المشكلة حصر الابتكار فقط بكوجيما لول، يعني بلاتنيوم جيمز مثلا، لما طوروا لعبة ووندرفول 101، تحكم ب100 شخص ورسم سلاحك اثناء القتال، هذا ابتكار بالجنرا ولعبة مالها مثيل ومالها سيكول، استرال تشين لعبة اكشنية بتحكم بشخصيتين بآن واحد هو شي مميز جدا وما يخطر ببالي غير لعبة بس2 تقوم بهالشي، وكانت مختلفة جدا، بلاتنيوم جيمز احبطني كثير آخر سنين، بس مش هو الاستوديو اللي يجي ببالي لما افكر باعادة تدوير وصنع المزيد من نفس الشي او اجزاء جديدة لسلاسل محبوبة، الفشلة ما عملوا MGR2 حتى!
بس الصدق بالي ابدا ما جا بفكرة الهجوم على اشيائي المفضلة ابدا، كل اللي كان ببالي بردي الاصلي هو نفس اللي كتبته بالضبط: حتى كوجيما يقوم بصنع المزيد من العابنا المفضلة.
انا حتى ما قلت انه شيء سيء بالمناسبة او اعتبرته انتقاد.
كنت ايضا ابغى اربطه بالنقاش الدائر فوق بمسألة ادارة استوديو كوجيما وانه مش عارف ايش قاعد يسوي وقاعد يخاطر واحتمال يخسر تمويل ومدري ايش الخ، بس عمل سيكول هو اكثر حاجة آمنة وتضمن فيها انه الاستوديو حقك يستمر، وهو الشي الصح، هو برضو على اساس يقدر يستفيد من نجاح عنوان ديث ستراندنج بتطوير مشاريعه الخاصة المختلفة برضو.
يعني غالبا كوجيما نفسه كان يبغى يطور عنوان جديد كليا، بس ديث 2 هو اضمن شيء، لكن برضو ما يتعارض انه يقدر يحط افكار جديدة فيه ومتنوعة كعادته في العاب مجس، لكن لسه بيحصر نفسه لحد ما بحدود عنوان ديث ستراندنج فيه
الزبدة....اسمعوا بودكاست كوجيما، تراه مسلي ويجاوب على كثير اشياء تخطر ببالكم بشكل عابر وحتى تقدروا تعرفوا لحد ما عملية سير تطوير ديث ستراندنج كيف مشت، يرمي لمحات هنا وهناك ومرة كان يسولف عن دور البروديوسرز الخ
