كويت كويت كويييت !!!!

[Tomb raider]

السلام عليكم ورحمة الله وبركاته !!!!

الحمد لله على سلامتي اولا P:
لول حاولوا تقرون الموضوع بالكويتي !
الاسبوع اللي فات كلمت Colorization اني بيي الكويت ، وعلى نحاستي اليوم الثاني الامير توفى عندهم !
قلت اكيد ياي بوقت غلط ، المهم وصلت الكويت يوم الخميس العصر ! كلمت Colorization , بعد ما وصلت
الفندق "اللي صار فيه ايفينت الكويت" .... مر علي محمد بعد صلاة
المغرب ، ورحنا The Avenues ، طولت فيه وايد بس رحنا ستاربكس وطلعنا !
رحت ديوانيتهم ولعبنا سماش ما ادري كم ساعه !!! كولو كان تاركها فتره ! يقول انه حب اللعبه وايد لأن محد يلعب معاه !!

استانست "حيييل " معاه والله !!! رجعت البيت متأخر وقعدت اكلم AMG بالكيمرا خخخخ حسيت اني كنت مدوخ وانا اكلمه !
عموما اليوم الثاني مر علي Colorization وبعدها Ash, Jizasu, و حمد "واحد من ربعهم" رحنا "الرحااااب" وكل شوي اش يضحك ما ادري ليش ! شو السالفه ؟؟؟ عموما بعدين الانطباعات عن الشباب P: ، في الرحاب يانا M7tram وسلمنا عليه وكلنا رحنا تعشينا في مطعم ذلنا عليه ذللل Colorization اسمه "بافلوز" الاكل حلو فيه بس اوفر ريتد P:
طبعا في المطعم يانا Golden _ Sun تغير وايد P: !!! وناسه المطعم كلنا وسولفنا وكل شي خخخخ.

بعدها قعدنا ربع ساعه نقرر وين نروح خخخخ وآخر شي رجعنا ديوانية محمد "لول احسن كان ودي العب سماش خخخ " رجعنا هناك وقعدنا نلعب مده ما ادري كم ، وصار الخبااال اللي قاعد يضحك واللي قاعد يتغشمر واللي يصارخ علشان سماش وانا مندمج في اللعب !!
ما شاء الله M7tram يعرف يلعب "يهزئنا P: " فرت مرتين او ثلاث بس -_- علشان تعرفون اني نوووب !!
عموما بعد ما خلصنا لعب ، صورنا كم صوره !!! تفضلوا !


لحظه !!


انطباعات عن الشباب صح !

Colorization : انسان هادي ونعسان P: وصراحه ماقصر معاي ! كان في تواصل كبير بيني وبينه ! في البدايه انصدمت منه !! ما توقعت شكله جذي لأني بس شايف صوره وحده وويه مو مبين كامل بس نص ! مشكور محمد على كل شي استانست حيل ويااك !!

m7tram : صراحه ! ما غلط لما اخد النك نيم هذا ! فعلا محترم وحلوه سوالفه !!! وبقوللك انت لعيب سماش ما شاء الله علييك !!

Jizasu: لول ما شاء الله ! طيب وايد وسوالف !! وتحسه مرِح ...ننتظره بدبي D:

حمد: ولو اني ما سولفت وياه وايد بس باين خوش انسان وباين انه طيب 🙂 "يشبه واحد اعرفه P: "

Golden_sun: هالانسااان Special ! اول كويتي اتلاقى وياه في 2004 مع نايف !! شهادتي مجروحه فيه وفي تواصل بيني وبينه بالموبايل" رسايل غالبا" وهم اقوله انتظرك بدبي !

محمد: جانا في الديوانيه ولعب معانا سماش ، انسان محترم وايد ويعرف يلعب سماش اهم شي P:

والصدمه !!
Ash: صدمه !!! فعلا صدمه !! اكثر واحد انصدت فيه !! الصور غير عن الواقع !!! توقعته انسان هادي !! انا المسكين اللي يقولون عني بالع راديو ، شو تقولون عن فيصل Ash ؟ مو بالع راديو الا مسرح منزلي !!! ما شاء الله لا يقول حسدت بسP: ، ماشاء الله انسان عكس التوقعات وايد وايد وايد مرِح ويضحك وايد ! بمعنى الكلمه "واييييد يضحك" لدرجة انه يدمع من الضحك !! غالبان انا جذي نظراتي له 😵 ، صراحه كان مسوي جو حلو في الطلعه !! آش لا تنسى "الذبيحه "... ونتلاقى 🙂

وأترككم مع الصور والفيديو !!

محمد - عيسى- تووم ريدر

فيصل محترم

حمد- كولو رايزيشن ورا من اليمين - فيصل آش - جيزاسو عيسى

آش-جيزاسو - فيصل- تووم ريدر

نفس اللي فوق

حمد

هني كولو قاعد يلعب وياي ! هزأني كم مره !

العجييييب Golden_sun

صور جماعيه !!!

فوق من اليمين : حمد- عبدالعزيز-محترم- كولورايزيشن
تحت من اليمين :جولدن سن وآش !

فيديو !!!
[youtube]TeB4wAW_nKo[/youtube]
http://mt15.quickshareit.com/share/preview/17052008073a5436.mp4

اخيرا رجعت اليوم الثاني لدبي بسلام والحمد لله والله يعني عالكلاس باجر -_-"





​

 

[aza619]

مسوين ايفنت من ورانا >.>
لول .. اهم شي انك استانست ^^

 

[AMG]

حمد الله على السلامة عبد العزيز

الصور كوول و واضح ان الجمعة كانت حلوة . تسوأ شي فيها سماش :razz:::razz::

خخخخ حسيت اني كنت مدوخ وانا اكلمه

خخخ حاس ؟؟؟ انا فكرت في الاول انك شارب شي غلط و انت تلكمني :whistle::whistle: خصوصا الاصوات الغريبة الي كنت تسويها !!!! كنت حاسس انك بتتحول :what::what:

 

[m7tram]

وعليكم السلام والحمدالله على السلامه , اهم شي انك استانست P: , وادري اني فنان بسماش :razz:: .

 

[sora]

انا اقول الكويت منورة صار لها جم يوم الحمدلله على سلامتك.
وواضح انك مستانس الشباب ما قصرو.
سماااااش

 

[Mario2]

p: .. ولا ما تذكرت اتصالاتي ( في النهايه كانت على حسابك خخ ) .. الصراحه الواحد يستاهل يروح يشوف مثل هالويوه .. جولدن سن النسخه الميكر اوفر لول .. يشبه وايد ببعض الاشياء بالعضو جينكو من ناحية الملامح .. اهم شي نشوف مثل هالزيارات بين بعض لانها تظل ذكرى حلوه في النهايه ..

 

[Tomb raider]

مسوين ايفنت من ورانا >.>
لول .. اهم شي انك استانست ^^

لول مو ايفينت كل اللي صار بسرعه ! انا كنت ياي بغرض معين ! وصار اللي صار D:

خخخ حاس ؟؟؟ انا فكرت في الاول انك شارب شي غلط و انت تلكمني :whistle::whistle: خصوصا الاصوات الغريبة الي كنت تسويها !!!! كنت حاسس انك بتتحول

ههههههههههههههههههههههههههههههههه !!!

وادري اني فنان بسماش

زين عيل P:

انا اقول الكويت منورة صار لها جم يوم الحمدلله على سلامتك.
وواضح انك مستانس الشباب ما قصرو.
سماااااش

الله يخليك !!

 

[Tomb raider]

p: .. ولا ما تذكرت اتصالاتي ( في النهايه كانت على حسابك خخ ) .. الصراحه الواحد يستاهل يروح يشوف مثل هالويوه .. جولدن سن النسخه الميكر اوفر لول .. يشبه وايد ببعض الاشياء بالعضو جينكو من ناحية الملامح .. اهم شي نشوف مثل هالزيارات بين بعض لانها تظل ذكرى حلوه في النهايه ..

وويهي؟؟؟؟؟؟؟؟؟

 

[Ash]

حمد الله عالسلامه!
هههههه بالنسبه للصدمه لازم أسمع هالكلام بعد ما أشوف أي أحد , تعودت , و صدقني مافي أحلى من الضحك المتواصل لساعات!
نورتنا و ان شاء الله نعيدها مره ثانيه .

 

[Mario2]

لول ومو انت حضرتك اللي ساير لهم ..o: .. يعني كلامي ممكن ينطبق عليك ..

 

[Isaac]

فلة الجمعة .... أحس أحلى شي إنك تغترب عن بلدك وتلقى مجموعة شباب في استقبالك ... يجيك شعور إنك في بلدك الثاني.


ويا خبيث يا عزيز ما تيوز عن عوايدك !! :laugh::



فيصل مرة نحفان ومتغير عن ايفنت الصيف. طالع كنك شخص ثاني !

 

[G7Ga7]

الحمد لله على السلامة ..
فيصل :O
محمد :O
آش :O
تومب ريدر ... لول لم تتغير البتّة 😛

أما سوبر سماش 🙁
ويني عنك يا محترم ...

 

[Torpedo]

u know i can sue you for this pic 😛 ..
remember ? >.> the annual event >.> haha ..




srry, no arabic in my laptop..

 

[Humam]

هههههههههههههههه ماشاء الله.. هذي الحركات السنعة.. هذا stealth event وعلى الطاير لول..

الصور مرة رهيبة.. بس أحلى شي اني كنت اتفرج الصور بالترتيب اشوف الشباب يلعبوا.. انزل انزل انزل على بالي بشوف HDTV وحركات الا يطلع هذا التلفزيون لول, محمد ما ودك تشتري تلفزيون HD مش معقول

فيصل هذي يمكن أول صورة واضحة تماما أشوفها له.. طلع يشبه واحد أعرفه بنسبة كبييرة لول.

يعطيكم العافية شباب.. أرهب شي مواضيع التجمعات ان شاء الله نشوف أشياء أكثر مع اقتراب الصييييف 😉

 

[persona]

منور تومب رايدر ..الكندورة مسويه شغل بالصور ..ومطلعتك مميز

محترم ليش ماتضحك :what:

كولو صاير بطة ..عقبالنا ..

حلوة الجمعة .. اتمنى تتكرر مع كل اعضاء ترو قيمنج

 

[Nintendo]

ألله يجمعكم على خير دايم شباب , شكلها الجمعه كانت فله

عبدالعزيز باقي جده ياعبدالعزيز .. تعال هنا وتشوف ايفنت فيه متعصبين كابكوم وسيجا الين يشيب شعر راسك كله ..

 

[Xeno]

هههههههههههههه كولو رهيبة القصة.

بطل عزوز على الزيارة الخفية, أهم شي استانستوا, عقبال ما نتعرف عليكم.

 

[Khalid-S]

شكله كان "فله" من جد. الله يخليكم لبعض 😉

الفيديو رهيب هههه.

 

[Bounty]

نورت الكويت بوجودك عبدالعزيز .. ياليتني كنت بالكويت 🙁 ..

ان شاء الله الجايات اكثر

 

[BioMario]

كشخة الفيديو ..
الحمد لله على السلامة عبد العزبز ..
وماشاء الله على الشباب ^_^ ..

وإنتظرو إيفنت الإمارات XD

 

[Lunar Poet]

ما شاء الله، الله يديم هالصحبة :happy:
ههههه أحلى شي الفيديو :laugh::

 

[Colorization]

الحمدلله على سلامتك عزوز والحمدلله إنك إستانست وإن شا الله ما تكون آخر مرة تجي فيها الكويت (ييب معاك نايف المرة الياية ).

همام الـHD باخذه.... قريب 😛

كولو صاير بطة

🙁

 

[m7tram]

فيصل هذي يمكن أول صورة واضحة تماما أشوفها له.. طلع يشبه واحد أعرفه بنسبة كبييرة لول.

لول همام حدد في اثنين فيصل .

محترم ليش ماتضحك

يعني ثقيل 😎: , لوول لا انا طبيعتي جذي بالصور أتسمر ماعرف اخذ راحتي .

 

[Zero]

اللقاء يبدو خرافي ، والجمعة لما يشوفها الواحد والله يفرح فما بالك لما يعيشها ، عزوز بو لارا شكلك استمتعت كثيرا والشكر لمحمد على كرمه وضيافته : ) .

 

[Tomb raider]

حمد الله عالسلامه!
هههههه بالنسبه للصدمه لازم أسمع هالكلام بعد ما أشوف أي أحد , تعودت , و صدقني مافي أحلى من الضحك المتواصل لساعات!
نورتنا و ان شاء الله نعيدها مره ثانيه .

الله يسلمك ههههه ! اصلا لا كنت راكب السياره ، انت اتصلت في محمد قالي ما ادري شو فيه فيصل يضحك ! على بالي في شي مستوي ! الا بعد ما شفتك عرفت حقيقتك P:

لول ومو انت حضرتك اللي ساير لهم ..o: .. يعني كلامي ممكن ينطبق عليك

شكرا P: .

ويا خبيث يا عزيز ما تيوز عن عوايدك !!

لول بعد ما صورنا الصوره آش نقز يبغي يشوف الصوره بالتلفون قعد ساعكت مو مستوعب شو السالفه وانا انفجر من الضحك وكلهم يطالعوني هههههههههه:laugh::

تومب ريدر ... لول لم تتغير البتّة

لول من شهرين وشوي شايفني يعني شو اللي بيتغير فيه P:

u know i can sue you for this pic 😛 ..
remember ? >.> the annual event >.> haha ..

منو ما يتذكر P: راصي صار مثل النعامه خخخخخ

هههههههههههههههه ماشاء الله.. هذي الحركات السنعة.. هذا stealth event وعلى الطاير لول..

اصلا السالفه ومافيها اني كنت بودي اهلي زياره ، فقلت عصفورين بحجر D:

نور تومب رايدر ..الكندورة مسويه شغل بالصور ..ومطلعتك مميز

تسلم !! الكندوره FTW

عبدالعزيز باقي جده ياعبدالعزيز .. تعال هنا وتشوف ايفنت فيه متعصبين كابكوم وسيجا الين يشيب شعر راسك كله ..

هههههههه نحاول ليش لأ !

بطل عزوز على الزيارة الخفية, أهم شي استانستوا, عقبال ما نتعرف عليكم.

خخخخخ اصلا محد حس اني مسافر في المنتدى بس قلت حق ماريو ٢ ونايف ومن الامارات وكولو ومحترم يعرفون من الكويت !

شكله كان "فله" من جد. الله يخليكم لبعض 😉

الفيديو رهيب هههه.

يس فعلا استانسنا !!

نورت الكويت بوجودك عبدالعزيز .. ياليتني كنت بالكويت 🙁 ..

ان شاء الله الجايات اكثر

المررات اليايه ان شاء الله D:
وعقبال ما تنور الامارات بوجودكم 😉

كشخة الفيديو ..
الحمد لله على السلامة عبد العزبز ..
وماشاء الله على الشباب ^_^ ..

وإنتظرو إيفنت الإمارات XD

لول احس اني خلاص سفير الامارات بالخليج P:
والله يسلمك !!!

ما شاء الله، الله يديم هالصحبة :happy:

آمييييين D:

pحمدلله على سلامتك عزوز والحمدلله إنك إستانست وإن شا الله ما تكون آخر مرة تجي فيها الكويت (ييب معاك نايف المرة الياية ).

الله يسلمك محمد !!! ان شاء الله المره اليايه نايف !!

بس بالصيف انتوا لازم تيووون !!

اللقاء يبدو خرافي ، والجمعة لما يشوفها الواحد والله يفرح فما بالك لما يعيشها ، عزوز بو لارا شكلك استمتعت كثيرا والشكر لمحمد على كرمه وضيافته : ) .

اللقاء صراحه كان خفيف وممتع !! بس الاكل ثقل علينا P:

 

[Ash Storm]

** واااااااااااااااااع فيا الرقاد! P: **

لول الحمد لله على سلامتك :xd:

 

[Golden_Sun]

لووول، والله ضحكت ذاك اليوم ضحك قرن بيوم!
نورت الكويت عبدالعزيز، صج ان كان يوم واحد بس، لكن استانست بحضورك! اهم شي بالسالفة الفيديو ~P: ليش ما حطيت الفيديو الاول @@ ؟؟؟

الحمدلله على السلامة، وعسى ان شاء الله استانست بالسفره؟؟
ومشكور عالكلام اللي كاتبه عني، احراج الصراحة ××

 

[Tomb raider]

استانست بالسفره اكييييد !

مافي احراج عادي عاديP:

الفيديو ما بغوا الشباب يحطونه ولا انا عادي عندي !
ايدي تحكني بس ما اقدر احط يمكن يزعلون الشباب خخخخ !


-----

لالا اش ستورم !! مب واااع "آآآآآآآآآه فيه رقااااد" خخخخخ اتحول P:

والله يسلمك !

 

[Mista Koo]

الحمدلله عالسلامة.. اليمعة شكلها كانت وايد حلوة << لازم الرد بالكويتي P:
أهم شي تسويه وإنت في الكويت أنواع الـspamming لكلمة "أي شي" :

كولو صاير بطة ..عقبالنا ..

QFT... بس عقبالك إنت لحالك >.>

 

[Ash]

فيصل مرة نحفان ومتغير عن ايفنت الصيف. طالع كنك شخص ثاني !

ههههه هذا الكم باك , طيرنا 20 كيلو عالماشي , عقبال الشخص الي ببالي "عارف نفسه" .