والله ودي بس فكرتكم مغلوطة.
حلو يعني عندك القابلية للاقتناع ، بس المسألة مسألة منطق ، لعبتي المنطق
اذا انت مهتم بعناوين سوني اليوم الاول فهنا مافي حجة بتقنعك
لكن على افتراض انك غير مهتم فبيكون الخيار المنطقي وليس الاقتصادي هو البي سي على البس٥ برو
ليش؟ اولا لان الاداء على البي سي اضعاف وفيه امكانية تخصيص الاعدادات اذا تبي اداء اعلى ، تخزين اعلى مب كل شوي احذف وحمل
ولو تبغى نفس اداء البرو بتوفر بالسعر بس ما بيكون خيار منطقي ، لانك اذا فيك حيل ٤ فيك حيل ٨ ، ما اقولك خذ ب٨ قل خذ ب ٦ الاف ، زيادة ٣٣٪ عن سعر البرو
ولو تصيد عروض بيطلع عليك ب ٥ نفس سعر الشباب ، وهذي الميزة الثانية ، البي سي مجمع من عدة مصنعين وفيه تفاوت بالاسعار والمواصفات ، انت ممكن توفر ٣٣٪ من سعر البي سي بس من العروض بكذا وصلنا لسعر البرو
الميزة الثالثة اونلاين مجاني ، ما تبي اونلاين مو مشكلة اشطبها
رابعا عندك مكتبة العاب تمتد الى ٤٥ سنة وراح تبقى مستمرة ، بينما الكونسول كل فترة يجبرونك تدفع سواء ريميكات او فيرتشوال كونسول او غيره
خامسا عندك توافق مسبق ، اي العاب مستقبلية هي مضمونة تشتغل على جهازك ما راح تحتاج الكونسول الجديد
سادسا اسعار الالعاب على البي سي ارخص ودايما فيه عروض
بحسبة بسيطة ١٠ العاب كل وحدة ٧٠$ = ٢٦٠٠ ريال
قيمة ترقية ذي لو حاطها في بي سي ابو ٥ وجبت ابو ٧ ووفرتها من خلال سعر الالعاب انت ربحان
فخلاصة ، الخيار المنطقي هو ان تراعي ظروفك الاقتصادية وقدرتها على التغطية في مقابل الحيازة على التقنية والمميزات الافضل والاكثر استمرارية وتوفيرا على المدى البعيد
مدري وش رايك؟ طاق PC ليش استرخص على نفسي؟ ابيه بمهام كثيرة غير الألعاب.. بكيفي!
ليتس بي سيفل هير
انت ما فرقت معاك اي معالج لما بتاخذ البرو ، بس لما جات على البي سي قلت ما تبي تسترخص على نفسك؟ بنفس المبدأ من البداية لا تسترخص على نفسك وخذ الخيار الاعلى
هو i7 ما بيفيدك بشي برا الالعاب ، اذا اقصى شي العاب ترا i5 بيسوي كل شي اللي دونه ففعليا ما تحتاج i7 اصلا
