E3 فاينل فانتسي 14 .. حصرياً للبلاي 3

[hussien-11]

المعلومات سطحيه اللي عطونا اياها ، لكن الاهم انه مقطع قتال الكلجا كان in-game..

لساتكم بتصدقوا هاي الأشياء ؟ P:

 

[persona]

ليش مااصدق ؟؟

شفت مقطع الكلجا مرتين ، والكمرا كانت اشبه بفرست برسون من لاعب ثاني : )

 

[hussien-11]

عشان هذا بالعادة كلام تسويقي من الشركات عشان يبهروا الاعبين أكثر ( متأكد من الان في ناس قاعدة تحلم بالريل تايم في اللعبة بسبب جملة سكوير )

نفس الكلام قالوه - لو غلطان حد يصحح لي - عن مشهد القتال للايتنج في أول تريلر لـ فف13 على الإطلاق ، و طبعا بالنهاية طلع غلط و المشهد كان CG فعلا .
​

 

[persona]

حسين ، بجذي انت تخلط الامور ، نقطتي بصوب ونقطتك بصوب

شي طبيعي جداً انك ماراح تصدق بنقطه اتكلم عنها ماتتعدى ال4~6 ثواني

اللي لعبوا فف11 يعرفون شقصد بالضبط

 

[sanjiyan]

احتمال يكون cut-scene مش جيم بلاي .. الجرافيكس نوعا ما معقول فهالفترة. مبهر صح لكن مش مستحيل انه يكون in game footage.

سبب ثاني يخليني افرح اني خذت بي اس 3 :] (من بعد خيبات الامل الكثيرة)

 

[The Doctor]

هممممم اهتمامي قاعد يزيد بعد ما كنت غير مهتم كلياً... يمكن تكون أول لعبة MMORPG ألعبها، إذا السعر و المحتوى مناسبين

و يس، الشعار رهييييييب، 3> أمانو

نفس الكلام قالوه - لو غلطان حد يصحح لي - عن مشهد القتال للايتنج في أول تريلر لـ فف13 على الإطلاق ، و طبعا بالنهاية طلع غلط و المشهد كان CG فعلا .

بس هذاك كان فعلاً ريل تايم >.>

 

[i7asan]

انا ابي اعرف حاجة وحدة .. ليش في ناس قاعدة تحطم في اللعبة واللعبة للحين ما انعرض عنها عرض جيم بلاي واضح !
ولا تفاصيل عنها..

انا اقول ننتظر معلومات وعروض جيم بلاي اكثر في الايام الجاية بعدين نحكم..

 

[G7Ga7]

انا ابي اعرف حاجة وحدة .. ليش في ناس قاعدة تحطم في اللعبة واللعبة للحين ما انعرض عنها عرض جيم بلاي واضح !
ولا تفاصيل عنها..

انا اقول ننتظر معلومات وعروض جيم بلاي اكثر في الايام الجاية بعدين نحكم..

جاوبتك قبل :laugh::, لأن الناس لعبوا ف ف11 وما حبوها. وهذي تعتبر سيكوول لها. محد توقع انه يشوف جزء كبير جديد من ف ف هالسنة, ولما شفناه تحمسنا, لكن لما عرفنا انها مثل ف ف 11 تحطمنا.

احنا = الناس الي جربوا ف ف 11 وما عجبتهم.

 

[Double T]

لووول احنا ؟ 😀 ... انا اقدر اعيد نفس جملتك لكن بطريقة ثانية

لأن الناس لعبوا ف ف11 حبوها. وهذي تعتبر سيكوول لها. محد توقع انه يشوف جزء كبير جديد من ف ف هالسنة, ولما شفناه تحمسنا, لكن لما عرفنا انها مثل ف ف 11 تحمسنا اكثر

احنا = الناس الي جربوا ف ف 11 و عجبتهم.

انت تصور الي في بالك كأنه هو الواقع و الشي ذا مو صحيح .. يكمن FF ماهي بنجاح WoW لكن تظل لعبة ناجحة بكل المقايس ( جيم بلي ,قصة , عوالم , ) و التطور واضح بشكل ملحوظ خلال السنوات الي اللعبة عاشتها

اللعبة يلعبها عدد كبير و احتمالية زيادة هذا العدد وارد جدا خصوصا انه قاعد يزيد و اللعبة ( FFXI ) قديمة مع ذلك قاعدة تجذب ناس ..

 

[The Doctor]

انت تصور الي في بالك كأنه هو الواقع و الشي ذا مو صحيح .. يكمن FF ماهي بنجاح WoW لكن تظل لعبة ناجحة بكل المقايس ( جيم بلي ,قصة , عوالم , ) و التطور واضح بشكل ملحوظ خلال السنوات الي اللعبة عاشتها

اللعبة يلعبها عدد كبير و احتمالية زيادة هذا العدد وارد جدا خصوصا انه قاعد يزيد و اللعبة ( FFXI ) قديمة مع ذلك قاعدة تجذب ناس ..

ايش دخل نجاح اللعبة؟ إذا هم لعبوا فف11 و ما عجبتهم فما عندهم سبب يتحمسوا ل14، نجاح اللعبة ماله شغل، و لا كان المفروض نحب ألعاب هانا مونتانا مدامها ناجحة

 

[G.SKY]

أنا أيضا أتوقع مثلك

أصلا بالمنطق مستحييييييييييييل جزئين أساسيين من السلسلة لنفس العام ، أو حتى في اليابان ، بالنسبة لليابان : فف13 في 2009 ، و فف14 في 2010 ، و بالنسبة لأمريكا ضيف سنة لكل لعبة .

اللعبه بتنزل حول العالم في 2010 موقع اللعبه الامريكي محطوط التاريخ ^__^
من مؤتمر سكوير امس:

"These are different races, a different world than FFXI, the name of the world is Eorzea."

"We have a year planned for FFXI still in the works."

"As with WOW, they're aimed at the casual user. We're aiming for more casual users. However, we don't want to make a copy of WOW. We want to be unique."

"FFXI was originally designed based on party battles. With FFXIV, we'd like to have content for solo players, as well as extremely large battles for players to play together."

"Yes, we will launch worldwide, in all regions, in the same four languages as we already announced."

However, we are trying to implement a lot of new systems that other MMOs have not used in the past," he continued. "So in that sense, it may be revolutionary."

"Good question, but I don't know how much I can answer. But we will have battles against many vs. one or many vs. many."

"We will have the same type of storytelling and expand on in-game systems. The player will be able to grow and develop in a natural way. It shouldn't put a lot of weight on the player itself, and through this, we'll develop the job system into something quite different."

راح يكون بإمكانا نلعب سولو مع الوحوش او مع بارتي مثل السابق و راح يكون بامكاننا نلعب مع اكثر من وحش بنفس الوقت
الاصدار بيكون بنفس الوقت و هم شغالين على الباتل سيستم و نظام الوظائف بشكل مختلف
فيه ريسز جديده (( ارانب مثل فران :razz:: ؟؟؟ ))

 

[hussien-11]

صح صح هاي الشغلة راحت عن بالي

معقول سكوير تسويها ؟ غريبة و الله و صعبة

يمكن بدهم يلحقوا الي فاتهم ؟ :w00t:
​

 

[Old School]

بالنسبة للشباب الي ما عجبتهم فاينل 11. فوجهة نظرهم معقولة جدا.

رغم ان اللعبه ناجحه لكن فعلا كثير من الناس ما تعجبهم لعدة امور كثيرة منها أولها وأهمها اللعبة كنظام MMO إتبعت النظام الأسيوي القدبم.

أجل سنه عشان تصل لأعلى لفل. ويومين ثلاثة عشان تحصل جروب في اللفلات المتقدمة وإن حصلت فإستعد تجلس معهم بما لا يقل عن 6-7 ساعات بلا توقف.

اللعبه بلا أدنى شك ك MMO إحتوت على أمور بالفعل تجعل اللعبه مملة وسيئة من وجهة نظر الكثير من الناس.

لكن بالمقابل اللعبه كلعبة RPG او محتويات RPG الى يومك مافي ولا لعبة MMORPG بدعة بالمجال هذا مثلهم.

أفكار خاصة وجديدة لم تقلد مثل نظام الكلاس وسبيل التغير بينهم بأي وقت مع الحصول على كلاس رأيسي وكلاس فرعي.

فتال الزعماء كان اسطوري وفعلا يمت على لعبة RPG جماعية مبدعة.

فاينل فانتسي 11 كانت لعبة RPG رائعه ولعبة MMO سيئة وظيفتها تحلب منك الوقت. لكن هذا لا يعني إنتقاص للعبه بل مجرد نقد.



اما عن فاينل فانتسي 14 فمن الظروري انها أبدا ما تقع بنفس الخطأ. النظام الاسيوي لألعاب ال MMO خلاص إنقرض. وإذا اللعبه بتاخذ اكثر من شهرين عشان تصل لأقصى لفل وانت تلعب بشكل يومي فمصيرها بيكون سيئ.

كذلك اذا اللعبه بتكون PvE خالصة من غير PvP فالسوق الغربي بتعاني معاه وخاصه انه أصبح أهم مطلب بل هو سبب نجاح كثر من ال MMO.

 

[G7Ga7]

لووول احنا ؟ 😀 ... انا اقدر اعيد نفس جملتك لكن بطريقة ثانية



انت تصور الي في بالك كأنه هو الواقع و الشي ذا مو صحيح .. يكمن FF ماهي بنجاح WoW لكن تظل لعبة ناجحة بكل المقايس ( جيم بلي ,قصة , عوالم , ) و التطور واضح بشكل ملحوظ خلال السنوات الي اللعبة عاشتها

اللعبة يلعبها عدد كبير و احتمالية زيادة هذا العدد وارد جدا خصوصا انه قاعد يزيد و اللعبة ( FFXI ) قديمة مع ذلك قاعدة تجذب ناس ..

لا انت فهمتني غلط :laugh:: أنا عارف ومتأكد انه فيه ناس هنا تحب ف ف 11 ومتحمسة لـ14 أكثر من أي لعبة ثانية. لما قلت "احنا" كان قصدي زي ما قلت, الناس الثانية الي ما اعجبتهم ومو متحمسين لـ14.

 

[Solidus]

فاينل 11 من افضل الالعاب الي لعبتها :crying::crying::crying:
اكيد مستعد اعيد التجربة مع 14

 

[Aoks]

انا ابي اعرف حاجة وحدة .. ليش في ناس قاعدة تحطم في اللعبة واللعبة للحين ما انعرض عنها عرض جيم بلاي واضح !
ولا تفاصيل عنها..

انا اقول ننتظر معلومات وعروض جيم بلاي اكثر في الايام الجاية بعدين نحكم..

لأني واحد اعرف ان فريق تطوير فف11 من اغبى الفرق الي عرفتها في حياتي ,, إن لم يكن الاغبى اصلا

اذا كان نفس فريق التطوير ( الغبي ) فشي طبيعي اتحطم من الآن​

 

[G.SKY]

لأني واحد اعرف ان فريق تطوير فف11 من اغبى الفرق الي عرفتها في حياتي ,, إن لم يكن الاغبى اصلا

اذا كان نفس فريق التطوير ( الغبي ) فشي طبيعي اتحطم من الآن​

واضح من مؤتمرهم انهم تعلموا من اغلاطهم ( الغبيه ) و مستعدين لشيء جديد !!

 

[BioHazard]

لأني واحد اعرف ان فريق تطوير فف11 من اغبى الفرق الي عرفتها في حياتي ,, إن لم يكن الاغبى اصلا

اذا كان نفس فريق التطوير ( الغبي ) فشي طبيعي اتحطم من الآن​

اذا ما عجبك شغلهم ما يعني انهم اغبى فريق, صحيح في أغلاط بس في حاجات كثيره مبرره. مشكلتهم انهم كانوا يخافوا يخلون اللعبه أسهل, لانه خافوا انه الناس تخلص من اللعبه بسرعه وتمل (شي واضح في WoW), انت يمكن تحسب صعوبه اللعبه شي سلبي لكن انا بالنسبه لي شي إيجابي, يعني شوف اللعبه كيف الحين وقارنها بأول, فرق كبير جداً وأثر بشكل كبير على الـcommunity.

 

[Tanton]

لأني واحد اعرف ان فريق تطوير فف11 من اغبى الفرق الي عرفتها في حياتي ,, إن لم يكن الاغبى اصلا

اذا كان نفس فريق التطوير ( الغبي ) فشي طبيعي اتحطم من الآن​

أجل ليسش لاعبها +3000 ساعة :what:

 

[Aoks]

بايو هازرد انا ما كنت اقصد سهولة او صعوبة اللعبه ابدا

بالعكس صعوبتها ممتازه

انا اقصد قرارات الفريق الي مدري ايش كانوا يفكرون لما يسوونها ؟ ؟

مثلا لما حط لك التاكس لما تشتري من البازار جوا المدينه ؟ كل الناس طلعوا في رولنبيري برا

ايش استفادوا ؟

لما الجيل سيلرز يقعدون يسرحون ويمرحون وكل الي يلعبون في السيرفر يعرفون انهم جيل سيلرز والفريق مطننننننش اخر شي يسوي لك حملة طرد لناس مشتركين كلهم في نفس الكريديت كارد يقالك يعني اكتشف مين هم الجيل سيلرز , وتلقى الي انطرد ما يدري وش السالفه

لما يكون في جوب تعبان وما ينلعب فيه وينزل ابديت ويسوي لك تصليح بسيط يقولك ترا صلحناه
اكبر مثال الدراجوون الي اعتقد ما تصلح إلا بعد اخر اكبسانشن ( ما كنت موجود وقته ) قبل كذا كل ما ينزل ابديت نقول لعل وعسا ( لما غيروا ال 2 hrs وحطوا لهم ال throw )

لما طلع جوب النينجا , الناس استخدموه (تانك) وهم ما يبغون الشي هذا , بدل ما يتوجهون مع توجه اللاعبين راحوا خربوا عليهم وخلوا اي ضرية AoE تشيل كل الشادوز , مع ذلك الناس لسا يلعبون فيه تانك , , راحوا نزلوا ابديت للاسحار الجديده ولا نزلوا سحر للشادوز علشان برضوا ما يبغونه يصير تانك .
مالي خلق اتكلم عن باقي الـ unbalance الي في الجوبز

وما حطوا سالفة ال level synch إلا في اخر عمر اللعبه ,, بدري -_-

لول بتكلم عنهم ما راح اخلص , , اغبياء


تعديل : علشان مااطلع برا الموضوع ما راح اتكلم عن فف11 بعد هذا الرد , الي يبي يكمل النقاش في رسائل الملف الشخصي
​

 

[persona]

فريق تطوير فف11 من اغبى الفرق الي عرفتها في حياتي ,, إن لم يكن الاغبى اصلا

كلام اوكس بالصميم، لو مو الكومينتي لفف11 جان قاطع اللعبه من زمان ومو من 2008 ..

قراراتهم دايماً تجي متأخره وحيل كانوا نايمين بالعسل..

مجرد تأييد لا اكثر ، مابي ينحرف الموضوع اكثر ، اوكس كلامك كان طالع من القلب

 

[Id]

الشعار بحجم أكبر ..

الواو ..

 

[Zero]

تم حفظ الصورة.

لول أنا اليوم قاعد أمشي وأحفظ صور بس.

 

[السليل الأخير]

نجاح فف 11 يعتبر جيد كاول لعبة تتبنى هذا الاسلوب .. صحيح إني معترض على تصنيفها كجزء من السلسلة الرئيسية لكن هذا ما يعني انها ما تستاهل التجربة
الاون لاين في الجيل الجديد ما جذبني لأن أغلبه شوتر .. ومشكلة الشوتر ان غير المحترفين ما يستمتعون بالأون لاين فيه
>> بالأحرى هم ما يلحقون يشوفون المرحلة أصلا لأنهم كل ما رجعوا قضى عليهم واحد بطلفة في الرأس
عشان كذا أنا متحمس لنمط جديد من الاون لاين يكون واقعي و بسيط شوية ..

 

[G7Ga7]

الشعار بحجم أكبر ..

​

الواو ..

الآرت ذكرني بآرت FFVI.

 

[Majeed]

يذكرني بفريزا >.> ..

 

[The Doctor]

الحين أمانو شغلته الوحيدة يصمم شعارات؟

أبغى فف رئيسية جديدة منه

 

[Mista Koo]

الحين أمانو شغلته الوحيدة يصمم شعارات؟

أبغى فف رئيسية جديدة منه

يع :yuck::.. بعد ما شفت غلاف ديسيديا الياباني قلت خليه في الشعارات أصرف بمليون مرة :xd:

 

[Isaac]

أمس شفت مقابلة الفديو حقت IGN مع المسؤولين عن اللعبة.

أهم النقاط اللي انذكرت:

• المطورين تعلموا من أخطائهم السابقة، وبيقدمون نظام لعب مخلتف كليا عن FFXI.
• خلال عملية التطوير استمدوا بعض الأفكار من ألعاب مثل Age of Conan و World of Warcraft كذلك FFXI.
• نظام قتال جديد، بيكون Real Time Action.
• اللعبة بتقدم جوبات جديدة.
• الشخصية بتتطور مو بالتلفيل فقط، بل من خلال القصة أيضا ... علشان يقدمون لك تجربة أفضل ويعيشوك الجو.
• يعدون بقصة فيها مفاجآت كبيرة + مستمدة كثير من العناصر من قصص وشخصيات ووحوش سلسلة فيانل فانتاسي.
• فترة البيتا للعبة ما بتقل عن ٤ شهور.
• اللعبة بتخدم شريحتين من اللاعبين، اللي عنده استعداد يقضي أوقات طويلة مع نظام البارتي... + اللي ما عنده وقت (سولو).

+ حسب IGN Daily Fix فيه تصريح قبل كم يوم من سكوير ما استبعدوا فيه احتمالية صدور اللعبة على الـ360 .. يقولون إن XI باعت كويس عليه.




مش مهتم بتاتا ... بس حبيت أنقل لكم المعلومات اللي سمعتها.

 

[Gon freeces]

اللعبة بتخدم شريحتين من اللاعبين، اللي عنده استعداد يقضي أوقات طويلة مع نظام البارتي... + اللي ما عنده وقت (سولو).

يعني يقصدوا اللي يلعبوا سنجل بلاير ولا لأ ؟

الشخصية بتتطور مو بالتلفيل فقط، بل من خلال القصة أيضا ... علشان يقدمون لك تجربة أفضل ويعيشوك الجو.

زي فف1\4 يمكن ؟