الموضوع الرسمي لألعاب الـ iOS و الـ Android

[kInGsIzE]

لما الواحد يتسائل ما هي افضل لعبه على الايفون .. يجد الاجابه عندي !!!!!

اسمها OMG Pirates!
لعبه روعه وخياليه .. وراح تنصدم من مستواها @__________@
[YOUTUBE]W9FNBVHnI34[/YOUTUBE]


وهذي لعبه توها نازله وكل الي اقدر اقوله انها EPIC !!!!!!!
Linkin Park 8-Bit Rebellion!
[YOUTUBE]DKSQryLmqlA[/YOUTUBE]

لينكن بارك هذا بتنزل غصب .. بس اومج بايرتس .. للحين مش متأكد اذا تناسبني او لا -_-"

 

[Painkiller Q8]

لينكن بارك هذا بتنزل غصب .. "

شنو قصدك بتنزل غصب ؟

اومج بايرتس رووووووعه BEST ACTION GAME EVER

 

[JOE]

حملت ديمو اومج بايرتس اليوم ،،، و اشتريتها على طول ، عشاق كاسل كراشرز لا تفوتوها (ارت ديزاين و اسلوب لعب شبيه)

 

[kInGsIzE]

^^^^
SOLD :lebb:

شنو قصدك بتنزل غصب ؟

اومج بايرتس رووووووعه BEST ACTION GAME EVER

يعني لازم انزلها لاني احب لينكن بارك 🙂

 

[Painkiller Q8]

^^^^
SOLD :lebb:

يعني لازم انزلها لاني احب لينكن بارك 🙂

لول .. والله مادري .. عموما اللعبه فيها اغانيهم على theme songs واعتقد تقدر تستخدم اغانيك الخاصه من الاي فون..

بصراحه انا جربت اللعبه ابو 5 دقائق بس .. اونلاين بس مافهمت فكرتها 100% بس باين عليها

 

[kInGsIzE]

مين لعب هنا مونكي آيلاند؟ توهقت شوي لول ..

+ لعبه لينكن بارك فيها كومينتي صدق ولا اللعبه معطيتك جو مثل لعبه الدي اس اللي نسيت اسمها من سكوير اينكس؟ -_-" كان فيها شي اندز ويذ يو الظاهر لول

 

[Solay]

مين لعب هنا مونكي آيلاند؟ توهقت شوي لول ..

انا لعبتها

 

[emtak]

http://www.youtube.com/watch?v=BjoEPCwrLoY&feature=player_embedded#!

شباب لا تفوتكم لعبة معلوماتك من فريق آيفون اسلام تستاهل الشراء :nerd:

http://itunes.apple.com/us/app/id351454456?mt=8

واللي يبغى يجرب لعبة قريبة من DoodleJump فيه وحد مجانية اسمها papi jump

http://itunes.apple.com/us/app/papijump/id285800495?mt=8

 

[Painkiller Q8]

لعشاق angry birds نزل باكج مراحل جديده في جو المساء

وطبعا كل عاده خلصتم بقعده وحده وانا في ستاربكس كافي ومتعطش للمزيد من المراحل 🙂

 

[G.SKY]

زي ما قال عمر ، اليوم جالس العب كايوس رينج و اللعبه ممتازه جدان تستاهل سعرها :happy:
فكره التحكم ان الانالوج يطلع بأي مكان مره ممتازه :wow:

 

[Solay]

العاب باك مان كلها مسوى لها تخفيض ..

أخذت تشامبيون شيب اديشن مع ان فيها شوية مشاكل بس انها بدولار.

 

[Magnificent]

توني جديد على هالسوالف

المهم قبل كم يوم نزلت من الستور لعبة ببلاش اسمها High Noon ، شوتر على طريقة الويسترن ، يمكن جازت لي لان العالم الحين خاشين جو مع ريد ديد ردمبشن ، فيها شوية عيوب لكن عموماً اللعبة جيدة ، مشكلتها ان فيها الحركة حقت العاب الويب لما تلعب يتعب لاعبك و لازم تشتري له نقاط طاقة بالفيزا او تخليه يرتاح

 

[Sora Diersly]

زي ما قال عمر ، اليوم جالس العب كايوس رينج و اللعبه ممتازه جدان تستاهل سعرها :happy:
فكره التحكم ان الانالوج يطلع بأي مكان مره ممتازه :wow:

كايوس رينج خورافية .. ابطل من FF13 بألف مرة لول :laugh::

 

[Aleix]

بصراحة طفشت من انتظار RDR ،
وتهورت ولعبت مجموعة ألعاب وبصراحة تفاجأت من مستواها :

Pheonix Wright Ace Attoreny
انطباعات : ياخي ما أدري كيف سمحت لنفسي إني ما أجربها من زمان :confuse:
أتذكر كلام ثامر و حسين في الموضوع الرسمي عن اللعبة وكيف إن اللي ما يعرفها يعتزل الجيمج لول ،
كلام صحيح ،
أنا خلصت حلقتين وراسي متفجر حماس !!
حوارت على تتابع أحداث واهتمام بالتفاصيل بشكل challenging and rewarding ،
و شخصية Miles Edgeworth عنيدة وشرسة على خبث ودهاء ،
أهنيهم عالشخصيات .
بالمناسبة للي يبي يشتري اللعبة لا بد يكون مروق ويهتم لأدق التفاصيل حتى الوقت والساعة ،
بروح أكمل لعب الحين في قضية the Steel Samurai :inlove:

Mega man II :
انطباعات :
صعببببة جدا بالنسبة لي ، خاصة إني ما قد خلصت أي لعبة Mega Man من النوع الكلاسيك ،
لكن أذكر ختمت لعبة Mega Man legend 2 على PS1 والله كانت تحفة .
لازم أدرب نفسي ضد اللعبة وأقهر الصعاب 🙂

Chaos Rings :
انطباعات :
لسه في بدايات اللعبة ، لكن شكل القصة والجيم بلاي مميز ،
بحدث الانطباعات بعد ما أتعمق فيها .

 

[Jonas]

Pheonix Wright Ace Attoreny
انطباعات : ياخي ما أدري كيف سمحت لنفسي إني ما أجربها من زمان :confuse:
أتذكر كلام ثامر و حسين في الموضوع الرسمي عن اللعبة وكيف إن اللي ما يعرفها يعتزل الجيمج لول ،
كلام صحيح ،
أنا خلصت حلقتين وراسي متفجر حماس !!
حوارت على تتابع أحداث واهتمام بالتفاصيل بشكل challenging and rewarding ،
و شخصية Miles Edgeworth عنيدة وشرسة على خبث ودهاء ،
أهنيهم عالشخصيات .
بالمناسبة للي يبي يشتري اللعبة لا بد يكون مروق ويهتم لأدق التفاصيل حتى الوقت والساعة ،
بروح أكمل لعب الحين في قضية the Steel Samurai :inlove:

اهلاً بك في الجيمنج , الي عنده القدره انه يلعبها و ما لعبها أنصحه يروح ينهي عقده مع الحياه بسرررعه !!

 

[Averroes]

Splinter Cell: Conviction iPhone Gameplay

[YOUTUBE]V0PEqudqv2E[/YOUTUBE]

 

[JOE]

^^ كارثية

 

[Mukuro]

لعبة بايريتس = Muramasa على غفلة. :wow:

 

[kInGsIzE]

^^

من جد تشبه موراماسا .. بخصوص فينكس رايت .. باقي الاجزاء بتنزل عالايفون ولا لا؟

 

[Aleix]

^^

من جد تشبه موراماسا .. بخصوص فينكس رايت .. باقي الاجزاء بتنزل عالايفون ولا لا؟

بحثت في النت ما لقيت خبر عن أي جزء ثاني ل فينكس رايت لا نزل ولا إنه بينزل ،
الحين في نهاية Episode 3 والله يا جماعة قمة الحماس :inlove:

 

[Solay]

شكرا اليكس انك علمتني ان فينيكس رايت نزلت,من زماان وانا انتظرها.

 

[MAX9009]

احس في شباب ماخدين الآي فون عشان الالعاب :laugh:: ... امزح لحد ينطلي >_>

 

[iPeace]

شوية انطباعات عن بعض الالعاب اللي عندي

Chaos Ring
قبل كل شي ترى هذي اول لعبة اربيجي العبها في حياتي :
واكتشفت العاب الاربيجي مش سيئة ومملة مثل ما كنت اتوقع , بالعكس اللعبة طلعت رهيبة
خلصت كل المراحل "خمس نجوم" بفريق من اصل 4 في 8 ساعات وشوي

Doodle Jump
ما عجبتني وما ادري وين الادمان فيها

Angry Birds
من افضل الالعاب في الاب ستور , بس المراحل في الاخير صعبه :

OMG Pirates
جيدة بس قصيرة , حييل قصيرة ما خذت مني 50 دقيقة

Plants vs Zombies
مع اني خلصتها وفصفصتها على الـ PC , بس الى الآن اللعبة رهيبة والعبها من وقت لوقت :inlove:

حاليا العب
Phoenix Wright - Ace Attorney
OBJECTION!
توني خلصت القضية الاولى و متحمس اكمل

 

[Painkiller Q8]

Angry birds
خلصت جميع المراحل حتى اخر تحديث لها
وابي مراحل اكثر ... احترفت اللعبه خلاااص 🙂

 

[Painkiller Q8]

يا سلاااااااااااااااام .. حلم وتحقق GUITAR HERO iPhone
اليوم لعبتها اللعبه بصراحه روعه ومتقنه والاصوات ممتازه والتحكم مضبوط .. اللعبهROCKS !!!!!!!!

 

[Jonas]

^وش تسوي اذا كان فيه اكثر من note واحد على الشاشه ؟

 

[Painkiller Q8]

^وش تسوي اذا كان فيه اكثر من note واحد على الشاشه ؟

عادي.. انت راح تلعب بــ4 اصابع .. بس نادر تجيك الربع مع بعض اذا مو موجوده اصلا...
واذا جاك solo بس تمسح على الsolo بدون ترفع اصبعك !!
مادري اذا انت مجرب rock band عل يفون؟؟ ترا نفس الفكره .. بس في شي جديد الي هو تسحب يمين ويسار مثل الصوره علامه السهم

يعني لما يجيك يمين يسار.. يمين يسار.. يمين يسار مع الموسيقا مو ناقص إلا تهز راسك .. لول

 

[Aleix]

شوية انطباعات عن بعض الالعاب اللي عندي



حاليا العب
Phoenix Wright - Ace Attorney
OBJECTION!
توني خلصت القضية الاولى و متحمس اكمل

مبروك عليك اللعبة الأسطورية ،
وبالمناسبة أمس خلصت القضايا الخمسة أخيرا ،
تعليقي بعد إنهائها :
قاعد أكتب وأصفق في نفس الوقت 🙂
اللعبة فيها أحداث وtwists تفر الراس من رهابتها ،
استمتع في القضية الثانية ، أفضل قضية باللعبة :inlove:

 

[Sora Diersly]

احس في شباب ماخدين الآي فون عشان الالعاب :laugh:: ... امزح لحد ينطلي >_>

يص! انا احد اكبر اسبابي! لول XD

 

[Dr.Manhattan]

مبروك عليك اللعبة الأسطورية ،
وبالمناسبة أمس خلصت القضايا الخمسة أخيرا ،
تعليقي بعد إنهائها :
قاعد أكتب وأصفق في نفس الوقت 🙂
اللعبة فيها أحداث وtwists تفر الراس من رهابتها ،
استمتع في القضية الثانية ، أفضل قضية باللعبة :inlove:

الأخيرة>كل القضايا مع بعض
و كانت بتصير أحسن لو إنهم حطوا شخصيات جديدة بدل ايدجوورث و ديك.