فضيحة بسرعة الضوء

[Huda]

السلام عليكم ورحمه الله وبركاته






بداية بفضيحة برجس وبعدها سلسلة الفضايح المتتابعه واخرها بلي صار الفضيحة المعروفه الي صارت من اسبوعين او اكثر وانكتب عنها بالجرايد تفاجئت انها وصلت لصاحبتي بلوتوث !

هذي سالفة البنت الي فضحها واحد ونشر صورها ورقم بيتها وجوالها وكروكي يدل مكان بيتها ووزعها على المحلات والسوبر ماركات القريبه من بيتها !

ماسرع انتشرت على البلوتوثات !
البنت غلطانه وستين غلطانه نعم
بس حرام التفضيح لأن مو بس هي الي رح تاكلها اهلها وقرايبها رح ياكلوها برضو


والي يقهرني ان الناس يوزعوا هالبلتوثات كنهم يوزوعوا نكت والعياذ بالله

حرام والله حرام مادري لو هي بنتهم او اختهم او قريبه لهم كان ستروا عليها بكل طريقة ممكنه
كرهت البلوتوث وايامه وسنينه

وفيه كثير صور ومقاطع البنت مالها ذنب فيها

مثل بالجامعه البنت تمشي ووحده تصورها بدون سبب او حقد او غيره ... الخ

وفي مقاطع البنت تكون غلطانه فيها ..
مثل بنت طلعت مع شاب والعياذ بالله غلطت يمكن تتوب والله يستر عليها بس بعد التفضيح راحت حياة البنت واهلها ..

مين يستر على انسان الله يستر عليه

متى الناس تتحضر :embarrassed:​

 

[persona]

الغلط مو عليها ولا عليه..لانه سوالف صارت عاديه

الغلط على الناس اللي تسمح لهالسوالف تنتشر وتشتهر بالانترنت و بين الناس :\

الناس صاروا حق الشماته والحش زاهبين ..

متى نتحضر ..صح كلامج ..

 

[Kratos]

اي شخص تثبت عليه تهمة التشهير بشخص عن طريق أي وسيلة الكترونية راح يواجه عقوبة السجن لسنة أو 500 الف ريال غرامه أو الإثنين مع بعض ..

 

[Robin]

اي شخص تثبت عليه تهمة التشهير بشخص عن طريق أي وسيلة الكترونية راح يواجه عقوبة السجن لسنة أو 500 الف ريال غرامه أو الإثنين مع بعض ..

بس وين نحصل اللي يطبقه ..
والحين صار النشر سهل يعني من الصعب يثبتون التهمة على الشخص

ما اقول إلا الله يهدي ويستر الجميع

 

[Kratos]

والحين صار النشر سهل يعني من الصعب يثبتون التهمة على الشخص

بالعكس سهل .. كل رساله فيها معلومات عن الجهاز الي أرسلها و يقدرون يتتبعون الرساله لمصدرها


و السؤال الفعلي زي ما ذكرت مين الي بيطبق القوانين ؟

 

[Huda]

سنة 500 الالف مليون ريال وش تبي ترجع ؟
تبي تمسح الفضيحة ؟

انا شفت مقطع حق برجس وهو بالسجن حاله يقطع القلب قلت بعدها بس محد رح يسوي شي

اشوف الناس انهبلوا بعدها والناس تتفنن بالتفضيح مسكوا واحد اثنين عشرة والباقي ...
العتب مو عليهم العتب على الي يوزع وينشر بكل طريقة ممكنه​

 

[Justice]

تدرون ليه يصير هالكلام ؟
انا اقولكم لان ايمان بالله صار خفيف لو كنا امنا بالله كان عرفنا معنى الستر ولان مش اخوان
زي ماذكر القران (واعتصمو باحبل الله) الزبدة العرب كلهم انتهو ماعاد فيه عرب الا نقول في خرب

 

[Kratos]

سنة 500 الالف مليون ريال وش تبي ترجع ؟
تبي تمسح الفضيحة ؟

انا شفت مقطع حق برجس وهو بالسجن حاله يقطع القلب قلت بعدها بس محد رح يسوي شي

اشوف الناس انهبلوا بعدها والناس تتفنن بالتفضيح مسكوا واحد اثنين عشرة والباقي ...
العتب مو عليهم العتب على الي يوزع وينشر بكل طريقة ممكنه​

يوم الناس تشوف إنه و الله فيه حساب و الشغلة مهي سايبة الشخص بيفكر الف مره قبل لا يسوي أي شي ..
الغالبية العظمى من الأشخاص الي ممكن يسون هالحركة راح يمتنعون ...

فيه أشخاص ما فرقت معاهم بيسونها مهما كانت العقوبة لكن هذول بينمسكون و ينالون عقوبتهم

 

[Huda]

يوم الناس تشوف إنه و الله فيه حساب و الشغلة مهي سايبة الشخص بيفكر الف مره قبل لا يسوي أي شي ..
الغالبية العظمى من الأشخاص الي ممكن يسون هالحركة راح يمتنعون ...

فيه أشخاص ما فرقت معاهم بيسونها مهما كانت العقوبة لكن هذول بينمسكون و ينالون عقوبتهم

صدقني يااخوي في الف طريقة يسوونها ويضمنون انهم ماينمسكون ...

بعدين لاحظتوا معي
الي انمسكوا الشباب الي تحدوا العالم مثل فضيحة نفق النهضة و هذي السالفه يوزع الصور على المحلات

بس الفضايح الثانية وينهم عنها ؟


عموما انا سمعت ان اي بنت يجيبها تهديد من شاب تقدر تكلم الشرطة والشرطة رح يتصرفوا معه بس للأسف اغلب العرب ماعندهم هالشغلات​

 

[Ash Storm]

لا حول و لا قوة إلا بالله !!
فعلاً الناس صاروا مشكلة حقيقية في هذي الأمور, حتى لو الموضوع ما يستاهل مثلاً (ما اقصد هذا الموضوع بالتحديد) لكن الناس يخلوا منه فضيحة بجلاجل !! الله يهدي الجميع !!

 

[Ace]

هاذي مشكلة الشباب عندنا ما عندهم لا شغلة ولا عملة صايرين مثل الجارات شغل تشهير على بعض لو الحكومة تسوي شي تشغل الشباب فية كان البلاوي اللي نسمع عنها قلت بكثير وانشاء ان كل مشهر يلاقي جزاة لان صراحة مصخوها كل يوم والثاني فضيحة....

 

[Mr.3B]

(واعتصموا بحبل الله)

Fixed ......

 

[Ginko]

المسأله في المجتمع نفسه.

يعني الحين اذا ارتبط الشاب بالبنت فيمسكها من اذنها الي تعورها. يعني هي صارت الحين ما تقدر تقول للشرطه لو ضايقها لانها بتنفضح، وما تقدر تقول لاهلها لانها خايفة من ردة الفعل والعواقب. فبإختصار ما تقدر تسوي شيء اذا الشاب قام يبتزها او يهددها.

فالحل واحد من اثنين:
- اما المجتمع يتقبل هالشيء بحيث ان البنت اذا استعانت بالشرطه ما يتم فضحها والتشهير فيها. وان الأهالي تبدأ تتخذ اجراءات فيها حكمه اكثر من العقاب القاسي او الضرب.

- او ان البنات يبطلون هالحركات نهائيا، علاقه مع شاب X كبر الجدار.


اما بخصوص الي يتم تصويرها في الجامعه وما شابه، فالي يعتبر البنت خربانه لانها تشهرت بهالطريقه فهو انسان متخلف لابعد الحدود، لان اشياء زي كذا ماكان للبنت يد فيها مثل العلاقه مع شاب. فهنا لازم يتم تفقيه بعض العينات (لان اغلب الشعب بدأ يتثقف على ما اضن) والتبيين لهم ان مو كل بنت تطلع في مقطع بلوتوث او مدري ايش يعني داجه وخربانه وما تصلح.

 

[Super Sonic]

حسبي الله ونعم الوكيل عليهم -.-

شفت برنامج في التلفزيون كان يسوي مقابلات مع ناس مختلفين رجالا ونساء على ايش العقوبة اللي يقترحوها على اللي ينشرو الفضايح زي كذا

أغلبهم قالو : سجن - جلد!!! - تشهير ... لول حتى الحريم اقترحو الجلد ... يستاهلو قطع رؤوس -.-"

 

[RIZE]

أغلبهم قالو : سجن - جلد!!! - تشهير ... لول حتى الحريم اقترحو الجلد ... يستاهلو قطع رؤوس -.-"

لا والله حلاتها تكون عقوبته كل يوم يحصل له نعال ( وانتم بكرامه ) على وجهه ... علشان يكره عيشته بالحياه ... وينذل صح ..

بس اشوه ... هالشي عندنا شبه مختفي ... يعنى مثل ما تقول صاروا الشباب يتنافسون بعض .. منو الى يصور أكثر اعمال امسويها ويا البنت .... فا يتحفظ على الفيديو أو الصور , علشان الفيديو لا يروح لغيره وهالغيره يقول (( أنا الى سويت هالفعله )).... لوول يعنى مثل ما تقولون (( ما يبي مجهوده ينباق ))

 

[squall leonhart]

بس اشوه ... هالشي عندنا شبه مختفي ... يعنى مثل ما تقول صاروا الشباب يتنافسون بعض .. منو الى يصور أكثر اعمال امسويها ويا البنت .... فا يتحفظ على الفيديو أو الصور , علشان الفيديو لا يروح لغيره وهالغيره يقول (( أنا الى سويت هالفعله )).... لوول يعنى مثل ما تقولون (( ما يبي مجهوده ينباق ))

؟؟؟؟؟؟؟؟؟؟؟؟؟؟؟؟؟ طيب هذا اسوأ و اسوأ

 

[BioMario]

والله سوالف سارت عادية في سوالف تسير فضيعة و الواحد يستحي يقولها ..
و الغلط عليهم اثنينهم و اهم شي يلي هي التربية ..

 

[Huda]

- اما المجتمع يتقبل هالشيء بحيث ان البنت اذا استعانت بالشرطه ما يتم فضحها والتشهير فيها. وان الأهالي تبدأ تتخذ اجراءات فيها حكمه اكثر من العقاب القاسي او الضرب.

- او ان البنات يبطلون هالحركات نهائيا، علاقه مع شاب X كبر الجدار.


اما بخصوص الي يتم تصويرها في الجامعه وما شابه، فالي يعتبر البنت خربانه لانها تشهرت بهالطريقه فهو انسان متخلف لابعد الحدود، لان اشياء زي كذا ماكان للبنت يد فيها مثل العلاقه مع شاب. فهنا لازم يتم تفقيه بعض العينات (لان اغلب الشعب بدأ يتثقف على ما اضن) والتبيين لهم ان مو كل بنت تطلع في مقطع بلوتوث او مدري ايش يعني داجه وخربانه وما تصلح.

تعرف اخوي قال لي عن هذا القرار ان البنت لو هددها شاب مثلاً هي كلمته او طلعت معه او اعطته صورتها بس ماغلطت معه وقام يهددها بالصورة او بالمكالمه
البنت تتجهه للشرطة وتعلمهم انها متهدده بهالشيء
عاد الشرطة بتمسكه بدون ماياوصل خبر حتى للأهل
لأن بنظري البنت حتى لو كلمت ماترضى اشياء اكبر من كذا تحصل بس الشاب مثل ماقلت يمسكها من اذنها الي تعورها وبتصير تغلط علشان ماتنفضح وماتدري المسكينة انها رح تنفضح بشيء اكبر ...

وبالنسبة للبنات الي يتصوروا بالجامعه وربي الناس للحين معتبرينها فضيحة ...
مثل بنت تمشي بالكلية مصورينها فيديو واسم المقطع بنت من كليه يعني مايعرفوا اسمها حتى ليش الناس ينشرونه طيب ؟
بنت لابسه تنوره وقميص ومعها كتبها وتمشي وين الفضيحه بالموضوع ؟؟




RIZE

لا ماشاء الله عليهم عباقرة !!
يعني تفكير الي عندكم خايف على مجهوده وتفكير الي عندنا انشر اكثر تربح اكثر:slant:​

 

[Final Fantasy]

........ مادري من وين أبدأ و أتكلم لأن هالمواضيع مهما الواحد تكلم فيها تحسون أنها ماراح تنتهي و لا راح نطلع بنتيجه !

 

[Tomb raider]

اللي ما يستر عالناس في الدنيا ... الله ما يستر عليه يوم القيامه

ما ابغي اقول شي ثاني

 

[Captain Jack Sparrow]

سنة 500 الالف مليون ريال وش تبي ترجع ؟
تبي تمسح الفضيحة ؟

انا شفت مقطع حق برجس وهو بالسجن حاله يقطع القلب قلت بعدها بس محد رح يسوي شي

اشوف الناس انهبلوا بعدها والناس تتفنن بالتفضيح مسكوا واحد اثنين عشرة والباقي ...
العتب مو عليهم العتب على الي يوزع وينشر بكل طريقة ممكنه​

ما اقول الا عسى الله يحفظنا واياكم ويحفظ اهلنا و اهلكم من عيال الحرام

 

[Monster]

كما تدين تدان ..... بترجعلهم وتذكرت قصة قريتها بمنتدى بنسخها وبحطها لكم

 

[رجل المخاطر]

بسم الله الرحمن الرحيم

والله ناس ماعندهم سالفة، قلة أدب وقلة ذوق، مايصدقون على الله تطلع فضيحة جديدة.

بس مافي تفسير للي يصير الا:-

تدرون ليه يصير هالكلام ؟
انا اقولكم لان ايمان بالله صار خفيف لو كنا امنا بالله كان عرفنا معنى الستر ولان مش اخوان
زي ماذكر القران (واعتصمو باحبل الله) الزبدة العرب كلهم انتهو ماعاد فيه عرب الا نقول في خرب

 

[Ultimate Human]

التشهير شيء عادي وانتشر المشكلة استفحلت لا مجال للحل , ما لنا إلا أن نتقبل الوضع الحالي , وأساساً اللقطات السيئة والفضائح كلها بسبب جوال الكاميرا والبلوتوث فلو منعت تقنية البلوتوث لما رأينا كل هذا يحصل , البلوتوث هو السبب.

الفتيات اللائي يخرجن ويكونن علاقات مع الشباب يستحقن ما آتاهن من مشاكل ويجب عليهن تحمل عواقب فعلتهن , وبرأيي لو رأيت فتاة تبكي بسبب أنها نشرت لها مقطع وهي مع شاب مهما كانا يفعلان فلا أرحمها بل أضحك عليها لحقارتها ووضاعتها ولسوء ما قامت به , فهي تستحق هذه النتيجة ولا تستحق الرحمة إذا فعلت فضيحة تهز الأرض(كلكم تعرفون قصدي).


منع البلوتوث=القضاء على اللقطات المشينة والفضائح.

 

[Super Sonic]

التشهير شيء عادي وانتشر المشكلة استفحلت لا مجال للحل , ما لنا إلا أن نتقبل الوضع الحالي , وأساساً اللقطات السيئة والفضائح كلها بسبب جوال الكاميرا والبلوتوث فلو منعت تقنية البلوتوث لما رأينا كل هذا يحصل , البلوتوث هو السبب.

الفتيات اللائي يخرجن ويكونن علاقات مع الشباب يستحقن ما آتاهن من مشاكل ويجب عليهن تحمل عواقب فعلتهن , وبرأيي لو رأيت فتاة تبكي بسبب أنها نشرت لها مقطع وهي مع شاب مهما كانا يفعلان فلا أرحمها بل أضحك عليها لحقارتها ووضاعتها ولسوء ما قامت به , فهي تستحق هذه النتيجة ولا تستحق الرحمة إذا فعلت فضيحة تهز الأرض(كلكم تعرفون قصدي).


منع البلوتوث=القضاء على اللقطات المشينة والفضائح.

الله يشفيك

 

[Ultimate Human]

الله يشفيك

أنا لم أقل شيئاً خاطئاً , هل تذكر الوضع قبل صدور الباندا؟ كان أخف من الآن بكثير , البلوتوث خدمة فتحت المجال لهؤلاء التافهين الذين يستخدمون التقنية بصفة سيئة , هناك قاعدة شرعية تقول:
(درء المفاسد مقدم على جلب المصالح ) أنت سترد وتقول لي فوائد البلوتوث فالقاعدة السابقة تكفي عن الرد مني لك.
أنت في مجتمع متخلف (دول العالم الثالث) فماذا تتوقع من أغلب الناس أن تعمل بالتقنية الحديثة؟ الجواب واضح , وكذلك التهاون في تنفيذ العقوبة تنتج لنا مشاكل جمة (من أمن العقوبة أساء الأدب) وكل ما يحرك القانون هنا هو ما يدعى بالواسطة عندك واسطة أنت حر افعل ما تشاء لن تدخل السجن فسيشفع لك أحد له منصب أما إذا كان العكس فالعقوبة ستحل عليك.


من نشر له مقطع وهو متلبس بجرمه فهو من جنى على نفسه ويستحق ما أتاه , ولكن بالوقت نفسه يجب معاقبة من قام بالتشهير .

 

[Super Sonic]

أجل يبغالنا نمنع الانترنت بعد

 

[Double T]

هيومن ... قول الحمد لله الي عافانى و فضلانى غلى كثير من خلقه لا ربي يبتليك .. لأنهم هذولي الي ينشرون الصور و المقاطع مريضين

لو فرضنى ان البنت بعد الي سوته تابت و صدقت النيه ايش الفايد من كل التشهير .. ابن ادم كثير الخطأ عشان كذا وجدت التوبه

اسأل الله ان يستر اهالينا من كل سوء

 

[Ultimate Human]

أجل يبغالنا نمنع الانترنت بعد

الإنترنت ضروري أما جوال الكاميرا التافه فلا , جوال الكاميرا يؤدي الغرض نفسه من بقية الجوالات العادية التي لا يأتي معاها بلوتوث وكاميرا لذا فإن شراءه يعتبر خاطئاً إذا حصل منه مفسدة على الغالب وهو الحاصل هنا , وهو ليس ضرورياً مثل الإنترنت بل شيئاً كمالياً.

 

[Ultimate Human]

هيومن ... قول الحمد لله الي عافانى و فضلانى غلى كثير من خلقه لا ربي يبتليك .. لأنهم هذولي الي ينشرون الصور و المقاطع مريضين

لو فرضنى ان البنت بعد الي سوته تابت و صدقت النيه ايش الفايد من كل التشهير .. ابن ادم كثير الخطأ عشان كذا وجدت التوبه

اسأل الله ان يستر اهالينا من كل سوء

إن تابت فهذا شيء آخر , ولا يبرر لها ما فعلته فهي تعرف أن ما قامت به خاطئاً وعواقبه وخيمة ومع ذلك عملت ما عملت .
إذاً أنت كأنك( تقول لماذا مرضى الإيدز يصابون بالمرض إذا تابوا ؟ هم لا يستحقون ذلك!!) , أرد عليك وأقول (سقط الفأس بالرأس).,