ليش معلق على موضوع الكبرياء؟
يمديك تاخذ الفرصة وترد على نقاطي بدل ماتهدر ردودك في وصفي...
ما ألاحقك إنت .. ألاحق أفكارك الخاطئة .. ويمكن تاخذ لقب أكثر عضو يقدح كلام من الراس ببساطة
فيه ناس أصغر في السن أوتعليمها أضعف أو ثقافتها أقل ممكن تظللها بكتابتك المفلوتة
لما تقول الفلسفة ماتدرس ولو درستوها راح تنسخون وتلصقون كلام السابقين
فهذا كلام خاطئ يظلل الناس وشرحت لك بالتفصيل
لما تقول الاجتماعيين تحذر منهم في علاقاتك فهذا كلام خاطئ يظلل الناس
الإنسان الاجتماعي الصحي هو أول شخص يرحب في الناس الجدد في بيئة العمل وينتبه لهم
أنا انطوائي عمري مابادرت بترحيب أحد .. أول ماشتغلت رحب فيني واحد اجتماعي خجلت من نفسي.
هل يحتاج أعطيك أمثلة زيادة؟
لما تقول كل الي ينتقدون نيل دركمان خايفين من الفكر السام
فهذا كلام خاطئ يظلل الناس. كثير منهم يشوف أشياء أخس وأردى على نت فلكس
ويكرهون نيل لأسباب أخرى.
لما تقول الكذاب تعرفه من شكله إنت تظلل الناس
تقدر تشك/ترجح/يجيك حدس/ لكن هذا حدك
العاقل يقول شكيت
وطلع شكي بمحله. حط مليار خط تحت
طلع
أما تساوي بين الشك واليقين وتلخبط بين الإشارة والدليل فهذا خطأ
لما تقول لاتوجد حقيقة وكل شيء يحتمل الرمادية إنت تظلل الناس
كم رد لك أقدر أنسخه كاتب فيه إنك اكتشفت حقيقة بل كومة من الحقائق
يب سرقتها من بن عفيف
برضة تظليل للناس .. مافيه إنسان شرير؟ طيب الطواغيت والجبابرة الي يعذبون الناس
بالحرق والخازوق ماهم أشرار ؟ الي ياكلون أموال اليتامى بالباطل ماهم أشرار؟
الله عز وجل خلق جهنم عبث؟
استوعبت حقيقة ان فعلا مافي شي ثابت بالدنيا ؟؟؟
لا في ثوابت وثوابت كثير ماتنكسر
زي ثابت إن الإنسان يرتاح للثناء ويتحرج من الذم . هذا ثابت ماينكسر في أي زمان ومكان ومجتمع وتاريخ
تبغى زيادة أمثلة؟؟
لما تقول تعلمت أختار الي يناسب عقلي ويمشي مع كميائية حياتي
هل فيه شاب جامعي متعلم ومتثقف في هذا الزمن يقول هذا الكلام؟
كم آية في القرآن تذم الي يتبع الهوى
بعدين ليتك تتكلم عن آراءك في الألعاب أو الملابس لحتى نسكت
لا بل تتكلم عن أشياء جادة عن قضايا معرفية وعن المجتمع وعن التربية وكيف ندير علاقاتنا مع الناس ونحكم عليهم
الدنيا مي فوضى. الله أعطانا حواس خمسة وأجهزة إدراك ولازم نجتهد في معرفة الحق ونتعب عليه
مو نختار الي يناسبنا بببساطة ونركل الباقي
وشوف آيات كثيرة في القرآن ماتتكلم عن الجهال والبسطاء الي عايشين حياتهم بسلام
بل تتكلم عن المظللين الي يدعون المعرفة والعلم وهم منه براء ويضحكون عالبسطاء من الناس
عشان كذا أرد عليك مو عشان كبريائي ولا حرب ولا انتصار بل عشان القراء مايتظللون
مع إني عارف إن ممكن أنفهم كمتصيد أو مخرب أو حتى آخذ مخالفة .. لكن مواجهة المظللين عالنت تسوى في نظري هالثمن.
) لكن الواحد يحافظ قدر المستطاع مع الرياضة
