- الفيجوال نوفلز اشوفها ألعاب، لأن فيها شعور الانغماس في عالم اللعبة الموجودة في الألعاب (ألحان، صور، تمثيل صوتي، مؤثرات) ويوجد خيارات مُهمة تحدد مسارك وتؤدي لنتايج. هي رحلة مع خريطة بس بدل الخطوات أخذت مكانها كلمات. وفيها ممكن أنظمة "لعبية" بالجنرا يحتاج اللاعب يعرفها عكس قراءته للكتب يكون مباشر.
بخصوص الفجول نوفلز أذكر من زمن تكلمت عن تعريف الألعاب، ولو باختصر كلامي بقول ما فيها تفاعلية كافية عشان تكون ألعاب، تصنيفها باعتبارها وسيط Media خاصة بذاتها أفضل، وأذكر مقال تيجي هذا فعل ذلك.
- القفز المحدود اللي ما يمديك تتحكم بالشخصية كان برضه في Bloodstained ولما كنت اشوف سينامون يختمها في بعض المناطق ما كانت مُصممة كويس لمحدودية التحكم دي (على حسب مشاهدتي)، المحدودية جزء من التحدي بس لازم المراحل تكون مُصممة وتستفيد من المحدودية بدون ما تزعج اللاعب وتحس أنه محدود للتطفيش فقط.
إذا قصدك Bloodstained: Curse of the Moon فأشوفها استفادت جدا من التحكم المحدود وأحسن نسخة من كلاسيك كاسلفينيا، عاد لو حسيت التحكم غير مناسب عشان
@Cinnamon لعبه رديء شوية 🥀
- انسايد ما عجبني كتبت في الديسكورد عنها فما اتفق مع جملة "إذا تحب الألعاب بتعجبك، وإذا ما تحب الألعاب بتعجبك" فكرة أن تلعب بولد يتعذب بأسوء أنواع الموتات مو كويسة ولا لها مبرر ولا بتعجب الجميع.
أتفهم واختلف في ان، عاد لو تقرا هذا التفسير للقصة بتضحك وطبعا حرق شامل للعبة:
عاد استعمال طفل بقصة يجوز كونه لاستفزاز عواطف المشاهد برخص ويجوز لغاية، قبر اليراعات الأبطال أطفال وكان يحتاج هذا.
- راتشيت أند كلانك أسلحة التاني إبداعية وعادي زيم نسيت أسماءهم، وإيدج السلسلة ممكن اختفت زي اختفاء الإيدج في الكراتين القديمة.
- كونترا الأول احبها، لعبتها قبل ما ادخل المدرسة ومن أول الألعاب اللي لعبتها مع سلاحف النينجا على جهاز العائلة. في صعوبة حلوة علمتني كثير في تحكم الألعاب زي النزول من الدور الثاني للأول مثلاً، رسم نسخة الأركيد ميتة مقارنة بالعائلة وألوانها.
كونترا تحفة، أذكر أول مرة لعبتها على جهاز عشوائي صيني محمول فيه مليون لعبة وكلهم تكرار وكانت منهم.
- سونيك 1 نفس الشيء من أول الألعاب اللي لعبتها على سيجا جينسس وأنا صغير. واحبه أكثر من 2 و 3 لأنه فيها وزن، وبطء، وانتظار بلاتفورم، واستخدام مومِنّتم للسرعة، ولسه ما عنده الداش ومجرد جري على قدام. مرحلة الموية عكسك احبها كثير في الأول خصوصاً صوت فقاعة الأكسجين. حتى الميني جيم أحلاهم.
يمكن يبغالك تلعب سونيك 3 فيها مرحل ماي ممتازة.
- أليكس كيد للآن اتذكره يا زيم بالعكس كنت العبه مع سونيك بس الشريط كان يعلق دايماً في نفس المكان هههههه.
- سونيك كرونيكل الأربيجي في الدي اس شكلهم شافوا نجاح ماريو الأربيجي وبيقلدوه.
يقلدوه بعد عشرين سنة؟؟ سيجا عندهم أفكار.
- مشكلة أنمي فينكس رايت غير الأنميشن، توقيت الألحان مهم جداً في الألعاب، استخدامهم في الأنمي ما احس بيزبطوه ولا كمية التكرار الكافية بتستخدم عكس الألعاب.
- زانقيف تبعك كريه.
صحيح كلامك، وغير صحيح كلامك زانجيف فنان ولا خيفان من يمسكك؟🤨
- ترتيب الرقم حطوه في الشاشة مع اسم اللعبة لما تظهر، عشان المشاهد يعرف ترتيب اللعبة وما يضيع، وأحياناً مُمكن تذكروه بس ما ينتبه له صوتياً عكس لما تكون أمامه. فتكون موحده كتابياً أفضل من صوتياً ما تذكروه دايماً في نفس التوقيت المتوقع.
جربت خليته وما ضبط، بجرب مرة ثانية، هو المفروض يكون فيه تواقيت زين ذكرتني بحطها بالوصف.
- عجبني وضعكم مقاطع للعب الألعاب المذكورة. بس دينشا كانت شاطحة كمقدمة، ما دام كنتم بتسخدموا لعبة عشوائية وحيدة والبقية مقاطع ألعاب تتكلموا عنها، اشوف أحسن مقطع المقدمة كان خلفية ما تخص الألعاب، عشان ما يضيع المُشاهد ويحس دينشا في القائمة مع بداية اسمها من أول ثانية للفيديو وياخذ فكرة غلط.
والله شوف، ما أظن المتلقي غبي لهذه الدرجة. عاد السبب بسيط، كانت اللعبة الي كنت ألعبها هذيك الفترة فقلت استعملها.
- اضافة موسيقى أيقونية للعبة أول ما يظهر اسمها لمدة 10-15 ثانية بيكون جميل، وبيعرف المشاهد أنكم انتقلتوا للعبة التالية صوتياً كفاصلة.
بجربها بالمقطع الجاي.
- في فترات آكورد كأنه زيم كان يكلم حاله ويرد عليها مع تقصيص الكلام والفراغات، زي لما كان يتكلم عن راتشت فترة شوية طويلة لحاله.
هذا اسمه ڤيرايتي مش آكورد يا صديقي 🌠
- المقطع لازم ينحط نهاية على الأقل يخبر المُستمع أنه انتهى المقطع وانتقل للمقطع التالي.
- برضه المقطع الجاي نبهوا يتابعوا المقطع اللي قبله في البداية.
صحيح كلامك بس تكاسلت أسويه، وبسوي الموضوعين بالمقطع الجاي.
