Skies of Arcadia ريماستر و سيكويل ان شاء الله لو اونلاين (بل اشوف بوتنشال كبير بفكرة اونلاين للعالم) حرام هذي اللعبة ماتخذ فرصتها تكون سلسلة.
Panzer Dragoon Saga ريميك.. هذا الجزء بالذات انظلم كثير سواءا من فترة صدوره او ليمتيشن الهاردوير آنذاك اللي نزل عليه.
وابغى فيجن جديدة ريبووت لسلسلة بانزر دراجون تجمع كل شي عظيم تمثله السلسلة بالماضي انظمة الـRPG والاون-ريل شوتر بالاضافة لعالم مفتوح ومدن الخ العالم واللور عظيم جدا وحرام مايكون موجود باستمرار واشوف هذي افضل صيغة عشان ترجع العنوان اليوم ويكون له يوتنشال يستمر بشكل ناجح.
Virtua Fighter جديدة هو مطلب كبير جدا خصوصا اني اعتبرها الملكة بمجالها ودائما الاجزاء الجديدة عودتني على قفزات قوية بالجنرا محتاجينها بشدة لكن thankfully كل الاخبار الاخيرة بتشير الى وجودها قيد التطوير الان والمسألة مسألة وقت.
Valkyria Chronicles سلسلة عظيمة واشوف انه لها فرصة للنمو لو استمروا فيها لكن اذا الفريق شغال على لعبة RPG جديدة اقدر اتفهم تركها for now.
JSRF يس already سمعنا انه السلسلة جاية وهذا شي عظيم جدا خصوصا لما تكون ميزانية ضخمة وراه لكن المفروض JSRF ريماستر تنزل على الاجهزة الاخرى وماتظل حبيسة الاوريجنال اكسبوكس ومع الخبر الاخير الاحتمالية صارت كبيرة جدا.
Outrun 2 وسيكويل يكمل السلسلة لازم ترجع هذي السلسلة لانها قمة العاب الاركيد ريسر من وجهة نظري والجزء الثاني حاليا مش متوفر بأي ديجتال ماركت وهذا الكلام مايصير لازم يشوفوا حل لمشكلة اللايسنسز.
Crazy Taxi لطالما قلت انه هذا العنوان ينفع يحطوا فيه ثقلهم بريبووت ضخم وماتوقعت في يوم انهم يسمعوا الكلام ويحطوا ميزانية ضخمة خلفه.
Shining Force III Complete Scenario ريماستر مع جزء يكمل السلسلة هذا عنوان مايقل شيء عن العناوين المنافسة مثل فاير امبلم او تاكتس وشايننح فورس 3 بالذات لم تصدر لليوم سيناريوهاتها كاملة بالغرب. النجاحات الكبيرة لسلسلة فاير امبلم مؤخرا المفروض تعطي اشارة لسيجا.
Shinobi 3D ريبوووووووووت من AM2 حقول هذا الشي الى أبد الدهر. كل ما اتخيل انهم يستخدموا الـVF انجن لتنفيذ المشروع يسيل لعابي.
نفس الشي اللي فوق ممكن ينقال عن Streets of Rage برضوا
وكلا العنوانين اعتقد اقدر اثق تماما انهم يكملوا 2D مع فريق ستريتس 4.
وعلى السيرة كون AM2 صار ضمن فريق RGG أتمنى يتدخلوا باعادة تصور لانظمة البيتم-ابز لسلسلة ياكوزا اذا فريق RGG ناوي يكمل معاها بأحد العناوين مثل جدجمنت.
Phantasy Star V انا مو قادر استوعب سيجا ليش للحين رافضة تعترف بالسلسلة بالرغم من نجاحات جزء الاونلاين تتوقع منهم انهم يبغوا يوسعوا العنوان لا حتى لما يقرروا يروحوا يسووا سبين اوفس ماتفرق كثير عن كونسبت العاب الاونلاين مثل Phantasy Star Nova انا اشوف مثلا انه فريق Atlus Production 1 مناسب للمهمة هذي أمكن مع شوية سوبر-فيجن من ريكو كوداما.
NiGHTS الفكرة حقت اللعبة حالمة وممكن انها تضرب مع الاطفال اليوم لكن محتاجة تكون High-End بالفيجوالز وتتروج صح ممكن حتى يتسخدموا الملتي-ميديا حيكون لها بتونشال هناك برضوا.. لين دحين خاربين جوي على الداون-سكيل اللي عملوه في Journey of Dreams لانه اللعبة كانت ممكن تكون اجمل بكثير لو كانت على اجهزة الـHD كما كان مخطط لها تكون.
Golden Axe 2D من فريق فانيلا-وير يساوي بيرفكت ماتش و Golden Axe 3D AAA ريبووت تركز على العنف والجوور من مطور غربي متمكن.
علاوة على ما ذكر سيجا عندها منجم ذهب من العناوين الاركيدية القابلة للتنفيذ كتطبيقات على الـVR المسألة فقط ماني عارف جدوى هذا الشي.
ويجي ببالي مباشرة العاب مثل Space Harrier و The House of the Dead و Space Channel 5 و REZ و Samba De Amigo و After Burner
طبعا ما ذكرت شينمو لانه السلسلة الان صارت بيد يو سوزوكي وما اعتقد سيجا ناوية ترجعلها anymore.
سلسلة قولدن اكس Golden Axe
طبعا اقصد ايام ال16 بت
هي اكثر لعبة ظالمتها سيجا
لها بوتنشل عاااالي انها تصير لعبة جبارة جدا
خصوصا عالمها مرة رهيب وموسيقاتها فخمة
وشخصياتها حلوة والله حرام سيجا تخلي هذي اللعبة تندثر
شرط لو بيسوونها بميزانية العاب aaa
وشغل ياباني مش غربي
ويل.. كل اللي أقد أقوله لك الان أتفائل حبتين.
