واحد يسوي استدعاء لفتون بسرعة
هههههههه رد السنة بالنسبة لي XD .. لول تروجيمنج صار غبار، من زمان ما دخلت!
شباب تويتر ما قصروا كل واحد حاط لي لينك للموضوع! ..
ما شاء الله أخ محمد أغبطك والله إنك رايح لكوريا .. كوريا بلد رائعة جدا و أضمن لك راح تستمتع بكل ثانية بوقتك فيها. أنا أدرس اللغة والثقافة الكورية حالياً وعندي علاقات وطيدة مع ثلاث عوائل كورية و الكثير من الأصدقاء الكوريين والكوريات فأي سؤال تسأله بلتقى له جواب بإذن الله، أنت آمرني بس =)
اللغة: الكورية من أسهل اللغات في تعلم حروفها الهجائية شكلاً وكتابة لكنها الأصعب في النطق للأسف لكن لا تخلي هذا الأمر يحبطك .. كبداية أنصحك تتعلم الهجائية لأنها سهلة وهي بتكون المفتاح اللي يسهل عليك فهم طريقة النطق فيها و أنصحك تركز على فم الشخص المتحدث وكيفية تخريج الحروف منه لأنه مافي طريقة أخرى تتعلمها بشكل صحيح إلا كذا ( لا تسوي آخر نصيحة بالشارع مع أي شخص غريب ولا بيصير شكلك شبهة لول ) .. تقدر تسهل على نفسك الموضوع وتروح قبل سفرك بفترة للسفارة الكورية وتاخذ كتيبات فيها جمل يومية بسيطة للإطلاع عليها قبل السفر .. عموما بتكون تجربة لغوية مثيرة لك إذا كنت مخك ممتاز في تقبل اللغات الجديدة.
الجو: كارثي في الصيف والشتاء .. حار جدا بالصيف ويتعدى أربعين درجة مع رطوبة عالية جدا ( مثل حالنا بالخليج ) والشتاء أسوأ بحيث درجة الحرارة تصل لعشرين تحت الصفر فإذا كنت مسافر خلال وقت قريب لازم تشيل معاك أثقل جاكيت تلقاه لأنه بردهم لا يحتمل .. أجمل فصول السنة تكون بالربيع والخريف، فيهم يعتدل الجو بشكل كبير وتنمو فيهم واحدة من أحب الأزهار لقلبي واسمها موقونج هوا (무궁화)، إذا كنت مطول هناك لا تفوت الذهاب للريف ومشاهدة هذه الأزهار على مد البصر :inlove:
المعيشة: رخيصة نوعا ما وخصوصا بالأكل فيما عدا السكن .. أسعار الإيجار للشقق إذا كنت بتسكن بشقة مو بفندق تتراوح ما بين 740 ألف إلى حوالي مليونين وون كوري ( تقدر تقول بين 2500 ريال إلى حوالي ستة آلاف ريال سعودي ) للشهر الواحد. التنقل لا تفكر تاخذ تكاسي عندهم وخصوصا من المطار إلا لو كنت مستعد تدفع حوالي 60 دولار أمريكي أو أكثر. حاول تتعود على استخدام الباصات و الميترو كثير وتقدر تلقى جداول المواعيد في كل مكان أو تنزلها على أيفونك من الآب ستور أسرع و أسهل. المطبخ الكوري مميز فيه أكثر من عشر آلاف طبق معظمهم حار جدا و كل واحد فيه شي يثير حاسة التذوق عندك بطريقة لاتوصف ( بدأت أسعبل و أنا أتذكر الكيمشي و البولغوغي والكيمباب والدابوكيه :inlove: ) .. إذا كنت تحب الأكل الشرق آسيوي مثل الياباني والصيني فحتماً راح تعشق الكوري وبتفضله عليهم. فيه أمور يتداولوها الناس عن الأكل الكوري مثل لحم الكلاب، أنا شخصيا ما أعرف لأني ما عشت بكوريا لكن أصدقائي الكوريين يقولوا إنه هذا الكلام ستريوتايب مو صحيح وإنه الجيل الحالي ما ياكل لحم لكلاب وأنا جربت بعض الأكلات الكورية المشهورة وما كان فيها إلا خضار و فلفل حار و لحم و بعض الأسماك والمحار، وحتى وأنا أقلب عدد كبير من الوصفات الكورية مالقيت للأمانة أي شي له علاقة بلحم كلاب. حاول تتأكد لما تروح هناك.
الشعب: طيبين جدا ومنفتحين أكثر من اليابانيين ونسبة كبيرة من الجيل الجديد الشاب يتكلم الانجليزية بشكل مقبول وخصوصا بالجامعات وبالعاصمة وبعض المناطق حولها مثل إنشيون وجوانجو، الكبار منهم وخصوصا بالمحلات الشعبية ما يعرفون الانجليزية. فيه بس أمر بسيط أحب أذكره هنا، الشعب هناك عنده تقدير مبالغ فيه جدا للأكبر عمرا فإذا كنت تخاطب شخص أكبر منك بالسن ولو بسنة خصوصا أول مرة حاول تراعي هذا الجانب، ممكن لأنك أجنبي بيتغاضون أحيانا عن مواقف أو أسلوب كلام منك قد أنت تعتبره عادي لكن هم يتعبروه قلة أدب .. أول ما تسقط الحواجز مع الشخص وتبدأ تكون صداقة معه خذ راحتك بعدها =)
أماكن سياحية: يا إلهي ما أدري من فين أبدأ ولا من فين أنتهي!! كوريا بلد سياحية من الدرجة الأولى كل شي يستحق الزيارة ومهما كانت ميولك أو رغباتك راح تلقى كل شي يلبي حواسك ورغباتك بالاستكشاف، أنا عندي كتاب ضخم حصلت عليه من السفارة الكورية فيه أكثر من 400 صفحة بالتفصيل الممل مع الصور والمواقع والأسماء لكل الأماكن السياحية والتجارية والمهرجانات و إلخ في كوريا .. تقدر خلال سنة كاملة تزور مكان جديد أو تحضر مهرجان جديد أو تسوي نشاطات جديدة كل يوم بكوريا أتوقع تلقاه بالسفارة الكورية .. بحط لك قائمة صغيرة جدا كبداية:
1- حي إيتاوان (이태원): واحد من أهم أحياء العاصمة ويسكنوه القليل من الجاليات العربية والهندية و فيه تلقى المسجد المركزي وهو أكبر جامع للصلاة بكوريا وحوله تنتشر أماكن بيع اللحم الحلال بالإضافة لمأكولات مصرية و تركية وهندية وغيرها. اسأل عن واحد من المصلين هناك اسمه عبدالرشيد بارك وهو مسلم كوري يتكلم الانجليزية بشكل ممتاز عن أي شي و راح يساعدك بكل تأكيد.
2- سوق نام دايمون الشعبي ( 남대문 ): في شمال العاصمة إذا ما خانتني الذاكرة، أكثر سوق شعبي ودي أزوره 3> .. فيه كل شي يخطر على بالك من ملابس وأكل ومسلتزمات منزلية وبطاقات و هدايا ومنتجات محلية ومستوردة بأسعار رخيصة جدا جدا .. مرة قالت لي معلمة اللغة الكورية إنه إذا راح شخص لسوق نام دايمون يبحث عن شي ومالقاه فهو كذاب لوووول .. يعني لازم تلقى كل شي فيه.
3- شلالات تشيون جيون ( 천지연폭포 ): فيه الكثير من أمثال هذه الشلالات الساحرة بكوريا .. ببساطة الصورة عن ألف كلمة، متى تجيني الفرصة لزيارة هذا المكان الساحر ؟ :crying:
4- قصر غيونغبوك غونغ (경복궁): هذا القصر على رأس قائمتي القادمة لما أزور كوريا إن شاء الله .. القصر موجود خارج سيؤول، واحد من أكبر القصور الملكية القديمة .. له هيبة الصراحة 3>
5- كوإيكس مول ( 코엑스몰 ): باختصار هذ دبي مول، فيه كل الماركات العالمية و الكورية الشهيرة ومطاعم وقاعة مهرجانات و أكواريوم ضخم وصالات ترفيهية.
6- جزيرة جي جو (제주도): واحدة من عجائب العالم السبع الجديدة .. الصورة توصف جمال هذه الجزيرة الآخاذ!
ياكثر المسارح والملاهي والمهرجانات وأماكن الترفيه و السياحة التاريخية و غيرها كثيييييير اللي بتكتشفها بنفسك.
بالنهاية آسف إني طولت عليك بس هذا الرد اعتبره هدية لتروجيمنج لأني من زمان ما دخلت و اعتبره ترضية لكل واحد زعلان مني إني ما عدت صرت أدخل و لقيت بالمصادفة وقت كافي أكتب فيه هذا الرد.
أتمنى أكون توفقت في إني أعطيتك لمحة بسيطة عن كوريا ولقيت في هذا الرد الملعومات اللي تحتاجها و هذا اللي أذكره حاليا ولا ودي أكتب أكثر بس خوفي من التطويل الزايد ..
أي سؤال أنا حاضر بإذن الله :happy:
