غواص ادركته الصلاة وهو يغوص
- بادئ الموضوع Captain Jack Sparrow
- تاريخ البدء
Captain Jack Sparrow
Hardcore Gamer
يا شباب انا سألت مدرس دين عندنا وامام مسجد عن هالمسألة و قال لي 🙁 اينما كنتم فثم وجه الله )
طبعا هذا دليل من القرآن يدل على جواز الصلاة تحت البحر
يعني ما في داعي انكم تتسائلون اذا كانت تجوز او ما تجوز
وبعدين انتو خذوا الفكرة الايجابية من هالشي
طبعا هذا دليل من القرآن يدل على جواز الصلاة تحت البحر
يعني ما في داعي انكم تتسائلون اذا كانت تجوز او ما تجوز
وبعدين انتو خذوا الفكرة الايجابية من هالشي
Hero
Banned
همام كلامه صح 100% عن الخشوع والخ حتى لما طرح رايه كان تسائل اما في ناس جازمين كانها رياء
مع ذلك في ناس تدش المسجد بيوم الجمعه بعد استفرالله ملابسه كلها زيت توه متغدي او شي وريحتها اكل XD حتى لما يصلي ياذي غيره من الي يصلون بجانبه
في ناس ماتعرف شنو خشوع صل وبس لول
في قصص كثيره سمعنا ان طلبه بالخارج لما يحين موعد الصلاه يصلون حتى في الclass وقصص حقيقيه ماشوف ان القصه هذي اكثر غرابه او اختلاف مانعرف ظروفه وموقفه عشان نحكم
Colorization
True Gamer
):<
مسجدنا مو مقصر، ياخي صلاة الجمعة الواحد يروح لها وهو متعطر ولابس له ذيك الدشداشة المكوية والمرتبة. اكن عندنا، واحد يدش وتوه ماكل بيض (srsly أشم الريحة يا جماعة لوول)، وواحد توه قاعد من النوم ومادري لو هو فعلا ً متوضّي وإلا جاي بالغلط، وواحد..... كفاية مابي أتذكر
ليش بالخارج، أقرب مثال جامعتنا، مرة جدامي الأذان بالتلفزيون (بالكفتريا) وإلا واحد يقلب القناة على Melody
الناس أجناس..... :evil:
Mista Koo
Creative Director
ما عندكم سالفة.. الحين ما شا الله إنتوا صلاتكم كلها خشوع وكاملة بدون أخطاء عشان تحاسبون الناس؟!
الله هو اللي يحاسب الناس.. محد طلب منكم محاسبتهم
الصورة إنحطت للعبرة..
مع أني ما أفهم بالغوض كثير لكن مو شرط يكون سهل جدا إنك تصعد عشان تصلي غير إنه ما في دليل يمنع الصلاة تحت الماء.. بعدين وجهه مو طالع عشان تقولون رياء
بلا نقاشات عقيمة لو سمحتوا
الله هو اللي يحاسب الناس.. محد طلب منكم محاسبتهم
الصورة إنحطت للعبرة..
مع أني ما أفهم بالغوض كثير لكن مو شرط يكون سهل جدا إنك تصعد عشان تصلي غير إنه ما في دليل يمنع الصلاة تحت الماء.. بعدين وجهه مو طالع عشان تقولون رياء
بلا نقاشات عقيمة لو سمحتوا
Humam
True Gamer
اقلك عيسى بالله بلاش فلسفة زايدة لأن هذا النوع من الردود مو بس يدل على صغر عقل كاتبه, احنا جالسين نتناقش بشكل عام ومحور الحديث هو مدى ترابط الصورة وحقيقتها مع المعنى والمغزى المراد إيصاله..
محد فينا صلاته كاملة أو خاشعة 100 % احنا نحمد الله اذا صلاة واحدة من الصلوات الخمس تكون مقبولة من رب العالمين ومعطينا أجرها, بس يا حبيبي على الأقل الواحد ياخذ بالأسباب الي تحقق هذا الشي..
محد حاسب الناس على صلواتهم, بس ياريت البعض يحترم البقية الباقية من أدمغتنا.. اذا البعض يقول ليش تحاسبو االناس وتدخلوا في نواياهم, فمن باب أولى انه نفس السؤال يوجه لهم و يقولوا لنا كيف عرفوا ان الشخص هذا من شدة حرصه على الصلاة قام يصلي تحت البحر ؟ خلاص أي شي يجينا من وكالة " والله يقولوا " والا " والله سمعت " أو " والله شفته في النت " على طول نصدقه ؟
استغفر الله العظيم.. أقول الي يبغى يصدق بكيفه لكن عن نفسي شكرا..
NSider
Contributing Editor
أعرف واحد قريبي مدمن غوص في الجبيل.. شفته اليوم وذكرت له الصور هذي. يقول أنها شي عادي وهو سواها مرة لما راح عليه الوقت ودخل وقت صلاة العصر وهو تحت الماي، وكان معه واحد جاي من الرياض صلى من قبل (جمع وقصر مع الظهر). قام قريبي وهو تحت الماي ثبت وين القبلة وصلى صلاة عادية.
يقول يمكن اللي في الصور كانت الكاميرا مع خويه وصوره وهو يصلي (لأن الغواصين عادة ياخذون كاميرات معهم).
يقول يمكن اللي في الصور كانت الكاميرا مع خويه وصوره وهو يصلي (لأن الغواصين عادة ياخذون كاميرات معهم).
.M.C
Gamer
.M.C
Gamer
صعبة تجزم يا همام, لأن حديث الرسول صلى الله عليه وسلم: بما معناه(أن الله لايمل حتى أن تملوا)
يعني أنت تقدم اللي تقدر عليه وبس ماتجهد نفسك بالعبادة لأن الدين يسر مو دين عسر.
وبعدين الرجال اللي يصلي تحت البحر, على خبري البحر عميق وفيه دخلات ظيقة...إلخ.
يعني يمكن راح المكان أكثر من مرة وإذا جا بيرجع ماأمداه على الصلاة, إحتمال آخر يمكن هم مجموعة من الغواصين (أجانب)وهو الوحيد اللي بينهم مسلم وقال أبي أروح أصلي (فالواجب أنهم يروحون ويجون مع بعض)قالوا المسافة بعيدة قال مالي الا اني اصلي هنا,إحتمال آخر (ولو أني أعتبره الأضعف بينهم)أنهم كلهم ليسوا مسلمين وقالوا نستهزئ وننشرها بالنت علشان نوري الناس مدى تخلف المسلمين....
Captain Jack Sparrow
Hardcore Gamer
ryo hazuki
True Gamer
اول شي هل يجوز او لا يجوز ؟؟؟؟
في اعتقادي ان البحر ممكن تكون فيه اماكن ملوثه مثل دم سمك او اي شي اخر :slant:
في اعتقادي ان البحر ممكن تكون فيه اماكن ملوثه مثل دم سمك او اي شي اخر :slant:
NSider
Contributing Editor
لول خلنا نرجع للسنة والحديث الصحيح أفضل من اعتقادك. الرسول صلى الله عليه وسلم قال عن البحر: "هو الطهور ماؤه الحل ميتته".
squall leonhart
True Gamer
OMG........
Huda
Hardcore Gamer
الله العالم بالنوايا... صحيح بهالوقت الواحد مايعرف الصادق من الكاذب وخصوصاً ان صور ومقاطع خرابيط كثيره انتشرت سجاده تصلي اسد يتكلم الخ الخ الخ
مو عارفه ليش المسلمين يدورون على الاشياء الغربية والمعجزات نوع من لفت النظر ولاايش بالضبط ؟
بس برضو احتمال الصدق وارد
وبالنسبه للخشوع وغيره اذا كان هالشخص انسان حريص بهالشكل على الصلاة فله اجره بأذن الله
واذا كان شيء ثاني بينه وبين ربه
عموماً مع احترامي للجميع مع كثرة انتشار الأمور اللاعقلانيه بالأنترنت ماعدت اصدق اغلبها
مو عارفه ليش المسلمين يدورون على الاشياء الغربية والمعجزات نوع من لفت النظر ولاايش بالضبط ؟
بس برضو احتمال الصدق وارد
وبالنسبه للخشوع وغيره اذا كان هالشخص انسان حريص بهالشكل على الصلاة فله اجره بأذن الله
واذا كان شيء ثاني بينه وبين ربه
عموماً مع احترامي للجميع مع كثرة انتشار الأمور اللاعقلانيه بالأنترنت ماعدت اصدق اغلبها
Captain Jack Sparrow
Hardcore Gamer
ما أزعجبني غير التفاهات اللي تطلع بالنت , والمشكلة ان اللي يطلعون القصص الخرافية هذي يعتقدون أنهم بهذه الطريقة راح يقنعون الناس تصلي , وهم نسوا أن الصلاة واجبة سواءً سمعنا قصص مثل هذي أم لم نسمع.
