hits counter

E3 فريق Kojima يستعد لأحداث “كبيرة” بمعرض E3

ما اتوقع شئ كبير .. يمكن عروض لرايزنج ؟ اعلان عن لعبة للمحمول ؟ يمكن تفاصيل عن لعبة غول ؟

ما اظن ان E3 هي المكان المثالي لعرض محرك ، لكن بما انه كوجيما فنتوقع أي شئ 🙂
 
Kaizoku قال:
وش والردود اللي تقول لعبة جوال؟! متى كوجيما برودكشن صارت كابكوم أو سكوير؟ :laugh::

لول ما عليه مرت 4 سنين من نزول MGS4، بس على الأقل نزلوا PW و قاعدين يشتغلوا على محرك بيفيدهم هالجيل و الجيل الجاي و ندري إنهم يشتغلوا على لعبة جديدة بحجم كبير من فترة...
الانتظار ذا بنطلع به بشي يسوى...
أنقر للتوسيع...
Wild Fox قال:
[video=youtube;olcsM41Dkjw]http://www.youtube.com/watch?v=olcsM41Dkjw[/video]
🙁
أنقر للتوسيع...

هههه أجل كابكوم وسكوير، يا رجل من عذرهم ما كشفوا عن هذي اللعبة :laugh::
 
وش والردود اللي تقول لعبة جوال؟! متى كوجيما برودكشن صارت كابكوم أو سكوير؟
أنقر للتوسيع...

000375813.jpg
 
لول شباب, مصطفى يقصد إنهم يعلنوا عن أشياء مهمة بالمعرض وهايب وبالنهاية تطلع لعبة جوال, يعني زي الهايب الخايس المعتاد من كابكوم.
مو إنه الفريق مستحيل يسوي لعبة جوال.
 
فريق كوجيما هاا !!!

شاطرين يعطونك تريلر .. وبعدها التايتل يتعلق سنوات TBA !!!!!

غير مهتم لمشاريعهم ابدا !
 
Old Snake قال:
لول شباب, مصطفى يقصد إنهم يعلنوا عن أشياء مهمة بالمعرض وهايب وبالنهاية تطلع لعبة جوال, يعني زي الهايب الخايس المعتاد من كابكوم.
مو إنه الفريق مستحيل يسوي لعبة جوال.
أنقر للتوسيع...

انا اللي قصدته انهم سووا هايب كبير ي وقت mgs touch و ي الاخير لعبه جوال ، يعني اتوقع منهم اي شي ، ما حتوصل للعبه جوال لكن التوقعات لام تكون تحت
 
لكن التوقعات لام تكون تحت
أنقر للتوسيع...

با الضبط أنا هذا الي حاول اقوله .. الي يشوف تصوير اكلاته في تويتر الي ازعجنا فيها ما ينتظر منه خير
 
كل شي جايز مع بو الكجم ...وشي عادي ومتوقع نشوفها في مؤتمر نينتيندو :laugh::
 
Old Snake قال:
لول شباب, مصطفى يقصد إنهم يعلنوا عن أشياء مهمة بالمعرض وهايب وبالنهاية تطلع لعبة جوال, يعني زي الهايب الخايس المعتاد من كابكوم.
مو إنه الفريق مستحيل يسوي لعبة جوال.
أنقر للتوسيع...

خخخ جاي أقول..
الحين تقارنوا لي بين لعبة تستخدم صور من MGS4 قبل 3 سنين فترة اللي الكل على حساب بيدعم الiOS بإعلانات الشركات الثانية اللي إلى يومك هذا كل شوي فاتحة لك موقع و عداد قبل بأسبوع و في الأخير تطلع لك اللعبة على جوالات يابانية بعد :laugh::

Wild Fox قال:
انا اللي قصدته انهم سووا هايب كبير ي وقت mgs touch و ي الاخير لعبه جوال ، يعني اتوقع منهم اي شي ، ما حتوصل للعبه جوال لكن التوقعات لام تكون تحت
أنقر للتوسيع...
معليش، بس التوقعات تصير تحت بعد سلسلة ذات طول واقعي من خيبات الأمل... مثل إعلانات و تخبطات كابكوم في الفترة الأخيرة.. أو نزول التوقعات لفيرسس بعد 13، 14 و 13-2 بشكل متوالي
برأيي Kojima Productions إلى الآن ما أعطونا سبب عشان نتشائم.. MGS4 ما كانت بيرفكت؟ Well، هذي عندك PW تأكد إنهم ما زالوا يعرفوا يسووا ألعاب محترمة، و ضامنين عدم التفحيط في القصة إذا اللعبة مع الBig Boss و في السبعينات.. أو حتى أي شي قبل Shadow Moses..

أنا أتوقع تريلر... شي يعطينا فكرة عن أحداث القصة و توجه الجيمبلاي (أو على الأقل كوجيما بيقول لنا عن توجه الجيمبلاي)
خبر الFox Engine ما أحس له علاقة، إذا بيكشفوا اللعبة مش لازم يستعرضوا قدرات المحرك.. إذا بيعرضوا cutscene فأصلاً ما بنقدر نطلع بالشي الكثير عن المحرك..
 
^
هذا غير إنه ميتل جير 4 لعبة محبطة من ناحية القصة *والعروض نسبياً* فيما عدى ذلك لعبة AAA بالراااحة.
 
انا مادري ليش الشباب متشائمين هنا .. عطوني لعبة فاشلة من ابو الكجم

على قولة اخواننا الحجازيين "هيا إديني لعبة فاشلة" .. ابو الكجم يترول كثييييييير

لكن تعال شوف النتيجة فالنهاية! MGS4 لعبة AAA بدون منازع! بغض النظر عن القصة

تعال شوف فيزيائية اللعبة و كل شي في اللعبة ياجماعة الرجال هذا داهية يعني عندي حتى لو يسوي لعبة سيارات بيبدع فيها!
 
Kaizoku قال:
معليش، بس التوقعات تصير تحت بعد سلسلة ذات طول واقعي من خيبات الأمل... مثل إعلانات و تخبطات كابكوم في الفترة الأخيرة.. أو نزول التوقعات لفيرسس بعد 13، 14 و 13-2 بشكل متوالي
برأيي Kojima Productions إلى الآن ما أعطونا سبب عشان نتشائم.. MGS4 ما كانت بيرفكت؟ Well، هذي عندك PW تأكد إنهم ما زالوا يعرفوا يسووا ألعاب محترمة، و ضامنين عدم التفحيط في القصة إذا اللعبة مع الBig Boss و في السبعينات.. أو حتى أي شي قبل Shadow Moses..
أنقر للتوسيع...

التوقعات تصير تحت بعد التخبيص في Rising ! التوقعات تصير تحت لما تتابع كوجيما في تويتر و تشوف هبل الرجال .
اذا ما اعطونا سبب للتشاؤم فهم ما اعطونا سبب للتفاؤل !! قد ما جلست اتحمس معاهم على مر السنوات جاني احباط !
اذا كوجيما نفسه ضايع، بطور لا ما بطور ، الويي يو فله، الفيتا فله , الكنيكت فله و تصرحات ما تدري اي شيقصد فيها .
معليش من يوم و انا فان لمجس و لكوجيما اتعلمت توقعاتي تكون تحت، البني ادم هذا كلامه كثير كثير و فعله قليل .
لو طلعوا مجس جديده باكون مبسوط لكن توقعاتي مع كوجيما دائما تحت .
 
Gooner قال:
انا مادري ليش الشباب متشائمين هنا .. عطوني لعبة فاشلة من ابو الكجم

على قولة اخواننا الحجازيين "هيا إديني لعبة فاشلة" .. ابو الكجم يترول كثييييييير

لكن تعال شوف النتيجة فالنهاية! MGS4 لعبة AAA بدون منازع! بغض النظر عن القصة

تعال شوف فيزيائية اللعبة و كل شي في اللعبة ياجماعة الرجال هذا داهية يعني عندي حتى لو يسوي لعبة سيارات بيبدع فيها!
أنقر للتوسيع...

التشائم مو على مستوى اللعبه ! التششائم على هويه اللعبه ! اذا كان في لعبه اساسا !
 
التوقعات تصير تحت بعد التخبيص في Rising ! التوقعات تصير تحت لما تتابع كوجيما في تويتر و تشوف هبل الرجال .
اذا ما اعطونا سبب للتشاؤم فهم ما اعطونا سبب للتفاؤل !! قد ما جلست اتحمس معاهم على مر السنوات جاني احباط !
أنقر للتوسيع...

اتفق وياك في رايزنج .. تخبيص وتخبط .. احسن قرار سووه يوم سلموها لبلاتينيوم جيمز ننتظر ويش بيسوون
بس بشكل عام هالجزء احسه بيكون مسخرة من ناحية القصة .. اصلا رايدن بكبره شخصية ثقيلة على القلب لو ويش يسوون فيه

انا متحمس .. نوعا ما .. عادة بالنسبة ليي كوجيما يمتلك مثل هالمعارض
تجربة ميتال 3 من اول تريلر الى ان انهيت اللعبة ما انساها .. وما زلت اقول ان كوجيما ملك التريلرات
ولا اي شخص ثاني في الصناعة يقدم تريلرات رائعة مثله

وبالنسبة لي بعد تجربة بيس والكر .. مستعد اعطي الرجال فرصة ثانية
كانت تجربة جميلة وفريدة بالنسبة ليي .. اتمنى يكون تعلم منها
 
Wild Fox قال:
اذا كوجيما نفسه ضايع، بطور لا ما بطور ، الويي يو فله، الفيتا فله , الكنيكت فله و تصرحات ما تدري اي شيقصد فيها.
أنقر للتوسيع...
بس كلام إنه ما بيطور الجزء القادم صار له من بعد MGS2!! و معروف كوجيما يتحمس على الأجهزة الجديدة و يتكلم كثير، هذي متعودين عليها من زمان...
المهم هو الألعاب اللي فعلاً ينزلها، و كلهم ما عليهم غبار
 
Kaizoku قال:
بس كلام إنه ما بيطور الجزء القادم صار له من بعد MGS2!! و معروف كوجيما يتحمس على الأجهزة الجديدة و يتكلم كثير، هذي متعودين عليها من زمان...
المهم هو الألعاب اللي فعلاً ينزلها، و كلهم ما عليهم غبار
أنقر للتوسيع...
هو كلامه الكثير هذا يخلي توقعاتي تحت ...
و اكيد انا ما عندي اي خلاف على قيمه المنتج اللي بيقدمه ! انا خوفي كله من "ايش هو اللي بيقدمه" ، لو اعلن عن مجس اكيد ما عليها خوف من اي ناحيه تقنيه! و لو للبيج بوس خلاص باضمن قصه من غير تخبيص .
 
يرى كوجيما بأن انتهى من قصة “سنيك” ولكنه مازال يملك بعض الأشياء لشخصية The Boss
أنقر للتوسيع...

OOOOOOOOOOOOOMMMMMMMMMMMMMMMMGGGGGGGGGGGGGGGGGGGG
ياااااااااااااااااا رب يصير اللي في بالي ياااااااااااا رب :rockon::rockon:
 
>_>
عز الله راحت الشخصية بخرايطها + ما نبي ميتل جير ببطولة نسائية...\:
 
:\
اططططططططلع منها ! و لا بروح اكلم حقوق المرأه و لا مدري ايش هم
 
لوول ، the boss يمكن أفضل شخصية نسائية بالألعاب .. وأبي أشوف أكثر منها بالجزء الجاي ان أمكن ، لكن نلعب فيها ؟؟ أعوذ بالله
"أتخيل شكلها وهي تتبطح على الأرض وتزحف وتتسلل وتتجسس" do not want
 
Wild Fox قال:
OOOOOOOOOOOOOMMMMMMMMMMMMMMMMGGGGGGGGGGGGGGGGGGGG
ياااااااااااااااااا رب يصير اللي في بالي ياااااااااااا رب :rockon::rockon:
أنقر للتوسيع...
هذا اول شي اتمنيته من زماااااااان وبمنتدى ثاني..القصة فيها بوتينشال قوي واحداث وتويستات كثيرة ممكن يطبقوها فيها ، غير الشخصيات العظيمة اللي ما حصلت حقها بمجس3 .. والباقي اثق بقدرة كوجيما على اظهار القصة وربط الشخصيات بافضل طريقة ممكنة...وبيكون فيه طور كواب مستقل لبوس مع سنيك اثناء التدريبات وهم يصطادوا القورد @@
البيج بوس استهلكوا قصته بالبريكولات الماضية بشكل كافي...
 
التعديل الأخير:
لول فاهمني يا ناصر, هم لو يجيبوا مهمة لبيج بوس البزر وكيف رشحوه لمهمة الثالث بسببها يكون أفضل حل.
 
مجس ببطولة The Boss :rockon:

رهيييييييييبة Want Want Want 😎:
 
اشياء كثييير تقول انها mgs الصور للي حطها قبل فتره ( صوره الدبابه) للي واضح انها لميتل قير , بس اشياء كثير تغتصب المخ هو قبل لفتره يقول انا باقي ماشتغلت عليها x_x وحنا نعرف انه ترول فا اللعنه , علي الرغم من حبي الكبير لـ mgs ابي اشوف شي ثاني غيرها من كوجيما
 
بما ان عالم ميتل جير الحالي انتهى وشفنا نهاية سنيك فأتوقع لو فيه جزء رئيسي بيكون بريكول ويغطي جزئية مهمه من القصة "الا اذا شفنا بطل جديد لول"

ماعندي مانع في Big Boss أو The Boss لكن ساعات افكر فيها حنا عارفين قصتهم والشخصيتين انتهوا فإيش بيحطوا هالمرة؟ قصة فرعية زي بورتبل اوبس مثلاً ماتمشي! قصة تأسيس الاوتر هيفن او بداية البيتريوتس شي مرحب به
 
^تأسيس الOuter Heaven في Peace Walker..

قصة Peace Walker بكبرها عن الBig Boss يحاول يعرف مصير The Boss و يفهمها...
في النهاية يتحرر من السجن اللي حاطه لنفسه بسبب احترامه لها و اعتقاده إنه ما يقدر يتفوق عليها، و أخيراً يقبل لقب الBig Boss
في رأيي، قصة The Boss نفسها موجودة عشان نعرف شخصية Big Boss، فأشك إن بنلعب بها لأن الريدي نعرف كل اللي نحتاجه عن شخصيتها...
غير إن مين اللي وده يلعب MGS بتكنولوجيا أقل حتى من MGS3؟ أو مثلاً ودكم في مهمة في D-Day؟ لأن أنا ما أبغى أرجع ألعب MGS في ميدان معركة زي 4، أفضل التسلل في الهدوء..

أيضاً، نهاية Peace Walker الBig Boss يتكلم عن إنهم كونوا أعداء حول العالم بتخريب توازن القوى لما تدخلوا، لهذا لازم يستعدوا لمواجهتهم.. أتوقع هذا اللي بنعيشه في MGS5
يجوز القصة بتكون بين ما بعد Peace Walker (يعني بعد 1974) إلى رجوع الBig Boss لFOXHOUND في 1987...
 
^ ايوه ادري لكن خانني التعبير وكنت اقصد نشوف احداث اكثر لأن بيس واكر ماكان الا بداية.. صراحه ودي نشوف قصة البيتريتس اكثر
 
عندي احساس ان شخصيات MGS بتنزل لها العاب فرعية تحت اسم السلسلة

لكن الألعاب هاذي فيها قصص اعمق للـPatriots و Otacon و باقي الشلة بما انهم بدوها بالـBig Boss و الحين رايدن
 
أتمنى نشوف متل جير سوليد 5 بشخصيات جديدة وبقصة جديدة خلاص نبي السلسة تبدأ بداية

جديدة وماأنكر أني من المؤيدين أن يكون بطل الجزء الخامس حرمة
 
يجب تسجيل الدخول أو التسجيل كي تتمكن من الرد هنا.
عودة
أعلى