قــطــر

[Snake-87]

السلام عليكم
رايح قطر إن شاء الله باجر شنو تنصحون بأماكن سياحية ؟ أول مرة أروح هالديرة :fd3:

 

[ASWD]

^
سوق واقف..اذا مازرته كانك مارحت قطر.بالمختصر مكان رهيييييييييييييب*حسافة راحت كل الصور والفيديوهات اللي صورتها هناك -_-*

 

[Snake-87]

يعطيك العافية .. راح أروح له إن شاء الله

 

[Mista Koo]

بقطر رحت للمطار وللـDuty Free Shop هناك.. ما يستاهلون ينزارون :tongue:

 

[P0werX7]

وعليكم السلام ورحمة الله وبركاته ..

اذا كنت تبي تروح اماكن للبلد نفسه عندك أهم شي سوق واقف وهم مخلينه كـ سوق شعبي قديم حتى الشرطة هناك لابسين اللبس قديم وممتع جداً + المتحف الإسلامي رووووعه لازم تروح له + حديقة القرآن الكريم وهي حديقة توجد فيها أغلب الأشجار التي انذكرت بالقرآن ومع للوحة قدام كل شجرة تٌذكر فيه الآية + اذا تبغى مجمعات لايفوتك فيلاجيو تصميمه رائع جداً + سيتي سنتر مجمع ضخم و فيه سينما كبيرة + اللؤلؤة مشروع جديد أتوقع كملوه لإني رحت ببدايته قبل ست شهور + فيه مجمعات ثانية بس مافيها شي مميز مرة ..

تروح وترجع بالسلامة :fd3:

 

[Snake-87]

الله يعطيك العافية
اليوم رحت سيتي سنتر ^^

 

["a7mad"]

سوق واقف + فيلاجيو = اروع الاماكن في قطر..

لازم تروح لهم..

ولازم تركب .. ما ابي اخرب عليك رح فيلاجيو وشوف بنفسك

 

[Snake-87]

رحت فيلاجيو اليوم ونسخة طبق الاصل من احد الأقسام في ابن بطوطة في دبي
رحت سوق واقف مسكر ><"
شنو فيه سوق واقف؟
فيرجن وايد كبير عندكم وحلو

 

[P0werX7]

بس يظل فيلاجيو مجمع ممتع خصوصا لما تكون تعباان ومقضي اغراض ترتاح لما تشوف المنظر الحلو :fd3:

امم بنسبة لسوق واقف هو سوق صمموه أن يكون سوق قديم و شعبي و راح تلقى محلات متنوعة مثلا فيه بالهبل بقالات تبيع الحلويات القديمة اللي مستحيل القاها بأي سوبرماركت + محلات تبيع عملات قديمة و أشياء قبل اربعين سنة يعني زي المسجل القديم و التلفزيون سابقاً كيف كان "بس طبعاً بأسعار غالية" يعني راح تتعب من المشي :lebb: وفيه قسم للحيوانات إذا انت مهتم وو ايش بعد .. يعني أغلب المحلات هناك راح تلقاها نفس النظام القديم مثلا فيه محل نعل يسويه قدامك .. كثرت كلامي نصيحتي روح وشوف وماراح تخسر شي :laugh::

+ لاتنسى تصور اذا انت مصور

 

[Snake-87]

يعطيكم العافية شباب رحت كل الأماكن المذكورة بالموضوع وما تقصرون .

المطار فيه مطعم واحد وكفتيريا >.> كليناها صح وذكرتك مستا XD .