[لا تفوتك] تخفيضات صيف ستيم Steam Summer Camp Sales (تخفيضات يومية من 30/6 إلى 10/7).

[Akilla]

مافيا 2 تستاهل؟

وعلى فكرة, ماس ايفيكت 2 على الـip الامريكي بـ6.80 دولار.

 

[m7787m]

^

مافيا 2 لعبة رهيبة تقّدم إخراج وقصة محترمة للغاية تنافس عمالقة هوليود ... تستاهل صراحة 🙂

 

[Raulioo]

^
وانا اللي كان على بالي إنها من جهازي :laugh::

ما اقول الا يا حظكم يالمستمين :sadwalk: كل الألعاب اللي عليها تخفيض تستاهل ما عدا ديفاينتي طبعاً والأخيرة ما كان عندي علم عنها الا يوم شفت الفيديو اللي حطه عبدالعزيز بس على سعرها يجي منها !!

راؤول نصيحة شخصية لا تفوتك ماس ايفيكت 2 وقدمها على أي لعبة ثانية في بالك !!

خلاص حسمت قراري بشتري فول اوت 3..وماس ايفيكت 2 بخليها للبس 3 ، سعر فول اوت مغري بشدة وغير قابل للتأجيل لدرجة اني حاس ستيم بيسحبوا العرض بأي لحظة قبل انتهاء المدة المحددة p=

 

[Al Pacino]

مافيا 2 تستاهل؟

وعلى فكرة, ماس ايفيكت 2 على الـip الامريكي بـ6.80 دولار.

يب مافيا 2 تستاهل وبقوة .. لا وبعد نسخة الـPC خذها وانت ماتشوف الدرب !

 

[Akilla]

اوكي, واخذنا مافيا 2!

 

[Dr.Manhattan]

سحححقا ما توقعت يسوون تخفيض على terraria شريتها قبل كم يوم، هاللعبة مست و بـ2.50$ ما تتفوت أبدا.
شكلي باخذ هيتمان و برينس أوف بيرشيا

 

[SCREAMING_RAGE]

بالنسبة لي, هيت مان 2+3 و سبريم كونامدر 2 !!

 

[Black]

ماودهم يسوون تخفيض لـ L4D الأولى والثانية 🙁 !

 

[Naserano]

^
اعتقد صار لها تخفيض 😕

 

[SCREAMING_RAGE]

ماودهم يسوون تخفيض لـ L4D الأولى والثانية 🙁 !

الظاهر انها فاتتك ............ كان عليها تخفيض رهيب جداً.

مو كأنه بكره/اخر يوم بتكون اعاده لتخفيضات جميع الالعاب اللي خفضوها الاسبوع الماضي ؟!

 

[Advil]

مو كأنه بكره/اخر يوم بتكون اعاده لتخفيضات جميع الالعاب اللي خفضوها الاسبوع الماضي ؟!

المفروض نعم .

 

[Life-Saver]

يا جماعة أنا شريت ديد سبيس 2 بـ 60 دولار من شهر .. !!

 

[Black]

^
اعتقد صار لها تخفيض 😕

الي اعرفه انهم نزلوا مع Valve Pack .. في غير هذا؟
تعديل:
لقيتهم اثنينهم بـ ٢٠ دولار..

 

[SCREAMING_RAGE]

الاثنين كانوا قبل يومين بـ 6 باوند فقط !

شباب عندي استفسار حول الاستيم .............. الحين اذا بغيت العب اي لعبه من الالعاب اللي حملتهم, هل لازم افتح الستيم علشان اشغل اللعبه ؟! ولا تقدر على طول تشغلها بدون ما تفتح البرنامج ؟؟

 

[Akilla]

سحححقا ما توقعت يسوون تخفيض على terraria شريتها قبل كم يوم، هاللعبة مست و بـ2.50$ ما تتفوت أبدا.
شكلي باخذ هيتمان و برينس أوف بيرشيا

الحين صارت 5 دولار

🙁

 

[SCREAMING_RAGE]

للي فاتته بوردرلاند في اول يوم من التخفيضات .......... لا تفوتها الحين !!
http://store.steampowered.com/app/901566/?snr=1_4_4__13

هذا معناته انه جميع الالعاب اللي خفضت اسعارها الاسبوع الماضي, سوف يتم تخفيضها للمره الاخيره الليله 🙂

 

[Old School]

أبغا اشتري شي لكن مني عارف وش اخذ عيني على 2k pack وش رايكم؟

Edit: شريت 2K pack.

 

[Ze Truth]

احلى شيء لما تفتح ايميلك وتلقى مفاجأة حلوة زي

محتوى مخفي: هذي

أبغا اشتري شي لكن مني عارف وش اخذ عيني على 2k pack وش رايكم؟

ما انصح بالباكات, الا اذا كنت بتلعبهم كلهم.

انا شريت فالف باك وما لعبت منها الا 3 اللعاب والحين مكتبة ستيم متكدسه عندي على الفاضي.

 

[Old School]

لول مهو عن كذا لكن انا ابغا Mafia 2 و تقريبا اذا باخذها لحالها السعر مقارب للباك لذلك اخذت الباك لأني ما لعبت فيه ولا لعبه الا بايو شوك

 

[MoShaKiS]

باقي عشر دقائق على انتهاء العرض

زين انهم رجعوا بوردلاند 😡

 

[Ze Truth]

تحس انه اخر يوم بالعيد او شيء 🙁

 

[Akilla]

بما ان ايام العروض خلصت بقول رائيي بالألعاب اللي شريتها.

ابوليفون: لعبة رهيبة جداً! واو! ماتوقعت اني احبها لهالدرجة,وصلت لمرحلة الأدمان صراحة, فالوت 3 حلوة بس ابوليفون افضل بمراحل , اللعبتين يتشابهون بأشياء كثيرة ولكن النقطة الوحيدة اللي اشوف فالوت 3 تتفوق فيه هي طريقة المحادثات والاختيارات اللي تسويها باللعبة, انا لاعب ابوليفون على الأكس بوكس وكرهتها " حرفياً " بس نسخة البي سي دائما للفوز , مشغلها على الفل واعلى اعدادات ومستمتع فيها , ابداً ماحسيتها اوتديتدد , توني في ابوليفون تقريباً 35 ساعه بس بحاول اخلص اللعبة كاملة.

تراين: اللعبة التو دي التي حلوة!

مافيا 2: بصراحة انا ظلمت اللعبة, ماتوقعتها تطلع بهذي الرهابة! بكمل فيها ان شاء الله .

جوست كاوز 2: شريتها على كلام واحد هنا بالمنتدى >_> , السعر كان رهيب , عموماً شكلها حلوة .

برايد: جربت الديمو على الأكس بوكس بس ماقد شريت اللعبة حتى الحين, توني بالبداية!

توكي توري: لعبة تو دي ايضاً حلوة, وبصراحة اللعبة تلحس المخ احياناً .

تيراريا: شريت اللعبة بخمسة دولار وتفاجئت من حجمها 16 ميقا خخخخخ , اللعبة تشبه ماين كرافت واجد, لعبتها 10 دقايق وحبيتها! بكمل فيها ان شاء الله .

ماجيكا: مايحتاج اتكلم .

 

[SCREAMING_RAGE]

^
فكره حلوه ............... هذه الالعاب اللي اشتريتها خلال ايام التخفيضات .

اللعبه الوحيده اللي لعبتها لحد الحين هي تورشلايت ............ لعبة RPG بسيطه و ممتعه جداً 🙂

 

[Dr.Manhattan]

الألعاب الي جربتها(بعضها جربتها قبل ما أشتريها عند أحد ثاني:sarcastic🙂

bit trip runner: الصعوبة زادت بسرعة و بشكل مبالغ فيه -_-، لعبة عادية(ما يعني إنها سيئة).

jamestown:الجيم بلاي بيرفكت للعبة shoot'em up و اللعبة فيها أفكار كثيرة، السبرايتس رهيبة و الأوست رهيييييييب، و صعبة..مرة . بتكون بيرفكت لو فيها أونلاين coop.

monday night combat: جيمبلاي تيم فورترس بأسلوب dota <3

prince of persia: نظام الكومبات سيء، البلاتفورمنج كان ممكن يكون أفضل شوي، الآرت خيالي، باقي النواحي جيدة-عادية.

sanctum: الديمو مضلل -.-، اللعبة تحتاج تنويع.

civilization v: المطور حاط wiki داخل اللعبة عشان يشرحها لول و هذا يوضح انطباعي الأولي عنها، يبغالي أقعد عليها.

terraria: رهيبة، minecraft لغير المبدعين:nerd:.

vampire bloodlines: الجيمبلاي عادي بس تصميم بعض الدنجنز كارثي! دنجن كامل مافيه إلا نوعية وحدة من الوحوش، الlooting قليييل و ترتيب الكويستات يضيع اللاعب، بس الحوارات توب نوتش و القصة ممتازة و فيها تويستات غير متوقعة و mature.

تحسفت إني شريت sanctum و bit trip runner.

 

[Al Pacino]

civilization v: المطور حاط wiki داخل اللعبة عشان يشرحها لول و هذا يوضح انطباعي الأولي عنها، يبغالي أقعد عليها.

من جد ! ماتوقعت القى لعبة استراتيجية أعقد من الي لعبتهم "توتال وار، رومانس" بس سيفلايزيشن 5 ماقدرت استحمل لحستها وتركتها، اذكر لعبت ريفليشنز "نسخة الكونسول" وكانت بسيطة جدًا !