Sonata
True Gamer
السماعات ٣ أنواع: سماعات حول الأذن، سماعات فوق الأذن، سماعات داخل الأذن، والسماعات ذات الجودة الفائقة "hifi" الرخيصة نسبيًا تحصلها من النوع الثالث، اللي يسمونها iem اختصار ل in ear monitor واللي يستخدمها غالبا المغنين والعازفين على المسرح أثناء الأداء المباشر. الموضوع ذا ناقصه إنه يغطّي هذا النوع من السماعات، لكن باختصار شديد أنا أزعم إن سماعات الiem الرخيصة تقارع السماعات اللي حول الأذن الفائقة من حيث الجودة، وأقولها من تجربة باعتبار إن عندي سماعتين hifi، وحدة سعرها حدود ال٦٠٠ ريال اسمها hd58x ووحدة سعرها حدود ال ٣٠٠٠ ريال اسمها arya stealth، وعندي سماعو ثالثة هي سماعة tangzu wan'er كلفتني ٩٠ ريال بس، هالسماعة بالنسبة لي كافية وأكثر، ولا يغرّك السعر، لأنك تقدر تجربها وتحكم بنفسك. طبعًا فيه خيارات ثانية مثل kiwi ears cadenza و moondrop chu 2 أو حتى crinacle zero red "هي أغلى وحدة فيهم". أنت لازم تبحث أكثر وتعرف إيش البصمة الصوتية لكل وحدة منهم وهل تركز على الترددات العالية أو الوسطى أو المنخفضة أو هل هي محايدة مثلًا، وتشوف اللي يناسبك، هل آذانك تتحمل الترددات العالية مثل أصوات طلق النار؟ هل تفضل البيس في الأصوات الإيقاعية والانفجارات مثلا؟ اقرأ عن كل سماعة منهم وشوف إيش أنسب لك. بالنسبة لسماعة tangzu wan'er فهي محايدة نسبيًا وتميل للحدّة تجاه الترددات العالية، ولا يغرّك كونها "داخل الأذن وصغيرة" ترى الimaging والsoundstage فيها مذهلين بكل ما تعنيه الكلمتان من معنى وجدًا مناسبة للألعاب. السماعة جودتها غير معقولة بالنسبة لسعرها. بس للمرة المليون، اطّلع بنفسك على سوق الiems وشوف الأنسب لك. وإذا بتطلب فاطلب من علي إكسبرس، ذي السماعات أغلبها صيني في الأصل "وأتوقع واضح من أسمائها" فما يحتاج تخاف إن المنتج اللي بيوصلك تقليد، أهم شي تأكد من تقييم البائع وعدد المشترين قبل لا تطلب.
