في ماذا تفكرون ؟ {راجع شروط المشاركة بأول رد}

[Arashi]

أفكر: سنين وانا اجور على لعبة النبته الراقصه اللي تعيد كلامك وراك وهي تتحرك، ولقينا هالصبار المايع في امزون وطلبناه وسمينها Diego
https://www.instagram.com/stories/arashii33/2635941531882091247/

أفكر: فعلا اشتقت للبث المباشر عالانستغرام اني ارسم واشغل موسيقى من الالعاب والربع يتجمعون ونسالف، جذي الشغل يكون ممتع اكثر، المشكله ماقدر الا لما الاهل ينامون عشان يكون هدوء وحزتها العالم كلها نايم

 

[Zoda]

شفت جني بغرفتي القديمة كيف انام الحين

 

[Arashi]

شفت جني بغرفتي القديمة كيف انام الحين

عادي الجني ما يعض، اقرا اية الكرسي والمعوذات ونام وانت مرتاح <<< عن عدة تجارب ناجحه

 

[wael_boss90]

أفكر بأني أبغى أكون أب صاحب ١٠ أبناء و بنات سواء يحملون دمي ولا تبني أبغى يكون عندي جيشي الخاص وما راح أستغلهم طبعا لكن أبغى أكون سبب في حماية هذا العدد من الناس و برضو أكون محاط بجرعة كبيرة من الحب و الدفئ

 

[Arashi]

أفكر بأني أبغى أكون أب صاحب ١٠ أبناء و بنات سواء يحملون دمي ولا تبني أبغى يكون عندي جيشي الخاص وما راح أستغلهم طبعا لكن أبغى أكون سبب في حماية هذا العدد من الناس و برضو أكون محاط بجرعة كبيرة من الحب و الدفئ

عشان يكون جيشك متكامل حط بينهم pet لطيف يكون جزء من العيله، الحيوانات الأليفه تسوي جو

 

[Zoda]

عادي الجني ما يعض، اقرا اية الكرسي والمعوذات ونام وانت مرتاح <<< عن عدة تجارب ناجحه

قريت اية الكرسي ونمت احلى نومة المكيف امس ما كان يبرد زين فغيرت الغرفة لمكان ما شفته من فترة طويلة فيها سرير كبير ومكيف قوي بس شكل المكان محجوز ماكملت 5 دقايق مع اني ما اخاف بس المضايقة تنذر بالخطر

 

[abdullah-kh]

شفت جني بغرفتي القديمة كيف انام الحين

كيف شفته؟

 

[MOSU]

أفكر بأني أبغى أكون أب صاحب ١٠ أبناء و بنات سواء يحملون دمي ولا تبني أبغى يكون عندي جيشي الخاص وما راح أستغلهم طبعا لكن أبغى أكون سبب في حماية هذا العدد من الناس و برضو أكون محاط بجرعة كبيرة من الحب و الدفئ

الله يوفقك بس ترا في الواقع الامور تختلف كليا

 

[wael_boss90]

عشان يكون جيشك متكامل حط بينهم pet لطيف يكون جزء من العيله، الحيوانات الأليفه تسوي جو

كل شيء جاهز بتكون قطة أن شاء الله

 

[wael_boss90]

الله يوفقك بس ترا في الواقع الامور تختلف كليا

بما أني نشأتي في عائلة كبيرة فاعندي فكرة جيدة عن تحدياتها لكن ما زلت أبغى أخوضها

 

[Kain]

هالايام وين ما افتح يوتيوب لو فيسبوك يطلع لي مقال او فديو مال تغير المناخ و الاحتباس الحراري , على اساس انا رئيس جمهورية و اقدر اغير الامور , كافي فكونا من شركم

 

[Zoda]

كيف شفته؟

الانارة كانت ضعيفة الشقة مظلمة ومصدر الضوء بعيد بس شفت جسم بمنتصف الغرفة مع التدقيق اختفى ممكن ارهاق الي اخلاني اطلع من المكان اصوات الحركة

 

[shiro 8]

الانارة كانت ضعيفة الشقة مظلمة ومصدر الضوء بعيد بس شفت جسم بمنتصف الغرفة مع التدقيق اختفى ممكن ارهاق الي اخلاني اطلع من المكان اصوات الحركة

اقرب صورة للوصف

 

[بندول]

بما أني نشأتي في عائلة كبيرة فاعندي فكرة جيدة عن تحدياتها لكن ما زلت أبغى أخوضها

نشوف وش راح تقول بعد ثالث طفل

 

[Hekari]

الملل هو الموت البطيئ للحياة
عقلك يرسل اشارات غير روتينك اخرج من قوقعتك بس الخروج من منطقة الراحة والتطبيق جدا صعب :/

 

[MOSU]

الملل هو الموت البطيئ للحياة
عقلك يرسل اشارات غير روتينك اخرج من قوقعتك بس الخروج من منطقة الراحة والتطبيق جدا صعب :/

اعانك الله ووفقك

 

[إبراهيم 906]

الجمعة الماضية فتحت اليوتيوب بحدود الساعة 11 بالليل طاحت عيني على بث مباشر لصلاة الجمعة من أمريكا
سبحان الله أفكر في الناس اللي نشروا الاسلام وكيف الاسلام كان محصور في أماكن قليلة ثم صار الانتشار العظيم
الله يثبتنا يار ب

 

[Kain]

الانارة كانت ضعيفة الشقة مظلمة ومصدر الضوء بعيد بس شفت جسم بمنتصف الغرفة مع التدقيق اختفى ممكن ارهاق الي اخلاني اطلع من المكان اصوات الحركة

هل كان مثل ظل اسود يخطف سريعا ؟

 

[Arashi]

أفكر: لاحظت مؤخرا ان كل لعبه العبها لازم تييني حاله من النرفزه في البدايه، ما كنت جذي مع الالعاب.. كله بسبب الـtutorials والتعقيدات الزايده في العاب الحين

أفكر: في بريعصي سميناه Lizzy دايما يطلع لنا في مكان معين عالرخام جدام باب المجلس يتأمل السقف، ولما يجوف احد فينا يمر حتى لو بهدوء يركض للمجلس وينخش ورا البيانو وما بنحصله وهكذا كم شهر معاه، الاغرب ان وقوفه اثناء التأمل وهروبه دايما على نفس الخط وكأن احد راسم له طريق عالارض، وما يحب يركب الطوفه نفس باقي يعال عمه @@
مسكين ما يؤذي أحد ولا يظهر لضيوفنا في المجلس، في مكانه منخش ساكت بس يسمع سوالفهم، بدا حياته معانا وهو صغير وقتلنا كل اخوانه اللي كانوا في عمره الا هو صامد لين اليوم وقاعدين نتابع مراحل نموه. كم انت ظريف يا Lizzy

محتوى مخفي: Zoda

قريت اية الكرسي ونمت احلى نومة المكيف امس ما كان يبرد زين فغيرت الغرفة لمكان ما شفته من فترة طويلة فيها سرير كبير ومكيف قوي بس شكل المكان محجوز ماكملت 5 دقايق مع اني ما اخاف بس المضايقة تنذر بالخطر

هو صح مب مشكلة الخوف، املشكله لما يفتحون الادراج والبيبان طاخ وطيخ وانت ما تقدر تسوي شي <<< جربنا انا واختي نضحك عليهم وانفروا منا
الله يكون في عونك

محتوى مخفي: wael_boss90

كل شيء جاهز بتكون قطة أن شاء الله

القطو افضل صديق للعيله

 

[خشبة]

قريت اية الكرسي ونمت احلى نومة المكيف امس ما كان يبرد زين فغيرت الغرفة لمكان ما شفته من فترة طويلة فيها سرير كبير ومكيف قوي بس شكل المكان محجوز ماكملت 5 دقايق مع اني ما اخاف بس المضايقة تنذر بالخطر

انا اتوجس من الغرفه المهجوره مهما كانت مرتبة في بيت حي اكثر من غرفه مهجوره في مكان مهجور.

صديقي نفس مشكلتك بالضبط قبل شهرين كان مكيفه حار.. وراح غرفه من زمان محد جلس فيها ونام وجته كوابيس ولاحظ أشياء غريبه في الغرفة.

 

[سيفروس سنيب]

في العصر العباسي كان هناك جاهل ينشر رسائل فيها الكثير من الباطل والنقد لعلماء يتفوقون عليه في العلم والحجة ..
حتى بلغ هذا الجاهل من أمره أن ينقد كتباً هي من أنفس ماوضع إمام الأدب -الجاحظ -وياليته انتقدها بحجة أو منطق.

فرد عليه الجاحظ برسالة كانت مقدمتها هذا الدعاء :

"جنبك الله الشبهة
وعصمك من الحيرة
وجعل بينك وبين المعرفة نسباً
وبين الصدق سبباً
وحبب إليك التثبت
وزين في عينك الإنصاف
وأذاقك حلاوة التقوى
وأشعر قلبك عز الحق
وأودع صدرك برد اليقين
وطرد عنك ذل اليأس
وعرّفك مافي الباطل من الذّلة
وما في الجهل من القلّة"

وبعد هذا الدعاء قال :

"ولعمري إن غير هذا الدعاء أصوب في أمرك وأدل على مقدار وزنك والحال التي وضعت نفسك بها"

أي أنك تستحق دعاء غير الذي دعوت لك به نظراً للمكانة التي أرديت نفسك فيها بنشر الجهل
لأن اسمه انتشر في الأوساط والجاحظ مع ذلك ترك اسمه غير مذكورٍ في الكتاب ولا أزال أبحث عنه حتى اليوم ...

رهيب ومضحك أسلوبه وممتع جداً في القراءة - من كتاب الحيوان -

 

[بلوط]

@abdullah-kh

 

[Arashi]

محتوى مخفي: ?

 

[Invader Zim]

@abdullah-kh

 

[wael_boss90]

أفكر في كيف تشعر بمشاعر شخص ثاني بعيدا عنك من ناحية المكان لكن تشعر في كل شيء يشعر فيه

 

[بلوط]

 

[Invader Zim]

 

[شيطون]

اني ارى الباند يقترب

 

[Arashi]

افكر: طحتي من عيني يا Utada Hikaru

أفكر: وانتي بعد طحتي من عيني يا Yu Watase لنفس السبب

أفكر: طحتي من عيني يا Square-Enix لسبب مقارب حالج من حال Sony

أفكر: بعد كم يوم احتمال العالم كله يطيح من عيني لنفس الأسباب

أفكر: بنت بننننت خالي عمرها 8 سنين لا تسلم على احد ولا تقرب احد ولين اليوم تنسى انا من واني بنت عمة امها، اليوم زرت امها (بنت خالي) عشان مسويه عمليه والا تجي البنت ويقولون لها عرفتي منو قاعد؟ هي طبعا ما عرفت ولا مهتمه تعرف وفي يدها الـSwitch تلعب، لما قالوا لها "هاذي اللي ترسم انيمي" وهني قطت السويتش ويات نقزت تقعد جنبي مهتمه تسالف. وهكذا الحال مع كل الـCousins وعيالهم وكل أطفال الاهل وربعهم. تبا انا أبيهم يطفشون مني عشان لا يقربوني بس صراحه تفاجأت ان هالبنت طبعت تحب ترسم فـــــــ..... يمكن شوي اشجعها عشان أكون جيش من الرسامين في العيله

 

[abdullah-kh]

افكر: طحتي من عيني يا Utada Hikaru

أفكر: وانتي بعد طحتي من عيني يا Yu Watase لنفس السبب

افكر ان واحد يسأل ليش طاحوا من عينك وبعدها ينفتح موضوع مخالف لأني أعرف ليش طاحوا من عينك