عملية الليزك ..

[قناص]

..

مشكلتي مع النظارة أنها تتوسخ و أنظفها دئماً و لا أرتاح بالنظر من خلالها الا لما تكون نظيفة .. أشترك في جيم رياضي و أقدر أستغني عن النظارة

أثناء الرياضة كون نظري ليس ضعيف جداً .. لكن من كثرة لبسها بسبب المذاكرة و قيادة السيارة أصبحت ما أرتاح الا بها

قبل ثلاثة أسابيع جربت العدسات الاصقة و تأقلمت معها لكن صرت بعد أقل من خمس ساعات من لبسها أحس أنها مزعجة بعيوني و أشيلها ..

ناوي على عملية ليزك خلال هالشهر أن شاء الله و ابي نصايح الدكاترة و من جربوا هالعملية .. و عندي سؤال مهم جداً

هل يمكن أن تتسبب العملية بالعمى الكامل ولو بنسبة 1 % .. إذا نعم فالأكيد أني لن أعملها ..

 

[Primal]

تسبب العمى اذا كنت صغير اصغر من 25 (في عمر 19 يثبت النظر)
وعملية الليزك تدخل فيها كثير عناصر
يعني قبل لاتسوي العملية بيعملوا لك فحوصات لـ القرنية وماء قاع العين ضغط العين درجة النظر
واذا عندك طول نظر بيكون الوضع صعب شوي
لكن زراعة العدسات افضل من الليزك
لان الليزك هو ازالة شىء بسيط من الطبقة الخارجية للعين والقرنية واذا ضعف نظرك بعدين راح ترجع تعملها مرة ثانية وخصوصا مرضى السكر الي عملوا عملية الليزك عمي مصاب بالسكر وعملها 4 مرات
زراعة العدسات فقط تزرعها وخلاص ولا تحتاج لقطرات ما بعد العملية ولا اي شىء
يعني حتى وقت الزراعة مافي تخدير او سرير
فقط وانت جالس يستخدم الدتكور ابرة ويسحب جفن العين ويدخل العدسة وبعد كيذا العدسة بدورها تنتقل للمكان الي المفروض تكون فيه وتبدا بالعمل
راح تاخذ قطرات قبل العملية بساعة
لكن العائق الاكبر في مسالة زراعة العدسات هو حجم العين(حجم التركيب الداخلي) وعلى حسب اذا عندك طول او قصر وزي ما قلت طول النظر الاوضاع معه تصير اصعب

كان ممكن انك تروح لاي دكتور استشاري تساله
لان هنا ما بنقدر نساعدك بشىء
فقط بمعلومات بسيطة جدا

عملية زراعة العدسة تكلفك ما بين 5000-25000 الف كحد اقصى
مستفشى الحبيب يعمل عمليات زراعة العدسات ب13.000 الف

اتمنى اني اكون افدتك
بالتوفيق

 

[soosi]

مافي عملية في الدنيا مضمونة 100 % 🙂


ويفضل يكون عمرك فوق 25 سنه , وبالنسبة الى هذه العملية نادرا مايحصل خطأ فيها . بس احرص انك تروح الى اطباء وعيادة مختصة ومجربة من قبل

 

[Unknown]

السنه هذي كملت 10 سنين بالنظارات @_@
فكرت اعمل ليزك بس بالاخير قررت اجلس ع النظاره

قريبي عمل عملية ليزك .. كان المفروض انه مايحرك عينه وقت العمليه
الي صار له ان عينه اليسرا صارت حمرا حدود شهرين! طبعا العمليه نجحت

 

[FALCON-WARS]

هي العمليه الخطا مضمونه بنسبة كبيره بس اكيد ماتعرف ايش ممكن يصير ,,الي اعرفه انهم يسخدمون جهاز ليزر يزيل طبقه من العدسه (ممكن شي ثاني) عشان يزيل التحدب الي صاير فيها

طبعا هنا ماراح نفيدك بشي روح لطبيب مختص بالامر هذا وهو بيسويلك فحوصات ويقدر يجاوب على اي سؤال

ماتنلام على سؤالك لانه الناس كلها تتخوف من العمليات الي مثل هذي

طيب مع العدسه ليش مو كل 5 ساعات تخليها في المحلول ؟

ولو كنت تحس نفسك عادي مع النظارات او العدسات فلاتروح للعمليات اصلا العمليات هذي المفروض يسووها الي نظرهم جدا ضعيف

ملاحظة: العدسات مايصير تستعملها في الرياضه عشان العين تنشف وتروح الرطوبه من العدسه ومن العين وهذا ممكن يسبب لك مشاكل خطيره في العين

 

[awadnin]

العدسة الطبية خطيرة جداً وما أنصح الأعضاء يستخدومنها أبداً، يعني أحسن شي أما تلبس نظارات طبية أو تسوي عملية ليزك، أما العدسات الطبية تسبب أضرار كبيرة بالعين مثل الجفاف لأنها تمنع الترطيب الطبيعي الي يجي من جفن العين وأيضاً مشاكلها كثيرة وعديدة ولو تسأل المختصين راح يفيدوك أكثر.

 

[NOBLE]

^^

أنا أستخدم العدسات الطبية و إستخدامي لها ما يكون يومي و 24 ساعة فقط للخروج من البيت , و ما مرة جتني إصابة منها و الحمد الله ^_~

 

[Sora Diersly]

كلام كوي تقريبا هو اكثر شيء إعلامي ممكن يفيدك بهالخصوص.
أنا حاولت اسوي العملية السنة اللي فاتت في مستشفى التخصّصي, للأسف بعد مقابلتي للدكتور وعمل الفحوصات اللازمة, قالي أن طبقة سطح العين خفيفه جداً وفيه نسبة خطر على نظري عموماً لأنه لو السطح صار أخف (بحُكم أنهم يشيلون منه شوي اثناء العملية) فـ فيه إحتمالية أن العيون تجحظ, لأن نسبة إنعكافها بيكون اكبر. لذا قررت أستمر على النظارات 🙂

هذا أفضل شي بخصوص المستشفيات الحكومية, يقولون لك إذا هي كويسة لك وإلا لا بعكس المستشفيات الخاصة اللي يخلونك توقع على ورقة إخلاء المسؤولية ويطمعون بفلوسك ويسوونها بدون مايخبرونك عن أمور زي هذي, ولو صار أي غلط فـ انت بتروح فيها والمستشفى ماله علاقة بالموضوع بالنهاية 🙁

 

[Primal]

العدسة الطبية خطيرة جداً وما أنصح الأعضاء يستخدومنها أبداً، يعني أحسن شي أما تلبس نظارات طبية أو تسوي عملية ليزك، أما العدسات الطبية تسبب أضرار كبيرة بالعين مثل الجفاف لأنها تمنع الترطيب الطبيعي الي يجي من جفن العين وأيضاً مشاكلها كثيرة وعديدة ولو تسأل المختصين راح يفيدوك أكثر.

العدسة تضر لما تكون لابسها بشكل مستمر بدون تنظيفها
لو انها خطيرة جدا زي ما تقول كان محد صنعها او باعها من الاساس

 

[Painkiller Q8]

نصيحه (إدفع حتى لو 10 اضعاف المبلغ لأفضل دكتور يسوي العمليه) لان هذي "عيونك" + مو كل دكتور يجيبها 100%

 

[Primal]

زي ما قال الاخ عمر بخصوص المسشفيات الخاصة

المستشفيات الخاصة اللي يخلونك توقع على ورقة إخلاء المسؤولية ويطمعون بفلوسك ويسوونها بدون مايخبرونك عن أمور زي هذي, ولو صار أي غلط فـ انت بتروح فيها والمستشفى ماله علاقة بالموضوع بالنهاية

محتوى مخفي: اذا كنت عايش في السعودية وفي الرياض بالاخص

ودي انصحك انك تاخذ تحويل لمستفشى القوات المسلحة
بجد مرة مرة ممتازين
لكن فيهم عيب قاتل
المواعيد تطول بزيادة(من الزحمة) 3 شهور بين كل موعد يعني اول ما تاخذ تحويل راح تعمل موعد لقسم العيون(اسوا قسم في المستفشى من الناحية التنظيمية)بجد يطفش
الاقسام الاخرى تاخذ مواعيدها 3 شهور او 4 بالكثير اما قسم العيون 6 شهور وياحظك انا كنت اراجع فيه واعرفهم زين

لذلك حاول تروح للحبيب (اذا كنت عايش في الرياض) وتاخذ استشارة من هناك(يب اعرف الدعوة فيها فتح ملف ومدري ايش بيشقون محفظتك شق فتح الملف لحاله ب200)
لكن لازم تكون عندك خلفية حول الموضوع والحبيب فيها اطباء ممتازين مقارنة ببقية المستفشيات الخاصة
اذا اخذت تحويل لمستشفى حكومي راح تنتظر لمدة طويلة جدا(على حسب المستفشى الي اخذت له تحويل كلهم راح تطول فيهم)
واذا رحت لمستشفى خاص راح تاخذ الاستشارة وكل شىء تبغاه في نفس اليوم الي رحت له لكن راح تطلع مفلس

انت وخيارك
لكن لا تعمل العملية بدون ما تاخذ استشارة من طبيب
ضروري تاخذ استشارة

 

[قناص]

هذا أفضل شي بخصوص المستشفيات الحكومية, يقولون لك إذا هي كويسة لك وإلا لا بعكس المستشفيات الخاصة اللي يخلونك توقع على ورقة إخلاء المسؤولية ويطمعون بفلوسك ويسوونها بدون مايخبرونك عن أمور زي هذي, ولو صار أي غلط فـ انت بتروح فيها والمستشفى ماله علاقة بالموضوع بالنهاية

what!
يعني اللحين المستشفيات في الخارج تخليك توقع على مثل هالورقة قبل عملية الليزك ولا بس هالشيء عندنا ؟
مستحيل أوقع على شيء مثل ذلك ..

بالمناسبة وش أفضل مستشفى "خاص" بجدة أعمل فيه هالعملية .. ؟ سمعت أن الخبرة مهمة كذلك في هالنوع من العمليات

 

[قناص]

نصيحه (إدفع حتى لو 10 اضعاف المبلغ لأفضل دكتور يسوي العمليه) لان هذي "عيونك" + مو كل دكتور يجيبها 100%

ميزانيتي بحدود 15 الف ريال .. إن شاء الله توفي معي

 

[قناص]

العدسة الطبية خطيرة جداً وما أنصح الأعضاء يستخدومنها أبداً، يعني أحسن شي أما تلبس نظارات طبية أو تسوي عملية ليزك، أما العدسات الطبية تسبب أضرار كبيرة بالعين مثل الجفاف لأنها تمنع الترطيب الطبيعي الي يجي من جفن العين وأيضاً مشاكلها كثيرة وعديدة ولو تسأل المختصين راح يفيدوك أكثر.

خطيرة بحسب تعملك معها .. أذا تلبسها من 8 الى 12 ساعة يوميا فقط و تنظف يدك كويس و تغير المحلول كل يومين ثلاثة
فما في أي ضرر منها ..

 

[Saadawii]

أنا لي كم قريب سووها من سنوات ونجحت الحمد لله. عن نفسي من سنوات طويلة ألبس عدسات لاصقة ومرتاح معها جداً الحمد لله. يعتمد على نوع وماركة العدسات أعتقد والعناية فيها.

 

[Mute City]

عندك عيادة عيد كلينك الدكتور باصفار ممتاز جدا كنت اتعالج عنده لما اصاب عيني فايروس والحمد لله , المواعيد عنده بالدقيقه أي تأخير يحطونك آخر الطابور
لما كنت اتعالج عنده الفايروس مجهول فأعطاني مضاد له وبعد اسبوع من العلاج قالي إنت سليم , بعدها بإسبوعين رجع الفايروس ورجعت وما اخذ مني ولا ريال
جرب تروح عنده =)

 

[Hironobu Sakaguchi]

العدسة الطبية خطيرة جداً وما أنصح الأعضاء يستخدومنها أبداً، يعني أحسن شي أما تلبس نظارات طبية أو تسوي عملية ليزك، أما العدسات الطبية تسبب أضرار كبيرة بالعين مثل الجفاف لأنها تمنع الترطيب الطبيعي الي يجي من جفن العين وأيضاً مشاكلها كثيرة وعديدة ولو تسأل المختصين راح يفيدوك أكثر.

+!
الجفاف + استمرار لبس العدسة = اسرع التهاب للقرنية في اقل من يومين والعلاج راح يكلفك زمن غير بسيط مع شبه عمى لانك ما تفتح عينك الا بصداع حتى لو كل شي حولك ظلام دامس
كل ما اتذكر مصيبتي الي صارتلي العن الاختراع الغبي الي اسمه عدسة لاصقة، هذه كبيرها تجميل اما طبية انسى ، الا اذا كنت شخص ما تجلس قدام
الكمبيوتر والشاشات كثير وكان محيطك بيئة نظيفة مافيها اتربة وغبار بالشارع مافي مشكلة ان شاء الله

هذا أفضل شي بخصوص المستشفيات الحكومية, يقولون لك إذا هي كويسة لك وإلا لا بعكس المستشفيات الخاصة اللي يخلونك توقع على ورقة إخلاء المسؤولية ويطمعون بفلوسك ويسوونها بدون مايخبرونك عن أمور زي هذي, ولو صار أي غلط فـ انت بتروح فيها والمستشفى ماله علاقة بالموضوع بالنهاية 🙁

هذا الشي الي مخليني اتردد اسويها في السعودية بشكل عام!!!

في مركز طبي في تركيا حاط عيني عليه وتكلفته تقريبا نفس الي ادفعه هنا + بيفحصوني قبل اي شي للتاكد من افضل عملية مناسبة لعيني مع افضل نسبة نجاح واقل اعراض جانبية ان وجدت
هذا الدكتور حقها دكتور باش
http://www.nusretbas.com/en/nusretbas.asp
وهذه شهاداته للي يفهم فيها
http://www.nusretbas.com/en/certificates.asp
وهذا المركز والخطة الي بيسووها في خلال 3 ايام للعلاج شاملة جميع التفاصيل ، حسب ما فهمت عندهم 10 فحوصات قبل العملية 7 طبيعية و3 لحالات خاصة مشروحة بالجدول
http://www.blumeditravel.com/Laser_eye_surgery_lasik_travel_program.php

شباب ترا في اكثر من عملية مو كل من هب ودب ليزك والسلام

عندك عيادة عيد كلينك الدكتور باصفار ممتاز جدا كنت اتعالج عنده لما اصاب عيني فايروس والحمد لله , المواعيد عنده بالدقيقه أي تأخير يحطونك آخر الطابور
لما كنت اتعالج عنده الفايروس مجهول فأعطاني مضاد له وبعد اسبوع من العلاج قالي إنت سليم , بعدها بإسبوعين رجع الفايروس ورجعت وما اخذ مني ولا ريال
جرب تروح عنده =)

اذا ماني غلطان يمكن نفس الشخص الي سمعت فيه وسوا عملية ليزك لشخص اعرفه وفعلا عليه كلام حلو بالرغم "عيد كلينك" سمعتها زفت

بالمناسبة وش أفضل مستشفى "خاص" بجدة أعمل فيه هالعملية .. ؟ سمعت أن الخبرة مهمة كذلك في هالنوع من العمليات

مغربي وتقريبا بحدود ميزانيتك، لكن اسمع الكل يمدح الاردن ما تكلفك 6 الف والباقي فلوس رحلتك ومن ذا الكلام

 

[Raziel]

سؤالك جاي ببالي من زمان 🙁

أنا انسان مابديت ألبس النظارات إلا بعد ماصرت بعمر 18سنة وبعد 7 سنوات ماوجدت راحة معها، أكثر من مرة فكرت أسوي عملية وأفتك
خصوصاً إنها ألريدي حارمتني من الاستفادة من النظارات الشمسية ولا يهون نظارات 3D 😀 ..

كل اللي متخوف منه عاداتي السيئة: ما أحب ألبس النظارات أول ما أصحى من النوم، وممكن أقعد بالساعات بدون نظارة، بخلاف إني أجلس قدام الكمبيوتر
لساعات أيضاً بدون نظارة، وإذا جيت ألعب استوعب إني مالبست نظارات وأرجع ألبسها :laugh::

 

[NOBLE]

أنا لي كم قريب سووها من سنوات ونجحت الحمد لله. عن نفسي من سنوات طويلة ألبس عدسات لاصقة ومرتاح معها جداً الحمد لله. يعتمد على نوع وماركة العدسات أعتقد والعناية فيه
.

وش نوع الماركة اللي كنت تستخدمها ؟

 

[Noah`s Ark]

بالنسبة للكلام عن النظارات. توني مسوي فحص نظر وتبين لي اني احتاج نظارات وبقوة, ولكني ما كنت حاس لأي درجة كنت اشوف العالم مشوش. طلبت نظارات وراح استلمها يوم الأربعاء بإذن الله. في واحد يلبس نظارات شاف نتيجة فحصي وقال انها قريبة من نتيجته, طلبت منه اني اجرب نظاراته, و شفت العالم بوضوحه الحقيقي لأول مرة مدري من متى!! حسيت اني ابي نظاراتي الآن!!!

 

[NOBLE]

بالنسبة للكلام عن النظارات. توني مسوي فحص نظر وتبين لي اني احتاج نظارات وبقوة, ولكني ما كنت حاس لأي درجة كنت اشوف العالم مشوش. طلبت نظارات وراح استلمها يوم الأربعاء بإذن الله. في واحد يلبس نظارات شاف نتيجة فحصي وقال انها قريبة من نتيجته, طلبت منه اني اجرب نظاراته, و شفت العالم بوضوحه الحقيقي لأول مرة مدري من متى!! حسيت اني ابي نظاراتي الآن !!!

لول

والله نفسي بالضبط ما كنت أدري أن كان فيني ضعف نظر إلين ما دخلت جرثومة في عيني و عرف الاخصائي أن عندي ضعف نظر "بداية الصدمة" :sadwalk:

بعدين جربت ألبس النظارة لأول مرة , و شفت الرؤيا عندي HD بشكل خيااااااااااالي :laugh::

 

[Sniper OSnake]

بعدين جربت ألبس النظارة لأول مرة , و شفت الرؤيا عندي HD بشكل خيااااااااااالي

ههههههههه
ذكرتني بحالي قبل ثلاث سنواات
اول مالبستها عرفت بأني كنت شبة اعمى

من جودة 3gp الى BlueRay لول

 

[Unknown]

خصوصاً إنها ألريدي حارمتني من الاستفادة من النظارات الشمسية ولا يهون نظارات 3D ..

اختر اي نظاره شمسيه وقل للبائع انك تبيها طبيه
اما الثريدي انا البسها فوق نظارتي ومافيه مشاكل

 

[Al Pacino]

بعض الردود هنا ذكرتني بهالصورة

:laugh::