كم مرة كسرت يد التحكم خاصتك

[iXtremeDark]

الحمدلله ولا مرة لانه نادر ما انفعل مع اللعبة بعصبية لأنه الموضوع مو سهل حق اليد من 120 درهم وطالع

 

[Axels]

كسرتها مره و أنا ألعب رزدنت إيفل 5 عند ويسكر

و كان الوقت متأخر و كل المحلات مسكره

لذلك تعهدت أني ما أقرب يمها أبد مره ثانيه هههههههههههههه :laugh::

 

[Waves]

و لا مرة 😎:

 

[k-n-b-e]

انا ختمتهم اثنينهم و الحمد لله ما كسرت ولا يدة 😎: <------ وش تبي يا ملقوف :laugh::

^
جرّب ديمونز سولز أو دارك سولز وقابلني بعدها لو ماكسرت اليدة XD

 

[Dark Side]

ولله عاد يامى انكسرت يدات البلايستيشن 1 و2 الغير اصلية
بس الاصليات ولا مرة انكسرت

 

[Dark Master]

الحمد لله ولا مرة
بالأول وبالآخر لعبة ولو حسيت نفسي بدأت اعصب وأتوتر اطفي الجهاز واسوي أي شيء ثاني

 

[Lost Piece]

بالنسبة لي عد واغلط مع اليدات غير الاصلية ..
والله كثييييير ، قصة مع التكسير ..
اما اليدات الاصلية الحمدلله ولا مره انكسرت ..

 

[razan_]

ولا مرا بس الأزرار تخرب D:

 

[mr.zin]

انا كسرت كثير لما العب فيفا وكود

طبعا اكسرة لني مادفع قيمته

 

[wander]

كسرتها في موقف ماأنساه وهو يوم كنت أختم ff-x ووصلت تقريبا 95% من اللعبة وإلا أرجع يوم من الايام وافتح الشريط يقولى no save game وإلا اروح اشوف كرت الذاكة اخوي الصغيرمسح مه كل شي وقمت رميت اليد .وبعدها تقريبا بيومين لقيتح واحد اعرفة عندة تخزينة اعتقد 87% واخذتها وكملت عليها
وعاش الجميع في سلام..

 

[itachi]

ولا مره كسرت يد ...مو لهالدرجه عصبي أنا

 

[VMB]

مــره وحده .. ع ايام البس2 .. اذكر كنت العب بيس دوري

 

[gameshark]

مره واحده فقط كله بسبب لعبة Shinobi على PS2

 

[haizenberg]

أيام الأتاري عد واغلط في الاسبوع تنكسر مرتين ثلاث ... لكن الالعاب الجديدة بدءا من ناينتيندو والأجهزة المقلدة له العائلة والقود بوي ماصارت اليد تنكسر عندي أبدا ولا تخرب حتى

 

[~L.O.R.D~]

يد العائلة والسيجا فقط ( يمكن كمان يد الاتاري )

 

[mo0odi]

ولا مره بحياتي >>> مع اني العب تكن كثير >>> انجاز

 

[RAZOR RAMON]

ألحمدلله اليد ما اسوي فيها شي لكن الكنب انواع البقووووووس

 

[hamode100]

الحمد لله ما قد كسرتها
ما عيني اعصب بس الحمد لله
اتمالك نفسي

 

[LAYT]

ولا مره :smug: << محتــرم مع اليد
حتى اعتقد مافيه يد من البلايستيشن 1 الى 3 خربت :surprised: يمكن بس يد البلاي ستيشن 1 بسبب الزمن الطويل << لغة فصحى :razz::

 

[tyrant kuma20]

انا ما كسرتها اليد راحت فيها من كثر ما العب ssf4 بس الحين الحمد الله عندي اركيد ستيك للفايت ويد التحكم للألعاب الثانيه

 

[OriX]

ايش العصبيه هذي كلها @@"
الحمد لله بحياتي ما كسرت أي يد من دخلت عالم الجيمز &&
بس مره أحد أصحابي بدون لا يدري طاحت اليد بسطل مويه .. بس :facepalm:

 

[iJihad]

هههههه ماقد انكسرت، لكن شبه انكسرت ممكن.
وكلها بفيفا بس XD ديفيجن تو الله ياخذهم هههههه

 

[SCORPION-Q8]

انا حرفيا فاطس ضحك من الردود العجيبه :laugh::

كسرت اكثر من يده بلاي ستيشن 2 .. اذكر كنت اضربها بالارض بقوه و اصرخ :laugh::

 

[Pro GAM3R]

الحمد لله ما كسرتها ولا مرة ولو ايش كانت اللعبة ..

واللي يقول ديمون سولز ..

مافي لعبة تستحق انك تكسر اليد عشانها مهما كانت صعوبتها ..

 

[Don JoKer]

طبـعـا ماكسرهم او ارميهم اذا عصبت !! قالولك مجنون ؟! مهما عصبت ازعـق اسب سب قـوي كل حاجة بـس ما ارمي اليد او اسوي شـي في الـ PS3

PS3 = MY Love ​

 

[Mystic Chaos]

إنا إذا تحمست إخبطها بالارض ومايتضرر مرة لكن مع كثر الخبط تنهي ,
لكن يحصل مواقف إقوم القاء اليد قد ذهبت إلى الجحيم بعد مايلعب الوالد فيفا

 

[B.A.M.A.M.S]

انا كسرتها 3 مرات على البليستيشن 2 بسبب نفس اللعبة midnight club كانت السباقات( حيوانية) :tongue: تكون الاول ومستانس ولمن توصل قريب للنهاية تدعم سيارة وتصير الاخير والله قهر :tongue:.

 

[NEL-SAMA]

أنا لحد الآن مش عارف كيف الناس تعصب خصوصا اللي يكونون يلعبون لحالهم في البيت مش ملتي يعني

+1

 

[different username]

المشكلة في بعض البزران عندنا يغسلون يد التحكم :,(

 

[XORO]

ولا مرة لكن اذا كم مرة كسرت فيها الشريط ( عدد كبير )