طلب غريب .... بس محتاج الفزعة

[s3rorh]

ببساطة .. في لابتوب HP ... و أبي احرق المذربورد او الرام او اخليه يحترق من الحرارة العالية او كلهم مجتمعين ... او اي شي أخر او عطل قوي يسقّط الجهاز

وشكراً

 

[LAYT]

ما فهمت ؟ تبغى تحرقهم ليه

 

[Punished Noctis]

حطه على السريز.. وخليه يوم كام مشغل عليه كرايسس 3 الترا جرافيكس..
بيذوب...

 

[Royal Spark]

فك مسامير الجهاز و خلي المذربورد ظاهر و إفرك أراجلك و عليه جورب صوف على سجادة و إلمس المذربورد وشوف النتائج :laugh::

 

[s3rorh]

لووول ... شباب .. ما ابي افتح ولا اركب شي .. ابي احرقه على حطته .. من غير فك ولا رمي ولا مويه ...


:whistle:

 

[Royal Spark]

^السفتي مال البيوس يمنع حركات حشو المروحة. تعرف وش أحسن حل؟ عطل المروحة حط فيها خشبة قوية يكون طالع منها على تحت.
طبعا هذا الحل يعتمد على درجة غباء الشخص إلا أنت تتعامل وياه.

 

[Punished Noctis]

جرب طريقتي. مش مهم كرايسس 3 اهم شيئ لعبة اقوى من مواصفاته بكثير.. مضمونة و مجربة على لاب توبي (@)

 

[G4mer]

لوول -_-

 

[~L.O.R.D~]

كرايسس 2-3 أو تومب رايدر على أعلى الأعدادت مع تشغيل خاصية الشعر وحطه على الفرشة أو موكيت وسد فتحات المراوح
غير مسؤول عن اي حريق

 

[قناص]

وصل كهرباء مباشرة للابتوب بدون محول كهرباء .. لكن أنا مش مسؤول عن النتيجه .. لوول

 

[persona]

ولاعة؟

 

[Mute City]

جرب شغل شي يستهلك قوة الجهاز بالكامل زي ما قالولك الشباب ولفه بمنشفه او أيش شي يسد فتحات التهويه وخليه قريب من مصدر ماء إحتياطا

 

[EPIC FAHAD]

احس افضل طريقه انك ترفع حرارة الجهاز حتى يذوب السي بي يو .كيف مادري جرب تسوي شي يخلي الجهاز يستغل كامل قدرته وغطيه ببطانيه وهو شغال يمكن يحترق .
.
.
.
.
جات في راسي طريقه عبقريه . حطه في المايكرويف اي شي الالمنيوم يخترب فيييييه وما راح يتأثر من الخارج .هههههههههههههههههههههه الجهنميه

 

[soosi]

غطيه ببطانيه , شرشف ولفه عليه عدل

 

[Mr.Sora]

غطيه ببطانيه , شرشف ولفه عليه عدل

+1
مجربه مني وخرب علي الجهاز من زمان السالفة

 

[SAUD~F-16]

استخدم برامج اختبار التبريد، اتوقع اذا خليتها تعمل لوقت طويل راح تسبب اضرار بالجهاز.

 

[NES]

باسل اقصر الشر وتعوذ من ابليس.

 

[~L.O.R.D~]

روح اسبح وشغله تحت الماء

 

[Yuki]

احم...عارف ان مالي دخل ..لكن الي تسويه حرام وبدون فائدة ... اكيد في الناس ممكن تستفيد من الجهاز فليش تحرقه :\

 

[m-oo-7md]

حط مغناطيس على الجهاز .. يفضل مغناطيس قوي بس لا تنسى انك تفصله عن اي موصل كهربائي بطارية او شاحن وايضا لازم يكون طافي .
بس ابي اعرف ليه ؟

 

[Sir Guts]

جيب C4 و الصق ام امه في الابتوب and you are good to go

 

[Q8Dante]

اشم ريحة انتقام بالموضوع :laugh::

 

[squall leonhart]

^
اشم رائحة نصب

 

[MaxPro]

الفساد حرام :\

 

[CODE-X]

محاولة نصب على الضمان ؟
او محاولة انتقام ؟

هذا هو السؤال !!

 

[m7tram]

انا مو مستغرب من طلبك .. انا مستغرب من الي قاعد يساعدونك =/
انت يمكن صارلك موقف وحقدت والشيطان قدر يقص عليك ( مع ان هذا مو عذر ) .. لكن الناس الباقيه ليش تساعدك؟

 

[SCREAMING_RAGE]

الله يهديك يا باسل........... في شئ اسمه parental control :xd:

 

[Akilla]

حاول تطفي المروحة + حمل برنامج Prime95 وحط الاب توب في مكان ساخن وكاتم بحيث الحرارة ماتطلع...... خله يشتغل لين ينفجر!

 

[s3rorh]

هههههههههههههههه ... ذكرتوني بنكته .. يقولك :

وحده طلقها زوجها .. تقول : للحين اسمع الأغاني اللي اهداني إياها .. مو علشان أتذكره .. بس علشان ازيد ذنوبة ....
طبعاً إبليس إنصرع لأن الفكرة جديدة عليه

ههههههههههههههههههههههههههههههههه


كل هذا بسبب الأفكار الجهنميه حقتكم .... :xd:

للأمانة .. انا فكرت بسالفة البطانيه ... بس كنت ادور إذا في شغله اشرس : ... بس شكلي هذي هي الطريقه ألي بتبعها ... يبقى لي بس ادور شي يستهلك الجهاز و يرفع من حرارته *يفكر ينزل كرايسس* :whistle:

وبالنسبه ليش وما ليش .. ليش كله تفكيركم شرير ... يعني ما أحد فكر بأنه لابتوب فيه صور خاصه ... وما ابي اي احد يسترجع الملفات ألي فيه ! حتى من بعد الفورمات !!! .. أو اي شي اخر غير الانتقام و النصب !!

بكذا راح تزعلوا سانتا كروز

 

[Vorg Zangief]

وبالنسبه ليش وما ليش .. ليش كله تفكيركم شرير ... يعني ما أحد فكر بأنه لابتوب فيه صور خاصه ... وما ابي اي احد يسترجع الملفات ألي فيه ! حتى من بعد الفورمات !!! .. أو اي شي اخر غير الانتقام و النصب !!

😀 اتوقع فيه طريقة تسترجع الملفات حتى لو تحرق الجهاز 😀
لكن للامانة انا مو متأكد 100%
+ عندي حل . خل الجهاز عندك لا تحرقه و لا تسوي فيه شيء و انتهت الحكاية