hits counter

لعبتي قيد التخطيط و التنفيذ !

الحالة
مغلق و غير مفتوح للمزيد من الردود.
SuperSysom

SuperSysom

True Gamer
السلام عليكم !
طبعاً قبل فترة كتبت موضوع عن عناصر البلاتفورم إلى آخره ! عموما ً
قبل فترة دخلت مع فريق تطوير سعودي " إندي و جديد " .. دخلت وياهم و قمنا نصمم على لعبة لهم و بنبدأ فيها بعد الإختبارات !
و لعبتي بعدها مباشرةً .. حالياً أنا مع كم واحد قاعدين نجمع أفكار و نسوي كل شيء !
و نخطط للعبة و نزبطها !
حالياً .. طالب منكم الدعاء أن الله ييسر كل شيء !
جزاكم الله خير :heart:
 
التعديل الأخير:
نصيحتي إنك بكل بساطة تشتغل عليها و تشوف لوين يوديك الشغل أول و بعدين تعدّل.

و إنتبه من الكلام عن المشروع بزيادة. أحياناً الواحد يجيه شعور إنه أنجز شي حتى لو ما اشتغل عليه بس لأنه تكلم عنه لناس و ردوا عليه بشكل إيجابي.
و بالتوفيق.
 
الله يوفقك ..
عموماً ! نشوف وش يصير بالمستقبل !
 
صراحة لا مانع عندي من أخد لعبتك حتى ولو كانت لعبة ساعتين، نصيحتي المتواضعة لك أن تعطي للعبة أتموسفير خاص، ألعاب كـLimbo تمزيت بلمستها، لذا حاول وضع شيء يجذب اللاعب والإعلام على حد السواء للحديث عن لعبتك، ابتكر عالما غريبا، طبعا حتى إن كانت اللعبة بسيطة اصنع فكرة من خلفياتها، الأشجار مثلا أو البيئة العادية ستجعل تركيز الكل على أسلوب اللعب بشكل كبير لذا حاول اخفاء أي عيب باستخدام أتموسفير خاص.

الشيء الثاني أن تضع أساسيات اللعبة في البداية وحسب، كلاعب لا أريد أن أخد تلميحا لكل شيء وشرحا عن كل شيء، اصنع اساسيات اللعبة بشكل يجعلني أستخدمها وأكشتف وحدي، مثلا القفز، أعرف مثلا أن القفز على وحش سيقتله، لكن ضع مثلا عدوا لا يتأثر بالقفز، أو يتأثر بشكل معين كألعاب سوبر ماريو، الفكرة أن أخد الأساسيات ومن تم أكتشف كل شيء وحدي 🙂

الشيء الثاني، كثرة المراحل وخلط الأفكار وصعوبة المراحل قد تكون جيدة لكن شخصيا أرى هذا الأمر موجها لألعاب الهواتف والأجهزة المحمولة لذا أفضل أن تكون اللعبة التي سأخدها على جهاز ألعاب أو حاسوب لعبة ذات أتموسفير خاص وتضعني في بيئة لعب جميلة، ساحرة، غريبة 🙂

عموما بالتوفيق لك ولمن سيعمل معك، أعانكم الله وإن شاء الله تكون النتيجة حلوة.
 
نصايح مأخوذة بالحسبان ! اللعبة بتنزل عالبي سي و مخطط عمرها يكون 10 - 15 ساعة !
هو اللعبة لها شكل يميزها عن غيرها و فيه أشياء بتصير قريب لما نبدأ بإذن الله !
 
الله يوفقك ونصحيتي لك , لا تقلد احد مهما كان وفكك من مسطلح " الاستلهام" اصنع استلهامك من عالمك و مو ضروري الامكانيات , الابداع والابتكار بلاش
 
من الحين اقولك لا ترفع سقف توقعاتك فوق ، بما انها اول لعبة لك ما راح تجيك بالشكل اللي تتصوره ! خلك طموح لكن واقعي


الله يوفقك
 
لا تنسى يا صاحبي إن "البساطة" هي كنز ثمين، فلا تفكر حتى إنك تحذو حذو مطوري لعبة (الركّاز). والله يوفقك ^^
 
أبداً أبداً .. مخططين وضعنا و حاسب بإذن الله كل شي ! أستشير ألف مرة قبل ما أحط شي !!
و عشان كذا جاي أستشيركم ! تعلمت من الركاز درس أني ما أنسخ أي لعبة و أغير اللغة و أنزلها عشان تربح :::blush:::
 
http://im40.**********/mePwf.jpg

آرتووك سريع للعبة حقتي ..
فيه تلميحات كثيييير .. اللي يتوقعها فهو رهيب !
*رسمتها و انا أذاكر رياضيات*
 
الموضوع الرسمي ل(فكروا بدالي )

الله يوفقك في اي مشروع بس ما تحس انها حركة رخيصه انك تفتح موضوع رسمي للعبة ما بديتوا تشتغلوا عليها اصلا عشان تاخذ افكار من ناس ثانين بدل ما تشتغل عليها بنفسك ..
 
الله يوفقك ,

أهم شي لا تقع في ما وقع فيه مطور الركاز مع أنشارتد

تقع فيه انت بلعبتك مع سوبر ماريو !!

إنتبه !!
 
squall leonhart قال:
الموضوع الرسمي ل(فكروا بدالي )

الله يوفقك في اي مشروع بس ما تحس انها حركة رخيصه انك تفتح موضوع رسمي للعبة ما بديتوا تشتغلوا عليها اصلا عشان تاخذ افكار من ناس ثانين بدل ما تشتغل عليها بنفسك ..
أنقر للتوسيع...

الرجال من زمان عنده أفكار كثيرة و عرض بعض منها و ماشاء الله عليه موهوب , ومو عيب ولا "حركة رخيصة" يطلب التشجيع و عادي لو احد يساعده بفكرة , مو كلنا ننولد موهوبين مثلك :\
عموماً شكرا على مروروك
 
حالياً أنا اشوفك مجرد شاب تدفعه الحماسه بدون اي تخطيط للمشروع او حتّى هدف معيّن للعبة اللي ناوي تسويها.

مجرد قاعد تقول أشياء في نفسك ، لعبة بلاتفورم رهيبة ، طويلة .. 15 ساعة ، كذا كذا مرحلة .. الخ.

هالأشياء اللي تتكلم فيها ترى على الورق ووقت التخطيط للمشروع لا تتوقعها بتكون بسهولة كلامك عنها هنا.

صدقني أصعب شيء في تطوير لعبة هو التخطيط لها قبل كل شيء ، والأصعب انك تحدد هدفك وايش النتيجة اللي تطمح لها بكل واقعية ومصداقية مع قدراتك.

الشيء الآخر ، الإبداع .. اللمسة الإبداعية تختلف من شخص لآخر ، وتقديمك للمسة ابداعية يرتبط بتحديدك لهدفك.

مو أحاول أهوّل الموضوع انا ولا أحاول احبط ، مجرد أقول لك خليك واقعي واشتغل اكثر مما تتكلم. لا تستشير كثير ولا تستشير في كل شيء. هالشيء غلط ويوريني انك انسان بدون اي خطة او اي هدف.

لا تتكلم عن المشروع للكل ، مو كل ما مسكت واحد تقول له انا اطور لعبة وبسوي كذا وكذا وايش رايك ؟ التكتم على المشروع أفضل وانك تشتغل مع فريقك بدون ما تتكلم عن المشروع حتى توصل لنسبة معينة من التطوير.

انك تكون كونسبت متكامل للعبة و تسوي برين ستورمنج لكل افكارك وتحدد كل أهدافك اللي تبي توصل لها من المشروع وكيف راح يكون المنتج النهائي هذي أول خطوة في مشروع تطوير لعبة .. ومن كلامك في الموضوعين استشفيت انك ما قمت بهالخطوة حتى وهالشيء خاطئ.

أشتغل اكثر من ما تتكلم، ارسم صورة واضحة لهدفك وراح توصل لها لو استمر الطموح هذا معاك وما مات مع ابسط صعوبة او عقبة تواجهك بالمشروع. حاول تنظّم أفكار بينك وبين نفسك قبل ما تشاركها مع فريقك حتى .. فما بالك مع عامة الناس ؟

ان شاء الله ربي يحقق اللي في بالك ، موفّق سلمان وان شاء الله توصل للنتيجة اللي ترضيك في يوم.
 
الحين يصير ارسم بدفتر وارسم واقول هذا مشروعي بو اللعبة اللي فيها 50 ساعة لعب؟ ... ... ....
 
بالتوفيق سلمان 🙂

اممم نصيحتي لك ، كأول لعبة حاول تخليها قصيرة ... قصيرة ومبتكرة ، علشان تقدر تنزلها بأرخص سعر ممكن.

أما 15 ساعة لعب ... كثير جدا وبتتعب كثير وبينتج عنه -بطبيعة الحال - ارتفاع في سعر اللعبة ، واللاعب ما بيخاطر بمبلغ كبير نسبيا على لعبة مو متأكد من مستواها باعتبار إنه ما يعرف مطورها

بينما لو سويت لعبتك الأولى ونجحت - بإذن الله - بتكون بنيت فكرة جيدة عن اللعبة ، وبالتالي ممكن تنزل جزء ثاني بمحتوى أضخم وسعر أكبر كذلك ، واللاعب ما بيمانع يدفع سعر أكبر على لعبة جرب جزء سابق لها وكان حلو ومبتكر

فحاول تنزل أول لعبة لك ، قصيرة لكن مبتكرة جدا وبأفكار كثيرة وبسعر مغري ، وما يضر تكون سوبر ماريو هي مرجعك وقدوتك لكن المهم إنها ما تكون "ماريو عربية" وإنما لعبة بلاتفورم ممتازة بقدر ما ماريو لعبة ممتازة
هذا رأيي بناء على نظرتي ، والله أعلم.
 
VicBoss قال:
الرجال من زمان عنده أفكار كثيرة و عرض بعض منها و ماشاء الله عليه موهوب , ومو عيب ولا "حركة رخيصة" يطلب التشجيع و عادي لو احد يساعده بفكرة , مو كلنا ننولد موهوبين مثلك :\
عموماً شكرا على مروروك
أنقر للتوسيع...

عادي انك تطلب نصيحة او اقتراحات علي شي موجود و شغال عليه .. لكن لما ما يكون عندك شي الا (
حالياً . عاوز منكم أفكار لمراحل و أشياء رهيبة للعبة بلاتفورم بسيطة !) يعني بالعربي لسي ما بدا يسوي شي و يبغي افكار يبتدي منها ​
 
^
والله ما فيها حرج أخي الحبيب، ما هي إلا أفكار نجود بها 🙂 لا نحن ضيعنا شيئا ولا هو أفسد شيئا بطلبه، في النهاية أفكارنا دفعة معنوية له، لذا دعه يطلب الأفكار ويتحدث عن مشروعه لعله يكون له بذلك خيرا لا نحن ولا هو يعلمه 😉
 
بالتوفيق .. بس من الارتوورك احس ان فيها اقتباسات مب صاحيه من ماريو .. اول لعبه و ثاني لعبه اوكي ممكن تقتبس منها بس اللي بعدهم ابدا بعالمك و اتمسفيرك انت .. التقليد بالبدايه "للتدريب" فقط
 
بالتوفيق وشد حليك لا تتكيسل بتطويرها :::blush:::
 
نصيحتي لك، حط في بالك السؤال الآتي

وش اللي بيميز لعيتي ؟ او ليش الناس بتلعبها ؟ و حاول انك لا تقتبس، بالتوفيق
 
لكل اللي قالوا انه ما يصلح ذا الشيء و كذا ..
ذي اللعبة الولى و ما كنت متخيل انه اﻻن و في ذي اللحظات انه بيتوفر لي انشاء لعبة و فيني حماس مدري وين احطه .. عموما .. صار الموضوع ماله داعي .. شكرا لكم ..
و اللي حفزوني .. شكرا لكم كذلك .. ^-^
 
موفق اخوي بمشروع اللعبة

لكن عندي سؤال وش نوع المحرك الي راح تستخدمة في صنع اللعبة؟
 
SysomU قال:
لكل اللي قالوا انه ما يصلح ذا الشيء و كذا ..
ذي اللعبة الولى و ما كنت متخيل انه اﻻن و في ذي اللحظات انه بيتوفر لي انشاء لعبة و فيني حماس مدري وين احطه .. عموما .. صار الموضوع ماله داعي .. شكرا لكم ..
و اللي حفزوني .. شكرا لكم كذلك .. ^-^
أنقر للتوسيع...


عزيزي لا تظرب لـ رأي انسان سلبي من الانتر نت حساب الطالح تجاهله والصالح اشكرة ولا يهمك واعطنا المستجدات عشان الشباب يسعدوك بافكار او اي شي يحسن لو كان في اخطاء
 
معليش كم مره تم استخدام تاق "موضوع رسمي " من العضو نفسه ؟
و كم دبل بوست ؟ محتاجين موضوع يشرح القوانين و طريقه الاستخدام للمنتدى .. هذا من ناحيه
و من ناحيه ثانيه و معليش لو بكون قاسي شوي احسن الوضوع كله Attention seeking ..
 
الموضوع الرسمي لفوزي بمسابقة الرسم على الشرقية | موعدنا يوم 23 ديسمبر في الشيراتون XD

جائزتي ضاعت و أحتاج مساعدة " الدمام "


لعبتي قيد التخطيط و التنفيذ !


عناصر البلاتفورمنج الناجح ! - مساعدة في صناعة لعبة -


يعني بذمتك هذي مو سوالف تنكتب .. ومكانها بتويتر !!!:unamused:

احنا صحيح قلنا باننا موب خايفين على حبر المنتدى لا يخلص ... بس مو لدرجة تفل امها كل شوي موضوع يتكلم عنك .... وعنك فقط
 
التعديل الأخير:
s3rorh قال:
الموضوع الرسمي لفوزي بمسابقة الرسم على الشرقية | موعدنا يوم 23 ديسمبر في الشيراتون XD

جائزتي ضاعت و أحتاج مساعدة " الدمام "


لعبتي قيد التخطيط و التنفيذ !


عناصر البلاتفورمنج الناجح ! - مساعدة في صناعة لعبة -


يعني بذمتك هذي مو سوالف تنكتب .. ومكانها بتويتر !!!:unamused:

احنا صحيح قلنا باننا موب خايفين على حبر المنتدى لا يخلص ... بس مو لدرجة تفل امها كل شوي موضوع يتكلم عنك .... وعنك فقط
أنقر للتوسيع...


هههههه لا شكله الحال زاد عن حده اذا صعروره يكتب كذا
 
Wild Fox قال:
معليش كم مره تم استخدام تاق "موضوع رسمي " من العضو نفسه ؟
و كم دبل بوست ؟ محتاجين موضوع يشرح القوانين و طريقه الاستخدام للمنتدى .. هذا من ناحيه
و من ناحيه ثانيه و معليش لو بكون قاسي شوي احسن الوضوع كله Attention seeking ..
أنقر للتوسيع...

كنت باقول نفسك كلامك بس قلت بيقولي عني قاسي كالعاده .. احيان الصراحه تجرح و الواقع يكون قاسي بس لابد منه
 
الحالة
مغلق و غير مفتوح للمزيد من الردود.
عودة
أعلى