في النهاية يعتمد عليك، على نقاط قوتك و ضعفك...
أنا كنت أدرس Software Engineering في البترول قبل حوالي سنتين و نص، و بالراحة أقدر أقول إن خروجي منه كان أحسن قرار اتخذته في العشر سنين اللي فاتت، طبعاً الأسباب تنطبق عليي ومو بالضرورة تنطبق عليك:
المحاضرات و اللابات اللي اخدتها للتخصص كانت جداً عديمة الفائدة، ما بتتعلم أي شي لو بتعتمد على المحاضرات، لازم انت بنفسك تحوس... و لما أقول تحوس يعني فعلاً تحوس و تدور بنفسك و تقضي ساعات كل يوم
من الأشياء اللي فعلاً خلتني أفقد الأمل عدة مرات هو إني لما أتورط في مشكلة ما أحصل مساعدة لا من الدكتور و لا من النت... الدكتور مادري وش كانت مشكلته، و النت دائماً يشكوا فيك إنك تبغاهم يحلوا لك الhome work
هذا طبعاً، غير إني اكتشفت إن البرمجة حاجة جداً مملة ونهائياً مش لي... هو لازم تتحلى بالصبر عشان تعدي الفترة الأولية للأساسيات، و أنا ما عندي هالصبر، و لا بغيت أفكر في الdebugging بعدين :laugh::
و على فكرة، بما إني لاحظت إنك كاتب ودك تدخل البرجمة لأنك تحب الكمبيوتر و الألعاب... خطأ كبير يقع فيه كثييييير من الطلاب (المضحك المبكي إني ما وقعت فيه هالخطأ ذا): كونك تحب الكمبيوتر لا يعني نهائياً إنك بتحب البرمجة...
البرمجة تعتمد اعتماد كبير على الرياضيات و على مجهودك الخاص لتعلم لغة البرمجة بالاضافية لقابليتك على فهمها و إذا عندك موهبة للابداع فيها… فإلا إذا عندك تجربة سابقة مع البرمجة و حبيتها، انسى إنك بتكون مبدع فيها فقط لأنك تحب الألعاب و الكمبيوترات
أضف إلى ذلك إن كانت عندي لستة طويلة عريضة من الأشياء اللي ما عجبتني في جامعة البترول نفسها... احتجت إني أهرب!
طبعاً حط في بالك إن هالكلام يا إما من تجرتبي أو ملاحظتي الشخصية لطلاب آخرين و من حوالي السنتين و نص، مش لازم ينطبق عليك نهائياً... بالعكس، ممكن تدخل و تمر بأحسن تجربة في حياتك
نصيحتي رقم 1؟ في وقت فراغك الحين (أو في الأوريا) جرب تعلم لغة برمجة بنفسك (إذا ما تعرف تبرمج)... أول كورس بيعلموك الجافا، فاتعلمها إذا محتار تختار أي لغة و شوف إذا هي لك أو لا
نصيحتي رقم 2 (و الحقيقية)؟ اطلع بره… بغض النظر عن التخصص، طول ما انت ما عندك مشكلة تتغرب، اطلع ادرس بره… تجربة أسطورية بالنسبة لي... و لو إنك بتحس بداونجريد محزن لما ترجع في الإجازات (خصوصاً أخلاق الناس 🙁 )
و أيضاً، إذا انت في بالك تخصص غير، ماله علاقة لا بالطب و لا بالهندسة، فادخله... إذا تحس إن هالتخصص هو اللي فعلاً ودك فيه، ما عليك لا من سوق عمل و لا بطيخ… دائماً ادخل التخصص اللي تحس إنك بتبدع فيه... تخصص انت في نفسك مستعد تشتغل فيه ببلاش من حبك له، ما عليك لا من الناس و لا من هراء، الشي اللي انت مبدع فيه بتحصل فيه شغلة بغض النظر عن أي شي
هذي يبغلك تبحث فيها لأن القوانين ممكن تغيرت: إذا تقدر تطلع على حسابك، أو مرافق لمبتعث (و بعدين يضموك للبعثة)، فتقدر تتخصص أي تخصص ودك فيه... شي يستحق النظر فيه
