كوجيما .. ؟

[Soliden]

صورة ملتقطة من عرض MGS في معرض E3 1997 .. أنا التقطها من 'The making of Metal Gear Solid 2' .. زي ما تلاحظون, الاسم المطلق على السجائر هو Moslem (تكتب Muslem و Muslim أيضًا, كلها صحيحة) .. في أحد يقدر يقول ليش مسمي السجاير مسلم ._. ؟ مع العلم إني بحثت بجدية في الأمر بس ما أحصل نتايج غير عن كلمة "مسلم" .. بلا معاني أخرى قد تكون قُصدت خطئًا ..

معظم أسماء الأدوات كانت متغيرة في العرض, الـ Binocular كان اسمه Finder .. على كل حال, أتمنى تكون الشكوك خاطئة, ويكون مجرد لبس .. أفا بقوة إذا طلع ذا الكلام من كوجيما إللي ما عمره غلط على ثقافة أحد في ألعابه :exclamati ..

 

[Lunar Poet]

ما اضنه متقصدها 🙄 .. الله أعلم ..

 

[Isaac]

وجـــع -___-"

 

[Humam]

مسلمين --- > سجائر ---- > تنحرق ------ > بعدين ندعسها برجولنا وقت نطفيها ؟؟ لول تحس تأصيل على كيفك ..

مدري بس إذا جينا ناخذها دور السجائر في ميتل جير طالما كان إيجابي حتى لو تضر صحة سنيك.. أحس مافي علاقة أو خيط تبين إن في شي مقصود على وجه التحديد..يعني هل يقصد سجائر ماركة مسلم على غرار سجائر ماركة مارلبورو ؟

.. بما إنها أتغيرت نو بربلم.. بس ما أعتقد كوجيما وفريقه بيحطوا شي اعتباطي.. أو يمكن كانت اعتباطيا ثم غيروها ؟ بأي حال من الأحوال مدام ما ظهرت في المنتج النهائي فهو أفضل, والا وقتها كان ممكن يكون في كلام ثاني..

 

[MD3]

اللي اعرفه عن كوجيما انه يتجنب الاساءة لثقافات الغير

بس مادري ايش حكاية مسلم ذي عالسجاير لاتكون ماركة واحنا ماندري

ولا يكون سنيك مسلم ياولد ترا ابوه البيج بوس احد القابه صلاح الدين *.*

ماادري بديت اقول اي كلام اتمنى الاقي تفسير منطقي لحكاية مسلم ذي اللي على علبة السجاير ؟!!!

 

[Alex]

غريبة في MGS:1 original ما كان مسمى السجائر بـ Moslem <.<
أمممم أرجح أنه خطأ لغوي لكون اللعبة مجرد عرض في الـ E3 97
أي قابلة لتطوير وقتها و مثل ما قال همام .. هيدو ما أعتقد أنه بيدخل
في مثل هالأمور .. و الله العالم =.=

 

[Nintendo]

الله يعلم بالنوايا ولكن ماعتقد ..

اليابانيين شعب مالها علاقة بباقي الاديان ولا لهم حق عليها .. يعني بصراحة ماقد شفت شئ منهم يمس الاسلام باي شكل .. عموما نحنا ناخذ حسن الظن وخصوصا انه الكلمه ماظهرت غير بالديمو وباللعبه الاخيره ماطلعت ..

 

[Khalid-S]

همممم .. لو كان يقصد كان كتبها بالشكل الصحيح Muslim .. ما اعرف .. لكن اهم شي انها تغيرت .. وما اعتقد شخص ذكي مثل كوجيما يغلط هذي الغلطه من البدايه .. لكن ما تدري.