كيف كنت اول ما بديت تدخل النت؟

[Lunar Poet]

أوكي عشان أكون أدق بداية إستخدامي للإنترنت كانت كلها في موقع أين، أدخل عليه من مكتب أبوي و أكتب بوكيمون و أحفظ صور البوكيمونات كلها عشان أنقلها بعدين بفلوبي ديسك إلى جهاز البيت لول

كنت أقضي أوقات كثيرة على هالموقع http://www.flashtoon.net/ (و بما إن كل فلاش كان ياخذ 5-نص ساعة عشان يكتمل كنا نحفظ الفلاشات عندنا، ببرامج أظن؟ لول)

 

[The Doctor]

(لول لدرجة انه لفترة قريبة جدا جدا جدا فيه زر ماكنت اعرف وش دوره ونايف العيسى ومحمد علموني وانا اسجل حلقة كاست خخخ).

مهتم جداً اعرف عن اي زر تتكلم عنه :laugh::

 

[King]

الين مرة وصلت فاتورة التليفون فوق ال4 الاف ريال ووقتها... اضطريت اني اترك الشات غصبا عني (لول انتم فاهمين ليش)

لول والله كانك تقول قصتي يا ننتيندو
وخصوصا مافي صدمه مثل صدمة الفاتوره الاولى
ah good times =)

 

[Nintendo]

مهتم جداً اعرف عن اي زر تتكلم عنه :laugh::

لاتفول لأحد Scroll Lock

 

[King]

Scroll Lock

والله اني محرج من هذا السؤال
اش عمل هذا الزر ؟

 

[bXNmbQ==]

اول بدايتي كنت اذا قضى الوالد من النت ادخل على المواقع الي داخلهن وكنت ودي اشبك السلك حق التلفيون اظن اني شبكته كم مره (التلفيون) الكلم هذا يمكن انا بثالث او رابع

الحين انا بثاني ثانوي
بدايتي الحقيقية كانت 2006 وما كنت من مستخدمي مشكور
وعرفت مواقع اللعاب من ولد خالتي وكنت ابحث البرامج كثير الحين ماعندي ولا واحد الا حقات الفيديو:lebb:

 

[Nyx]

خخخ بالنسبة للمنتديات بدايتي كانت متأخره بجيم ماستر , طبعا أول ماشفته ماصدقت اللي قدامي (دخلت بطلع فضايحي بس للأسف فيه مشكله)بس أتذكر همام وأسود وينتر وولف وبادبوي ..إلخ.
بعدين كملت بمنتدى المنتدى , وأنواع الكجوله :
موضوع بـ2005 :http://www.montada.com/showthread.php?t=430211

في خبر أدلى به موقع IGN (الغني عن التعريف) أفاد أن SONY COPUTER ENTERTRAINMENT صرحت بأن شركة Ubisoft للانتج تعمل حاليا على انتاج جزء جديد للسلسله الرائعه Brothers in Arms على العملاق القادم PS3.​

لعبة Brothers in Arms هي لعبة FBS لعبة منظور أول تحكي قصة جندي أمريكي في أيام الحرب العالمية الثانيه وبعكس الألعاب الممثالة فان اللعبه تحوي على قصة قوية وسيناريو رائع يجبرك على دخول أجواء الحرب العالميه الثانيه السينمائية

فكرة اللعبة المبتكرة تقوم على أساس التكتيك الحربي المشابه لحروب العصابات(التغطية -عنصر المفاجئة- مهاجمة العدو من الخلف...) أي أنه لايعتدم أبدا على مواجهات الخطوط الأماميه كما في لعبة Call of Dute أو لعبة ميدل أوف أونر حيث أنك في هذا اللعبة المثيرة سوف تغوص في خطوط الأعداء معتمدا على مرافقيك الجنود و على خصائص ومميزات كل فرد منهم (تخيلو لعبة كومندوز على هيئةFPS) كما يمكنك التفاعل مع جميع المركبات في اللعبة
هذه بعض الصور للجزا الأول من اللعبه Brothers in Arms: Earned in Blood

وأعدكم بالصور فور نزلها.

وفي النهاية يسرني أن أكون ضمن النخبة وأن أكون أحد أعضاء منتدى الألعاب العربي
تقبلو خالص تحياتي أخوكم(MiDoZ><)

أزمة تلوين لول , اللي حاب يضحك يشيك على البروفايل :tongue:


تعديل:
http://www.montada.com/showthread.php?t=519945

 

[zlatanovic]

أزمة تلوين لول , اللي حاب يضحك يشيك على البروفايل :tongue:

الحين بس افهم ليش يزعجكـ التلوين ^^
فيه فرق بين [ التلوين ] و [ البربسه ] ..

 

[Dark Master]

الحمدلله مالي أي تاريخ سابق ( مخزي ) بالمنتديات و يمكن بعضكم ماراح يصدق إنه تروجيمنج هو أول منتدى أشارك فيه بشكل فعال

+
بدايتي كانت تقريباً من 2005 أول مابدأت تقدروا تقولوا كنت جبان شويتين وماأتكلم كثير وبيني وبينكم يمكن لحد الآن عندي الحالة هذه بس الحمدلله أحسن من أول بكثير وأحاول اتخلص منها.
وشيء أفتخر فيه اني عمري ماقربت على مواقع الشات...

 

[Noah`s Ark]

أوكي عشان أكون أدق بداية إستخدامي للإنترنت كانت كلها في موقع أين، أدخل عليه من مكتب أبوي و أكتب بوكيمون و أحفظ صور البوكيمونات كلها عشان أنقلها بعدين بفلوبي ديسك إلى جهاز البيت لول

كنت أقضي أوقات كثيرة على هالموقع http://www.flashtoon.net/ (و بما إن كل فلاش كان ياخذ 5-نص ساعة عشان يكتمل كنا نحفظ الفلاشات عندنا، ببرامج أظن؟ لول)

ههههههههههه ذكرتني بسالفة رهيبة خل اقولها :
جاتني فترة وانا صغير ما اقول حق ابوي في الي نفسي فيه " اخاف يخلصون فلوسه :tongue: "
و صادفت هالفترة فترة انتشار البوكيمون أيام انا في ابتدائي
رحت لبيت يوسف " lunar poet " و كان عنده بيكاتشو مقصوص من كرتونه .
هالبيكاتشو طير لي عقلي و اشتهيته بعنف , كنت افكر انه هالبيكاتشو راح يغير لي حياتي
بس المشكلة هنا انه مال يوسف .
قلت له تعطيني اياه ؟ قال ما اقدر >----- لهادرجة كان البيكاشتو الورقي رهيب :laugh::
قلت له الله يخليييييك 🙁
- ما اقدر
- الله يخلييييك 🙁
-ما اقدر :laugh::laugh::
رددنا المحادثة حول الخمس والعشرين ألف مرة >---- اعترف اني كنت مزهوق :nerd:
جا حسين اخوه "dark soul " قال لي : خلاص والله اذيتنا ما يبي يعطيك اياه :
قلت له انت ما عليك بيني وبينه 🙁
رجعت ألتفت على يوسف بوجه حزين - الله يخلييييك 🙁
-ما اقدر
و يعود الشريط حول الخمسة وثلاثين ألف مرة .
في المرة الـ 60,001 رد يوسف بالموافقة , صار همه يفتك مني
قلت له صج؟!؟!؟! شكراً شكراً .
رد يوسف : عفواً :laugh::laugh::
بعدها بثواني نادوني وقالوا اهلك جاو ينتظرونك برا
الظاهر السالفة استغرقت من العصر لين الليل على هالبيكاتشو الورقي الرهيب :tongue:*

 

[Suzuki Yu]

+
بدايتي كانت تقريباً من 2005 أول مابدأت تقدروا تقولوا كنت جبان شويتين وماأتكلم كثير وبيني وبينكم يمكن لحد الآن عندي الحالة هذه بس الحمدلله أحسن من أول بكثير وأحاول اتخلص منها.
وشيء أفتخر فيه اني عمري ماقربت على مواقع الشات...

same same

+ المواقع اللي باللون الوردي :laugh::

 

[Bakloyd]

الشات خشيته اعتقد مرتين في حياتي، كنت ابغى اعرف الشي الرهيب فيه، للأسف مالقيت اللا التفاهه.

اتذكر اول ماسجلت في جيم ماستر-اول منتدى اسجل فيه في حياتي- كان النك نيم Sweet Dreams و كنت احط افاتاري صورة عين مدمعه وفيها كلام حب، والتوقيع قلوب ومدري ايش، وايضاً كنت الون الردود بالوردي، كنت مسوي حبّيب :tongue:
الحمد لله اني اتغيرت بالكامل بس

 

[Golden_Sun]

الشي اللي مو لاقي له تفسير اني من اول ما عرفت المنتديات (سنه ٢٠٠٢ منتدى المنتدى) لليوم نفس الصورة الرمزيه\الشخصيه\الافتار ما غيرتها، لول! *صورة ميجامان*

 

[Mista Koo]

على طاري البوكيمون ذكرتوني.. كنت أطبع صورهم من النت وأبيعهم على أصحابي بالمدرسة :laugh::

لاتفول لأحد Scroll Lock

أتوقع إنك كذا خليت نص المنتدى يتسائل ايش يسوي هالزر لول.. جربته أول ما شفت الرد وقعدت من جد أتسائل "ايش يسوي؟!" :laugh::

 

[The Last Lombax]

بدايتي كانت في عام 2001 تقريباً
أذكر كنت أقرأ عن النت في مجلة ماجد وما أدري إيش الطبخة على بالي أنه برنامج الإنترنت إكسبلورر
المهم بعدها أشترك أخوي في النت وأنا كنت أقعد جنبه لمن يشغل النت وضليت على هذي الحالة إلى أن قدرت أشتري لي كمبيوتر خاص بي وجاء معاه إشتراك لمدة 10 ساعات ( ونعم الإشتراك >.> ) وكان هذا في عام 2005 وشكل البداية الفعلية لي في النت و ( السرعة طبعاً كانت شيء خيالي ما أدري كيف كنت اصبر عليها ) كنت أعتبر موقع نسيج هو جوجل حالياً وشوي شوي تعرفت على منتدى المنتدى ( في 2006 ) وشاركت فيه باسم أعتبره غبي >_< ( طاحس راكب كابرس ) وقعدت فترة بسيطة على هذي الحالة إلى ما عرفت اللغة الإنجليزية وبدأ التوسع العمراني Gamespot.com على IGN وبعدها عرفت تروجيمنج من العضو Lonely Hunter قبل كم شهر والآن صرت أشارك هنا وهناك 🙂

 

[Light]

بدايتي مع النت رهيييبة كانت مع اول ما طلع اختراع بطاقات اشترك النت

كنت اسمع كل اللي في البيت يقولون انترنت و انترنت .... انا سمع كلمة انترنت و عجبتني الكلمة >>> كان في اعتقادي ان اللي يشبك نت كووول :laugh:

المهم ان سويت فوضى ابي اشبك نت - طبعا ما كنت اعرف ايش اصلا انترنت - المهم ان علموني ايش النت و عيال عمي علموني عن موقع اين و حفظوني اني ادخل هذا الموقع و اكتب "بوكيمون" و ادخل على الوصلة الرابعة و تطلع لي لعبة بوكيمون >>> تتاااااااااااااااااا كان شي عجيب اني العب لعبة بوكيمون :wow:

وبعد ما خلصت من مرض البوكيمون بدات اشارك في المنتديات العربية و كان لي ماضي عريق في مشكووووور و هالكلام الفاضي اول منتدى شاركت فيه كان منتدى انمي العرب .... بدات اني انسخ من منتدى جيم ماستر مواضيع العاب و اسوي لها لصق في المنتدى ... بعد فترة جالي راعي الموقع قال لي:انت عضو نشيط مواضيعك كثيرة في منتدى الالعاب ابيك تصير مشرف بس عدد مشاركاتك قليلة
قلت له: و المطلوب مني
قال : زيد مشاركاتك و بخليك مشرف
انا ما صدقت على الله و اروح اعبي المنتدى بكلمة مشكووووووووووووووووور - يعطييييك العافية... المهم صرت مشرف و بعد فترة سحبت على المنتدى

و بعدها علمني يوسف "Lunar Poet" عن تروجيمنج و صرت ادخل الموقع بدون عضوية الى صار ايفنت للموقع في الدمام و خذني معاه و تحمست اسجل في المنتدى و سجلت

 

[Dark soul]

بكل بساطة ..مريت بدورة الحياة الـnetـية الطبيعية لكل واحد : (تشوف احد يستخدمه و تظن ان الـexplorer هو الانترنت > تتعرف على موقع اين > تدور صور و العاب > مشكور و ربعه > الشات و تسوي نفسك بنت > trolling و spamming في كذا منتدى > راسك يكبر و تقرر تسوي منتداك الخاص .. و تطنش المنتدى في اقل من اسبوعين > تلاطخ فيك الدنيا الى ان توصل الى مكانك الحالي )

 

[HAL-9000]

بكل بساطة ..مريت بدورة الحياة الـnetـية الطبيعية لكل واحد : (تشوف احد يستخدمه و تظن ان الـexplorer هو الانترنت > تتعرف على موقع اين > تدور صور و العاب > مشكور و ربعه > الشات و تسوي نفسك بنت > trolling و spamming في كذا منتدى > راسك يكبر و تقرر تسوي منتداك الخاص .. و تطنش المنتدى في اقل من اسبوعين > تلاطخ فيك الدنيا الى ان توصل الى مكانك الحالي )

هذا هو ملخص كل ردود الموضوع :laugh::

 

[SAM]

بكل بساطة ..مريت بدورة الحياة الـnetـية الطبيعية لكل واحد : (تشوف احد يستخدمه و تظن ان الـexplorer هو الانترنت > تتعرف على موقع اين > تدور صور و العاب > مشكور و ربعه > الشات و تسوي نفسك بنت > trolling و spamming في كذا منتدى > راسك يكبر و تقرر تسوي منتداك الخاص .. و تطنش المنتدى في اقل من اسبوعين > تلاطخ فيك الدنيا الى ان توصل الى مكانك الحالي )

وفرت علي عناء الرد :laugh::

 

[Ze Truth]

الحين بس افهم ليش يزعجكـ التلوين ^^

لان حقيقة انك اخذت الوقت بانك تزخرف وتلون ردك في كل مره تدل على انك ردود تحتاج اكثر من محتوى ردك نفسه. زايش فايدة الالوان غير جذب الانتباه.

صدقني لو تترك التلوين والاشياء هذي, الاعضاء راح يحترمونك اكثر وياخذون ردودك بجدية اكثر.

احنا هنا في تي جي ما نهتم بالشكل, نهتم بالمضومن.


فيه فرق بين [ التلوين ] و [ البربسه ] ..

ههههههههههه ذكرتني بسالفة رهيبة خل اقولها :
جاتني فترة وانا صغير ما اقول حق ابوي في الي نفسي فيه " اخاف يخلصون فلوسه :tongue: "
و صادفت هالفترة فترة انتشار البوكيمون أيام انا في ابتدائي
رحت لبيت يوسف " lunar poet " و كان عنده بيكاتشو مقصوص من كرتونه .
هالبيكاتشو طير لي عقلي و اشتهيته بعنف , كنت افكر انه هالبيكاتشو راح يغير لي حياتي
بس المشكلة هنا انه مال يوسف .
قلت له تعطيني اياه ؟ قال ما اقدر >----- لهادرجة كان البيكاشتو الورقي رهيب :laugh::
قلت له الله يخليييييك 🙁
- ما اقدر
- الله يخلييييك 🙁
-ما اقدر :laugh::laugh::

ياخي ايام البوكيمون كانت ايام رهييبة. اذكر ولد خالي جاني مره و جابلي معه كروت بكيمونات من silver لوجيا والدب وكم بوكيمون نادر, وقتها كانت جديدة ونادر مره. هالكروت غيرة حياتي في المدرسة صرت الكنج هناك. واذكر ايام اول كانوا يتبادلون الكروت في بيت الكمبيوتر وتوكيو جيمز, فمره رحت هناك وكل الناس صارت تبي تتبادل معي وتوريني كروتها. لول ايام فلة.

الشات خشيته اعتقد مرتين في حياتي، كنت ابغى اعرف الشي الرهيب فيه، للأسف مالقيت اللا التفاهه.

اتذكر اول ماسجلت في جيم ماستر-اول منتدى اسجل فيه في حياتي- كان النك نيم Sweet Dreams و كنت احط افاتاري صورة عين مدمعه وفيها كلام حب، والتوقيع قلوب ومدري ايش، وايضاً كنت الون الردود بالوردي، كنت مسوي حبّيب :tongue:
الحمد لله اني اتغيرت بالكامل بس

تقريبا زيك. الشات ماقدر دخلته الا مرتين او ثلاث في المدرسة بايخ والناس اللي فيه بايخه, ويعدين حتى لوكنت تبغى تتعرف على ناس من جد تتبغى تتعرف عليهم من شات؟

وايام جيم ماستر(ايام الستايل الاسود) كنت احسب غالبية المنتديات العربية متخلفة وتسوي حلول كاملة مفصلة لالعاب straightforward.(يعني بالله من يحتاج حل كامل لCrash؟؟)

اذاكر اول ما دخلت تي جي كنت احسبه منتدى اجنبي يسوي لك ترجمة كاملة اعتمادا على الIP بس بعدين لاحظت ان فيه كلمات مستحيل تترجم. طبعا قعدت سنة علشان اسجل.(البوابة العمرية كانت تقلقني)

 

[Mista Koo]

هالكروت غيرة حياتي في المدرسة صرت الكنج هناك.

ذكرتني.. كان عندنا واحد من الطلاب Pokemon professor, بالفسحة كل الطلاب يتجمعون حولينه بالكروت والجيم بويز ويسألونه عن البوكيمونات وكيف يتطور هذا واللي يعطيه الجيم بوي يخليه يعديه مكان معين :laugh::

 

[Golden_Sun]

ذكرتني.. كان عندنا واحد من الطلاب Pokemon professor, بالفسحة كل الطلاب يتجمعون حولينه بالكروت والجيم بويز ويسألونه عن البوكيمونات وكيف يتطور هذا واللي يعطيه الجيم بوي يخليه يعديه مكان معين :laugh::

لفترة ما في حياتي، كنت هالشخص لول!

 

[X-SRI-X]

مادامكن تتكلمون عن البداية الكاملة فخلنا نفصل اكثر بالقصة ":

دخلت النت تقريبا حول 1998 وكنت ادخل مواقع هنا وهناك
وبعد اكتشافي لموقع جوجل ( بعد فترة يمكن سنة او اكثر) كنت مسوي فيلسوف اي واحد يسألني اجاوبه من جوجل فكانوا يحسبوني واحد رهيب وعنده ثقافة عالية ,,, يحسبوني ادور في كتب وكذا لأن بوقتها ما كان عندنا استخدام للنت

المهم في عام 2002 دخلت موقع اسمه جيم ماستر وهي بدايتي الفعلية مع المنتديات .. طبعا بوقتها ما كنت اشارك بل كنت اخربط واحط تفاهات ... وكان عمري بوقتها يمكن 12 سنة رحت كتبت لي حل للعبة مرة احبها والي هي رزدنت ايفل 3 ( مختما 16 مرة يمكن ) ومع الصور وكل شي بس المشكلة ماعرفت كيف احطه لأني كلما احطه ما كانت الصور تطلع وما كان فيه التنسيق الي كنت حاطه بالورد >> بحكم عدم معرفتي لها الامور ... المهم استمريت فترة ما اكتب شي الين وصلت 2004 وشفت ان موقع جيم ماستر عنده فيديو لرزدنت ايفل 4 عاد انا تحمست ودي اشوف بس المشكلة ديل اب والفيديو ما يطلع , عاد جلست اسوي انواع الهبل عشان اشوف الفيديو وما شفته , فقلت خلني انتظر المحل احسن لي .... في 2005 كانت بداية فعلية مع العاب نينتندو الحديثة ( يعني بدايتي مع الكيوب والجيم بوي ادفانس ) لعبت بوكيمون ايمرالد وعلى طول سويت له حل ب2005 وبعد فترة سويت حلول ثانية منها كينعدوم هارتس على الادفانس وبوكيمون اكس دي ( ب2006 ) واتذكر رزدنت ايفل ريمك وفيه حلول ثانية كتبتها , طبعا بوقتها اشتهرت بكتابة الحلول الخاصة بالنينتندو في هالوقت واستمرت بالكتابة لين 2007 وصرت مشرف بفريق النينتندو بجيم ماستر لكن فريق النينتندو بجيم ماستر انهار وبقيت انا واسماعيل ( احد المحررين واسمه سايلنت شادو ) وصرت انا رئيس للفريق بوقتها سوينا مجلة سن شاين 3 وانا كملت حلمي بكتابة 30 حل كامل وكان اخر حل لي يمكن للعبة لوست ويندز ب2008... في 2008 عملت مجلة سن شاين 4 والي انحذف بالكامل لانها مجلة كانت صورية ( يعني بالصور كاملة بس انتشارها كان جيد )هنا
وبعدها الاخ اسماعيل طلع من جيم ماستر وانضم لموقع تروجمنج .. وبقيت انا , حتى 2009 صرت اداري بجيم ماستر ومن وقتها قررت انضم لاسماعيل لتروجمنج وحبيت ابدا اشارك فيها ولو اني ما شاركت , اخر مشاركة فعلية لي بجيم ماستر كانت تغطية معرض e3 وبعدها انضممت رسميا لتروجمنج

===========

انتهت قصة حياتي بالنت

 

[DONY]

ذكرتني.. كان عندنا واحد من الطلاب Pokemon professor, بالفسحة كل الطلاب يتجمعون حولينه بالكروت والجيم بويز ويسألونه عن البوكيمونات وكيف يتطور هذا واللي يعطيه الجيم بوي يخليه يعديه مكان معين :laugh::

عندي احساس أنه انت كنت هالشخص :happy:.

 

[haMod07]

بدايتي في الانترنت كانت في (2004) تقريباً ..
بديت في منتدى اسمه الواحات .. وكان كل همي المشاركات ثم المشاركات ثم المشاركات ..
كنت طول الوقت (مشكوووووووووور .. ماتقصر ) وأطلع .. وصلت تقريباً 500 مشاركة كله بهذا الشكل تالي قال لي واحد ليش انت طول الوقت مشكور .. قلت اليه بكل برائه .. أبي أزيد مشاركاتي .. قال لي ليش ماتشارك بشي مفيد مثل رأيك عن الموضوع الي قريته تتناقش .. قلت اي والله ليش ما أناقش .. وبديت أتناقش وأرد ردود محترمة شوي ..
تالي جت في بالي ان اصير مشرف قسم السيارات .. ومن ذاك اليوم طووول الوقت مواضيع عن السيارات .. وللاسف ما صرت وسحبت على المنتدى وشفت مليون منتدى احسن منه .. وقعدت أشارك فيه تالي رحت للفيسبوك وتويتر

هذي كانت بدايتي في النت

 

[Kaze]

دخلت الانترنت لغرضين ... هما

1) اتعلم KOF combos ثم تضبيط تحديات دولية مع الدول المجاولة
2) احمل أنمي

هذا الكلام قبل سنة 2000, كنت ازور موقع ثوري لسلسلة KOF وكان اسمه www.kofonline.com كان يوفر فيديوات و مانجا عن السلسلة بشكل محترم و كل الـ updates الي تتعلق بالسلسلة بحكم التخصص, فجئة اهملت الجماعة الموقع و صار قديم ولكن الملفات كانت شغاله و كنت استفيد منها كمرجع الى ان تم اغلاق هذا الموقع نهائيا ً وهذا طبعا على مطلع الألفية الثانية.

كنت اشتري انمي و احمل انمي بنفس الوقت, الانمي الي كنت اشتريه ايام زمان كله VHS و استوراد الى ان انتشرت القرصنة, و اصبح الانمي شيء متوفر على الشبكة.

طبعا ً اغلب متابعات للـ Games عن طريق موقع Games4arab ...

اعتزلت لعب KOF سنة 2004 و اعتزلت معاها الآركيد وقعدت في البيت و تعمقت في النت و المنتديات.

 

[Snake-87]

على طاري البوكيمون ذكرتوني.. كنت أطبع صورهم من النت وأبيعهم على أصحابي بالمدرسة :laugh::

مجرم xD

 

[persona]

شبيكه الانترنت سنه 1998 وانت طالع؟
تتذكرون قبل لما حرموا الانترنت وطلعوا بفتاوي لانه كان فكرتهم بس انه يطلع مواقع اباحية؟ وقالوا نبي نمنعه للافراد ونخليه بس للشركات؟:laugh::

 

[Mada Mada Dane]

اخخ على ايام كروت البوكيمون! لول .. لما زهقت قمت ابيع الكروت الي تلمع عندي لعيال جيرانا الكرت على 80 ريال و ماحولها, و أحيانا يوصل الـ 100 ريال .. خخخخخ ولا عروض خاصه لهم علشانهم عيال جيرانا لول!

 

[Averroes]

شبيكه الانترنت سنه 1998 وانت طالع؟
تتذكرون قبل لما حرموا الانترنت وطلعوا بفتاوي لانه كان فكرتهم بس انه يطلع مواقع اباحية؟ وقالوا نبي نمنعه للافراد ونخليه بس للشركات؟:laugh::

:laugh:: ذكرتني لما حرموا جوالات أبو كاميرا