في شهر رمضان عندما يشتاق الأبن المغترب لطبخ ماما :(

[Old School]

اوكي بكل بساطه عيال الفقراء والمساكين والمتغربين بعيد عن ماما وش نظام فطورهم ما كدونالدز ولا يطبخون بالبيت

يعني شاركونا بالافكار يا جماعة الخير وما عندي غير اربع ساعات اشتغل على الفطور بعد الدوام يوميا وما اعرف اظبط واوي الا معكرونة هدوق مع زيادة بهارات ومساحيق الشي الي فالح فيه -_- 3

وبقية الشباب كيف الوضع معاكم ؟

 

[The Doctor]

المفروض تتعلم تسوي ثريد و كبسة و لقمة القاضي و بلح الشام و كباب و كنافة قبل لا تغترب p:

 

[Leon]

ما أقول إلا الله يكون في عونكم خاصة في رمضان .. ماني متخيل إني أقضيه بعيد عن الأهل أو حتى بعيد عن مدينتي , أجواء رمضان لها طعم ثااااني ..

حاول تكلم أحد من الأهل وتتعلم حاجة في الطبخ ..

 

[Futrus]

وانت تتفطر الأكل اللي مو عاجبك طالع هالصور وإتخيل إنك تاكل هالأكلات

 

[Colorization]

تعلّم أسهل شي: تشريبة. تغنيني عن الدنيا ومافيها من أكل (كل يوم أتفطر تشريبة P: )

 

[Leon]

^ ههههه في الموضوع الثاني جالس تمدح في التشريبة .. والحين هنا .. صار عندي فضول أشوفها 😛

 

[Koshiro]

كل اي شيء من المتيسر ولاتكثر ثم تعشى مثل الايام العادية من اي مطعم هذا الحل الوحيد اذا ماكنت تقدر تتعلم الطبخ بنفسك

 

[Khalid-S]

اوكي بما اننا مغتربين ... هذي طرق جيده.

- اجتمع مع اصحابك .. حتى لو كانوا اثنين فقط .. تملعوا طبخه .. مو شرط كبسه وغيره .. اي شي .. لو ساندوتش جبن

- قطو فلوس وخذو لكم اكل من مطعم لبناني مثل وخلوه في الثلاجه وحموه كل يوم 😛

لا لا من جد ... في رمضان احلى شي الجمعه .. للاسف ما نقدر نجتمع مع عائلتنا .. لكن نقدر نجتمع مع شباب من مجتمعنا.. انت واصحابك واصحاب اصحابك وغيرهم .. حددو مكان تفطرون فيه .. جمعوا كل الاكل الي حصلتوه عليه هناك وبسم الله.


الله يكون في عونكم .. وعوننا.

 

[Naif]

..

 

[Tomb raider]

نايف شكلك ما تاكل الا الاندومي "اكلتي المفضله" !

 

[Naif]

لوول الاندومي وجبة الاوقات الحرجة بالنسبة لي P: (و الخيار و جبن كرافت بعد)

 

[The Doctor]

^خيار و جبن كرافت؟<يكره الخيار

 

[Mr.3B]

...

والله اليوم مفطر على ماء بس :cryy:

 

[pacino]

شكلي بتعلم الطبخ من ألحين 🙁..الله يعين..كلها جم شهر وانظم لكم 🙁

 

[Old School]

والله يا بو خلود الجمعة على صحن رز من طبخ يدي ولا واحد من الشباب ما تسوى لان نفس نظام الايام العادية ( أكل تعبان + ويننينج اليفن لول ) ابغا كيك وهريس وجريش وثريد لكن الله لنا

 

[Naif]

^خيار و جبن كرافت؟<يكره الخيار

هيه احب السلطات مع الجبن (السلطات اليونانية.. بس عادة اكون متعايز اقطع كل انواع الخضروات فاقطع خيار بس او طماطم مع الجبنة..هم يستخدمون جبن ابيض في السلطات اليونانية بس كرافت متوفر في كل بقالة على شان جي استخدمه بدل الجبنة البيضاء 🙂 )

 

[hamad 11]

انا لا ضاقت الحال عندي اطلب لك فول مدمس من المطعم السوداني الى جمب بيتنا >__<
وحالتي هذا ما أكلت منه إلا مرة واحدة ولاعت جبدي بصراحة !

تقريباً هو المحل الوحيد الى يقدر إفطار في رمضان لووول المطاعم الثانية تصكر

بس عندهم أكلات ثانية عجيبة خخخ ..

الأكل السوداني FTW !

 

[High Lander]

تبون نفتح موضوع المطبخ الرمضاني ؟؟....تراي مستعد اعلمكم طبخات محترمه يخترشون منها العالم بالصور بعد ....هاه وش قلتواا ؟؟

 

[Khalid-S]

فكره ممتازه جداَ .. يالله ورينا.

 

[Solay]

الله يعينكم من جد على فكرة عنوان الموضوع رهيييييييب...

 

[The Shark]

يلا شباب إن شاء الله رمضان هذا راح يكون آخر رمضان وقت دراسة على الأكثر رمضان الي بعده .. إلا الي يكون في دولة نظام دراستها سقيم ...

 

[Hardcore Gamer]

الله يعين بس ... انا اول يومين هنا عند اهلي لكن من بكره بتبدأ الحياه العزوبيه ... والله اعلم وش بيصير لكن اتوقع انه كل يوم من مطعم وخلاص ،،،

 

[Mario2]

انا لا ضاقت الحال عندي اطلب لك فول مدمس من المطعم السوداني الى جمب بيتنا >__<

فيه مطاعم سودانيه بعد .. بس مادري ليش يوم قريت الرد ضحكت ضحك .. الله يعين المغتربين صراحه ..

 

[BioMario]

تبون نفتح موضوع المطبخ الرمضاني ؟؟....تراي مستعد اعلمكم طبخات محترمه يخترشون منها العالم بالصور بعد ....هاه وش قلتواا ؟؟

افتح افتح ^_^ .. ننتظرك .. الشباب رح يستفيدون منه ان شاء الله ..
بس عاد حاول ان الأكلات ما كتون مقاديرها صعبة علشان الكل يحصلها برى ..

الصراحة احلى شي الأندومي لول لكن مستحيل آكلها في رمضان -__- ..
شباب كل ما امر صوب المطبخ اشم روائح رهيبة :yuck:

بالفعل والله شباب اللهي يهينكم والله انا ما اتخيل كيف ..

 

[Hardcore Gamer]

المشكله عندي هنا حتي لو كنت ابطبخ ما اقدر ... دوامي كل يوم من8 الصبح ل5العصر !!!!! ما عدا يوم الثلاثا دوامي خفيف
الله يعين بس !!!