همم ، اهم شي البلاك فرايداي ، تابع حساب العاب امازون على تويتر . نيوجاف بنفسه يحطوا مواضيع عن التخفيضات لو كانت كبيره ، تابع حسابهم على تويتر.
اشترك بالمايلنج لست، او سويلك ايميل للoffers o mailing list زي ما انا مسوي .
طرق كثير ، بس ابحث شويتين. 🙂
شكرا على النصيحة : )
already أتابع الفارس المجهول Wario64 و NeoGAF و بالفعل استفدت منهم كثير في صيد العروض.
شكرا لك بدأت أتابع حساب Amazon Video Games, و ان شاء الله هالـcombo يفيد مستقبلا : )
اوكي اياد بعد ماوصلت الشحنة للبحرين اقدر ارد على استفسارك بخصوص الشحن والمدة
الباكيج حقي اللي هو مجس5 كليكتر اديشن ولعبتين ثانيين.مدة الوصول الزمنية موضحة فالصور*من تحت لفوق*.4 ايام استغرق وصولها من يوم طلعت من امازون وهي فطريقها للكارير الين ماوصلت البحرين.ولو وصلت الصبح او الظهر كنت استلمتها اليوم لكن بما انها وصلت بالليل فبكرا هي عندي.مدة جدا معقولة بهذ السعر.للعلم انا اخترت التكلفة الاقل للشحن لاني مو مهتم باليومين اللي بيفرقو للوصول اهم شي راحت الجيب لوول.وخذها قاعدة انه تاريخ التخمين تقديري وفالغالب توصل قبل التاريخ المخمن او بالاحرى كل طلبياتي اللي وصلتني عن طريق هالخدمة وصلت قبل التاريخ المخمن بايام.كمثال هالطلبية مخمن انها توصل 14 سبتمبر ومثل ما انت شايف وصلت متى
فيه عوامل تاثر على سرعة الوصول منها عوامل التعرية*الويكند والاجازات عندنا وعندهم
😀*.او مواسم الذروة مثل عطلة نهاية السنة والخ.لكن فالوضع الطبيعي مثل ما تشوف السرعة مرضية بالنسبة لي لاخر درجة واكثر.للعلم خدمة شوب اند شيب تاخذ فوق 7 ايام من تاريخ وصول الباكيج للميل بوكس الين استلامها.فرق مهول بتقليص المدة ناهيك عن التكلفة اذا كان الباكيج فيه وزن بن كلب مثل باكيجز طلبية ويتشر3 والاغراض اللي معها اللي كان وزنهم اكثر من 8 كيلو لو جبتهم عن طريق خدمة شوب اند شيب كانو صلخوني بسعر لا يقل عن 240 ريال+ ناهيك عن التاكس المحسوب على ظهرك وانت مو عايش في امريكا اصلا.اما الشحن المباشر مافيه تاكس ولاهم يحزنون.قيمة الاغراض+تكلفة الشحن=المبلغ الكلي
هني اهم نقطة في خدمة امازون الدولية.انت لما تدفع قيمة الشحن وقت ماتسوي اوردر معناه انت دفعت*كل*شي من ضريبة جمرك وتخليص الى اخره*مكتوب حرفيا بصفحة تعريف الخدمة*.ماراح تدفع*ولا فلس* زيادة وقت مايوصلك طلبك لا لشركت شحن ولا غيرها.وفيه شغلة ثانية السيرفيس لهذي الخدمة مختلف عن السيرفيس اللي يستخدم في خدمة شوب اند شيب بما ان الاغلب ارامكس بتكون هي الكارير لتوصيل الطلبات للسعودية حالها من حال البحرين.اول اختلاف مدة الشحن تتقلص لقرابة النص تقريبا.ثاني اختلاف الباكيجات ماينفتحو نهائيا يجونك مسكرين مثل ما امازون طرشهم.الباكيج الوحيد اللي انفتح هو كرتونة كوليكتر ويتشر3 لان حجمها يخوف لوول.اما غيره مافي ابدا كلهم مغلقين بستيكر امازون.الاختلاف الثالث واللي انا متاكد منه بنسبة 90% ان الامور الجمركية يخلصونها قبل ما تنشحن البضاعة لهذ اعتقد مايتم فتحها.على عكس الباكيجات اللي كنت استلمها عن طريق خدمة شوب اند شيب مافيه مغلف ما انفتح والجمرك حقهم الظاهر يتم تخليصه لما توصل الطلبية لبلد المستلم.يعني فالمطار.هذي ملاحظات بانت لي من اول مرة اتعاملت مع الشحن الدولي من امازون.شركات الشحن مثل دي اتش ال وفيديكس من ضمن الخيارات اللي ممكن توصل طلبك بس مدري سياسة الاولوية لامازون كيف تسير هل يختارو على حسب تكلفة الشحن اللي انت تختارها وقت ما تسوي اوردر او كيف ما ادري.واذا الشحن حسيته سحر مع دي اتش ال صدق او لا تصدق الشحن مع ارامكس صار بالنسبة لي*واااو*من بعد ما كانو خياس وقرف عندي.من مدة ماتقل عن 7 ايام وفالغالب10 لين ما توصل بضاعتي الى دوشة ووجع الراس مع الموظفين وهواش التكلفة الى مشوار استلام الباكيجات.الحين وانا فالبيت يوصلني طلبي فغضون ايام بدون ما ادفع فلس واحد ولاهم يحزنون
😀
فرق يومين ما تعني لي شي انا شخصيا.اهم شي راحت الجيب عندي
😛.ولو ودك فخدمة التوصيل في يومين اختارها لانها موجودة ايضا في خدمة الشحن الدولي واعتقد والله اعلم انه الناقل بيكون في هالحالة دي اتش ال او فيديكس.والخدمة الابطئ تكون عن طريق ارامكس واللي هي 4 ايام نام واصحى تلاقيها خلصت لوول
بحاول في هاليومين اشتغل على الموضوع.المشكلة الجو ما يساعد ارجع من الدوام هلكان من هالرطوبة فما يكون عندي مزاج لشي بس بحاول.وانت لو نويت تجربها*وانا انصحك تجربها ولو مرة*راسلني وما يصير خاطرك اللا طيب.اهم شي يكون الطلب مجزي عشان تعرف تقارن بين التكلفة مع البقية
همممم, و الله كلامك مغري جدا! و السعر تقريبا نصف يلي ممكن أدفعه على شحنة مثل شحنتك.
مبروك الجهاز مقدما, ان شاء الله راح أجرب و لو مرة بشحنة تكون كبيرة بنفس الوقت ما فيها أشياء نادرة, حتى صار ما صار ما يكون الضرر كبير ^^"
في اختلافات بين البحرين و السعودية..
99% من الحالات ما في عندنا رسوم جمركية هنا للشحنات الشخصية للأفراد.
نعم شركات الشحن تقول عزيزي العميل قد يترتب عليك ضريبة جمارك للطلبات فوق الـ500 $, و مرة يقولك للطلبات فوق الـ100 $, لكن و لااااا مرة دفعت جمرك مع إني آخر شحنة دفعت عليها فوق الـ1500 $
من القصص يلي قرأتها يبدو الموضوع استغلال, و 99% من الحالات الجمارك أصلا ما تفتح الكراتين. و لااااا مرة انفتحت لي كرتونة خلال تجاربي الماضية مع الشحن سواء المرة الوحيدة مع UPS - جوالي من Amazon الألماني - أو كافة تجاربي مع DHL.
تعقيبا على موضوع القصص, يبدو في الكويت خصوصا و معظم دول الخليج عموما في قانون واضح و صريح بضرائب الجمارك, و المبالغ مو سهلة.
بينما هنا هي مجرد سرقة للعميل و تكون عادة من طرف موظف أخرق يحاول يكون فلهوي. هنا طالبهم فورا بأوراق الجمارك حتى تشوفها بنفسك و طالب بالتحدث مع مدير, فورا سبحان الله يقولك الضريبة سقطت و الخطأ منا!
بجميع الأحوال أدخل عليهم و أكلمهم إنجليزي و لما يطلب إثبات يشوف جنسيتي, فتحسه أصلا متلعثم و يالله يعرف يتكلم كلمتين إنجليزي و بس يريد يمشيني.
لكن مثل ما قلت, بالنهاية الخيار الأوفر هو الأريح للراس. فممكن أجرب الشحن مع Amazon يوما ما, و "لو" صار تأخير ما راح تقدر لا انت و أنا نطالب بالتسريع, لأن شحنتك صحيح وصلت ما شاء الله في ظرف 4 أيام, لكن فعليا لو تأخروا كمان أسبوعين ما يحق لك تطالب بشيء لأنهم عاطينك period معينة.
@ASWD عندي سؤال بخصوص الشحن، لو فرضا عندي أكثر من حاجة طالبها من أمازون ولنفترض أنهم من باعة غير أمازون، هل راح يتكفلوا أمازون بتجميعها لي في صندوق واحد ولا راح تجيني على دفعات؟
محمد تقدر تختار لما تعمل طلبية كبيرة برغبتك في الشحن, هل ترغب يرسلوها بسرعة و بالتالي ممكن تصل الأغراض متفرقة أو هل ترغم تجميعها و إرسالها في أقل عدد كراتين و بالتالي ممكن "شوي" تتأخر لكن تصلك في كرتونة أو اثنين.
بجميع الأحوال أنصح التعامل مع الـChat Support لـAmazon. ناس راقية جدا و محترمة جدا و لأي زلة أو خطأ أو حتى تطويل في المحادثة يعتذروا و يعطوك كوبونات 5 $ و 10 $ كتعويض عن إزعاجك.
و سبق و تكلمت عن تجربتي بشراء اللابتوب يلي وصلني و قطعة الـSSD يلي فيه موجودة لكن مفكوكة, و لأني احتجت أروح لصيانة Asus في الرياض حتى يثبتوها -مجانا-, عوضني Amazon بـ66% من قيمة اللابتوب, غير الاعتذارات و الترقية لـPrime لسنة مجانا.
Edit: أخونا ASWD جاوبك.
هممم, يبدو كل تجاربي مع Amazon كان البائع فيها Amazon نفسه؟!!
لأني دائما أشوف الخيارات يلي تكلمت عنها لما أعمل Checkout.
