hits counter

لعبة ركاز

^
يقولك لاتحكم على الشي قبل ما تجربه ويمكن اللعبه تطلع أحسن من انشارتيد و أنشارتيد أخذ الكثير من عناصر تومب رايدر
 
Mute City قال:
مستغرب من بعض الردود الي ما ادري إيش أقول عليها
أول شي ليش مخسفين بشأن العرب ؟ يأخي متى بنتقدم إذا النقد يجي من أقرب الناس لك

واحد يقولك مطور عربي = لا شكرا ( ليش إن شاء الله ؟ عطيني سبب واضح ؟ رحلة الالف ميل تبدأ بخطوه
بالنسبه الي يقول اللعبه كوبي بيست من أنشارتد طيب في ألعاب كثير أخذت عناصر من بعضها وبالعكس طلعت بالشكل المطلوب وممتازه
يا اخي هذا اول مشروع ترى وزي ما قلنا رحلة الالف ميل تبدأ بخطوه سواء الخطوه هذي كانت كوبي بيست أو مقتبسه بالكامل وغيرو إسمها
طيب يالي تتكلم وتقول هالكلام طيب ورينا قوم تلحلح يا منقذ المطور العربي

أنا مع المشروع سواء كوبي أو جديد كليا سواء فاشل أو ناجح وإن شاء الله من فشلهم يتعلمون وبالتوفيق لهم
أنقر للتوسيع...

عطني سبب واحد أصرف فلوسي على لعبة أهم عناصرها ملطوشة عيني عينك و لا، شكلها بشكل سيء جداً..

عشان إنهم عرب؟ بس لأنها محاولة لا تعني شيء، مطورين indie من كل بقاع الأرض اشتغلوا على أول لعبة لهم و أغلبهم قدموا شي جديد و مميز، حتى لو المنتج النهائي ما كان مستواه من أعلى ما يمكن، على الأقل حطوا طبعتهم الخاصة بدل ما يعملوا كوبي بيست
 
^
كلامك فيه شي من الصحه ويمكن تطلع في مستوى انشارتد ولا تنسى انشارتد إقتبست أفكار كثير من تومب رايد وأخذت جوتي
 
KAIN قال:
انت قلتها بنفسك أول خطوه و بدأت كوبي بيست يعني أيش تتوقع من الخطوات التاليه ؟

لحد يظن أني ضد التطوير العربي بالعكس لو هم عاملين لعبة اركاد مبتكره نقول مثل limbo احسن من لعبه كامله مقبسه من لعبه اجنبيه
أنقر للتوسيع...
ترى انشارتد مقتبسة الكثييييييييييييييير من تومب رايدر . ليه محد سوى زحمة ؟ عشان النتيجة كانت جبارة

و احنى هنا قاعدين نتكلم عن اول مشروع عربي عادي يقتبس من العاب ثانية اذا مطورين كبار قبلهم سووها .. صراحة مستغرب من ردة فعل البعض

تحرير:
يقولك لاتحكم على الشي قبل ما تجربه ويمكن اللعبه تطلع أحسن من انشارتيد و أنشارتيد أخذ الكثير من عناصر تومب رايدر
أنقر للتوسيع...
100%
 
التعديل الأخير:
السلام عليكم ورحمة الله وبركاته

مبدئيا يجب ان نحيي المحاولة التي تقدم فيها اللعبة وكما قيل مشروع اللعبة pre-alpha اي انه لازال امامهم الكثير لتعديل وضع اللعبة واستقبال الملاحظات والتوجيهات من اللاعبين
لعبة تقلد انشارتد شيء ممتاز عكس ما يقال عنه الجميع لكن هل فعلا تستطيع ان تكون شبه انشارتد؟! اقصد من حيث الاداء والمستوى
لا ننسى ايضا رغم ان اللعبة تعتمد على محرك لتشغيلها مما يجعل صنع اللعبة اقل تعقيداً ولكن
هل هدف اللعبة عالمي؟ فعلا؟!
كم تم تكلفة هذه اللعبة ؟ (هل هو كما الشركات الاخرى للالعاب العالمية من ملايين الدولارات) ؟
هل الفريق المطور للعبة تعلم من مختصين بالشركات المعروفة مثل : (شركات يابانية - امريكية - اوربية)؟ وما عدد المطورين في اللعبة؟
وهل لديهم خبرة في هذا المجال؟

هذه الاسئلة عندما نجد لها اجابة نعلم منها كيف سيكون وضع اللعبة وما ممكن ان تكون المستوى اذا كان يصل الى الالعاب العالمية او انها محاولة متواضعة لدخول السعودية لصنع الالعاب ولعلها خطوة لذلك ...
 
F.JUBRAN قال:
ترى انشارتد مقتبسة الكثييييييييييييييير من تومب رايدر . ليه محد سوى زحمة ؟ عشان النتيجة كانت جبارة

و احنى هنا قاعدين نتكلم عن اول مشروع عربي عادي يقتبس من العاب ثانية اذا مطورين كبار قبلهم سووها .. صراحة مستغرب من ردة فعل البعض

حدد درجة الاقتباس :

Unearthed-Screenshot1-1080-1024x576.jpg


من هذا الي في وسط الصوره

uncharted2.jpg


غريب هالتشابه الكبير ؟ هل ناثان دريك يشبه لارا كورفت على الأقل كان عملوا موديل شخصيات مبتكره أو غير منسوخه
أنقر للتوسيع...
 
^
بدل ما تجلس تتكلم وتنتقد ساهم وإرسل لهم رساله وقولهم عن وجهة نظرك والرجال الطيب قال إحنا لسع في المراحل الاولى من التطوير
يعني بدل ما تتفلسل وتدور صور يمين ويسار وتجلس تقول شوف تراه يشبهه وهذا نفسه
 
Mute City قال:
^
بدل ما تجلس تتكلم وتنتقد ساهم وإرسل لهم رساله وقولهم عن وجهة نظرك والرجال الطيب قال إحنا لسع في المراحل الاولى من التطوير
يعني بدل ما تتفلسل وتدور صور يمين ويسار وتجلس تقول شوف تراه يشبهه وهذا نفسه
أنقر للتوسيع...

اتفلسف لالا هل الحقيقه صارت تزعل هالأيام ؟
طيب عطني رابط ايميلهم أو موقعهم أرسلهم فيه عشان يصححون اخطائهم
 
طيب تقليد وعيني عينك كوبي بيست كيف ما كان ,,, أحنا أول ناس نسوي الشي ذا ؟

لا اليابانيين أخترعوا السيارات لا قلودوها في الأول صنعوها بكميات تجارية صدروها للخارج وبعدين جاء دور التميز ...

طيب السعوديين أول من صمموا الألعاب ؟ أكيد لا بس أكل العنب حبة حبة ...

ممكن شايف أنها صعبة ,مستحيلة أو أنه التوجه خاطئ اللعبة فيها كم هائل من الجليتشات ,الركاكة بس يبقى شغل جبار حتى ولو تم نسخ التفاصيل عشان الخطة الأولى هي أصعب خطوة وبعدها يتم تعديل الأخطاء الى أن نوصل لمرحلة التميز ...

بالتوفيق للركاز 🙂 ...
 
شباب لحد يزايد على انتماء احد ... لاتقول ساعد العرب ولا انت ضد العرب خلونا واقعيين وننظر للأمر بحيادية

مجرد انه فيه شركات عربية تسعى للدخول في هالمجال هو شيء مفرح ولا شك فيه

بغض النظر عن تقليد انشارتيد ... الفكره ماهي سيئه .. كم لعبة قلدت كول اوف ديوتي اللي اصلا كود قلدت ميدال اوف اونر وشوف الفرق حاليا

انا واحد من الناس كنت اعشق ميدال اوف اونر واول مانزلت كول اوف ديوتي شريتها وضحكت وانا العب تقليد اعمي لميدال اوف اونر بكل شيء نعم بكل شيء واخطاء تقنية غبية

تماما مثل اللي نقوله حاليا عن ركاز وكأن التاريخ يعيد نفسه ... لكن الفرق هنا ان المطور عربي فعلينا اولا المسانده والدعم والتشجيع ثــــــــم النقد والتوجيه والنصائح

كوننا لاعبين عرب وخلييجيين مهتمين بهالمجال والبعض منا لديه خبره كبيره وواسعه بجميع انواع الالعاب يجب علينا مد يد العون لهذه البدايات المتواضعه

نحن في عصر السرعه والتطور المتصاعد اللي كان يكتسب سابقا في 20 سنه قد تكتسبه الآن بأقل من 5 سنوات

اللعبه ماراح اعلق عليها خصوصا كونها في مرحلة الابتدائيه لكن اتنمى ان يكون فيه معارض ومؤتمرات لها ويسمحون بتجربتها مرارا وتكرارا لتفادي العيوب وظهورها بشكل لائق على الاقل كبداية

ومنها لأعلى منها ان شاء الله وان ننشر الاسلام عن طريق العاب الفيديو (حلمي من سنين) والله ولي التوفيق
 
عن نفسي فرحان جدا جدا في اللعبه بس لأنها من تطوير عربي وفريق طموح ويستاهل الدعم بما انه دخل عالم تطوير الالعاب خصوصا انها جريئه بشكلها و لأكثر من بلاتفورم ومنهم xbox + ps3 .. بغض النظر عن ان اللعبه مقتبسه او مقلده من UNCHARTED .. واذا كنت بشتريها بيكون دعم لهم لا أكثر .. اما اللعبه شكلها ترفع الضغط من المشاكل الي فيها .. او شكل الشخصيه وهو يركض -__-

بس متحمس اني اشوف انطباعات الأجانب عنها خصوصا IGN + GameSpot .. مادري ليش حاس ان تقييمها ماراح يتعدى 4 من 10 !!

وارجع اقول ان شاءالله يكون الاشيفمنت سهل :evil::
 
عن نفسي فرحان جدا جدا في اللعبه بس لأنها من تطوير عربي وفريق طموح ويستاهل الدعم بما انه دخل عالم تطوير الالعاب خصوصا انها جريئه بشكلها و لأكثر من بلاتفورم ومنهم xbox + ps3 .. بغض النظر عن ان اللعبه مقتبسه او مقلده من UNCHARTED .. واذا كنت بشتريها بيكون دعم لهم لا أكثر .. اما اللعبه شكلها ترفع الضغط من المشاكل الي فيها .. او شكل الشخصيه وهو يركض -__-

بس متحمس اني اشوف انطباعات الأجانب عنها خصوصا IGN + GameSpot .. مادري ليش حاس ان تقييمها ماراح يتعدى 4 من 10 !!

وارجع اقول ان شاءالله يكون الاشيفمنت سهل
أنقر للتوسيع...

هذا رد انسان عاقل

+999999999999999999999999999
 
لو كانت هاللعبة تُطور في كومينتي ثاني غير الكومينتي العربي كان بتشوف تشجيع , إنتقاد بذوق و أدب , دعم معنوي و مادي .
ماتدري إن الفريق صغير و ماله أي خبرة في تطوير الألعاب فطبيعي بدايته بتكون مُقتبسة من لعبة ثانية لكن في المستقبل راح يتطور و يكتسب الخبرة إلي تخليه يوصل لمرحلة الإبتكار .

بالتوفيق فريق سيمافور و بإذن الله كلنا راح ندعمكم .

لحد يظن أني ضد التطوير العربي
أنقر للتوسيع...

لعبه من مطور عربي, لا شكرا
أنقر للتوسيع...

واضح جداً إنك مو ضد التطوير العربي ..
 
شباب احد فيكم يذكر بداية فريق نوتي دوق؟ كانت تقليد فاشل لمورتال كومبات بلعبة وي اوف ذا وريور!

مافيها شئ انك تتعلم وبدأ من مكان ولكن اهم شئ انك تبدأ, اليوم نقلد انشارتد وبكره ان شاء الله نطور لعبتنا بالكامل من الصفر
 
شكلها Quantum Theory اخرى
بس مايهم التشابه بصراحة ....... اهم شيء يصلحون الأخطاء التقنية قبل تنزل اللعبة ولا راح تطلع نكته
 
^
^
صح ... عل اقل ان عندم الجرئه بتطوير لعبه .. حتى لو كان تقليد اعمى .. مافيها مشكله كبدايه !!

بس كنت دايم اتمنى ان الي يطور لعبه (من العرب) يحاول يسوي لعبه تتحدث عن البيئه العربيه 100% .. يعني شنو المشكله ان اللعبه تكون فيها شخصيات بلبس عربي بحت ومكان عربي بحت؟ عل اقل توصل الصوره للأجانب .. مثل ما احنا انلعب العابهم وفي بيئتهم ولباسهم وحتى كلامهم ومعتقداتهم !

عن نفسي اذا فكرت في يوم من الايام اسوي لعبه حتى لو للآي فون بتكون بطابع عربي شامل :lebb:
 
Painkiller Q8 قال:
^
^
صح ... عل اقل ان عندم الجرئه بتطوير لعبه .. حتى لو كان تقليد اعمى .. مافيها مشكله كبدايه !!

بس كنت دايم اتمنى ان الي يطور لعبه (من العرب) يحاول يسوي لعبه تتحدث عن البيئه العربيه 100% .. يعني شنو المشكله ان اللعبه تكون فيها شخصيات بلبس عربي بحت ومكان عربي بحت؟ عل اقل توصل الصوره للأجانب .. مثل ما احنا انلعب العابهم وفي بيئتهم ولباسهم وحتى كلامهم ومعتقداتهم !

عن نفسي اذا فكرت في يوم من الايام اسوي لعبه حتى لو للآي فون بتكون بطابع عربي شامل :lebb:
أنقر للتوسيع...

خصوصا اذا كانت عن الزير سالم ونوعها RPG
راح تطلع بيرفكت 😀
 
مثل ما قال الأغلبية اللعبية طبق الأصل أنشارتيد
حتى ما تعبو نفسهم وغيرو أسم اللعبة بالأنجليزي

يعني بدل الصينين ما ينسخون قمنا نحن الي ننسخ

لو صدق حابين يدخلون عالم الألعاب وينافسون المطور الياباني والغربي و الأروبي

بنشوف أحسن من هذي اللعبة
حتى لو كانت ميزانية اللعبة قليلة
بيصنعون أحسن من هذي اللعبة ​
 
G4mer قال:
مثل ما قال الأغلبية اللعبية طبق الأصل أنشارتيد
حتى ما تعبو نفسهم وغيرو أسم اللعبة بالأنجليزي

يعني بدل الصينين ما ينسخون قمنا نحن الي ننسخ

لو صدق حابين يدخلون عالم الألعاب وينافسون المطور الياباني والغربي و الأروبي

بنشوف أحسن من هذي اللعبة
حتى لو كانت ميزانية اللعبة قليلة
بيصنعون أحسن من هذي اللعبة ​
أنقر للتوسيع...

تتوقع ان هم مفكرين في "التنافس" مع المطور الغربي و الياباني والاوربي؟
 
اقسم بالله ردود غريبه وشي يرفع الضغط مع احترامي ,, بدل نخسف باللعبه ليش ماتقول هالكلام للمطور ؟ ماهو مطور غربي تقول مقدر اوصله والمطور قالها عطونا افكاركم طبيعي اول عمل يكون فيه اخطاء المفروض تدعمه يعدل هالاخطاء ونتقدم بهالمجال بدل التحطيم اللي مامنه فايده ,, كثير العاب تنسخ من العاب وماقلت هذي نسخت يعني رديت يوم انها من مطور عربي ؟؟ طبيعي نصير فاشلين بهالمجال دام مافيه دعم وانتقادات هدامه ,, انا متفائل جدا وهذي اول تجربه حتى لو فيها اخطاء اهم شي نبدأ ونعطي الضوء لهالمجال وتبدا المنافسه في مجال تطوير الالعاب عندنا وهالشي بيرجع لنا بفايده كلنا ,, محد بيطور العاب على فكره اذا كانت هذي ردة فعل الشارع والحكم على اللعبه بالفشل من مجرد معلومات اوليه ,, لاتصير نظرتك سطحيه فكر ايش راح نستفيد لو انتشر هالطموح في التطوير وصارت عندنا شركات تكون بمستوى عالي في هالاختصاص بالذات ,, بدل مانصارخ ((ليش احنا محد يدعمنا ,, ومحد درا عنا)) ,, ياخي ماعجبتك اللعبه وطلعت سيئه انت قاعد تناظر لبعيد مو بس تنجح اللعبه انت قاعد تنجح الصناعه نفسها انت تزيد الشعبيه وتفتح عيون كثير غيره قد يكونون منتظرين البدايه وعارفين انه بيكون في وجه المدفع واقرب مثال بعض الردود,, الموضوع اكبر من انه لعبة سيئه ولا لا ,, شباب لاتدققو على كل صغيره وكبيره في هاللعبه وتو المجال في بدايته وكفايه اننا بدينا ((واخيرا)),, وطبيعي اعصب دام اول بداية لنا البعض يحاول يقبرها ويقبر معها اي امل اننا نشوف العاب افضل بالمستقبل ,,


في النهاية آسف على اللهجه الحاده في الرد ,, وامنيتي النجاح لهاللعبه وتطلعات اكبر وافضل للقادم,,
ودعمي للعبه هو دعمي لهالمجال لالي نسبة في الارباح ولا لي علاقه بالمطور انما القصه ومافيها ان نجاح هاللعبه بيكون له ايجابيات كثير بتفيدنا احنا كلاعبين ويفيد منطقتنا على المدى البعيد,
 
.. كان عندي رد طويل لكن الأخ الحبيب طلع اللي في قلبي

شباب لحد يزايد على انتماء احد ... لاتقول ساعد العرب ولا انت ضد العرب خلونا واقعيين وننظر للأمر بحيادية

مجرد انه فيه شركات عربية تسعى للدخول في هالمجال هو شيء مفرح ولا شك فيه

بغض النظر عن تقليد انشارتيد ... الفكره ماهي سيئه .. كم لعبة قلدت كول اوف ديوتي اللي اصلا كود قلدت ميدال اوف اونر وشوف الفرق حاليا

انا واحد من الناس كنت اعشق ميدال اوف اونر واول مانزلت كول اوف ديوتي شريتها وضحكت وانا العب تقليد اعمي لميدال اوف اونر بكل شيء نعم بكل شيء واخطاء تقنية غبية

تماما مثل اللي نقوله حاليا عن ركاز وكأن التاريخ يعيد نفسه ... لكن الفرق هنا ان المطور عربي فعلينا اولا المسانده والدعم والتشجيع ثــــــــم النقد والتوجيه والنصائح

كوننا لاعبين عرب وخلييجيين مهتمين بهالمجال والبعض منا لديه خبره كبيره وواسعه بجميع انواع الالعاب يجب علينا مد يد العون لهذه البدايات المتواضعه

نحن في عصر السرعه والتطور المتصاعد اللي كان يكتسب سابقا في 20 سنه قد تكتسبه الآن بأقل من 5 سنوات

اللعبه ماراح اعلق عليها خصوصا كونها في مرحلة الابتدائيه لكن اتنمى ان يكون فيه معارض ومؤتمرات لها ويسمحون بتجربتها مرارا وتكرارا لتفادي العيوب وظهورها بشكل لائق على الاقل كبداية

ومنها لأعلى منها ان شاء الله وان ننشر الاسلام عن طريق العاب الفيديو (حلمي من سنين) والله ولي التوفيق
أنقر للتوسيع...

اللي حاب يتكلم عن اللعبة على عيني وراسي ينتقد نقد بناء يستفيد منه الكل ويحترمه ..
 
هو حنا نشوف لعبة (بمعنى الكلمة ) عربيه انا راضي ولو بجرافيكس بي اس تو -___-.
ان شاء الله اللعبة الجايه تكون ار بي جي بعالم الف ليلة وليلةT_T
 
شباب احد فيكم يذكر بداية فريق نوتي دوق؟ كانت تقليد فاشل لمورتال كومبات بلعبة وي اوف ذا وريور!
أنقر للتوسيع...

لول لا تكون تقصد هذي

[video=youtube;djcDFzCZusk]http://www.youtube.com/watch?v=djcDFzCZusk[/video]
 
إلي يقول اللعبة من مطور عربي سيئة .. خل يسوي نصها .

أبو واحد من الشباب يسولف :
شايب مو عارف يستخدم بطاقة البنك وشاف شباب وناداهم وقالهم شلون أستخدمها ؟ قالوله الناس وصلوا القمر وإنت مو عارف تستخدم بطاقة البنك ؟ قالهم شمقعدكم هني ؟ وراكم ما رحتوا القمر xD?
 
كنت اتمنى لو انهم سووا اميل للاقتراحات قبل العرض عشان يتسفيدون من اخطائهم الواضحة في اللعبة
والله اني اتمنى لهم النجاح لكن لو بتنزل اللعبة مثل ما شفت في عرض الجيم بلاي فللاسف ما اتوقع ابدا
 
^
ترى اللعبه في المراحل الاولى من التطوير

Snake-87 قال:
إلي يقول اللعبة من مطور عربي سيئة .. خل يسوي نصها .

أبو واحد من الشباب يسولف :
شايب مو عارف يستخدم بطاقة البنك وشاف شباب وناداهم وقالهم شلون أستخدمها ؟ قالوله الناس وصلوا القمر وإنت مو عارف تستخدم بطاقة البنك ؟ قالهم شمقعدكم هني ؟ وراكم ما رحتوا القمر xD?
أنقر للتوسيع...

أرفع القبعه لهالشايب

صحيح الي ينتقد اللعبه ليش ما يتلحلح ويقوم يورينا إبداعاته
كله كلام كلام وفالحين تنتقدون تذكروني بالطلاب الي لما يشوف مدرس كاتب
1-
2-
2-
4-
5-
يقوله عدل الإثنين وخلها ثلاثه
 
Snake-87 قال:
إلي يقول اللعبة من مطور عربي سيئة .. خل يسوي نصها .
أنقر للتوسيع...

+1

فعلا بدل الاستهزاء يورينا شغله هو , كخطوه اولى انك تحاول تصنع لعبه ضخمه هذا شي
ايجابي , الاقتباس -المبالغ فيه - سببه انه يريد يلعب في السليم عشان يضمن نجاح اللعبه
(يعني الان اي واحد كاجول راح يشوف اللعبه بيقول "ناثان عربي !! الان اشتري اللعبه لول ")

وكمان لا تنسوا الامكانيات والخبره تلعب دورها في تطوير الالعاب , فكخطوه اولى اشوف اللعبه
شي ايجابي , وبالتوفيق للفريق 🙂
 
التعديل الأخير:
يجب تسجيل الدخول أو التسجيل كي تتمكن من الرد هنا.
عودة
أعلى