hits counter

طلب مساعدة, عندي مشكلة نحافة

T

The Heartless

True Gamer
السلام عليكم

طبعاً من الشائع ان لما الواحد يكتب موضوع عن الوزن بالغالب يكون شلون ينقصه (وأعتقد في أكثر من الموضوع في السابق نشر بهالمنتدى) لكن أنا عندي مشكلة ضعف الوزن وهالشي كان من صغري وأكيد في غيري هني عنده نفس المشكلة ويبي يعالجها ويزيد من وزنه.

المطلوب شيين أتمنى ألقى ردود لها:

أول شي ياليت لو أحد منكم يدلني على إخصائي/طبيب خبير بزيادة الوزن وشرط يكون مجرب أو سامع عنه أنه زين من واحد قريب له, طبعاً يكون في الكويت.

ثاني شي ياليت لو أي أحد عنده نفس ضروفي يخبرنا بتجربته, هل حاول يزيد وزنه وقدر بهالشي؟ وشنو الطريقة الي اتبعها ؟
 
والله شوف مابي احبطك ! بس انت نفس مشكلة ولد خالتي !
اهو كان معاي بالنادي " حق الحديد " و وزنه بالغصب يزيد !!
و شكله كلش ما يتغير ! 5 اشهر و نفس الشكل بس كان يشيل تقريبا نفس اوزاني
و قبل شهر اخذ بروتين اسمه ( الدب الروسي ) هذا زاد واحد من ربعي معاي بالنادي 12 كيلو بشهر و شي !! بس ولد خالتي شهر كامل بس كيلو و نص !!

و المشكلة يوم او 2 يقلل الأكل يرد ينزل وزنه ! :confuse:

هالمشكلة وايد يعانون منها ! بس في ناس تضبط معاهم و تزيد اوزانهم !

انا بسألك اذا اهو يعرف اي اخصائي و اقولك 🙂
 
milanyq8i قال:
والله شوف مابي احبطك ! بس انت نفس مشكلة ولد خالتي !
اهو كان معاي بالنادي " حق الحديد " و وزنه بالغصب يزيد !!
و شكله كلش ما يتغير ! 5 اشهر و نفس الشكل بس كان يشيل تقريبا نفس اوزاني
و قبل شهر اخذ بروتين اسمه ( الدب الروسي ) هذا زاد واحد من ربعي معاي بالنادي 12 كيلو بشهر و شي !! بس ولد خالتي شهر كامل بس كيلو و نص !!

و المشكلة يوم او 2 يقلل الأكل يرد ينزل وزنه ! :confuse:

هالمشكلة وايد يعانون منها ! بس في ناس تضبط معاهم و تزيد اوزانهم !

انا بسألك اذا اهو يعرف اي اخصائي و اقولك 🙂
أنقر للتوسيع...

مشكور أخوي وناطر رد ولد خالتك.

أنا حاسس وشبه متأكد ان المشكله الي فيني وراثية لإنه أخواني كلهم عندهم نفس المشكله. المشكلة ايضاً اني رحت لمركز التغذية الحكومي قبل 7 سنين يمكن وحسيت انه مافادني, خذ مني فحوصات دم وغيره وبعدين قالي انت مافيك شي يبيلك بس تمشي على نظام غذائي ويزيد وزنك, والصراحة حسيت انهم مو فاهمين وتركت الموضوع ومامشيت على نظامهم وقتها, بس الحين أنا عندي فترة كذا شهر ماعندي شي أسويه وأنا مصمم ان وزني يزيد بس محتاج واحد الي يرسم لي الطريج وأكون أنا مقتنع ومتأكد ان هذا هو الطريج الصح.

علشان احطكم في الصورة قد شنو انا نحيف, طولي تقريباً 188 ووزني تقريباً 54.
 
انا عندي مثل المشكلة :sweat: حاولت ازيد وزني ينتهي بي الأمر بزيادة كيلو و نص و ارجع مثل ما كنت

موفق
 
تفريبا هذه تروح اخصائي باطنية يوسلك فحص على الغدد وافارزاتها لانها تلعب دور كبير قبل ما نقول وراثة او مرض

زيادة افرازات = زيادة حرق = جسم عصعوص
قلة افرازات = قلة حرق = جسم دبدوب مهما سوا دايت ورياضة ما ينزل بسرعة او ما ينزل ابدا


ان شاء الله ما اكون خربطت شي ^^
انا مو دكتور وما حبيت اتفلسف لكني عكس حالتك وباقي علي اسوي فحص
 
انا [ سيم سيم صديق ] .. نفس المشكله منذ الازل , وزني ما يتعدى الـ 59 لو اسوي اللي اسوي .
قبل مدة دخلت نادي رياضي مع مدرب .. كانت الامور تمشي تمام بس ما كنت ازيد ابدا , كيلو بثلاثة شهور مثلا >ـ> , وبعد اسبوع ينقص الكيلو .
الزبدة والشي اللي يفيدكـ هو .. اكتشفت وش السر في زيادة الوزن بشكل طبيعي وعجيب وفعّال , واللي هو الفطور . اذا قمت من النوم ( على قولة اهل الرياض ) العن امها فطور .. كل فطور حق شخصين او ثلاثة .. حتى لو مالك نفس , خذ الفطور معك بالسيارهـ وبالجامعه وبالدوام وخلصه خلال ساعه من صحيتكـ .
بالنسبة لي واللي اسويه حاليا هو [ بروتين + حليب + موز + عسل ] واحطهم بالخلاط الصباح , وامزمز عليه بالطريق للجامعه .. صدقني راح تتفاجأ انه بعد كم يوم راح تلقى هالمشروب او هالوجبة ما تكفي . راح تآكل بعدها شي وراح تتغدى واذا تغديت راح تجوع بعدها بفترهـ , وبتآكل ما مجموعه 5 وجبات باليوم واكبرها هو الفطور .

ولا بأس بكأس بروتين قبل نص ساعه من النوم اذا كنت سويت حركة كثيرهـ هذا اليوم .. النتيجه مجربة ومؤكدة مني [ شخص عانى طول حياته من النحف المستحيل ] .. والحين صاير فيه تطور ملحوظ , كل يومين اقيس وزني القى اختلاف طفيف .. وبين الاسبوع والاسبوع اختلاف مذهل .
الفطور ثم الفطور ثم الفطور
 
نفس المشكلة معي انا انحف منك بالرغم اني اكل كثير كثير كثير بس ماينفع كله يروح على الطاير طولي طبيعي بس وزني 45 ودايماً لما اكل اسمع صوت داخل بطني يهضم بسرعة وانقص في اسبوع ويرجع وزني هذا في اسبوع الحد الاقصى له .. المهم بحثت بحثت في النت طلعت المشكلة من دودة الامعاء الشريطية .. سوحقا لها المهم قد ماحاول اقنع اهلي مايقتنعون بس بحاول اكثرر ان شاء الله وهذه تحتاج فحص وصبر 3 اشهر .. الله يعين .
 
والله كنت أعرف واحد من اصدقائي المقربين نحيف مرة و ياكل أكل مو طبيعي ما شاء الله , المهم إن الأكل مايأثر عليه مرة
و قبل سنة إشترك في نادي حديد .. وما شاء الله جسمه صار أووووكي ..

هو أعتقد لازم تستفيد من الأكل الي تاكله .. تسوي تمارين حديد أو شيء زي كذا بدل ماينهضم و يخرج من الجسم على الفاضي

ترا مو متأكد , بس اتكلم عن الي شفته بصديقي
 
حاول تزيد وجباتك اليومية، عن نفسي أنا أبي أنحف T_T"
 
طبعا حل المشكلة الأكل اكيد , مشكلة النحاف انهم بفكروا نفسهم باكلوا كثيير ومابسمنوا لكن بالواقع بياكلوا اقل من حاجتهم الطبيعية

فالحل انك تعرف حاجتك الطبيعية من السعرات وبعدين تزيد عليها 500 سعرة او 700 سعرة

طبعا تقدر تبحث عن الكلام هذا بالنت وتقرأ بالتفصيل بنصحك بهذا الموقع وبالمناسبة البروتين ماراح يفيدك بشي اذا ماأكلت كويس + مالعبت حديد

bodybuilding.com
 
كل موضوع زي هذا و ادخل و اقول كلمه وحده... سيب الافتاءات و القيل و القال .. و اللي يقلك اسال مجرب و لا تسال طبيب .. هذا الجهل بعينه
حتى لو في شخص مجرب شي مو شرط تكونوا الاثنين نفس الشي .. جسمك يختلف عن غيرك
الحل الافضل تروح لدكتور عام و هو يحولك لدكتور متخصص...
انا طالب طب و اقدر اسرد مليون طريقه و مليون سبب .. لكن لازم تعرف كل شخص جسمه و سبب مرضه ممكن يختلف بشكل كبير عن غيره .
و انت حر.
 
هههه الله يعينك .. بس تبي الحل الأمثل ؟؟

يبيلك تماشي 4 شباب اوزانهم فوق الـ120 وشرط مايمر شهر الا زايد وزنك 4 كيلو ههه

انا مجرب

انا ماكنت ضعيف حيل لكن وزن كان قرابة الـ60 -65 كيلو الحين صك ال75 -80

والسبب ان ربعي اللي اطلع معاهم كلهم متان فتأثرت منهم ومن اطباعهم هع
 
Wild Fox قال:
كل موضوع زي هذا و ادخل و اقول كلمه وحده... سيب الافتاءات و القيل و القال .. و اللي يقلك اسال مجرب و لا تسال طبيب .. هذا الجهل بعينه
حتى لو في شخص مجرب شي مو شرط تكونوا الاثنين نفس الشي .. جسمك يختلف عن غيرك
الحل الافضل تروح لدكتور عام و هو يحولك لدكتور متخصص...
انا طالب طب و اقدر اسرد مليون طريقه و مليون سبب .. لكن لازم تعرف كل شخص جسمه و سبب مرضه ممكن يختلف بشكل كبير عن غيره .
و انت حر.
أنقر للتوسيع...

طيب اول شي الاخ ممكن اصلا سليم و ما عنده اي مرض ة نحفة مجرد طبيعة جسمة ..

اوكي ياقلك خبرتي :

1- روح دكتور باطنه \ غدد و خليه يسوي لك التحاليل اللازمه ما ان اغلب الظن انك سليم انشا الله بما انك ما تعاني من اي عرض غير النحف .. لو مثلا عندك اسهال مزمن او بتعرق كثير .. او تعصب بسرعة و نفسيتك دايما نازلة وقتها ممكن نفكر ان في سبب عضوي ..

2- كنحيف سايق عندي كل الخبرة و الطرق كيف انك تزيد زونك .. بس اول شي انت تبغي تزيد عضل و لا دهون و ملا مويات و لا ايش .. غالبا الاكل بدون نشاط رياضي رح يزيد لك الدهون بجسمك و يصير شكلك غلط في غلط يعني تكون نحيف و عندك مؤخره و لا كرش و لا صدر مترهل و بعد فترة تندم و تقول يا ريتني ارجع ىنحيف زي اول ..

3- اختار لك نشاط رياضي يناسبك .. الحديد هو الافضل بس مو الوحيد .. عندك الفنون القتاليه .. السباحة .. لكن نسبو انك تبني جسم مناسب تكون اقل و رح تاخذ وقت اكثر .. فانصحك بالحديد 5 مرات بالاسبوع كل يوم عضلتين ..

4- بالنسبة للاكل لا تمسع كلام الي يقلك كل اي شي لانك نحيف .. ممكن تاكل كمية كبيره من الاكل لكن بدون قيمة غذائية زي الفاست فود ما رح تستفيد شي .. قسم اكلك زي كذا .. فطور فيه كربوهيدرات نظفيفة ( عيش اسمر .. كورن فلكس الحمية .. شوفان ) + بروتين ( بيض .. ديك رومي ,, تونة ) .. و عذاء ( رز ابيض مسلوق .. باستا.. . بطاطس .. بطاطا ) مع بروتين (صدور دجاج ,, سمك .. لحم هبرة بدون دهون ) و قبلها سلطة خضار طبعا .. العشا عندك بروتين زي الغدا و مع قليل من الكاربو هيدرات .. طبعا تزود على ال 3 وجبات الرئيسية وجبة بين الفطور و الغدا تكون فواكة مع ساندوش ديك رومي او تونه او بيض ز وجبه بعد التمرين تتكون من كاروبوهدرات ( رز .. بطاطس .. بطاطا حلوه .. عيش اسمر ) و مع بروتين من اختيارك .. و وجبة قبل التمرين بساعه يفضل تكون بطاطس مهروسة او بطاطا حلوه ..

المكملات الغذائية بتساعد كثييييييير .. نقي لك نوع مناسب من البروتين و الفايتامين


4- النوم المناسب ( من 6 - 8 ساعات ) في الليل .. و اذا كان تمرينك في الصباح تقدر تاخذ لك غفوة بسيطة بعد التمرين بعد ما تخلص وجبة ما بعد التمرين ..

5- بطل دخان اذا بتدخن ..

6- حاول تحسن من نفسيتك و ضع هدفك قدامك ..

انشا الله اكون افدتك و افدت اي واحد بحالتك لاني انا كنت زيك سابقا ..
 
روح افحص الغدة ، لانه اذا كانت نشطة هي ممكن تكون السبب ، واذا كانت السبب راح تتبعد عن الكافيين والقهوة وتاخذ حبوب تثبيت افرازات الغدة ، وخر عن البيبسي كثر ماتقدر ، نوع بالاكل مرة سمج معلب ، مره عيش ، مره معكرونية ومرة بطاط ، سنيكرز على الصبح (اذا ماكنت تعاني من تسوس) ، عود نفسك ماتاكل مطاعم سريعة واذا كليت لا تاكل الا مرة او مرتين بالاسبوع ، حط بغرفتك ثلاجة اذا كنت ماتطلع من غرفتك بالبيت..

هذا روتيني من تقريباً ، كنت 58 والحين 67 لكن احتاج اكون 80 عشان اوازن طولي180 مع ووزني

تبي حل سريع / تزوج بنت حلال طباخه توكلك مالذ وطاب ..
 
squall leonhart قال:
طيب اول شي الاخ ممكن اصلا سليم و ما عنده اي مرض ة نحفة مجرد طبيعة جسمة ..
أنقر للتوسيع...

و تتوقع يا دكتور انك ممكن تعرف اذا طبيعي او لأ من غير ما تشوف المريض وحه لوجه و على مجرد كلمات مكتوبه ؟؟!!!
اتوقع انت اكبر مني في المرتبه العلميه لاني اذكر انك قلت انك امتياز ... لكن اسمحلي من غير سيره مرضيه و غذائيه و فحص سريري و تقييم نفسي خصوصا في حالات الوزن و اعمار المراهقه ما تقدر تحكم او تعطي نصيحه.
,و بنظري اسوا شي نصائح المنتديات و طب التجربه.. في النهايه انت ما شفت الشخص او ما اتحوولت لك اوراقه عن طريق كادر طبي لا تغلط و تحكم .
مجرد رأي او ممكن تقول النهج اللي اتبعه في حياتي .. و في دكاتره كثير يوافقوني عليه .
 
التعديل الأخير:
انا اتكلم عن نتيجة ابحاث و دراسات ان النحيف غالبا يكون انسان سليم .. و لكن اخذا للحيطة قلتله يورح دكتور باطنه و دكتور غدد عشان لا قدر الله لو كان نحفه عبارة عن عرض مرضي .. الطب الحديث ما يعتبر الانسان مريض الا لما يثبت عكس ذالك ..

و الكلام الي بقوله هنا مو طب ابدا و لا طب منتديات .. الاخ لو كان مريض رح انصحه طبعا يتابع حالته مع في المستشفى لكن لو كان سليم و زي ما قلت فوق حسب الاحصائيات ان الغالبيه العظمى من النحاف ناس اصحاء فالنصائح الي كتبتها عامة و مفيده و يقدر اي شخص يجربها بنفسه ..
 
التعديل الأخير:
اوك دكتور انا حاب استفيد ممكن تعطيني المقاله او الدراسه هذي .. انا احب استفيد منها و دكتوري صراحه مهتم بالشغلات هذي ...
لو لاحظت الطول و الوزن .. صحيح مو حد سكين .. بس يوجهك لشغلات معينه .. انا افضل انه ما نعطي اي نصيحه الين نشوف الشخص لانو ممكن في امور بمجرد النظر ممكن تغير توجهنا ... ما يحتاج اقلك اكيد انت عارف الشي هذا .
 
انا نفسك حالتك بالضبط و الحين اسوء حالة غذائية قد مريت فيها بحياتي , جنك فود دايما و انسى حاجه اسمها فطور
لكن خففت تدخين بكثير بس لين الحين بدون رياضه من شهووور طويله 🙁
 
عمري 16 ونص, ووزني 78 X) !
ياللهول, أكبر مني بكثير ووزنك بالخمسينات؟ xD
 
يجب تسجيل الدخول أو التسجيل كي تتمكن من الرد هنا.
عودة
أعلى