شباب أحد عنده فكرة عن اختبارات التوفل؟ قالوا لي مهما كان مستواك اللغوي، تحتاج تاخذ دورة إعدادية للاختبار عشان تعرف تحل وتفهم طريقته. هل هذا صحيح؟
هل دخل أحدكم الاختبار بدون دورة مسبقة وأخذ درجة مرضية؟
سؤالك الأول راح أجاوب عليه بالأسفل، سؤالك الثاني؟ ناس واجد وخصوصا طلاب الجامعات اللي لسه يدرسوا ولكن السبب أنهم يمكن متعودين على هالأشياء.
ببساطة أنت تقدر تروح دورة أو لو تبغى توفر فلوسك تشوف samples في الإنترنت.
الاختبار بكل بساطة مقسم إلى 3 أقسام:
-قسم استماع وهو في قمة التفاهة، الأسئلة بحدود 50 سؤال والوقت طبعا قصير نوعا ما لأنك المفروض تجاوب بسرعة وتظل منتبه طول الوقت (الاختبار سباق نوعه سباق وقت لو تسألني)، وهذا التحدي الوحيد فيه يعني روح وأنت مرتاح ومو محتاج نوم...وإلخ، تجاوب على السؤال وإجابتك تكون مبنية على الcontext اللي بيمر عليك وهي أغلبها محادثات قصيرة ووراها سؤال، في نوع ثاني محادثات طويلة شوي ووراها عدة أسلئة (ه أسئلة مثلا) تسمع المحادثة في البداية ويعطوك فترة قصيرة تجاوب على الأسئلة، كل جزء من الاختبار مؤقت وهذا القسم أنت ما تختار فيه وقتك...
-قسم الجرامر، القسم الأول عبارة عن اختيار الكلمة المناسبة وبمجرد سكان سريع تعرف الصح من الخطأ، قسم آخر وهو كلمات تحتخا خط وتبين الخطأ منها وتختاره، أيضا قسم في غاية السهولة والوقت في يدك هذه المرة و
لكن الأسئلة أيضا بحدود 50 تزيد أو تقل شوي والوقت قصير برضوا أتصور بحدود 20-25 دقيقة، يعني لا تاخذ وقتك بزيادة وتنسى نفسك مجرد سكان سريع وتعرف الصح من الخطأ، ولو مستوى لغتك كويس القسم هذا بتمر عليه كأنك قاعد تسوي سكاننج سريع وقراءة واحدة لكل سؤال لأن القراءة أكثر من مرة لأكثر من سؤال مضيعة للوقت والهدف من الاختبار لا تنسى هو تحديد مستواك.
-قسم ثالث وهو القراءة، تقريبا 5 قطع أو بالأحرى مواضيع لكل موضوع قرابة 10 أسئلة وبوقت محدد بقرابة 25 دقيقة، برأيي هذا القسم الوحيد اللي يحتاج استعداد وتدرب، شوف لك قطع أو samples من الاختبار أو روح دورة عاد اللي يريحيك... المهم أنك "تخوض التجربة" بنفسك وتوقت لنفسك علشان تعرف كيف بتسوي في الاختبار، أيضا هالقسم ما فيه صعوبة لكن القطع بتكون مختلفة ويمكن يمر عليك شيء مو مهتم أنك تقراه وتحسه ممل أو تكون متبهدل ومو عارف وين تبدأ... إلخ الاحتمالات كثيرة.
الهدف من قسم القراءة هو مو أنك تجي وتمسك القطعة وتقراها من البداية للنهاية وبشكل بطيء لأن هذا ما ينفع، لازم تطالع الkey words وتعرف الهدف من القطعة وتطالع الtopic sentences لكل paragraph... ومن هالكلام، الزبدة أنك تسوي "سكاننج ذكي" ويتبع مهارات معينة بدل ما تقرأ قراءة تأمل، السبب؟ طبيعة الأسئلة!
-بعضها يتطلب منك معلومات تجي في قطعة معينة، مثال: يقول لك القطعة الفلانية ذكرت كل المعلومات المعينة ما عدا.... وأنت تختار، وهالشيء يعتمد على تركيزك لأنهم ما بيكتبوا لك نفس الشيء حرفيا.
-أسئلة عن معنى كلمة معينة في السطر ذو الرقم الفلاني، هذه ما يحتاج تضيع وقت وياها إقرأ السؤال قبل القطعة وهوب نط على السطر وشوف أقرب\أصح معنة للكلمة المذكورة بناءً على الcontext، لحسن الحظ النوع التافه من الأسئلة هذه عدده مو قليل ولكل قطعة في أكثر من سؤال تقريبا.
-أسئلة مثل ويش القصد من الparagraph الفلاني، ويش المغزى من المعلومة المذكورة في الباراجراف الفلاني، ويش علاقة الشيء الفلاني بالشيء الفلاني...إلخ.
والأسئلة تتنوع وتختلف.
مادري هذا اللي في بالي لو محتاج نصائح أو شيء معين تبغى تعرفه قول لي، لأنه أصلح اختبار "تحديد مستوى" وكله أشياء عامة والأشياء الموجودة فيه تنطبق على مهارات وأشياء تدرّس وما هي شيء خاص به، هذا شيء لازم تتذكره بخصوص هالاختبار.
