كيف كنت اول ما بديت تدخل النت؟

[mohamed]

بديت 2002 بمنتدى فاشل جدا اسمه arabsgate و كان عمري وقتها 11 سنة كنت اقضي عليه وقت هائل جدا كنت اتفنن بكلمة مشكور , مرة ازيد الواو مرة ازخرفها , هذه المرحلة باختصار , المهم المرحلة الثانية Gamemaster GM
2004 وقتها تطورت شوية وتخليت عن ردود مشكور نهائيا وبدت تتكون لي أراء وقناعات وصرت اعرف بنات ومسوي كول وحركات وصار عندي اصدقاء وهمين كثار على النت اقضي معاهم ساعات نتكلم بالتفاهه واستخاف دم , المهم طفشت من هالحال فعملت بلوك لكل
المنتدى والإيميل ( مع العلم اني كنت مشرف ) واكتفيت من الغباء كان نفسي اشوف نفس واعية مناقشة تفهم وتستوعب يعني كان نفسي الاقي ناس صاحبة فكر مميزة وللأسف كل الي عرفتهم من المنتدى كانوا السبب في LOW my iQ score كانوا يكتبون 10 صفحات عن حلقة انمي
لا يوجد بها كلمة مفيدة جميعا تحتوي كلمات منحطة ( واو كيوووووت , كااااااااوي , والقائمة تطول ) وكانت هذه الردود تعتبر مكان فخر للمنتدى ويعجب بها الجميع ويحاول تقليدها , ومصدر انذهال ليه بالفعل لا أنكر اني حاولت اكتبر عشر صفحات من هالنوع لكن فشلت فشلت فشلت
وتراجعت الحمد لله .وإلخ من الأسباب .. الين وصولي لترو جيمنج منتدى فيه عقول راجحة حب حقيقي للعبة او الأنمي على سبيل المثال , وليس مجرد تصنع .. والمهم اني مكتفي بتصفحه وراضي .

والمثير للسخرية أنه كان فيه ناس تسوي نفسها فاهمه وتتكلم لغة عربية فصيحة , لكن لما تقابل هؤلاء الناس خارج المنتدى - مسنجر - يطلع لك العكس تماماً :laugh:

 

[Wild Fox]

بدايتي كانت بــ2000 . اول مره جلست على النت كنت مو فاهم شي. و اذكر اخوي الكبير وراني التصفح و انا اقله "والله تفاهه" بس تفتح صفحات "مو حلو" . جا يوم و طلعوا كلهم من البيت و راحوا مكه و انا كنت طفشان قلت خليني اقعد على النت و جلست اول مره حوالي 9 ساعات. طبعا الى اليوم ما اعرف ايش كنت اسوي . اكثر مواثع كانت WWF.com و اين و كنت ادور صور العاب و مصارعين و احفظهم و اغاني اجنبيه.و مره شفت اعلان لموقع GAMES4ARAB و كانت بدايتي فيه و دخلت المنتدى و سجلت و صرت اشارك. ذكريات T_T

 

[alakafi]

والمثير للسخرية أنه كان فيه ناس تسوي نفسها فاهمه وتتكلم لغة عربية فصيحة , لكن لما تقابل هؤلاء الناس خارج المنتدى - مسنجر - يطلع لك العكس تماماً

ممتاز عندك الناس الفاهمه = تتكلم لغة عربية فصحى

***** ********


ههههه غيرت اسلوبك وطريقة كلامك بس ماغيرت حبك لليوفي

ياريت تحافظ على عضويتك :laugh::

 

[itachi]

بدايتي عام 99
كنت مدمن ماسنجر وأحب اطالع وأكتشف مواقع ...ادش منتديات بس ما ارد ...بعدها صرت مدمن ألعاب بي سي وصرت اتابع جيم سبوت وبعدها تطورت ووصلت الى تي جي

 

[Jonas]

اول لما اقرأ رد اقراها بصوت الشيء اللي في الافاتار, يعني لما يكون الافاتار في صورة واحد سمين كنت اقرا الرد بصوت غليظ و باكاد يتنفس ولما كنت قرا رد لواحد صورته صقر كنت اقراها بصوت واحد رجال نشمي فاهم شمخ.


الحين ابغى اقرا رد ريفولفر بصوت بنت مجنونة شعرها من دببة ما اقدر ): كل الردود اقراها بصوتي. (الا الردود اللي اصحبها افاتاراتهم هياكل عظمية)

هههههههههههههههههههههههههههههههه , في ايش بالضبط كنت تفكر لمن كنت تسوي هالشي ؟ :laugh::

كنت احط كلمة [ اخوي ] بين كل كلمة وكلمة ..!
و ما كنت الوِّن =)

كلمة " أخوي " و " أخوي كيف حالك ؟ " الى الآن موجودة بالمنتدى هذا و منتديات ثانية :yuck::yuck:

 

[Noah`s Ark]

انا عجزت اشوف المزعج بخصوص التلوين ..

كثير هنا ما يحبوا التلوين , لكن ما عليك من احد ...
سو الي يرحيك و طلع الرد بالشكل الي انت تشوفه مناسب فيه .
الألوان ماهي مخالفه لأحد + ما فيه قانون ينص على عدم التلوين .
أخوي جوناس , يا اخي المسلمين اخوة :tongue:

 

[Gladiator]

تجارب ممتعة استمتعت بقرائتها

يعني غلط استخدام كلمة "اخوي" ؟

 

[Noah`s Ark]

^

 

[persona]

هو كان فيه انترنت في الخليج عام 1997 ؟

كان فيه ، عندنا بمجمع الخليجية الساعه كانت ب4 دنانير ، ولفوق ال18 بس
انا بالسليمه راح افكر انهم خايفين على كيبورداتهم وكومبيوتراتهم مو على شي ثاني
لانه على وقتها ماكان فيه بلوك على المواقع ، مفتوحه على البحري :laugh::

 

[Saadawii]

تجارب ممتعة استمتعت بقرائتها

يعني غلط استخدام كلمة "اخوي" ؟

لا مو غلط. بس المبالغة في ذكرها تفقدها معناها. هذا رأيي.

 

[Jonas]

لا مو غلط. بس المبالغة في ذكرها تفقدها معناها. هذا رأيي.

+1 أوافقك الرأي


بعض الاحيان تشوف واحد يكتب ( هلا اخوي , كيف حالك اخوي , ممكن اسألك اخوي , شخبارك أخوي ) :yuck::yuck::

 

[Mute City]

بدايتي في 2005 كانت مسنجر و يوتيوب وجوجل سما
كانت إهتماماتي في الأنمي + كنت أحسب مافي عرب تفهم في الألعاب كنت أحسب
إني الوحيد الي يلعب أر بي جي وباقي الناس كلها ( كوره حرامي سيارات )

 

[Mista Koo]

هههههه موش مومكن حركة قراءة الردود بصوت الأفاتر :laugh::

بدايتي كانت في Yahoo Games (عام 98 تقريبا) بحكم إن الوالد كان مانع عننا التشات (وكثير من الأحيان كنا نخش الجيمز عشان التشاتنج :spy🙂
وطبعا تحزير المواقع www. الشيء اللي تبيه.com إذا ما نفع .net :laugh::.. يمكن الموقع الوحيد المفيد اللي أذكر إني عرفته بهذه الطريقة هو جيم سبوت (videogames.com)

بعدين انتقلنا لمواقع شركات الألعاب والمصارعة وغيرها
المنتديات ما بديت أدخلها إلا متأخر (2001 يمكن؟) والمنتديات العربية متأخر مرة (2004)

هو كان فيه انترنت في الخليج عام 1997 ؟

تقريبا اي.. هو بدأ بحدود هذي الفترة, حتى أول شي كان موجود في البحرين ومو موجود هنا (السعودية) فكانوا يشبكون عن طريق البحرين

انا عجزت اشوف المزعج بخصوص التلوين ..

عندهم فوبيا من الألوان :tongue:

 

[DEMON]

بدايتي الحقيقية بالنت كانت متأخرة جداً ( 2005 ) لكنها بدأت في وقت أبكر شوي لكن مو مرة ( 2004 )

اللي أتذكره إنه كان شوية مسن و موقع كووورة المليان بناس ما تفهم بالكورة و غالب وقتي كنت أستكشف النت بحثاً عن البرامج و التعلم عليها ..

الحمدلله مالي أي تاريخ سابق ( مخزي ) بالمنتديات و يمكن بعضكم ماراح يصدق إنه تروجيمنج هو أول منتدى أشارك فيه بشكل فعال 🙂

انا زيك بكل حاجة
وبرضو يمكن تروجيمنج اول منتدى اشارك فيه بتفاعل
يعني كطنت اشارك بس مش ذاك الزود مثل الحين

 

[X-SRI-X]

هههههه موش مومكن حركة قراءة الردود بصوت الأفاتر :laugh::

اللي أذكر إني عرفته بهذه الطريقة هو جيم سبوت (videogames.com)


عندهم فوبيا من الألوان :tongue:

العنوان القديم لجيم سبوت اعتقد

 

[Akilla]

انا عجزت اشوف المزعج بخصوص التلوين ..

الله يخليك . لا تلون 🙁

 

[Vorg Zangief]

نفس الحالة هنا

 

[Zulfiqar]

كثير هنا ما يحبوا التلوين , لكن ما عليك من احد ...
سو الي يرحيك و طلع الرد بالشكل الي انت تشوفه مناسب فيه .
الألوان ماهي مخالفه لأحد + ما فيه قانون ينص على عدم التلوين .
أخوي جوناس , يا اخي المسلمين اخوة :tongue:

خل الناس يبدون يلونون و بيصير عليه إنفراكشن.
قد مريت على منتديات الردود فيه كأنك في حصة فنيه, كل حرف بلون غير ... تمنيت إنهم ماكتشفوا الألوان.

 

[Snake-87]

موقع (كبّر) كنت أدشه بكثرة مع الوالد .
www.capcom.com أول موقع كتبته بحياتي (خذيته من غلاف مارفل ضد كابكوم) .

 

["a7mad"]

مشكور الله يعطيك العافيه..

جاري التحميل ||||||||||| 34%

وطبعا لازم التلوين بالمواضيع :laugh::

او تقبل مروري تحياتي و ذي الكلماتي :confuse:

 

[Suzuki Yu]

افتكر اول مرة أستخدمت فيها النت كانت يا 1998 يا 1999 ماني فاكر بالضبط وكان في مقاهي الانترنت طبعا

وأستخدامي وقتها كان بيور جيمنج ..... الله على ايام الدريم كاست لما كنت ادخل الموقع الرسمي للشركة ويقعد الواحد يطالع الصفحة تكتمل حبة حبة :crying:

اما عن اكثر تريلر شاهدته في حياتي فكان هذا ( 2001 )
[youtube]h0Izd2f6k2I[/youtube]

قبل ما تنزل اللعبة افتكر كنت كل شوية اروح المقهى خصيصا عشان اشوفه ثاني :crying:

 

[Upperleft]

80% احراج لو اتذكره الحين 🙁

 

[G7Ga7]

على حوالي بداية الـ2000ـات. طبعاً مثل الاغلبية على تشات علي بابا, وإيميلات سخيفة :laugh::
بعدين تقريباً عام 2001.........

ugh أول منتدى وما كنت اصدق اني قاعد أتكلم عن هوايتي المفضلة مع ناس من كل مكان :O. عاد كل شيء غلط سويته, مشكوووور, والبحث عن زيادة المشاركات, وجعل الاشراف الهدف الأسمى, المواضيع السخيفة...الخ.

أخيراً عرفت تي جي عام 2005 وسجلت. بعدين كان لي زيارات بسيييييطة لمنتدى هنا وهناك, بس رجعت لتي جي لأنه الوحيد الي ارتاح فيه.

 

[The Doctor]

المواضيع السخيفة...الخ.

يا للعبط!

 

[Colorization]

شنو ما كنت؟

والله ترو جيمنج سنعني تسنييييييييييييع. أدين له بكل شي.

 

[Lunar Poet]

ما كانت عندي حركات هبلة حيل ^^، يعني ما أذكر إني كنت راعي "مشكوووووور" و هالحركات ^ـ^
بس كنت أمصخها مع السمايلات ^^"

لول ما كان يخلي رد لي منهم -ـ-"

 

[Id]

كنت أدخل موقعين غربيه وموقع عربي واحد من فترة 1998 إلى 2005 .. VideoGames.com الي هو Gamespot الأن و the-magicbox و موقع أين .. غيرها ما كنت أهتم ..

ما عرفت المنتديات و المجتمع الأفضل إلا هنا في TG و لا قبلها كنت في منتدى واحد بس و الله لا يعودها من أيام ..

 

[G7Ga7]

كنت أدخل موقعين غربيه وموقع عربي واحد من فترة 1998 إلى 2005 .. VideoGames.com الي هو Gamespot الأن و the-magicbox و موقع أين .. غيرها ما كنت أهتم ..

ما عرفت المنتديات و المجتمع الأفضل إلا هنا في TG و لا قبلها كنت في منتدى واحد بس و الله لا يعودها من أيام ..

:laugh::

 

[Nintendo]

اوكي اتوقع حان وقت فضايحي...

اذكر اول مرة دخلت النت سنة 1999 وطبعا مافي داعي اقلكم وش هو اول موقع دخلته (بجهاز اخوي لانه كان قاعد يورينا هذا الاختراع اللي اسمه انترنت) www.nintendo.com, ووقتها شفت صور للعبة دونكي كونغ 64 ماعمري شفتها بحياتي بحكم انه من سنة 94 وانا اشتري كل انواع مجلات الالعاب ولمن شفت الاشياء اللي بالنت وكيف هي متقدمه على المجلات بسنين ضوئية بدأت مرحلة البكاء والنواح الين الوالد رحمة الله عليه ماشترالي كمبيوتر واشتراك انترنت.

بعدها مرحلة المايكروسوفت شات. الين مرة وصلت فاتورة التليفون فوق ال4 الاف ريال ووقتها... اضطريت اني اترك الشات غصبا عني (لول انتم فاهمين ليش). اذكر اني كنت مشترك مع شركة اسمها عرب نت والاشتراك يخلص كل شهر ولازم اروح للشركة عشان اجدده بطلب جديد وطابور وقلق تقول دائرة حكومية (لول الحين صاروا هم يجروا وراك عشان تشترك), يمكن من اكبر المشاكل اللي واجهتها اني ماعمري استخدمت كمبيوتر بحياتي غير مع بداية من النت ونص ازارير الكيبورد ماكنت اعرف وش استخدامتها اصلا (لول لدرجة انه لفترة قريبة جدا جدا جدا فيه زر ماكنت اعرف وش دوره ونايف العيسى ومحمد علموني وانا اسجل حلقة كاست خخخ).

حكايتي من المنتديات العربية بدات عام 2000 بمنتدى المنتدى واذكر روية القصة كاملة بمدونتي الشخصيه من قبل, يالله تعرفت على ناس اقسم بالله اعزهم مثل اخواني واعتبرهم اخواني واكثر عبر السنوات, البعض اختلفت معهم والبعض استمريت معهم ولكن بالنهاية كل ذي اعتبرها تجارب بالحياة وكل يوم الواحد يتعلم شئ جديد..

 

[Colorization]

يالله تعرفت على ناس اقسم بالله اعزهم مثل اخواني واعتبرهم اخواني واكثر عبر السنوات, البعض اختلفت معهم والبعض استمريت معهم ولكن بالنهاية كل ذي اعتبرها تجارب بالحياة وكل يوم الواحد يتعلم شئ جديد..

هذا يمكن أكثر شي أفتخر فيه كوني شخص يعيش ويتغذى ويتكاثر بالمنتديات. تعرفت على ناس كويتيين صاروا أعز ربعي وأكلمهم كل يوم، وتعرفت على ناس ذهب بالخارج علاقتي معاهم بالضبط مثل علاقتي مع ربعي اللي بالكويت وأسافر سنوياً أكثر من مرة بس عشان أشوفهم.

عشان جذي ترو جيمنج كان وما زال أفضل منتدى عربي