قصتي مع KAMEO ^^

[خالد 333]

مثل ما أهو مكتوب إشتريت KAMEO من محل موجود بمجمع الرحاب إسمة المركز الكويتي بعد مادريت إن اللعبة

وصلت ودار بيني وبين صاحب المحل هالحوار :

انا : السلام عليكم

صاحب المحل : وعليكم السلام السلام

انا : شلونك (( عبدالباسط)) << إسم صاحب المحل

عبد الباسط : والله بخير إسلونك إنت

انا : والله الحمد لله

بعدين دشيت بصلب الموضوع :razz:

انا : سمعت إن ألعاب الإكس بوكس 360 موجودة عندك ولما وصلت المحل لقيت KAMEO معروضة يعني الموضوع طلع صج 😕

عبد الباسط : إي والله وصلتني اللعبة قبل أمس

انا : شنو يعني (( وصلتني اللعبة )) يعني ماعندك غيرها 😕 ؟؟؟

عبد الباسط : لا والله ماوصلتني إلا KAMEO بس 🙄

انا : إنزين متى توصل باجي الألعاب

عبد الباسط : والله مادري بس يمكن بعد أسبوع بالكثير 🙂

انا : أوكي إنزين عطني الغلاف بشوفه :razz:

عبد الباسط : تفضل 🙄

انا : WOW :jawDrop::

بعدها قلت بنفسي خلاص شاريها شاريها

انا : بجم هذي ؟؟؟

عبد الباسط : 20 دينار 🙂

انا : ليش مافيه خصم خاص فيني 😛

عبد الباسط : والله لو كنت أقدر جان نزلتلك بالسعر

انا : اوكي عيني إياها 🙂

انا : تفضل الفلوس 🙂

عبد الباسط : مشكوووووور 🙄

انا : مع السلامة 🙄

عبد الباسط : الله يسلمك 🙂

---------------------------------------------

بعد كل هالقصة رديت البيت بعد مافتحت اللعبة بالسيارة لأني ماقدرت أنطر ليما أوصل البيت

وصورت صور للعبة بس ماعندي موقع سنع للأبلود يعني الي يعرف موقع يعلمني 😛

وحبيت أحط هالموضوع بالعام لأنه المكان الأنسب له 🙄

 

[SNYMA]

أنصحك بهذا الموقع :
http://photobucket.com/
ممتاز جداً و أعتقد الصور تطلع لكل الأعضاء 😀
و مبروك عليك اللعبة و إن شاء الله الجهاز عن قريب

 

[Death match]

عبد الباسط : 20 دينار 🙂

مو معقولة مو كافي العاب PSP صايرة ب19دينار

عبد الباسط : والله لو كنت أقدر جان نزلتلك بالسعر

دائما تتردد على مسامعنا :bigSmile:

وصورت صور للعبة بس ماعندي موقع سنع للأبلود يعني الي يعرف موقع يعلمني 😛

http://www.q8start.com/

 

[الــخــــارق]

هههههههه
تذكرني بحالتي يوم شريت
تكن تاج تورنمينت على الـPS2
قبل ما أشتري الجهاز حتى
وش نسوي بحماس النكست جينيرشن 🙂

ننتظر الصور خالد..

 

[Solid Snake]

مبروك عليك اللعبة ^^مو قادر أتحمل حتى تطيح اللعبة والجهاز بإيدي ..

 

[rubso]

ما عطاك خبر متى ينزل الـ X360 ، وهل احنا محتاجين للحجز على شان اشتريه ؟!!!
لاني بإذن الله ناوي عليها اول يوم نزول بالكويت .. !

 

[Black]

عندنا .. جيم ماستر يحجز لك الجهاز بـ 2500 .. اذا ماني غلطان >.> ..
لو بجيبه من امازون ما راح يتعدا 2200 ( فاليو باك - لعبة - الواير لس ادابتر ) ..
نصب × نصب >.< ..
مبروك عليك اللعبة ^^ .. بس اول مرة اشوفها .. اللعبة توصل قبل الجهاز >.> !

 

[rubso]

عندنا .. جيم ماستر يحجز لك الجهاز بـ 2500 .. اذا ماني غلطان >.> ..
لو بجيبه من امازون ما راح يتعدا 2200 ( فاليو باك - لعبة - الواير لس ادابتر ) ..
نصب × نصب >.< ..
مبروك عليك اللعبة ^^ .. بس اول مرة اشوفها .. اللعبة توصل قبل الجهاز >.> !

اووووف 250 دينار يعني !!!!! .. انا سألت محل حرامي عندنا اسمه hobby japan على ما اذكر .. يبيع الجهاز مع شريط سعره 360 دينار "3600 ريال"

 

[Golden_Sun]

اووووف 250 دينار يعني !!!!! .. انا سألت محل حرامي عندنا اسمه hobby japan على ما اذكر .. يبيع الجهاز مع شريط سعره 360 دينار "3600 ريال"

الـ2500 ريال سعودي تساوي 194.659 دينار بالضبط P:

2,500 SAR
Saudi Arabia Riyals
=
194.659 KWD
Kuwait Dinars

http://www.xe.com/ucc/



ومبرووووك عليك اللعبة خالد ^.^ عقبال الجهاز!

 

[Black]

لول .. الي يقهر .. يقول لي فيه ناس حاجزينه حتى لو بـ 2500 .. وين >.< .. لول .. مو هذولا الي يخربون علينا P: ..
وأريكدوا .. لول XD ..
خلاص انا قررت .. بنتظر شهرين ثم بشتريه >.> ..

 

[خالد 333]

العفو شباب والله يبارك فيكم ومشكورين على المواقع 🙂

وهذي الصور مثل ماوعدت :

اسف شباب على ردائة الصور والسبب إنها من تلفون نوكيا 6600 بس بحاول اليوم بالعصر أحط لكم صور أوضح إن شاء الله

ما عطاك خبر متى ينزل الـ X360 ، وهل احنا محتاجين للحجز على شان اشتريه ؟!!!

بنفس يوم إصدارة أو بعدة بيوم بالكثير ومايحتاج حجز على ما أعتقد وانا بعد راح أكون متواجد بأول يوم من إصداره عشان أشتريه

شباب الكويت شرايكم نروح كلنا بيوم الإصدار عشان يعطينا عبد الباسط خصم جماعي 😛

 

[rubso]

لوول خالد .. مو مشكلة نروح نشتري الجهاز بنفس اليوم 😛 .. احتمال 10% يسوي خصم .. الله المستعان

 

[SNYMA]

حلوة الصور و حلوة فكرة الشراء الجماعي
يمكن نخليه يستحي على وجهه و يعطينا الجهاز بسعر أحسن 😛

 

[m7tram]

لوول يبيله شراء جماعي ..
وعلى فكره كاميو بمحل جيم سنتر بـ18 دينار

 

[The_One]

شاري لعبة بدون الجهاز :bigSmile: ؟

على العموم مبروك على اللعبة ومبروك مقدماً على الجهاز :razz:

عندنا .. جيم ماستر يحجز لك الجهاز بـ 2500 .. اذا ماني غلطان >.> ..
لو بجيبه من امازون ما راح يتعدا 2200 ( فاليو باك - لعبة - الواير لس ادابتر ) ..
نصب × نصب >.< ..
مبروك عليك اللعبة ^^ .. بس اول مرة اشوفها .. اللعبة توصل قبل الجهاز >.> !

للأسف أمازون ما يبيع الجهاز حتى الآن.. 🙄

 

[خالد 333]

مشكورين شباب على الردود و راح أفتح موضوع رسمي اليوم إن شاء الله عن سالفة الشراء الجماعي 🙄

للأسف أمازون ما يبيع الجهاز حتى الآن.. 🙄

أمازون باع الجهاز وخلصت الدفعة الي عنده

وعلى فكره كاميو بمحل جيم سنتر بـ18 دينار

لووووول شكلهم نزلوا السعر لأني شريت اللعبة 😛

لوول خالد .. مو مشكلة نروح نشتري الجهاز بنفس اليوم 😛 .. احتمال 10% يسوي خصم .. الله المستعان

لوول ربسو إنت أول واحد راح تكون وياي بيوم إصدار الجهاز ولاتنسى إن 4 راح يشترون منه الجهاز يعني غصبا عليه ينزل السعر :razz:

 

[Jizasu]

على البركة خالد....أنا والله ودي آخذلي DOA4 اللعبه الي انت خذيتها ماعرفها ولا احب اجازف اخذها...بس زين سعر اللعاب على 20 توقعت 30 او 35 !!! لول

 

[rubso]

Jizasu ، كيميو برا يبيعونها بسعر 49 دولار "اسعار الالعاب القديمة" لكن الالعاب الجديدة من مثل PDZ و كوندمد و إلى آخره يبيعونهم بـ 59 دولار .. اتوقع اسعارهم 25 دينار !! "سعر مرتفع جداً"

 

[خالد 333]

Jizasu ، كيميو برا يبيعونها بسعر 49 دولار "اسعار الالعاب القديمة" لكن الالعاب الجديدة من مثل PDZ و كوندمد و إلى آخره يبيعونهم بـ 59 دولار .. اتوقع اسعارهم 25 دينار !! "سعر مرتفع جداً"

ربسو ألعاب الطرف الأول والثاني سعرها من ميكروسوفت 49 دولار أما ألعاب الطرف الثالث فأسعارها 59 دولار 🙄