أوكيه .. الوضع اللي صاير هنا لا يحتمل بصراحة .
طيب ايش رأيك تخلصها مرة وحدة بس قبل ما تخلصها مليون مرة ؟
:
صراحة شكله انا الي بغسل يدي منكم ، يا عمي لا تلعبوا اللعبة و ريحونا ، نفس الراديو لازم نسمعه بكل موضوع ينفتح عن اللعبة و المشكلة ما في أحد جرب اللعبة :wow: .. المشكلة عبد الرحمن انك بالأصل مو متحمس لأسبابك الخاصة غير انك مو لاعب أهم أجزاء السلسلة و لا تعرف ايش قيمة و معنى السلسلة بالنسبة للاعبي الاربيجي الحقيقيين .. و الان جاي تقول لي انك محبط .. لا تعليق .
الحين هذا صار مأخذ عليا أنا حسين ؟! .. من جدك ؟
معليش بس أنا انتقدت على أشياء واقعية و الإنطباعات كلها تكملت عنها .. الخطية و عدم وجود مدن وإلخ من هذه الخرابيط لما ما تكون موجودة كيف تسمي هذه لعبة آربيجي ؟! .. و بعدين أي راديو هذا اللي تتكلم عنه ؟ .. شفتني قللت من القصة و لا الباتل سيستيم و لا الأمور الثانية اللي لا أنا و لا أنت ندري عنها ؟ .. كل اللي انقهرت منه إنه اللعبة ما أعطتني الحرية في عالمها مثل ما أنا أبغى و شالت عناصر كنا نبغاها منها و بس .
بعدين حلوة هذه مو متحمس لأسبابي الخاصة ؟! ، طيب تقدر تفهمني السطر هذا لو سمحت ؟
أنا ما لعبت أهم أجزاء السلسلة ؟! .. كيف عرفت ؟ ، و لا تبغانا نشتغل بأسلوب أرصلك أجزاء فف اللي لعبتها عشان نشوف إذا ما كنت لاعب أهم أجزاء السلسلة ؟ ..
أنا لعبت 3 و 4 و 8 و 9 و 10 و أكثرهم على وقتهم و مسترتهم كلهم و حتى أجزاء فف المضروبة زي ريفيننت ونينجز على الدي إس و الزبالة كريستال كرونيكالز على الكيوب و غيرها و لسا أنا ما أعرف مقدار فف و أنا لاعب من جنبها و مالعبت أربيجي حقيقي ؟! .. طيب يلا قولي إيش الأجزاء المهمة من السلسلة اللي ناقصتني غير 7 و 6 فوق البيعة عشان يمكن نكتشف شي ناقصني ؟ .. شايف كيف الأسلوب هذا في الكتابة طفولي و مو حلو ؟
و بعدين كلامي واضح في رد سابق لي بنفس الموضوع .. اللعبة كلنا بنشتريها و مو عشان شي واحد و لا إثنين و لا حتى مليون عيب فيها ما بيخليني أشتريها و ألعبها .
معليش حسين إذا بتفكر أنا أنتقد من باب " البكنج " فإنت غلطان و بشدة و أراهن أنك كاتب ردك و مع الحماس تبغى تدافع عن اللعبة و كأنه رأيي بيخلي البعض ما يشتريها .
إذا إنت بتشتغل مع الـ Defence Force لفف 13 و تتحسس لما أحد ينتقدها فأنت مو من حقك تنتقد في فاينال 12 بالشكل الشنيع هذا اللي نشوفه منك و على الرغم إني أكرهها شخصياً لكن أنا أقدر و أعرف إنه فيه ناس تعتبرها لعبة التاريخ بالنسبة لهم و ما أقلل منها قدامهم .
حسون ترا أنا مو جديد على الآربيجي و أنا مدمن أربيجي من سنة 1998 و إن حصل و خانني الوقت مرات و ما قدرت ألعب أربيجيات أسطورية أحياناً هذا ما يعطيك الحق إنك تاخذها ممسك علي .
عجبي !! .. لما ما لعبت فف 7 صرت نوب !!
اذا كنت بتفكر فيرسس مشروع مثل ديرج اوف سيربرس فـ انت غلطان بشدة .. فيرسس مشروع كبير و مهم للسلسلة حاله حال أي جزء ثاني
و حتى فريق العمل شكلك ما تعرف عنه شي ..
فريق كبير بكل معنى الكلمة .. و أغلب الأعضاء الثانيين خليط بين فريق كينجدوم هارتس و فريق فيلم أدفنت تشلدرن .
أوه واو !! .. أنا قلت فيرسيز زبالة و لا مشروع رخيص زي ديرج أوف سيربريس ؟ ، هذا الكلام أنت قلته و أنا ما جبت سيرته بتاتاً .
بعدين هل أنا أعمى و مو شايف فيرسيز مثلاً و لا أنا شفت عروض لها غير اللي شفتوه ؟ .. من جدك شايفني أهبل ما أعرف أفرق بين مشروعين مثل فيرسيز و ديرج لهذه الدرجة ؟!! ... أنا ما يهمني فريق التطوير و لا حجمه لأنه اللعبة فرعية و هذا واضح إلا إذا أنكرت الكلام هذا فهنا لنا كلام ثاني.
فيرسيز فرعية و طالما كانت كذا مو عيب أو غلط لو قلت إني ما أحط عليها توقعات ضخمة مثل ما أحط على الجزء الرئيسي و أنا أتوقع منها إنها تكون ممتازة لكن هل أعطيها أكبر من حجمها ؟! الجواب لا .
المشكلة أنت كنت تنتقد بعض الناس لما كانوا يفضلوا فيرسيز على الجزء الرئيسي بحجة إنها " فرعية " و الآن صارت بقدرة قادر مشروع كبير عشان فقط عبدالرحمن قال إنها "فرعية" ؟!!
خلاص بالمرة قول أنا واحد ما يؤخذ برأيه في الألعاب عموماً و ريح نفسك .
والله عجيب !!
بعدين كل ما قلنا لك شي تقلنا السوق يبغى كذا .. أنا مالي و مال السوق ، لازم يعني أصير متأثر بالذوق العام حولي و أتماشى معاه حتى لو ما يوافق رغبتي ؟! .. حلوة هذه لما أتكلم كأني على رأس إدارة التسويق في سكوير !!
معليش حسون .. مو أنت اللي تحكم و تقول "هذا ينفع يتكلم عن اللعبة الفلانية و هذا ما ينفع يتكلم" و فيه شي إسمه نقاش و رأي و رأي أخر ، تناقشني في النقطة اللي تكلمت فيها .. أما إدعاء المعرفة و التلميح بإسلوب غير مباشر " إنتوا نوبز و إيش فهمكم بالآربيجي " فاسمحلي هذا مو نقاش محترم بأي حال من الأحوال .
أنا ما عجبتني شغلات غابت عن اللعبة مثل اللي ذكرتها فوق و هذا
واقع و من حقي أنتقده ..
مثل ما أنتم من حقكم تطيروا مع الهايب فوق و تتفائلوا فلا تنسى إنه فيه ناس تشوف الأمور بمنظار مختلف عنكم و الشي اللي يعجبك مو بالضرورة يعجب غيرك حسون و العكس كمان .. إنما مو عشان ما مشيت معك بوجهة نظرك صرت نوب خلاص و لا ما أعرف أربيجي مثلك ولا مثل فلان و علان ..
Duh
عموماً أنا عافت نفسي من العجائب اللي تصير هنا و طالما تعتبر نفسك و كم شخص أخر أنكم أحق بالسلسلة و أنتوا أفهم فيها من الكل راح
أتركها لكم ببساطة .. مبسوط كذا الآن ؟
:
