Golden Wind
True Gamer
السلام عليكم ورحمة الله وبركاته.
قبل فترة كنت أبحث عن لعبة أكشنية ممتعة، ما همني القصة أو اللور، بس همني اكشن ممتع بصوتيات وتصميم مناطق وآرت ممتاز. فتحت موضوع اسأل عن بعض الألعاب والشباب ما قصروا معاي الله يعطيهم العافية وصحوني ولعبت من الألعاب اللي نصحوني فيها.
بالغلط اثناء هذي القترة طحت باليوتيوب على تريلر اللعبة المذكورة، SANABI.
لمن شفتها فزيت وقلت: يس، هذا اللي ادور عليه، أكشن سريع مميز وآرت مشابه لكاتانا زيرو.
اللعبة من مطور كوري اندي Wonder Potion
نازلة كإيرلي اكسس من 20/6/2022 ونزلت كاملة 9/11/2022.
الاجهزة: Nintendo Switch / Steam
ما لها انطباعات كثير من كثر ماهي نيش (سمعت أن لها سمعة لا بأس فيها بكوريا)
أكثر شي خلاني أنجذب له هو مكانيكية التأرجح وسرعته
غامرت فيها وأخذتها وبديت: ويت؟ ليش اللعبة قصصية بزيادة؟ وليش الكتسينز طويلة (&)؟ أبغى ألعب ياخوك لا تطولون علينا!
كا ما ألعب شوي يجي كتسين. بس تدرون أيش الغريب؟ أن القصة اثارت فضولي واهتمامي بشكل كبير بالرغم من أن بدايتها متوقعة نوعًا ما!
نجي لأسلوب اللعب، فيها ميكانيكس غير التأرجح لكن ما تم استغلاله كثير مع الأسف (ما بحرق شنو) لكن بشكل عام اللعبة جدًا ممتعة وفيها عنصر إدماني! والبوسز ملحميين! والليڤل ديزيان جيد جدًا يستغل التأرجح وسرعته بشكل قوي! ما أبغى أحرق أي حاجة، لكن اللعبة "متقنة" ومصقولة.
هالشي خلاني اتساءل: اللعبة عندها مقومات كبيرة أنها تكون معروفة لها فانبيس كبير، ليش ماحد يعرفها بشكل غريب؟! وللحين ما حصلت الاجابة إلا أن اللعبة مالها تسويق.
القصة عاد مشكلتها الكبيرة هي البيسنج، كثر ماهي انسانية وعميقة وروعة، إلا أن البيسنج البطيء قد ينفر بعض اللاعبين منها. القصة كمستوى أحطه حتى فوق كاتانا زيرو بالرغم أن الأخرى رهيبة!
هذي من الحاجات النادرة اللي جابت لي الدمعة @@
من انهيتها اخذ لي 3 أيام وطول هذي الأيام أفكر فيها، أفكر فيها من الجيمبلاي أو القصة (":
هذي اللعبة حرام تكون مطموسة وماحد سمع عنها، لازم كثير ناس يعرفها، عندها مقومات اللعبة الجبارة لكن التسويق لها زبالة مع الأسف ..
بليز، لعبوها أو على الأقل بحثوا عنها شوي (&)
التعديل الأخير:
