قمة الاستهبال: God of War 2 للبلاي ستيشن 2

[Humam]

مع الأسف سوني ما تبطل حركاتها الي ترفع الضغط ... جود اوف وور 2 فعلا للبلاي ستيشن 2 وراح يتم الكشف عنها في العدد الجاي من مجلة OPM ( مجلة البلاي ستيشن الرسمية ) ..

أيضا العدد الجاي راح يكون فيه معلومات كثيرة عن البلاي ستيشن 3 أيضا ويمكن يتم الكشف عن ألعاب جديدة..

بصراحة ما أدري, يعني ديفيد جيف عنده مشروع للPSP, واتعين من قبل سوني لللإشراف على سير تطوير بعض الألعاب الي تطورها شركات سوني في أمريكا للبلاي ستيشن 3 .. ما شاء الله متى لحق على GOW2 ( أو متى حيلحق ) .. شكل اللعبة راح تكون مشي حالك بقوة.. يعني في أسوا الحالات تكون أبجريد بسيط للجزء الأول..

وبعدين حركة النفي ان اللعبة للبلاي 2 هذي ترى من جد رفعت لي ضغطي.. يعني سوني عليها حركات من جد بايخة, مرة ينفوا ان البلاي ستيشن 3 راح يتأخر واليوم الثاني بالزبط يطلع متحدث رسمي ويأكد انه فعلا الجهاز ممكن يتأخر, جود اوف وور 2 للبلاي ستيشن 2 , يطلعوا ينفوا الخبر واليوم الثاني يكشفوا عنها في مجلتهم الرسمية .. قلة حياء بقوة..

ما أدري بس صراحة ضغطي مرفوع بقوة من سوني هذي اليومين.. مدري من التيس ( الله يعزكم ) الي ماسك القسم الإعلامي عندهم.. يعني فوق التريقة حقة ايفنت فبراير الي ماصار ( وماراح يصير ) أقص يدي اذا شفنا شي قبل E3..

نصيحة مرة ثانية .. لحد يصدق سوني بعد اليوم .. البلاي ستيشن 3 ماراح يكون غالي وكين كوتراجي كذاب, البلاي ستيشن 3 ماراح يصدر في الربيع راح يصدر نهاية السنة في أحسن الأحوال, عروض البلاي ستيشن 3 العام الماضي في E3 كذب x كذب وكلها CG واذا في مطور رجال ابن رجال يطلع ويسوي لنا لعبة مثل عرض كيل زون الكذبي المزور والا عرض موتور ستورم الخرافي تقول بلاي ستيشن 6 .. معالج السيل ؟ خخخخ.. بعد البلاي ستيشن 3 راح يستخدموه في الغسالات والثلاجات بعدين على الصواريخ النووية شوية بيركبوه في سلاح جديد شبه جرندايزر .. اهب على وجهكم يالخراطين .. قلللللللين الحياء

 

[dragonwarrior]

لووووووووووووووووووووووووووول
همام أعصابك! ما كنت أدري أنك تحب جود أوف ورر لى هذه الدرجة!
EGM قالوا من البداية أن الجزء الثاني للبلاسيسيشن 2 و الثالث للبلاي3 ... فانا مو منصدم من هالشغلة.
و عروض الأي 3 كلها كذب بكذب ..... معروفة!
هذا كلام و عرض خربوطي عشان تحمس الناس و المطورين . أول جيل المفروض يكون ضعيييييييف

 

[ASWD]

لوووووول همام اكلت الشركة بقشورها حرام عليك😛

هممم قريت الخبر المتعلق بسالفة ظهور جود اوف وور2 في العدد القادم من مجلة OPM لكن مافي توضيح ان كانت فعلا للبلاي2 اولا

If one believes our fellow-members of the magazine of them in line 1up, the next edition of the official magazine devoted to PlayStation should bring some precise details to us on the ' soon annoncé' God of War 2.

مجرد كلام حول الكشف عن بعض التفاصيل المتعلقة باللعبة لا اكثر ..يمكن هالتفاصيل ماتكون متعلقة بالجهاز اللي بتصدر عليه ويمكن يكون العكس!!

http://www.jeux-france.com/news14732_god-of-war-2-dans-le-opm.html

شخصيا اعتبر هالشي غباء بقوة اذا حصل فعلا ونزلت على لبلاي2 ..تصير لنش تايتل للبلاي3 افضل بكثيييير -ــ-

 

[m7tram]

لووووووول هدي هدي ... البلاي3 ما راح ينقص العاب جود اوف وور 2 ما راح تكون النهايه
ننطر 3 على البلاي3 وتنتهي السالفه 😛
اهم شي انت هدي

 

[Ginko]

لووووول طلعت الفضايح 😛

عموما والله لوها ديفل ماي كراي على كل هالزعل :razz:

عموما ياهمام انت تعرف التصريحات والتعليقات كلها اعلاميه وللتحميس ولاسباب تسويقيه ثانيه..
يكفينا جود افو وور 3..مو لازم 2..فرقت هي..

 

[dragonwarrior]

شكلهم بيستخدمون نفس الأنجن و يسون أضافات قليلة و جزء ثاني بدون مصاريف = $$$$$$$$$

أتوقعهم يبدعون 1 عجبني.
الرسم ما يفرق معاي , أتمني يزيدون بمعارك الرؤاساء و يخلونهم على الأقل 4 الى 5 أضعاف الأول!

 

[m7tram]

شكلهم بيستخدمون نفس الأنجن و يسون أضافات قليلة و جزء ثاني بدون مصاريف = $$$$$$$$$

أتوقعهم يبدعون 1 عجبني.
الرسم ما يفرق معاي , أتمني يزيدون بمعارك الرؤاساء و يخلونهم على الأقل 4 الى 5 أضعاف الأول!

جرافيكس مثل الجزء الاول + أفكار جديده وقصه حلوه ويبتعدون عن التكرار = لعبه راح أكون راضي عنها كل الرضى

 

[Uchiha Basem]

ديفيد جافي قال انو لا ينوي العمل على جزء ثان من اللعبة إلا اذا هلكوه ومسوه وصبحوه بسيرة الجزء الثاني ، لهذا لا أعتقد انو يعمل على الجزء 2

........الخ اهب على وجهكم يالخراطين .. قلللللللين الحياء

سيدي يكونوا كذابين وخراطين ونشوف العاب مرتبه على الجهاز ترضي كل الاذواق
وكل الشركات الرأسمالية بتكذب وبتخرط لكن فقط شركة واحدة بتطلع جهاز مثل الناس

 

[hussien-11]

ممم ، الأفضل لو كانت GoW2 لنش تايتل للبلاي ستيشن3 ، إلا اذا سوني واثقة من قوة اللنش للجهاز مثلا و تملك عناوين كثيرة قيد التطوير ليوم الإصدار و ما تريد زحمة *_* ، خلنا نصبر و نشوف ..

 

[Conqueror]

بسم الله الرحمن الرحيم

همممم بغض النظر اللعبة لأي جهاز ، يمكن كرايتوس ما يكون بطل الجزء الثاني و اللي أنهى اللعبة أظن بيعرف مقصدي.

أتوقعهم يبدعون 1 عجبني.
الرسم ما يفرق معاي , أتمني يزيدون بمعارك الرؤاساء و يخلونهم على الأقل 4 الى 5 أضعاف الأول!

هذه لحالها لو يسووها رح ترفع اللعبة أكثر ما هي مرفوعة، همممم إذا افترضنا اللعبة مارح يسويها جافي أظن أنسب فريق للمهمة هو إنكوجنيتووووووووووووووووو حبيب قلبي(فريق تويستد ميتال و الفريق اللي بدأ معه جافي).

عموما والله لوها ديفل ماي كراي على كل هالزعل :razz:

أنا محب للعبتين ، برأيي DMC1 الملكة ، لكني فضلت GOW على DMC3 من جميع النواحي ما عدا أسلوب اللعب لكن بالمحصلة GOW عندي أفضل من DMC3 و تأتي بعد DMC1 مياشرة. 🙂

 

[Final Fantasy]

GOW2 للـ PS2 !!


الخبر بالنسبة لي كوووول ^^

 

[Naif]

^ انا بعد .. (خاصة اني كنت اتوقع انها لعبة اصدار مع البي اس 3)

نفس المحرك + نظام قتال متطور + نفس اسلوب الموسيقى + مغامرة اطول + T for Teens = اللي اريده ..

 

[King Wario]

باقي لعبتين في الجيل .... زيلدا و GOW

 

[Strife]

ديفيد جافي قال انو لا ينوي العمل على جزء ثان من اللعبة إلا اذا هلكوه ومسوه وصبحوه بسيرة الجزء الثاني ، لهذا لا أعتقد انو يعمل على الجزء 2

بالضبط.. 🙂 وهذا اقتباس لكلام ديفد جافي..
"If Sony came to me and told me, 'We're making God of War 2', I might have to decline," Jaffe said, before admitting: "I can stand up here and say I won't do it; until they kick me out, I'm not going anywhere."

 

[Hwoarang]

أفضلها على الـPS3

لعبة مثل GOW تعتمد بشكل كبير على المشاهد السينمائية ...

ألووووو
طالما أن الـPS3 على الأبواب
فيخلوها عليه وبكذا يقدروا ياخذوا راحتهم بعمل المشاهد اللي يريدوها ...
وتكون مذهلة أكثر من يقدروا يعملوه على الـPS2

 

[msm]

ما أشوف أي مشكلة انها تصدر على PS2 ..طالما ان الجهاز بمقدوره الاستمرار حى سنة إضافية على الأقل ..

أما قسمهم الإعلامي من جد تحس انه متخبط و ما رتب اوراقه ..