قيمبلاي نيد فور سبيد موست وانتد بالعربي

[m5050]

اذا احد يعرف المؤدية يعطينا اسمها ؟

 

[ryo hazuki]

^
بتلقى اسمها في الكريديتس لما تنهي العبة

 

[Emirates]

المشكلة جهازي امريكي والعاب ea اكثرها ريجون لوكد

 

[Karim le BOSS]

خقااااااااااااااااق

ذكرتني بالجزء الاول الاسطوري , صوت الاستون مارتن لحاله جابلي خقق :inlove:


@انيس

عشان MUSE تشتري لعبه كامله ؟ :laugh::

 

[ryo hazuki]

^
^
اذا مالك غير نسخة ال ps3 يا اخ عبدالله ، العبة تستاهل

 

[m5050]

^
بتلقى اسمها في الكريديتس لما تنهي العبة

اكيد راح احصلها هناك بس قلت احد يمكن قدر يميز صوتها ويعرفها او احد عنده معلومه

 

[~L.O.R.D~]

شباب
ترى أغلب النسخ فيها لغة عربية
جربت نسخة ريجيون فري....غريب من EA
عادة ألعاب EA تلاقي فيها نسخة أمريكية ونسخة أوربية...لكن هذه مكتوب عليها region free
ولقيت فيها عربي

 

[ryo hazuki]

^
هل هيه النسخة البال ؟

 

[EWAtron]

شباب لقيت نسخه عند محترف العاب الكمبيوتر ما أدري إذا فيها اللغه العربيه طبعا هي نسخه اوروبيه بس مو مكتوب في الغلاف اي كلمه عربي ، وش رايكم شباب هذه النسخه فيها لغه عربيه ؟؟؟

 

[ryo hazuki]

النسخة العربية تكون بال و يكون مكتوب عربي على الغلاف من الخلف

و نسخة ال 360 البال ريجن فري

 

[EWAtron]

النسخة العربية تكون بال و يكون مكتوب عربي على الغلاف من الخلف

و نسخة ال 360 البال ريجن فري

يعطيك العفية يعني الترجمة والدبلجة العربية مو موجودة الى بالغلاف اللي مكتوب فيه عربي , طيب اخوي تعرف محل في الرياض جاب هذة النسخة ؟؟

 

[ryo hazuki]

اوكي شغلت اللعبة على جهازي الامريكي لكن كيف اغير اللغة ، ماعرف ؟

 

[ryo hazuki]

نسخة ال 360 شكلها كذب و ماتدعم العربي مع انهم كاتبين اللعبة تدعم الصوت و اللغة العربية بس لما تشغل اللعبة و تروح للخيارات مافية شي للاسف ، سحقاً EA

 

[PS]

أول ماتشتغل اللعبة في الواجهة تختار اللغة,مايحتاج تدخل الاعدادات.

http://im16.**********/o6n72.jpg

http://im16.**********/j8K21.jpg

اليوم شريتها 210 درهم

 

[PS]

هذي الصورة من نسخة الاكس بوكس.

http://im28.**********/MTAi1.jpg

أذا ماطلعت لك هذي في البداية تأكد من نسختك أنها العربية.

على كرة أنا أول ماسمهت أن اللعبة نزلت بال على طول شريتها قبل يومين,شغلتها في البيت و طلع ماشي عربي وأنا أقول شو صار,عقب عرفت أني شريت نسخة البال اللي حق بريطانيا,بعد يومين بعت النسخة و شريت النسخة اللي مكتوب علي الغلاف بالعربي و كانت هي النشخة الصحيحة.

 

[Lost Piece]

جود جاب EA بصراحة شغل متعوب عليه .. التعريب ممتاز جدا لكن الدبلجة لك عليها شوي ..

 

[Black_Tear]

الشباب الي جربوا اللعبة
كيف مستواها أفضل من آخر جزئين الي كانوا مخيبين ؟؟ هل فيها لمسة نيد فور سبيد الي مشتاقين لالها ؟؟

 

[PS]

انا لعبتها لانها من استيديوcriterion نفسه اللي سوى برناوت
و الصراحة اللعبة ممتعة و جلست اللعبها و خلص بعض المهمات الحماسية و الصعبة
وأخوي دخل علي وقال،ها لعبت عني، لانه مدمن على العاب هذا الاستيديو.
وباجر نكمل الحماس مع بعض.
عجبني فيها تزويد السيارة و تحدي للوصول الى افضل متسابق في المدينة و كل سيارة لها مهمات منفصله، غير المهمات الفرعية ونت تسوق في الشارع
هذي البداية و نشوف شو يصير بعد لعب عدة ساعات.

 

[USefQ80]

اللعبة حلوة ! لكن خيبة امل بالنسبة لي !
بالنسبة للسيارات ما تشتريهم ! تلقاهم مققطين بالخريطة ! و في 123 مكان بالخريطة و كل مكان فيه سيارة !
الـCustomization اكثر شي تحبطت منه !! كل سيارة لها مجموعة سباقات ( 5 او 6 ) و كل سباق تفوز فيه يطلعلك شي تركبه عالسيارة ! و شغل سريع مو نفس فورزا مثلا! و لا الأشياء اللي تقدر تغيرهم 5 اشياء او 6 مو متذكر بالضبط جم شي ! حتى ما تحس السيارة تغير فيها شي فقط الSpeed و Acceleration و السوالف هذي 🙁 !!

السيارة تتكسر و في اماكن تصليح كثيرة بالخريطة , اذا مريت بالمكان تتصلح السيارة + يتغير لونها

 

[PS]

^
بنسبه لي حلاوة اللعبة في بساطتها في التزويد و إعطاء الأهمية للعب الحر.
وبنسبة لسيارات في قسمين قسم تستبدلهم في بعض المناطق والقسم الاخر و الأجمل و اكثر حماس انك تفوز أحسن 10 سائقين في المدينة و تأخذ منهم سياراتهم،هذا الطور خلاني أجن من الحماس.

 

[~L.O.R.D~]

 

[ryo hazuki]

^
والله تحمست من الصور


طلع نسخة ال 360 لازم تشغلها على جهاز pal عشان تطلعلك اختيار اللغة

 

[GYWN]

انا ماهمتني الترجمه ولا الجرافيكس
اللي هامني ميكانيكيه القياده أشوفها Sucks وبعنف , مادري هل عشاني متعود على فورزا وألعاب ثانيه محترمه وضعت ستاندر لميكانيكيات القياده الريالزم ولا كيف.

 

[ryo hazuki]

ابدا ماعجبني نظام السباقات و كيفية حصولك عليها و دخولك للسباقات

المفروض يكون فية خيار يدخلني السباق على طول بدل ما اقطع مشوار عشان سباق و اخرتها اخسر فية

 

[USefQ80]

^^
اذا كنت لاعب السباق من قبل و خسرت و عطيته سكيب ! تقدر تلعبه مرة ثانية بدون لا تروح مكانه 🙂 مع الخيارات تطلعلك start race
و اذا كنت بتعيد السباق
Start > retry last event

 

[Dark Master]

انا ماهمتني الترجمه ولا الجرافيكس
اللي هامني ميكانيكيه القياده أشوفها Sucks وبعنف , مادري هل عشاني متعود على فورزا وألعاب ثانيه محترمه وضعت ستاندر لميكانيكيات القياده الريالزم ولا كيف.

انت عارف انه اللعبة أركيدية صح؟
المقارنة بفورزا وجي تي غير صحيحة أبداً هنا!

 

[M 7 L]

^

بالضبط، وضيف على ذلك أنا شخصيّاً أفضّل هذا النوع من العاب السيارات واكره فورزا/جي تي 🙂

..

شباب أنا آخر جزء لعبته كان ذا رن ... وصراحة اشوف مستواها حلو، بس، هل هذي تسوى اشتريها؟ ولا

 

[PS]

اليوم كنت العب أونلاين مع 7 شباب,كانت المهمات كل شوي طلب ونسويه لكن أحسن شي لعبة سباق لكن الجديد و اللي فجر الحماس 7 اللي معاي ضد فريق ثاني 7,ويبدأ السباق و كل الفريق يتعاون للفوز كان شي خورااافي.

 

[USefQ80]

شباب أنا آخر جزء لعبته كان ذا رن ... وصراحة اشوف مستواها حلو، بس، هل هذي تسوى اشتريها؟ ولا

هذي احلى من ذا رن ! سيارات اكثر و حرية لعب السباقات و تتمشى بالمدينة على كيفك بدون تقييد لمرحلة/سباق معين 🙂

-------------------------------------------------------------------
حاليا واصل بالسكور 730 الف و باقي 3 من الMost wanted 🙂

 

[~L.O.R.D~]

على فكرة...مين لاحظ ان فكرة الدخول الى السباق نفس فكرة Burnout paradise ؟
وايضا تحطيم اللافتات