لخبراء الـ fightstick .. ارجو مساعدتي

[Hubris Noob]

السلام عليكم ورحمة الله وبركاته ..

يا إخوان انا تمصّعت وانكسر كتفي وانعدمت رقبتي

ياليت تفيدوني بالـ fightstick وطريقة اللعب فيها .. يعني ابي توجيهات اطبقها واتعلم عن طريقها .. بمعنى آخر " اتعلم عليها بشكل صحيح "

وسؤال مضحك نوعاً ما .. كم اصبع تستخدمونه وانتم تلعبون عليها ؟

وكيف جلستكم اثناء اللعب ؟ .. من ناحيتي حاطها بحضني كأنها واحد من عيالي

مشكلتي باختصار : الجلسة .. وكم اصبع العب فيه

لاني مره العب باصابعي كلها وبطن اصابعي بعد .. يعني اصبع احطه على زرّين وما احركه .. الزر الي فوق اضغطه بطرف الاصبع والزر الي تحت ببطن الاصبع

ويارب اني مالحست مخكم بسالفة البطن والطرف .. سوري ماعرفت اشرح

لكن مشكلة الاصابع مشكله معي والله .. احيانا العب باصبع واحد .. واقول كذا غلط لازم العب بالاصابع كلها .. واحيانا اقول ثلاث اصابع .. ما ادري وش الصح !!

ارتفع ضغطي قسم بالله .. جالس عليها اليوم 3 ساعات وعجزت اتأقلم .. طبعا اللعبة ستريت فايتر ..

والمشكلة العويصة والاكبر بالموضوع ، الألترا والسوبر .. اطبقها اذا صرت على اليمين .. واذا صرت على اليسار اتعذّب على ما اسويها .. تشوف ريو يطامر ويسوي أفلام .. تمصّعت ومصّعته معي ، يعني على اليمين يمشي الوضع وعلى اليسار يدي أحس انها تتشنّج .. ابي اعرف واجهتكم هالمشكلة وتأقلمتو عليها ؟ ، ولا المشكلة بيدي ؟

ياليت تفيدوني ..

بانتظار ردودكم ودعواتي لكم والشكر مقدّم

 

[Acid Rain]

في معلومة لازم تحطها في ذهنك

في محترفين و بمعنى كلمة محترفين يعني يسافرون و يشاركون في بطولات و يلعبون باليد العادية

مثل wolfkrone اهم و اشهر c viper بجانب لطيف و الاكثر احرزاً للابطولات في هالموسم و top8 ايفو

Fanatiq واحد من الاسماء المعروفة ايام mvc2 و اسم معروف ايضاً في Mvc3

فالمسألة ماهي اجبارية انك تلعب على ستك .. ما راح تكون عبقري لعب في يوم وليلة

إذا لعب عليه .. ايه نعم المتدوال ان اللعب على الستك اكثر دقة من اليد

لكنها ترجع للمستخدم فالنهاية

اذكر ان كان فيه فيديو توضحيحي من قناة Cross Counter المشهورة من تقديم Gootecks و مايك روس
شرحوا فيه بعض الاساسيات البسيطة لكن مضيع اسمه و مكانه تقدر تدور عليه بنفسك في اليوتيوب