في ماذا تفكرون ؟ {راجع شروط المشاركة بأول رد}

[MH MD]

شكلكم أنجلدتم جلد على هذا الشئ، المشكلة أني أكبر منكم فمدري إذا أقدر أتضامن معكم

الصدق لا....بل اكون بالجانب المتنمر الكبير احيانا اذا اقتضى الامر وفعلا اقوم بتدميرهم (&)

 

[MOSU]

هو لمذا البعض اذا شاف نفسه اكبر منك يستحقرك شوي..يحسب نفسه اذكى واكثر وعي يعني p:

ناس عقولهم صغيرة

 

[White Soul]

هو لمذا البعض اذا شاف نفسه اكبر منك يستحقرك شوي..يحسب نفسه اذكى واكثر وعي يعني p:

فعلًا، زي مواليد 2004 لما أتناقش معاهم يا أنهم يحسسوني أنهم عاشوا قرن قبلي :/

 

[DINO CRISIS]

أفكر أكتب موضوع رزدنت إيفل 8 القرية الرسمي هاليومين وأفتح الموضوع

 

[abdullah-kh]

أفكر أكتب موضوع رزدنت إيفل 8 القرية الرسمي هاليومين وأفتح الموضوع

شباب كم مرة ننبه اي شيء يخص الالعاب الموضوع هذا مش مكانه! عندك موضوع الحجز يعني وتقدر تسأل هناك.

 

[Sultan/X]

فعلًا، زي مواليد 2004 لما أتناقش معاهم يا أنهم يحسسوني أنهم عاشوا قرن قبلي :/

ولا من شبه المستحيل أنك تقدر تقول لهم شيء، أنسى. بس لين يوصل سن ٢٥ أشياء كثير بتتغير بتفكيره. مثل النقلة اللي تجي لشخص دخل سن ٣٥.

 

[DINO CRISIS]

شباب كم مرة ننبه اي شيء يخص الالعاب الموضوع هذا مش مكانه! عندك موضوع الحجز يعني وتقدر تسأل هناك.

أعتذر لأني كتبت

لقد نسيت

 

[aboooood]

جاي ع بالي كاسة نسكافيه 🙁

 

[Arashi]

-افكر ان من امس بدت اعراض رمضان: نقص سريع في الوزن وجفاف حاد وجوع طول الوقت، زدت كمية الاكل والعصير في السحور لكن اليوم قمت الفجر وحاسه نفسي صخره متحجره من الجفاف
-افكر شلون قلبت اللعبه سياسه وكلام كبار كله لأني طلعتهم عالعالم الخارجي، الله المستعان << تكره السياسه
-افكر رسمة رمضان ما خلصت وكارهتها اصلا وقاعده اكملها مغصوبه
-افكر سوف أفتقدك ايها الكرك شهرا كاملا

 

[aboooood]

يا شباب شو في مسلسلات حلوة برمضان تستاهل انو الواحد يشوفها



حتى الان عجبني مسلسل مصري اسمه ملوك الجدعنة

 

[Hugo]

افكر سوف أفتقدك ايها الكرك شهرا كاملا

تقدرين تشربينه عقب الفطور

اكتشفت من فترة كرك الزعتر ويعطي نكهة خيالية اذا ضبطت المكونات عدل، يعتبر ثقيل للامانة و اكثر من قلاص يعتبر تو متش للاشخاص اللي يبون يخففون وزنهم نفسي

 

[Arashi]

تقدرين تشربينه عقب الفطور

اكتشفت من فترة كرك الزعتر ويعطي نكهة خيالية اذا ضبطت المكونات عدل، يعتبر ثقيل للامانة و اكثر من قلاص يعتبر تو متش للاشخاص اللي يبون يخففون وزنهم نفسي

اذا شربته عقب الافطار بسهرني لين الفجر، انا كائن يتأثر بالكافيين بسهوله لأني مب متعوده عليه
كرك بالزعتر؟ ازاي كده؟ @@
يعني يحطون فيه اوراق زعتر مجفف ولا شسالفه؟ أخبرني @.@ <<< بضيفه لمجموعة نكهاتي

 

[Hugo]

اذا شربته عقب الافطار بسهرني لين الفجر، انا كائن يتأثر بالكافيين بسهوله لأني مب متعوده عليه

سمعت عن ناس يكونون حساسين للكافيين مثل القهوة و الشاي، لكن معقولة كوب واحد ما يخليج تنامين

كرك بالزعتر؟ ازاي كده؟ @@
يعني يحطون فيه اوراق زعتر مجفف ولا شسالفه؟ أخبرني @.@ <<< بضيفه لمجموعة نكهاتي

أنا جيت وذقتة صراحة ما كنت موجود لما طبخوة ، لكن سألت عن المواد قالوا حليب و شاي و زعتر

نطعة الطعم كانت قوية ومألوفة بشكل غريب لكن للاسف ما عرفت انه زعتر الا بعد ما سألت عن مكوناتة>>>> قبلها كنت اظنة قرفة أو هيل

 

[Arashi]

سمعت عن ناس يكونون حساسين للكافيين مثل القهوة و الشاي، لكن معقولة كوب واحد ما يخليج تنامين


أنا جيت وذقتة صراحة ما كنت موجود لما طبخوة ، لكن سألت عن المواد قالوا حليب و شاي و زعتر

نطعة الطعم كانت قوية ومألوفة بشكل غريب لكن للاسف ما عرفت انه زعتر الا بعد ما سألت عن مكوناتة>>>> قبلها كنت اظنة قرفة أو هيل

مب بس كوب يسهرني، حتى لو ربع كوب XD
سعمت ان الناس اللي ما تشرب كافيين تتأثر أسرع، وبالنسبه لي هي مره في الاسبوع وبس كرك، قهوه وهالسوالف ما اشرب بالمره
وهاذي لما ألعب ويا الاهل يوم الجمعه أشرب من العصر لين قريب العشا، وتحصلني قاعده لين الفجر وعيوني مليانه عروج حمرا @_@

هل كان الزعتر مركز مثل الهيل او القرفه ولا خفيف؟ او لو مجرب بالزنجبيل هل تركيزه نفس الشي؟ << بتطلع منك الوصفه غصب XD

 

[Hugo]

مب بس كوب يسهرني، حتى لو ربع كوب XD
سعمت ان الناس اللي ما تشرب كافيين تتأثر أسرع، وبالنسبه لي هي مره في الاسبوع وبس كرك، قهوه وهالسوالف ما اشرب بالمره
وهاذي لما ألعب ويا الاهل يوم الجمعه أشرب من العصر لين قريب العشا، وتحصلني قاعده لين الفجر وعيوني مليانه عروج حمرا @_@

أنا مدمن كرك وشاي ومرات قهوة بتاع كلو يعني، لكن عمرة ما خرب علي جدول نومي التخريب اخليه للقلق اليومي اللي يجيني

أشوف العصاير مناسبة لج علشان ما تسهرين (&)

هل كان الزعتر مركز مثل الهيل او القرفه ولا خفيف؟ او لو مجرب بالزنجبيل هل تركيزه نفس الشي؟ << بتطلع منك الوصفه غصب XD

الزعتر كان ثقيل لكن طعمة ما كان يغلب الحليب او الشاي، فيه توازن بشكل عام..

تقدرين تسوين تجارب و تطلعين بالوصفة ما اتوقع صعبة لكن يحتاج الى trials and error>>>> تأثير الجامعة لا بارك الله فيها

 

[Arashi]

أنا مدمن كرك وشاي ومرات قهوة بتاع كلو يعني، لكن عمرة ما خرب علي جدول نومي التخريب اخليه للقلق اليومي اللي يجيني

أشوف العصاير مناسبة لج علشان ما تسهرين (&)

وهذا اللي اسويه، اشرب عصير برتقال او حليب Almond في الليل
اصلا اغلب سكان العالم مدمنين تشاي وقهوه ومتعودين عالكافيين، مادري لو هالشي عادي صحياً ولا لا؟

الزعتر كان ثقيل لكن طعمة ما كان يغلب الحليب او الشاي، فيه توازن بشكل عام..

تقدرين تسوين تجارب و تطلعين بالوصفة ما اتوقع صعبة لكن يحتاج الى trials and error>>>> تأثير الجامعة لا بارك الله فيها

trials and error + victims.... الاهل ما بقصرون تقصد جامعة قهر؟ XD
وصفك له خلاني اتخيل طعمه، عيل يبي له اوراق الزعتر مالت الشرب اللي يعطونها لمرضى الاحتقان والكحه، شكرا

 

[Hugo]

حليب Almond

اخ عمري ما حبيت هالمنتجات حليب لوز وحليب صويا أذكر جربت حليب صويا ولاعت جبدي..

trials and error + victims.... الاهل ما بقصرون

اشوف بتكون تجربة مثرية لكم جميعا وتعزز اواصر المحبة (&)

تقصد جامعة قهر؟

يب، هانت كلها اسبوعين ونص واخلص من شيء اسمه جامعة

 

[Z00M]

نعم، بيدمرك بمثل "أكبر منك بيوم أعلم منك بسنة" وخلاص يكون قضى عليك.

"لي فاتك بليلة فاتك بحيلة " مثل مغربي

 

[aboooood]

حاليا بفكر متى بدو ياذن المغرب بس


كثير جوعان وكثير عطشان بدي كاسة مي باردة فقط

 

[Arashi]

اخ عمري ما حبيت هالمنتجات حليب لوز وحليب صويا أذكر جربت حليب صويا ولاعت جبدي..

تتعود مع الوقت، لالا صويا ما انصح فيه بالمره ويزيد الووزن @@
اللوز ألذ خاصة منتج علبته صفرا يم يم يم أصلي

اشوف بتكون تجربة مثرية لكم جميعا وتعزز اواصر المحبة (&)

If we survive to love each other another day

يب، هانت كلها اسبوعين ونص واخلص من شيء اسمه جامعة

انتوا المساكين اللي تشتكون في تويتر ان جابرينكم تنفعصون في قاعه 25-30 طالب للامتحانات لا مفتكرين فيكم كورونا ولا شي.. الله يحفظكم ويوفقكم، اعتبروه جهاد في سبيل العلم وفي ذمة الجامعه

-------------------------------------------------------------------------


بالغلط شغلتها لمدرسة الموسيقى وحلفت علي انزل الميوزك شيت مالتها عشان اتعلمها، ياخي صعبه شنو هالوهقه؟ تو الناس علي شي فيه كوردات وسريع

 

[Hugo]

تتعود مع الوقت، لالا صويا ما انصح فيه بالمره ويزيد الووزن @@
اللوز ألذ خاصة منتج علبته صفرا يم يم يم أصلي

المشكلة هنا هو تقبل الشيء بغض النظر عن فوائدة الصحية دائما أشوف حليب الحيوان أكثر فائدة و غني بالمكونات الهامة لجسم الأنسان>>>> دائما أنصح بحليب الأبل و أراه الأفضل على الأطلاق

انتوا المساكين اللي تشتكون في تويتر ان جابرينكم تنفعصون في قاعه 25-30 طالب للامتحانات لا مفتكرين فيكم كورونا ولا شي.. الله يحفظكم ويوفقكم، اعتبروه جهاد في سبيل العلم وفي ذمة الجامعه

والله تمنيت يكون اونلاين أسوة بكثير من الهيئات التعليمية الخارجية لكن لا حياة لمن تنادي، سمعت عن كلاسات بأكملها تعمل فحص كورونا لوجود شخص ما يكون مصاب حزتها

بالغلط شغلتها لمدرسة الموسيقى وحلفت علي انزل الميوزك شيت مالتها عشان اتعلمها، ياخي صعبه شنو هالوهقه؟ تو الناس علي شي فيه كوردات وسريع

لول جنت على نفسها براقش ، بس هل اللحين تدرسين الأساسيات أو قربتي شوي من الغبة على قولتهم (&) الواحد يتعلم بشكل تدريجي ويقرب من الهدف شوي شوي عقبال ما تصيرين عازفة بيانو يضرب بها المثل

بخصوص القناة اللي حطيتيها دائما أسمع لها مقاطع موسيقية وحاليا طايح على هذي المعزوفة



افكر شقد بيتهوفن كان تعيس وفنان في نفس الوقت

 

[جُرَيْج]

كنت ذاهبًا لجدتي، تعيش جدتي في حارة قديمة، مكونة من مزارع وبيوت داخل هذه المزارع،
يسكنها في العادة كبار السن، ونادرًا ما تجد الحسّ لبشر في تلك الحارة.

هناك طريق مختصر لجدتي، بحيث أن تمر بين طرق المزارع الفرعية للوصول إلى بيتها،
تلك الطرق مهجورة، في الليل تحديدًا لا يعيش فيها مخلوق البتة، إلا أن كان صرصار الليل !

أخذت ذلك الطريق المختصر، في ليلة مظلمة، وحينما أقبلت عليه وإذا بي بسيارات متوقفة عند بدايته،
ولم أشهد قبلًا سيارات مثل هذه متوقفة، فأوجست في نفسي الأمر، وقلت ياللغرابة !

وحينما دخلت الطرق، وتعمقت فيها، وإذا بي برجالٍ، وشباب، وأطفال يمشون سائرين بصورة مخيفة،
أنرت الإضاءة الطويلة، وأشرت لهم كي يبتعدوا عن الطريق، وصدقوا أو لا تصدقوا لم يلتفت ولم يهتم أي أحد منهم لما أفعله !

شككت أنهم عميان ! لم يشعروا بوجودي ولم يهتموا لي، يسيرون بصورة ثابتة في ليلة ظلماء، بمشهد يعرّف الغرابة !
حتى الأطفال الصغار الذين سرعان ما يتنبهون لهذه الأمور، لم يلتفتوا لي البتة !

أكملت طريقي حتى وصلت لجدتي، وعدت مع الطريق العام هذه المرة، ولا يبدو أني سأذهب مع المختصر لفترة من الزمن.

 

[Arashi]

المشكلة هنا هو تقبل الشيء بغض النظر عن فوائدة الصحية دائما أشوف حليب الحيوان أكثر فائدة و غني بالمكونات الهامة لجسم الأنسان>>>> دائما أنصح بحليب الأبل و أراه الأفضل على الأطلاق

حليب الابل اوكي لو طبيعي من المزرعه على طول، لكن باقي الانواع بلدنا وداندي وربعهم كلهم كلام فاضي مع الاسف، اذكر يوم كنت اتعالج من اصابه في اسبيتار قال لي الدكتور اتركي الحليب الطازج لأنه ما يعطيج الاحتياجات اليوميه من الكالسيوم وفيتامين د، حليب البودره احسن + الحليب الطازج فيه نسبة دهون تطلع تجاعيد مبكره <<< رعب بالنسبه لنا XD حليب اللوز وربعه اهون

والله تمنيت يكون اونلاين أسوة بكثير من الهيئات التعليمية الخارجية لكن لا حياة لمن تنادي، سمعت عن كلاسات بأكملها تعمل فحص كورونا لوجود شخص ما يكون مصاب حزتها

يس وكلاسات تقفل لما يكون المرض منتشر، شتقول بس؟ وضع المدارس اسوأ واكيد دريت بالحفله اللي صارت بسبب دوام 100% للمدرسين XD

لول جنت على نفسها براقش ، بس هل اللحين تدرسين الأساسيات أو قربتي شوي من الغبة على قولتهم (&) الواحد يتعلم بشكل تدريجي ويقرب من الهدف شوي شوي عقبال ما تصيرين عازفة بيانو يضرب بها المثل

بخصوص القناة اللي حطيتيها دائما أسمع لها مقاطع موسيقية وحاليا طايح على هذي المعزوفة

قصدك على نفسها جنت أراشي XD
يس تعلمت الاساسيات في عزفات بسيطه ودخلت في المتوسط والحين يبوني ادخل في الثقيل، احاول اتخصص عزفات فيديوجيمز وشوية انيمي، ما عندنا حد مختص في هالامور في قطر (الا واحد يعزف انيميات جيل الطيبين لو تعرف، اسمه عمر)

عزفة بيتهوفن اول مره اسمعها، شوي يايه على مودرن الا لو صاحب الحساب مغير شوي فيها؟ @@
ومسميها فيروس؟ واحنا ناقصين فيروسات؟ X"D

افكر شقد بيتهوفن كان تعيس وفنان في نفس الوقت

تعيس لأنه فقد حاسة السمع ويقال مات من الاكتئاب .. مسكين (":

----------------------------------------

أكملت طريقي حتى وصلت لجدتي، وعدت مع الطريق العام هذه المرة، ولا يبدو أني سأذهب مع المختصر لفترة من الزمن.

طريق مظلم ومهجور = موكب من الجن @@

 

[wael5656]

قاعد افكر لو قعدت على كرسي الاعتراف هل في ناس راح تنتقم ام المسامحين كريمين مدري بس يعني هذا اللي قاعد افكر فيه الان

هههههههههههههههههه


تراني طيب و حبوب لا تنتقموا مني لو سرت في يوما ما في كرسي الاعتراف

 

[ELOO]

زعلانة ومقهورة
شفت بسة للتبني وشكلها حلوه وللأسف ما أقدر اخذها
عندي حساسية منهم اول ما امسكهم وجهي يقلب احمر وعيوني شوي بتطلع من مكانها من كثر الحكة
اخخ يالقهر

 

[Arashi]

زعلانة ومقهورة
شفت بسة للتبني وشكلها حلوه وللأسف ما أقدر اخذها
عندي حساسية منهم اول ما امسكهم وجهي يقلب احمر وعيوني شوي بتطلع من مكانها من كثر الحكة
اخخ يالقهر

بنت عمتي فيها حساسيه من القطاوه ومع ذلك تربي مجموعه كبيره منهم وكانت تبيعهم بعد، تضربهم ابره معينه اظن كل 6-12 شهر منها تحميهم من الامراض وتحمي نفسها من التحسس، اهلي اللي يربون قطاوه يسوون جذي ومرتاحين معاهم ^^
واظن انها اكتسبت مناعه الحين ما تتحسس لدرجة ان لما يصيدهم جرب او شي ما تتعادى منهم، البيطري بنفسه قال لها ان عندها مناعه الحين <<< المشكله كنت ماخذتهم هي وقطوتها المريضه معاي البيطري عشان اودي ببغائي وكان الوضع يخوف XD

نصيحه جربي تقربين قطوة بيت متطمعه وجوفي شلون الوضع معاج ^^

 

[ELOO]

بنت عمتي فيها حساسيه من القطاوه ومع ذلك تربي مجموعه كبيره منهم وكانت تبيعهم بعد، تضربهم ابره معينه اظن كل 6-12 شهر منها تحميهم من الامراض وتحمي نفسها من التحسس، اهلي اللي يربون قطاوه يسوون جذي ومرتاحين معاهم ^^
واظن انها اكتسبت مناعه الحين ما تتحسس لدرجة ان لما يصيدهم جرب او شي ما تتعادى منهم، البيطري بنفسه قال لها ان عندها مناعه الحين <<< المشكله كنت ماخذتهم هي وقطوتها المريضه معاي البيطري عشان اودي ببغائي وكان الوضع يخوف XD

نصيحه جربي تقربين قطوة بيت متطمعه وجوفي شلون الوضع معاج ^^

كانت عندي بسة في 2010 وأعطيها تطعيمات واعتنيت فيها أوديها بيطري .. لكن برضوا لما شعرها يتساقط اتأذى أنا
وبسوي مثل نصيحتك بجرب أمسك بسة متعطمة وأشوف كيف الوضع إن شاء الله

 

[Arashi]

كانت عندي بسة في 2010 وأعطيها تطعيمات واعتنيت فيها أوديها بيطري .. لكن برضوا لما شعرها يتساقط اتأذى أنا
وبسوي مثل نصيحتك بجرب أمسك بسة متعطمة وأشوف كيف الوضع إن شاء الله

الشعر لازم تمشيط بمشط خاص بشكل يومي وسباحه بشامبو معين (نسيت اسمه >_<) كل كم يوم عشان الشعر لا يتساقط
ما تجوفين شر وان شاء الله تنحل المشكله ^^

 

[Arashi]

افكر، واقع مؤسف ان اللي يغتابك يقدر يؤثر على نظرة الناس لك بكل سهوله وانت اللي تمسك لسانك تكون خسران. مهما تحاول تثبت العكس بأعمالك مافي فايده لأن اللي سبق لبق. ولما تعرض مساعده او تحاول تتكلم بلطف اكثر عشان تبين ان فكرتهم خطأ عنك ينظرون لك بنظرة الشخص الغريب الاطوار وردودهم عليك فيها برود وتهميش. المغتاب نفسه ما يسوي خير في هالأشخاص الا بمزاج.. واساسا يتعامل معاهم بمزاج لكنهم يركضون وراه. اخطاء ممكن أخطأ وتتسجل علي في ملف غير قابل للتعديل، لكن اي خير اسويه ينمحي على طول. سبحان الله الدنيا انقلبت رأسا على عقب. ما عاد للأخلاق أي قيمه، اهم شي تكون cool وfun وعندك سوالف اما اخلاقك فخلها لنفسك << اسفه هالكلام عن تجارب شخصيه ما اعممه عالكل.

 

[DINO CRISIS]

كان يوم طويل بالنسبة لي

نظفت المنزل لوحدي

وكنست الغرف لوحدي

شعرت أنني تعبت وكأن المجهود الذي بذلته لمدة شهر

وليس ساعات معدودة

هل هذا بسبب الصيام؟

ربما...