قضية موقع majan.. همممم

[Naif]

اللي ما سمع بالسالفة (شوي قديمة)، باختصار تم الحكم على مدير احد المنتديات الاماراتية (majan.net) بالسجن عام و دفع غرامة 50000 درهم بسبب وجود كلام سب و اعتداء على احد المسؤولين في وزارة الصحة في رأس الخيمة. هذا الكلام قام بكتابته احد الزوار في المنتدى و ليس مدير الموقع


[YOUTUBE]0K4Y24HTZF0[/YOUTUBE]

و ما ننسى ايضا الابطال اتصالات بالتعاون مع هيئة الاتصالات عندنا ما قصروا و حجبوا الموقع

-_-

شوفوا الفيديو و بتعرفون ليش الموقع يعتبر مهم في امارة راس الخيمة... حرام والله مثل هذي الاشياء (مازالت) تصير عندنا..

السالفة صايرة من كم شهر تقريبا بس صراحة توني عرفت عنها.. في احد عنده اخبار شو صار على مدير الموقع؟

كنت اريد اقول اكثر بس صراحة انا بعدني ما خلصت جامعة و جدامي مستقبل.. 🙂 🙂 🙂 : (

 

[SALAH]

قبل ما اشوف الفيديو ..

الرجل حكم عليه بدفع غرامة 50 ألف درهم بدون سجن لكن عليه مراقبة وحرمان من انشاء اي مواقع على الانترنت لفترة طويلة كإطلاق سراح مشروط( الحكم نزل كما ذكرت انت لكن طعن فيه واتغير )..طبعا هذا بالاضافة الى اغلاق دائم لموقع المجان...اذكر هيك قرأت في جريدة البيان.

بصراحة كانت واقعة أولى في تاريخ الامارات انه ينسجن واحد بسبب موقع على الانترنت , والمؤسف انه هو اللي اتحمل مسؤولية الكلام رغم انه ما قاله , عضو في المنتدى اللي هو مشرف عليه سب الجماعة وقاموا اشتكوا على صاحب المنتدى ..

 

[Nintendo]

والله مصيبه هاذي ؟؟

معقولة يحاكمونه ويغرمونه عشان زائر بموقعه حط تعليق ؟؟

<<========== راح يوقف عضوية كل الاعضاء بالمنتدى

 

[ABUALI]

وش نقول احنا، أكثر ناس نحتاج للعدالة وما نحصلها.

 

[Mario2]

مادري بس من كلام الكاتب حسيت انه الموقع صاير عامل ضغط للحكومه بشكل ثاني .. صراحه ما يستاهل صاحب الموقع .. ما كانت عندي فكره عن السالفه ..

 

[SALAH]

لول عمر :yuck:

بالمناسبة حتى العضو نفسه اللي سب وقذف المسؤول تم سجنه لكن افرج عنه بكفالة..وكان عنده محاكمة ثانية لكن ماعرفت شو صار فيها ..

هذا سكان من احد الجرائد المحلية فيه شرح اكثر للقضية :

 

[persona]

هذول المسؤولين حتى مايعرفون كلمه منتديات شنو..
يعطونهم دورات تدريبيه عن الاشياء اللي تصير بالانترنت من نصب واحتيال وتشهير ووو.. ويحطونهم بقسم جرائم الانترنت
وبعدها اذا صار شي ..يراسلون الشركات بانه يطلعون البيانات..
ف..يسحبون الشخص الخطأ D:..

 

[Bounty]

الحين بالقانون يعني اشلون واحد يسوي شي و الثاني الي يتحمل مسؤوليته ؟

الا اذا كان بالموقع مكتوب ان مدير المنتدى يتحمل كل ما يقال داخل المنتدى .. و استبعد هالاحتمال لأن دايما بالمنتديات القوانين تنفي هالشي ..

السالفه فيها "إن" .. و من الناحيه القانونيه اشوف هالكلام ماله معنى .. بمعنى آخر الكلام في نقص كبير لأن مستحيل يتحاكم على شي ما سواه ..

انصح ادارات المنتديات تكتب ان الردود تعبر عن اصحابها لا الموقع .. عشان يفتكون من هالسوالف -_- ..


تعديل :

اها .. توني انتبه للمادة 16 .. همممممم والله مادري شقول .. بس الغلط مو عليه على المرتكب .. يمكن يكون الغلط عليه لأنه ما حذف الموضوع ولا حرر الرد .. بس ممكن يطعن بالحكم بسهوله كبيره لأن الماده 16 كانت تقصد "المسيء" و ليس "المشرف" ..

المشكله انا ما عندي القانون ولا عندي ادنى فكره عنه عشان اعرف اذا كان في منفذ .. بس من نظرتي للموضوع اعتقد انه يقدر يطلع منها .. الا اذا تدخلت واسطه بالسالفه ..:slant:

 

[persona]

^ليش مستغرب؟ في ناس أداريين حتى الكوبي والبييست مايعرفونه في الكومبيوتر 🙂

 

[Colorization]

أعتقد صارت مع منتدى كويتي بعد (نسيت إسمه)، واحد منهم سب أحد المسؤولين إما بمجلس الأمة أو أحد الوزارات وصكروا الموقع(؟) وإعتقلوا صاحبه. هذا يسمونه "...........". أول مرة أسمع عن سالفة المنتدى الإماراتي، والله حرام. يعني...... ـ_ـ

تحرير: حررت ردي مو ناقصين سجن بعد

 

[BioMario]

سمعت عنها ..
حرام والله .. ماله اي داعي لهذا دام انه موب صادر من صاحب الموقع + موب من رضاه ..
وين العدل .. اصلاً بأي حط يغرم و ينسجن و المشكلة سنه كاملة سجن قوية والله ..