على بالكم بس شركات الإتصالات السعودية تبوق ؟

[The Heartless]

الإتصالات السعودية تسوي كذا وبتلكو البحرينية تسوي كذا ... الخ

أعتقد حان الوقت لنفرد موضوع عن نصب شركة الإتصالات في الكويت MTC

البعض يعرف انه قبل فترة الشركة نزلت خدمة اسمها E-GO وهي خدمة انترنت عبر الاقمار الصناعية , اشتركت فيها بعد مادفعت 60 دينار مقدماً بعقد مدته سنة ادفع في كل شهر 20 دينار (غير ال60 طبعاً)
على اني احصل خدمة بسرعة 3 ميجا , وأول الشهور ماشاءالله الحال عال العال انترنت صاروخ وسرعة تنزيل توصل ل200 كيلو في الثانية غير الميزات الثانية .

لكن الحلو مايكمل , الشركة النصابة قبل فترة قللت السرعة وصار الانترنت بطيئ والتنزل بدل ال200 كيلو صار حده 16 :evil: لما كلمتهم قاموا يتهربون ومن موضف لموضف آخر شي طلعلي واحد قالي السالفة ومافيها ان الشركة في البداية وزعت اشتراكات بشكل اكبر من الطاقة الي تتحملها لأنها ماكانت تعتقد في ناس ينزلون بالهبل (مثلي) علشان كل الاشتراكات صارت سرعتها محدودة

ونهاية الموضوع علشان مااطول عليكم , راحت ايام السرعة الخارقة , ماعاد فيه اونلاين مثل الناس
والمشكلة ان E3 جاي وشكلي راح اعاني مع تنزيل العروض والمؤتمرات :cryy:

المشكلة الاكبر ان النصابين من شروط العقد اني إذا ابي الغي الاشتراك لازم ادفع مبلغ 50 دينار وأنا توني ماصارلي 5 شهور من يوم سويته , لعبوها صح عيالة ال@#%&$

وهذي هي قصة معاناتي :cryy: :cryy: :cryy:

 

[Final Fantasy]

والتنزل بدل ال200 كيلو صار حده 16

Ouch !!!!


شي أليييييييييييييييم ×___×


صراحة الله يعينك .. مادري لو كنت مكانك جان شنو سويت من القهر !!

 

[Dark Man]

< البحرين - بتلكو 🙂

عندنا وعندك خير , سرعتنا 1 ميجا , لكن وله مرة جربت شعور سرعة النص ميجا :cryy:

 

[Hero]

مشكله الe-go انه sharing لكل المنطقه يعني اذا منطقتك لها 10 ميجا فقط كمثال تتقسم على الناس الاونلاين بالمنطقه كل مازاد عددهم تقل عندك السرعه او اذا وايد منهم قاعد يسون دانولود
عكس الوطنيه كل جهاز سرعه 540kb بروحه ماله شغل بالناس حواليه

على فكره اذا ماخذ الe-go عشان منطقتك مافيها اتصال نفس حالتي (جنوب السره) كوالتي نت مسوين dsl وايرليس سمعت ;/

الوطنيه سرعته اوكي
direct download 100-150kb
torrent 60~ averge sometimes reach 100-150
الاونلاين جربت العاب اونلاين بس تحتاج دايل اب فقط وكل شي 100% ماجربت على العاب تحتاج سرعات عاليه

 

[TenZen]

هههههه


الحال من بعضه .. حتى الاسعار مرتفعة عندنا بعمان , صار لينا اكثر من سنتين
على نفس الاسعار ونفس الخدمة , السرعة الوحيدة الموجودة للمنازل هي 384kb بسعر
40 ريال عماني = تقريبا 38 دينار كويتي .

 

[Khalid-S]

انا شخصيا مرتاح مع الاتصالات السعودية ... يمكن تسرق شوي مع الاسعار .. لكن الاشتراكات القديمه (512kb وانت نازل) غفضت اسعارها بشكل مهول .. والخدمه نفسها تخفضت اسعارها ... الاتصال صار more stable عن اول ..

DSL سعودي نت حمل لين ما تتغر .. مافي ليميت .. قبل ما انام اخليه ينزل 5 ديموز من الايف كل واحده صاكه الميجا .. اصحى من النوم الاقيها اكتملت تحميل .. هذا واتصالي 1 ميجا فقط .. متوفر 2 ميجا و 4 ميجا لكن اسعارها نار عشان مافي منافسه قويه. ونهاية السنة 10 ميجا.

 

[Futrus]

الله يعينك بعد ماسوو الليمت صرت أنزل بالهبل آخر اسبوع من الشهر في 3 أيام أنزل 10 غيغا كل شهر 😀
يعني متأقلم مع الوضع الله يعين اللي عنده اخوان مايهتمون وينزلون وبس ويخلصون الليمت اول الشهر ;(

 

[Death match]

والله مادري ليش وصفتها بالبوق هذي شغلة طبيعية علشان الشركة ما تخسر من ورى الخدمه انهم يخلونك مستخدم لمدة سنة , اما مسئلة السرعه يمكن يكون عيب غير متوقع منهم , ما عليه هم تبقى الاي قو مميزة وتفيد خصوصاً ايام الشاليهات و المخيمات يعني منو كان يتوقع انك تقدر تشبك بأماكن مثل هذي بهذي السرعه يا اخي ليش ما تحط ببالك انها مع السنوات راح تتعدل وتتضاعف سرعتها , على فكرة ناس كثير ودها هذي القطعة بدول ثانية وبعد لو بيدهم بنفس السرعه الي تطلع لك ايام الذروه ..

بعدين مسألة البوق ما اعتقد ب EGO لان عندهم شغالات ثانية العن يمكن يبوقون فيها مثل المكالمات وتسعيرتها هذي شلخوا فيها عالم مثلاً لو الخط مالك كروت تعبئة حتى لو اتصلت جزء من الثانية يعني المكالمة اصفار ياخذون منك

وبعدين تبي اكبر تناقظ بالشركتين فاستلكو و كوالتي وهو الدي اس ال روح شوف اسعار كوالتي و اسعار فاستلكو شئ يضحك مادري انا ما استخدمت فاسلتكو الا بالكلية ويقولون انها 100 MB بس هم مو مصدق لأنه اردى من الدايل اب وقت الذروة مادري اعتقد هذي السرعة شاملة مو بس الكلية لكن مرة وصل الداونلود 3 ميجا مع ذلك 100 ميجا ما تجيب 3 ميجا داونلود بس .. too weird


هم عرفوا يلعبون علينا عيال الغانم 😛

بإنتظار الشركة الجديدة + الألياف الضوئية الي من سنة حطبة :/

 

[Leon]

أخ والله طعة في الراس , المشكلة إنك مشترك معاهم لمدة سنة !! شي يقهر ..

 

[The Doctor]

الله يعينك... الخليج بشكل عام النت فيه زبالة... بس أعتقد الامارات اهم احسن شي و الله أعلم

شخصياً أنا متآدي من هالاوربت... إن كان من الخدمة السيئة (من ناحية الTechnical Support أو انه دائماً يفصل)
أو السعر العالي جداً، أو اللمت الغبي اللي للحين مني داري ايش يبي (طبعاً ال&%$#@ ما كان مذكور في العقد اللي نوقعه أي شي عن لمت للخدمة)
بس لكن محلل أبوه... صار لي تقريباً فوق ال10 شهور و أنا كل يوم ما انام إلا مخلص اللمت... بس كذا من دون سبب XD

طبعاً ودي أحول لDSL مع اني واثق ان بس ابحول لنوع ثاني من العذاب و القلق بس لكن على الأقل أرخص و مافي لمت... لكن مافي فايدة، على ما يبدو الهبلان ما عندهم نية يركبوه لي

 

[MR1]

حالك حالنا مع أوربت...

أول كم شهر ولا أحلا ... بعد فترة صار 350 ميجا حد ....
لا و مقفلين P2P الظاهر ><