مطلوب لعبة WarioWare: Smooth Moves على الـWii .. اللعبه نازله من 4 سنوات و مخلصه بالسوق :(

[Saudi pro]

السلام عليكم

الي بالرياض و عنده هاللعبه على الـ Wii انا مستعد اشتريها بـ 50 ريال .. صدق انها قصيره و قديمه بس ودي اجربها

فاللي عنده اللعبه و مغبره على الرف و وده يستفيد منها يعطيني خبر 😀

 

[Solay]

عندي اذا تبي تبادلها بميتل جير كولكشن,بس بيع لا والله منب بايع.

 

[Saudi pro]

خخخخ Metal Gear Collection سعرها جديده بـ 190 ريال .. 3 العاب اسطوريه بـ CD واحد وشلون تبيني ابادلها بلعبه قديمه ام 3 ساعات و تخلص xD

حلوه "بس بيع والله منب بايع" خخخخخخ ما يحتاج تحلف ياخي 😀 .. خلها عندك بالرف تغبر لين نهاية الجيل لول الله يهديك بس

المهم كانك غيرت رايك و تبي تبيعها انا شراي .

 

[Solay]

عبدالمجيد علينا عروض رايفل سول ثلاث ألعاب وماادري ايش وعلامات تعجب وحركات تسويقيه,كولكشن زيه زي الكولكشنات الباقيه واسعارها كلها رخيصه ماتجيب 140,وسعر واريو جديدة أغلى على فكرة وخاصة ان اللعبه ميب موجودة الحين.

والحلف كان تأكيد لعدم البيع,ولا تخاف ميب مغبره واخواني مستلمينها كنت اببيعها واخذ لهم كوبي بس 50 ما تسوى المشوار و 10 الكوبي.

 

[Saudi pro]

و انا قايل شي غلط ؟ .. كنت اتكلم جد مب قصدي تسويق لول و بخصوص علامات التعجب ادري انها حركات تسويقيه رخيصه بس انا احطها عشان تلفت انتباه بعض العينات من الناس الي ماراح ينتبهون لمواضيع البيع الا بهالطريقه ولا تنسى ان الهدف هنا هو البيع حتى لو اضطريت انك تستخدم هالسخافات ترى مب عيب .. هذا فن من فنون التسويق مانيب فاضي اشرح لك اياه 😀

و بعدين الله يصلحك و يهديك رح كلم المحلات و شف كم سعر الكولكشن بعدين تعال قل بـ 140 ريال .. واريو اقدر العبها كوبي بجهاز ولد خالتي بس قلت اشتريها اصليه بسعر رخيص بما انها قديمه .. و ادري ان فيه ناس يغلونها و يستغلون انها مقطوعه بالسوق بس انا مسوي هالموضوع قلت يمكن فيه احد ما يبغى اللعبه و بيبيعها بسعر معقول .. و وش قصدك 50 ماتسوى المشوار ؟ اي مشوار بالضبط تتكلم عنه ؟ :laugh::

عموما الله يهني اخوانك باللعبه شي طيب انها ماراح تغبر .

 

[Saudi pro]

خلاص فيه ولد حلال بيبيع لي اياها بـ 60 ريال 🙂

ماقصرت يا سليمان .

 

[Solay]

لول داري انها حركات تسويقيه بس ههههه لا تطبقها علي ياخي..

وسالفة المشوار مشوار المقابله وبيع اللعبه ومشوار ثاني لجيمنيشن عشان نسخة الكوبي,عموما كويس انك لقيتها بحول السعر اللي تبيه,استمتع فيها وحاول تطلع الألعاب الجانبيه لأنها رهيبه.