تعبان، هذا اللي خلا بطني يصير مثل الحجر فوق ما هو ناشف من الأساس.
 
أهو عموما أي شخص يمارس رياضة لأول مرة لازم يكون في ألم .... إلي بيلعب حديد لازم بالبداية يبدي فترة ' الشامل ' و تكون لمدة أسبوع أقل شيء ... من أول يوم لي 4 أو 5 يوم ماراح تقدر ترفع أيدك من الألم ! بس بعدها كل شيء يرد طبيعي
 
بالضبط هذا اللي كنت أقصده، يعني أول يوم بتحس بألم (حتى لو كنت منقطع فترة ورجعت) وبعدين خلاص كل شيء تمام، ومع التعود ما بتحس بشيء ولو زادت قوتك العضلية (واللي لا تقاس بشكل الجسم ولا الوزن أبدا) بتقدر على أوزان أكثر ولو ما زادت الأوزان كثيرا بتزيد الreps بشكل كبير وبتقدر تسوي عدد أكبر، وفوق هذا بتخلص تمرين وأنت ما تحس.

أنا أقدر ألعب 80-100 كيلو جرام في ال Leg squats وهذا الوزن أثقل مني بكثير، وفي ال Leg press كنت ألعب أوزان أثقل، ما في شيء مستحيل مع العزيمة.
 
يجب تسجيل الدخول أو التسجيل كي تتمكن من الرد هنا.
عودة
أعلى