المستوى = صرف على اللعبة = زيادة تكلفتها = ارتفاع سعرها
من كم سنة واحنا نسب في (( ترجمة )) الالعاب اليابانية واختيارهم لمؤديي اصوات فاشلين يخربون التجربة اكثر من ما يضيفون ليها
هذا مثال بسيط .. جدا
====
غير ميزانية تطوير المشروع بياخد تكلفة الإنتاج و النشر و التوزيع و لاننسى الحملة الإعلانية عشان يقدر يبيع "بشكل غير مضمون"
و هذا يحتاج لمبالغ كبيرة جداً! بالنهاية لو لعبة تكلفة تطويرها 80$ مليون دولار و ماقدرت تبيع مليون نسخة هذي تعتبر خسارة كبيرة للشركة،
السالفة مش بسهولة الكلام إنك تصرف مليون يرجع لك 50 مليون كصافي أرباح!
اللي اعرفه انا .. ان ميزانية المشروع تكون محسوب فيها كل شي .. بما فيها التسويق وغيره
بالنهاية .. مو مطلوب من كل الشركات انها تطور ليي العاب بـ 80 مليون .. حالهم حال الافلام
فيه افلام الصيف .. انفجارات ومؤثرات .. فيه الافلام المستقلة .. تكون درامية اكثر
وفيه افلام الاوسكار وفيه وفيه .. وكل واحد وذوقه وتوجهه
الالعاب بهالجيل .. ببدايته .. الكل صاده هوس (( هالو )) .. الكل كان يحاول انتاج (( قاتلة هالو ))
ومع الوقت دخلت عليهم السينمائية والكلفة الانتاجية
هل جمهور الـ RPG .. مثلا طالب من فاينل فانتاسي .. انها تقدم ليي رسوم لما بعد جيلين ؟؟
لكن مؤخراً الأجهزة المحمولة صارت ترضي الجمهور أكثر من الكونسل نفسه!
على اساس ويش ؟ باني هالقاعدة من وين .. على الملايين اللي اصطفوا يشترون الفيتا ؟!
او على الحروب اللي صارت على العدس والعابه امثال ريزدنت ايفل ريفيليشن اللي اوبيريشن راكون سيتي شادختنها بالمبيعات !
ألعاب بتكلفة قليلة ترضي الجمهور أكثر من الألعاب ذات التكلفة العالية و هذا واقع. كفان فاينل فانتسي إيش بتفضل فف 13 و 14 أو كرايسس كور و تايب زيرو ؟
ليش تجيب ليي امثلة غلط ؟ تايب زيرو ما جربتها
فاينل 13 .. اسوء اجزاء فاينل .. وهالسوء ما ليه علاقة بالكلفة الانتاجية ليه علاقة بالتوجه
ويش دخل الكلفة الانتاجية .. في انك تشيل المدن وتخلي العالم ممر طويل ما يخلص وانك تقدم شخصيات مملة وقصة سيئة ؟!
كفان GTA إيش بتفضل IV أو CW ؟
في كل وقت بفضل الرابع .. وروك ستار اثبت ليي ان اخطائها في الرابع .. بالامكان اصلاحها واصلحتها
سواء بالاضافات او في ريد ديد ريديمشن .. قدمت ليي تجربة عالم مفتوح خيالية .. بكل الاشياء اللي تمنيتها في جراند ثيفت
تشاينا تاون .. جربتها فيها من جراند بس ... تقارنها بالرابع على مساوئه .. مستحيل !
كل الامثلة اللي تذكرها امثلة كان ليه علاقة بجودة اللعبة نفسها مو بالسينمائية او حتى بالكلفة الانتاجية
الالعاب مثلها مثل اي ميديا ثانية .. حجم السوق يكبر فيها .. والصناعة نفسها تتطور
التطور اما انك تقدم شيء جديد .. او انك تقدم الشي نفسه بطريقة مختلفة
عايشنا الار بي جي .. مجرد نصوص .. تقدر لليوم تقدم هالشيء .. العالم ما بيرفض يشتري اي لعبة بدون حوارات صوتية
لكن لا تلوم الناس .. ااذا شافت منتج ثاني يقدم نفس التجربة بحوارات صوتية .. انت بتقدم لعبتك بدون قصة قدمها
بس لا تلوم الناس لما تروح تشتري منتج ثاني لانه يقدم قصة .. وهالامور في كل شيء
بس لا تقدم للناس منتج ناقص سيء وتالي تصيح وتنتحب ان الكلفة الانتاجية ارتفعت
انا متربي على سلسلة فاينل فانتاسي .. متعود على اشياء معينة في السلسلة .. خريطة عالم .. مدن بستايلات مختلفة .. شخصيات متنوعة .. قصة مميزة
عروض سينمائية فاخرة .. كومبات سيستم محترم ورائع
اذا رحت بشتري فاينل .. اشوف ما فيها مدن .. قصتها فاشلة وقتها هذي مو فاينل وفشلها ما ليه اي علاقة بالجيل الجديد
او ليه علاقة .. بالكلفة الانتاجية
مثل جراند ثيفت اوتو .. الناس ما لامتهم على العالم المفتوح الخلاب اللي سووه .. لاموهم على خطية المهمات
وعلى ان العالم على انه رائع وممتع التجول فيه .. بس ما فيه مهمات او حتى اشياء تخليك تحب تستكشفه
الفرق .. في روك ستار اوادم تسمع الكلام .. وفي سكوير .. اوادم تحب تفرض رايها عليك !
