طيب مع احترامي لك ياخوي بس واضح انك فاهم فكرة الكاميرات الثابتة خطأ
وعندك افكار مغلوطة كثير غيرها مثلا لما قلت ان الرعب مايصلح الا منظور اول بدون اسلحة
او كاميرات ثابتة طيب المنظور الثالث باللعبة هو نفسه التحكم بالضبط حق الفيرست بيرسون
بتقول لي عنده سلاح ورصاص كثير ماحد جابرك تستعمل اسلحة استخدم السكين فقط
اصنع الرعب لنفسك بنفسك وانا متأكد انك اصلا حتى باستخدام الاسلحة راح تلاقي صعوبة كبيرة
بس مقصودي لو ماعجبك الوضع الحل موجود اما كلامك المنظور الثالث حق اطفال بليز احترم ذوقنا
يبقى المسألة مسألة اذواق واراء
عموما امتداحك للكاميرات الثابتة انها تعزز الرعب وانك ماتدري من وين يجيك الزومبي وهالشرح كله
انا بالنسبة لي اشوفها من سلبيات الكاميرات الثابتة واصلا من قالك انهم طوروها بهالطريقة عشان هالفكرة
اهي ضعف الاجهزة بذاك الوقت اللي خلتهم يصممونها بهالشكل بحيث يبغونها باجمل حلة مظهريا
ماتجي بالفل ثريدي لازم يستخدمون حيلة خلفات الصور عشان يكون الجرافيكس اقوى واستمرو عليها بالريميك
لان الناس الريدي تعودت عليها واكبر دليل انتقاليتهم للاسلوب الجديد في ٤ انهم ماكانو يشوفونه اسلوب مناسب للاستمرار ولا كان هذا طموحهم من البداية
كلامك مو صحيح, المنظور الثالث انت حاط معاي أسلحة , يعني بأي لحظة إذا شفت نفسي في مأزق أستخدمها لكن لو كانت اللعبة ما فيها أسلحة فراح تخاف كثير, والمنظور الأول المطاردة فيه مخيفة لأنك ما تقدر تشوف اللي وراك بعكس المنظور الثالث تقدر تشوف اللي يقرب وراك بسهولة.
وكيف أصنع الرعب بنفسي! المفروض اللعبة هي اللي تحطني في مواقف مرعبة
ونعم المنظور الثالث حق أطفال لاني شايف 90% من اللي يطالبون فيه أطفال وكابكوم تسمع للأطفال لأن الأطفال يعني فلوس , 99% من الألعاب ألحين كلها منظور ثالث يعني الأطفال هم غالبية اللي يحبونة, خصوصاً ان كل اللي يكرهون الكاميرا الثابتة يكرهونها علشان صعبة والتحكم صعب يعني ما عندهم خبرة في لعب هذا الأسلوب
وكلامي حقيقة لاني مجرب وكل اللي جربوا أكدوا كلامي, يعني لما تهرب بالكاميرا الثابتة ويلحقك النمسيس بمشهد مخيف وانت بصعوبة توصل لأي باب بسبب الكاميرا الثابته هل مثل لما يلحقك بالمنظور الثالث وانت مرتاح وشايف الطريق؟! مثال ثاني, الزومبي السريع اللي في الريميك هذا بالكاميرا الثابتة كابوس لأنك من تفتح الباب تسمعه جايك يركض ومن الخوف ترجع للباب لأن مو شايف من وين جاي , أما لو كان بالمنظور الثالث تقدر تشوفه وهو جاي بسهولة قدامك, بعدين الكاميرا الثابته لما تمر في ممر بجنب شباك مكسور والكاميرا تتغير بشكل مخيف وتحس ان الشباك راح يدخل منه شيء هل هذا الشعور موجود في المنظور الثالث؟! الكاميرا الثابتة تعطي شعور مرعب مختلف, واتخيلها لو كانت بالرسوم الحديثة كيف راح تطلع!
والكاميرا الثابته ما استخدمت لضعف الإمكانات لأن كان فيه في ذاك الوقت ألعاب رعب منظور ثالث وكان فيه العاب مغامرات منظور ثالث يعني كان فيه إمكانات انهم يسوونها منظور ثالث بعدين انتل داون لعبة بكاميرا ثابته هل معنى هذا ان فيه ضعف إمكانات! بعدين كود فيرونيكا اللي كان بجهاز قوي وهو دريم كاست ليش استخدموا فيه كاميرات ثابته! طيب والريميك حق جيم كيوب ليه استخدموا فيه كاميرا ثابته وهو جهاز قوي!
طب لو أخذنا بكلامك فليه الألعاب ثنائية الأبعاد موجوده لحد الآن ومحبوبة رغم انه أسلوب من أيام الثمانينات!
وهم انتقلوا لأسلوب الرابع مو علشان ان الكاميرا الثابته ما لها استمرارية , انتقلوا له علشان يستقطبون جمهور جديد وهو جمهور الأكشن
كل ذا معصب ومتعصب لأنه ودك كاميرا ثابتة xD؟ خلاص ولا يهمك، الكاميرا الثابتة مناسبة أكثر بس لا تعصب (&)
