كلام كثير في خاطري .. هذه أعتبرها وحدة من أفضل القضايا الي لعبتها
خلني أبدأ بأجمل عنصر يميز هالقضية "لغز الأبواب المقفلة" !
هذا فرع لحاله من فروع الغموض والتحقيق الي مو أي أحد يقدر يكتب فيه بشكل مقنع
لكن للمرة الألف هالسلسلة تثبت شطارة وتمكن كتابها
حقيقي تقارع نخبة الروايات الي قرأتها هنا (أنصح بهالكتاب جدا):
إنت شايف القاتل من بداية القضية
وقت الوصول إلى مسرح الجريمة مافيه إلا الضحية والمتهم في الغرفة
شلون تقدر تثبت وجود شخص ثالث في المكان؟
القضية تطول على بال ماتوصلك لهالخيط
وفيها كثير أفكار جديدة ماتطرقوا لها في الأجزاء السابقة الخلاف بين العمدة ونظيره
وجود عنصر الابتزاز، الكذبة الي نشروها لجل يبعدون أهل القرية بالإضافة إلى الشخصيات وما أدراك مالشخصيات؟
اللعبة أدخلت مدعي عام كاريزماتي جديد
يوقامي
متعب فيه إنه ديكتاتوري ومايخلي خصمه يكمل كلامه
شغال "اسكت" "اسكت"
في الأخير اودوركي وقف له وقاله انت الي تسكت
وتخليني أكمل كلامي ...
من الجزء الرابع وأنا أشوف شخصيته كل مالها تتقوى أكثر وتصقل
مثل نارهودو في بداياته .. تمنيته نارهودو يدخل أكثر في القضية
لكن للآن ماخذ دور توجيهي ..
من الشخصيات أيضا النشال الي زاد عقد القضية تعقيد رغم إنها كان ممكن تكون بسيطة
السرقة حرفة سلالته على مايبدو
والمجرم عليه لعائن الله (معليش سيبوني أطلع الي فخاطري عليه)
معتل ومريض .. مافي رجال يحط مكياج يكون طبيعي هذه مفروغ منها&
رعب بنت صغيرة ومثل عليها إن ابوها قاتل
تخيلوا محد طايقه لا الادعاء ولا الدفاع
يوقامي يقول ليس لهذا المعتوه شعر أبيض
فهو مشغول بصبغ رأسه من لون فاقع إلى آخر أفقع
حتى القاضي اللطيف صار يقوله .. يالله هات إفادتك من دون بخبخات كذبك الي ماينتهي
أقسم بالله ضحكت .. رغم إني أشوف كثير من انيميشن اللعبة سامج
لكن هالأنيميشن مع عبارة القاضي ضحكني
في نهاية القضية لما خلوا خيط حقائق القضية يسحب في ذهن اودوروكي
كانت طريقة التصوير رهيبة .. تمنيت ألعاب شيرلوك أو أغاثا يكون فيها هالأسلوب
بدل الاعتماد الكلي على النص من دون مؤثرات
قضيتين لحد الآن وأقدر أقول بقناعة إن الجزء الخامس مصقول
بعناية ومتعوب عليه قصصيا ورسوميا وإبداعا
السلسلة تتحسن أبدا ماترجع ورا
أنا لو ماعندي شغل كان ترجمت نصوص اللعبة هذي كلها بضمير&
