فينيكس رايت .. فين اللعبة هذه عني من زمان ؟؟

[JOE]

السلام عليكم ...
إعذروني اني جاي اتكلم على لعبة معظمكم لعبها من فترة ليست بالقصيرة .. و لكن كان هناك ظروف إلي خلتني العبها الآن .. بس الحمد لله إني بدأت فيها و متقدم فيها ..
انا بدأت العب Phoenix Wright : Ace Attorney فعلياً منذ اسبوع (إشتريت الجهاز قبل اسبوعين تقريباً بالمناسبة :razz: )
و متقدم فيها لحد القضية الثالثة (Turnabout Samurai) و خلصتها اليوم ..
و هي افضل قضية عندي لحد الآن ..
مدة اللعب تقريباً 7-10 ساعات من التفكير و عصر المخ ...
و صراحة ... مش عارف كيف اوصف هذه التحفة ؟ كلمة "جبارة" ما توفيها حقها :jawDrop::
لعبة متقنة إتقان غير طبيعي و ممتعة لأبعد الحدود و إبتكارية في الاسلوب وووو خرافية صراحة ..

انا راح الخص ملاحظاتي على شكل نقاط :

- حط في بالك انك لو بدأت في هذه اللعبة و فهمتها صح .. راح تدمنها بشكل مجنون و ما راح تعتقها إلا بظهور كلمة The END 😛eeved:
..انا العبها في البيت و في الشارع و في العمل و في المطاعم كمان ( على بال ما يخلص الطلب يعني 🙄 )
- تصميم شخصيات رهيب و مميز و يناسب جو اللعبة 100% إبتداءً بـ فينيكس و مروراً بـ إجورث و وايت و فاسجاس و إنتهاءاً بـ ميا و اختها مايا ...و ما خفي اعظم في القضايا القادمة

- سيناريو بديع و مزبّط و يدخلك جو اللعبة ..و هذا يتضمن اماكن الجرائم و الاحداث ..

- حوار ملتف ما شفت زيه من قبل ...إيش هذا ؟ بالذات الحوار في قاعة المحاكمة .. يجلب الحيرة و الغموض و يخليك تشك في المتّهم رغم انه برئ براءة الذئب من دم يوسف 😕

- إنقلابات درامية غير متوقعة بتاتاً .. تكون القضية كلها شاك في شخص معين و فجأة !! تلقى الشخص إلي كنت مطمن له قيد الإستجواب و من شاهد إلى متهم !!

- OST يكسّر الصخر .. اقل كلمة اقولها عليه "اسطوري"... نغمة جوالي إحدى هذه التراكات على فكرة :razz:
- حس الدعابة في اللعبة ..مختارين لحظات ممتازة له و مش مكثرين منه زيادة عن اللزوم .. و كذا مرة اوافق فينيكس على الكلام إلي يقولوا في نفسه ..(كذا واحد قال لي :لو تطلع محامي احسن لك !! يمكن ..ليه لا 😎 !!)
- إستغلال موزون لمزايا الـDS من لمس و مايك و ديويل سكرين ..( حماااااس لما تلقى الدليل المطلوب و تصرخ في المايك objection !! وااو )
- لعبة موجهة لفئة كبيرة من المجتمع و لا تقتصر على فئة معينة .. بسبب بساطة اسلوب اللعبة و طريقة التقدم فيها .

انا صرت Phoenix Wright FAN from now on :bigSmile:
... هذه هي المزايا إلي في عقلي حالياً و لما اخلص اللعبة اكيد راح اكتشف مزايا اخرى ..
و كلي حماس لـ Justice for all و Gyakuten Saiban 4 الامريكية ..

كابكوم تثبت مراراً و تكراراً انها أقوى شركة ظهوراً هذا الجيل و انها وحش لا يستهان به في جميع الاجيال :razz:
و السلام عليكم ...

 

[DeViL MiNd]

:jawDrop::

شريت اللعبه قبلي أنا امــس شريت الايت ^^ ... وقريبا لي ألعاب بشتريها من باقي المصرووف الجامعي ... بس اللعبه مشكلتها أنها يبيلها واحد فاهم الإنجليش 100 % .. موب مثل إذا جاك بعض الناس مايدبرون بالأنجليش يضغطون على اي خيار وبس 😛eeved: ... اللعبه أنا ناوي اشتريها لكن أول مره أسمع أنها تستخدم المايك :suspiciou أنت متأكد ؟؟؟​

 

[hussien-11]

الف مبروك خيو ^__^

ما شاء الله انت انضممت لقافلة مدمني اللعبة أيضا ! ان شاء الله أقدر أجربها ، كلامك يشوق بجد و على فكرة من زمان ما شفنا لعبة تقدم سكريبت و أحداث متقنة بالشكل اللي توصفه ^^
​

 

[m7tram]

وللحين ما جربتها -_- .

 

[Ginko]

اللعبه حلوه وتوني مخلصها قبل كم شهر، لكن ممله على اخرها.

عموما فيه شيء قهرني وهو ان فيه ادله انا اكشفها تكون اقوى من المعترف فيها في اللعبه لكن ما يقبلونها، قهرني هالشيء وخلاني احس اللعبه محدوده جدا.

 

[Nintendo]

انا اخذت اللعبه من خالد من اسبوعين تقريبا والحين واصل القضية الاخيره 🙂

اللعبه حلوه ولو انها بعض الاحيان تصير ممله ( خارج المحكمه ) يوم تقعد تدور وتقرا كلام كثثثثير عشان تطلع بدليل واحد منه ...

اللي عجبني باللعبه اكصر شئ انه الجزء القادم ( الرابع ) احس بيكون ابداع لانه القضية الاخيره الوحيده اللي استخدمت الDS فعلا وباقي القضايا مجرد بورت من الادفانس ( بعد ماجربت لعبة الDS ماتخيل نفسي العب بنسخة الادفانس وماتخيل اللعب فيها كيف اصلا !! ) ..

 

[N E R O]

ان شاء الله باخذ اللعبة قريب خصوصاً ان فاينل فانتزي 3 بتصدر بعد شهرين وما عندي شي ألعبه على الدي إس حالياً 🙄

كابكوم تثبت مراراً و تكراراً انها أقوى شركة ظهوراً هذا الجيل و انها وحش لا يستهان به في جميع الاجيال

:jawDrop::

 

[king zell]

كابكوم أفضل شركة طرف ثالث تقريبا في السنوات الأخيرة

و على فكرة أنا زعيم عشاق اللعبة في ترو جيمنج :razz:

 

[JOE]

:jawDrop::

شريت اللعبه قبلي أنا امــس شريت الايت ^^ ... وقريبا لي ألعاب بشتريها من باقي المصرووف الجامعي ... بس اللعبه مشكلتها أنها يبيلها واحد فاهم الإنجليش 100 % .. موب مثل إذا جاك بعض الناس مايدبرون بالأنجليش يضغطون على اي خيار وبس 😛eeved: ... اللعبه أنا ناوي اشتريها لكن أول مره أسمع أنها تستخدم المايك :suspiciou أنت متأكد ؟؟؟​

اكيد اللعبة تدعم المايك ..
لما الشاهد يقول شهادته يطلب القاضي منك تكتشف التناقض في كلامه مع الادلة إلي معاك ..

لما تحصل الدليل المطلوب تظل ضاغط على زر الـ" Y " عشان يشتغل المايك و تقول كلمة objection فيقولها فينيكس في اللعبة على حسب الموقف و الكلمة إلي تظهر على الشاشة ...
بعض الاحيان تقول Take That و بعض الاحيان Hold It...

اتمنى اكون وصلت الفكرة ...

 

[ShinShadi]

[بصراحة اللعبة ما يبيلها كلام أبد .. مدام إنها من كابكوم أشتريها ونت مرتاح ..
المهم .. القضية الخامسة و بس .. لما توصلها قول لي رأيك بس ..
و أتفق معك بشدة في موضوع OST هو أسطوري .. مثل باقي ألعاب كابكوم ..

- حط في بالك انك لو بدأت في هذه اللعبة و فهمتها صح .. راح تدمنها بشكل مجنون و ما راح تعتقها إلا بظهور كلمة The END

أصبت كبد الحقيقة .. حلوة كبد هذي 🙂

المهم .. الناس تكتب الـ Reviews بعد ما تخلص اللعبة 🙂

 

[Uzumaki Naruto]

كنت ناوي اشتريها !

بس يوم قريت كلام عمر انك لازم تكلم ناس كثار هونت -_-" .

 

[Solid Snake]

ما جربتها للحين للاسف -__-" .. وما اتوقع اجربها قريب -__-"

 

[fnh]

اللعبه ممتعه جدا ختمتها تقريبا بعد مده من نزولها

و ختمت الجزء الثاني من اللعبه (ياباني مع سكريبت) من شدة الحماس

لكن الجزء الثالث ما ختمته لانه فيه فرقه جالسه تترجم فيه ختمت منه القضيه الاولى بس

بانتظار الجزء الي بينزل قريب على الدي اس 🙂

 

[JOE]

بعض الاحيان تصير ممله ( خارج المحكمه ) يوم تقعد تدور وتقرا كلام كثثثثير عشان تطلع بدليل واحد منه ...

انا اشوف هذا الشئ ضروري عشان تجمع اكبر قدر من الادلة ... و بعدين معظم وقت اللعبة يروح في قاعة المحاكمة بينما الوقت إلي ينقضي في جمع الادلة مش ذاك الوقت الطويل ... بالذات إذا عرفت فين تبحث .
و منها تتعرف على الشهود و المتهمين و فينيكس نفسه اكثر و اكثر ...
بالنسبة لي اشوفه ضروري جداً

و على فكرة أنا زعيم عشاق اللعبة في ترو جيمنج

ROGER ... On Your Mark.. Sir

القضية الخامسة و بس .. لما توصلها قول لي رأيك بس ..

حمستني و الله ...بس و لا يهمك اول ما اخلصها ارد لك خبر ...

المهم .. الناس تكتب الـ Reviews بعد ما تخلص اللعبة

إلي انا كتبته ما يعتبر Review إنما Impression على إلي شفته ..

 

[Mr.3B]

...

اللعبة أقل ما يقال عنها رائعة .. عن نفسي أنا وقفت بنص الخامسة .. ما أدري جتني فترة اختبارات ووقفت وقف حماسي للعبة .. لو لقيت وقت فاضي بستعيرها من صديقي مرة ثانية وأخلص الخامسة ..
و OST مدمر .. شغلة المايك رهيبة .. خلصت اللعبة تقريبًا ولا أدري عنها .. كنت أضغط "Y" بس ما يصير شي وكنت مستغرب .. ما كنت أدري انك لازم تتكلم بالمايك .. مشكور على المعلومة 🙂
فعلا كان فيه شي قاهرني .. زي ما قال عبدالله كان فيه ايفيدينس ممكن تستخدمها كاستنتاجات ثانية غير الي كانوا مفكرين فيها باللعبة وكان ممكن تكون صحيحة وكان فيه أكثر من طريقة لكشف الجاني وهي طرق سليمة جدًا واستنتاجات صحيحة بس هم للأسف محددين طرق محدودة جدًا .. أتمنى تتطور اللعبة من هذي الناحية في الأجزاء الجاية

 

[JOE]

ما كنت أدري انك لازم تتكلم بالمايك .. مشكور على المعلومة

العفو عزيزي Anime Lover ..

 

[Leon]

من زمان متحمس للعبة ولكن للأسف لسة مالعبتها..(-_-).

ومن رأيي اللي ساعدها انها على جهاز محمول تقدر تلعبها بأي وقت بحكم ان اللعبة فيها فترات من البحث عن الأدلة ( من كلامكم تقولوا انها مملة ) فلو انها على كونسول ماأعتقد انها راح تكون ناجحة قد ماهي ناجحة الحين....

 

[Mr.3B]

...

على فكرة البحث عن الأدلة بالنسبة لي ما كان ممل أبدًا

 

[Leon]

من ردود الشباب قالوا انها مملة , أنا لسة مالعبتها لكن فعلا أتصور انك لمن بتدور على الأدلة ماأعتقد انها راح تكون مملة لأنك بتدور على شي بدونه ماراح تكمل اللعبة , واسأل اللي لعبها..

 

[NSider]

البحث عن الأدلة حلو. فيه متعة كبيرة. لكن اللي ما يحب ألعاب الـPoint and Click أو القراية كثير ما راح تعجبه اللعبة (أنا أحب الاثنين 🙂 ). لكن اللعبة لها جو رهيب خصوصا في المحاكم.

أنصح أي أحد يعرف يقرأ انجليزي يشتريها. 😉

 

[Nintendude]

اللعبة انقرضت من الأسواق. أنا ما قررت اشتريها الا متأخر عاد والحين مو لاقيها.

 

[Hwoarang]

القضية الرابعة هي الأحلى 🙂

الخامسة ممتازة جدا أيضا خاصة باستخدام قدرات الـDS

اللعبة Rocks لكني ما أقدر أقول عن نفسي أني Fan لها :razz:


واحذف شوية رسائل خاصة جو تراهم Full 🙄

 

[DeaDMaN]

امم قرأت عنوان الموضوع أكثر من مرة ÷_÷ توقعت أنه كلام عادي عن اللعبة , انا أساسا ً ماهتميت باللعبة ولا قرأت عنها أي شي ولو أن الكل يمدحها .. لكن بصراحة استمتعت بقراءة موضوعك و كلامك حمسني بشكل خيالي .. انشاء الله اليوم بدور عن اللعبة .

شكرا ً..