طلاب الجامعات مدمنين إنترنت فهل أنت مدمن أيضاً ؟!

[Dark soul]

كنت اعتقد اني مب مدمن .. بس بعد ما فصل النت فترة عن البيت , حسيت بحجم الوقت الي ياخذه النت من يومي

المشكلة النت صار ضرورة .. بدونه نص شغلي في الجامعة يوقف

 

[bXNmbQ==]

كنت سابقا مدمن لاكن...............!!!!!!!!

بديت اترك النت بسرعه اذا كان فيه شيء يحمس

يعني العاب او فلم او انمي حاليا ولاشيء من ذولي اتابعه

فلذلك اترك النت 3او4 ساعات اما اذا صار به شيء فما اتوقع اقعد اكثر من ساعه

قبل 6 ساعات او 7

 

[Oldsnake]

طبعاً ابكون مدمن، السبب؟ الجامعة ملل

تعرف كيف يقولوا لك الجامعة فرق عن المدرسة؟ eh مش مرة

+10000000000000000000000000
للاسف انا مدمن انترنت :

 

[Dante]

من الردود شكلي من القلائل الي صاروا مالهم اهتمام كبير بالنت , الحين اتمنى واتمنى يجي اي شي يخليني اترك اللابتوب سواء كورة , او طلعة او اي شي , صاير اكره جلسة البيت بشكل مو طبيعي عكس السابق لما كنت انام واصحى على النت ,,

الي ساعدني على ترك النت هو الاهتمام بالهواية الي احبها وهي الكورة فصرت ادخل النت بشكل قليل ومالي نفس برضوا ,

 

[Mista Koo]

انا مدمن، ياليت اقعد على شي في الانترنت، انا حرفياً مدري ايش دايماً اسوي في الانترنت لمدة اكثر من ٧ ساعات يومياً، لدرجة بعض المرات افك اللابتوب واقعد اطالع في الشاشه بدون ما اشغل شي

المشكله ماليه نفس اتفرج افلام او انمي ولا حتى العب فيديوجيمز (GOW3 عندي ومتحمسلها خلصت نصها وطفشت مع انها ثاني احسن لعبه لعبتها عالبلايستيشن٣ :wow: )

ما اقول الا

نفس الحالة هنا :annoyed:

 

[Superx]

انا اول شي اسويه الصباح لما اصحى اضغط زر تشغيل الجهاز و بعدها اروح دوره المياه اعزكم الله و في طريقه اضغط على الغلايه بس اخرج اازبط الشاي و اقعد على النت ...

نفس الحالة.

 

[Tanton]

أنا بعد
وحالتي تقريبا نفس Mr.Ammar

 

[Sky Walker]

اذا فصل النت ليوم احس بوجع بقلبي ..

اذا صار اكثر من يوم بالعادة اصير متعود على الوضع ..

طبعا اذا انتهى الاشتراك .. اما اذا كان خلل من الشركة تشوف صاير زي البركان >.>

 

[Photon]

أوه .. يعني أنا مو لحالي اللي أظن إنه إدمانه مأثر عليه ؟! ، عاد ما أبغى أوصل لدرجة أصير مهمل فيها مثل قصة أبوين الطفلة الكورية مع إني أحس إني وصلت لهذه المرحلة فعلاً >__>

@جحجاح

كلامك صحيح بس ما تحس التبرير بفوائد الشي يخلينا أحيانا نستمر في إدمانه رغم سلبياته ؟

 

[The Last Lombax]

انا مدمن، ياليت اقعد على شي في الانترنت، انا حرفياً مدري ايش دايماً اسوي في الانترنت لمدة اكثر من ٧ ساعات يومياً

أحسن وصف لحالتي لكن إذا أنقطع النت فيه بدائل كثيرة غيره :smug:

 

[squall leonhart]

الحمد لله ما اعاني ابدا مع اي مشكلة مع النت .. اقدر اقطعه فترات طويلة بدون ما يحصل لي شي .. شباب خففوا من خرابيط التويتر و الفيس بوك و الماسنجر ما ينفع الواحد يضع وقته على اشياء زي كذا بكثرة ..

 

[SCREAMING_RAGE]

^
^
ايه والله صادق..... أكثر الاشخاص المدمنين على الانترنت بسبب الماسنجر و الفيس بوك .

بالنسبة لي شخصياً, فوالله ما ادخل الانترنت الا اذا احتجت شئ في دراستي, أو اني اتفرج اخر اخبار الفيديو جيمز و كرة القدم, وبس 🙂

أقدر اعيش بدون انترنت, لكن ما أظن اني بأقدر اعيش بدون فيديو جيمز لفترة طويلة (( الا اذا كان في شئ يستحق يشغلني عنها )).

 

[s3rorh]

هذا هو وضعي يومياً على السرير * طبعا مع وضعي مكان القندس و وضع الابتوب مكان القبقب * .. من أول ما اصحى من النوم لغايه ما انام وانا ماسك النت .. يعني 9+ ساعات بالراحه :wow:
بالايام الاخيره .. حاولت اكسر الروتين و أمارس الجري .. استمريت 3 ايام أجري ساعتين ... واليومين ألي وراهم صرت بس امشي 4 ساعات تقريبا .. وألحين صار لي 4 ايام حاضن الفراش (&)
ومقضي وقتي كله يا مسنجر ... يا ترو-جمينج .. يا أنمي ... وللأسف لو اتصالي مو ابو كلب .. كان لقيتوني مسنتر بتويتر :whistle: * ايواااا افرحوا يا ايها التويتريون ... صعروره راح يغيب عنكم لأيام :crying: * .. مع انه عندي الـDS .. بس صرت ما استحمل ألعاب فيها -___-
بالنسبه للإستغناء ... اعتقد اقدر استغني ... اذا توافرت البدائل !! ... يعني مثلا باجر رايح للندن عند اقاربي ... وبرجع بتاريخ 5-5 ... يعني 9 ايام زي العسل من البهجه والأجواء العائليه والأكل الشهي !!! واعتقد حتى لو بفضى .. راح يكون الفراغ ألي يجيني لساعه او ساعتين باليوم ... اهني ممكن اني ادخل اجييك على ترو-جيمنج لا أكثر !! وخاصه بأنه باجر موعد اصدار SSF4 ببريطانيا ... يعني أنا وابن خالتي راح يصير تكسير رووووس بكرا 😎: ومافي وقت لأي شي اخر

 

[G7Ga7]

@جحجاح

كلامك صحيح بس ما تحس التبرير بفوائد الشي يخلينا أحيانا نستمر في إدمانه رغم سلبياته ؟

طالما الفائدة موجودة, والسلبيات ما أثرت عليك, فليش لا؟

 

[Photon]

طالما الفائدة موجودة, والسلبيات ما أثرت عليك, فليش لا؟

طيب من دون ما نتكلم على الفوائد فبصراحة مثل ما تشوف أغلبيتنا يعاني من الإدمان الزايد عن الحد المعقول و هذا اللي أقصده .. نحنا مدمنين نبرر لأنفسنا أحيانا 🙁

 

[squall leonhart]

طيب شباب بما انا الموضوع انفتح .. واحد يقلي فائدة حقيقية للتويتر غير ( شباب انا رايح اشتري شاورما واااااااو )

 

[s3rorh]

^ .. شبه مسنجر/شات تقدر تدخل وتطلع منه من غير ما تقول (( ولكمو + يسلمو + برب ... والأمور الأخرى )) يعني شات بس مو متقيد (&) تطلع وتدخل ومحد حاس فيك .. و لا يوجد موضوع معين للحديث عنه ...
أي ّصار معك شي !! .. ببالك شي !! قوله و بس

 

[G7Ga7]

طيب من دون ما نتكلم على الفوائد فبصراحة مثل ما تشوف أغلبيتنا يعاني من الإدمان الزايد عن الحد المعقول و هذا اللي أقصده .. نحنا مدمنين نبرر لأنفسنا أحيانا 🙁

طبعاً فيه قاعدة تقول الشيء ان زاد عن حده انقلب ضده. أنا عارف انه فيه بعض الناس تحسب اني قاعد احاول "أبرر" استخدامي للانترنت عشان ما اكذب على نفسي واقول اني مدمن.
لا أنا مدمن. لأني استخدم الانترنت لأوقات طويلة, وصعب اعيش من دونه. لكن زي ما قلت قبل. استخدام الانترنت يفرق من شخص لآخر. شخصياً عندي الريدر وتويتر والمنتديات والإيميل ومواقع الجامعة وغيرها من الاشياء الي صعب جداً استغني عنها, وتركها ممكن يضرني. غيري الانترنت بالنسبة له = ترو جيمنج والفيس بوك والماسنجر. طبعاً ما راح أحكم على احد, لكن أتوقع ان هالشخص يقدر يترك الانترنت بسهولة لأنه ما يحتاجه, او ما يشكل ضرورة بحياته.

الإدمان على الشيء = استخدامه بكثرة وصعب البعد عنه. لما نقول انك مدمن مخدرات, نعرف ان هالشيء سيء لك. بس لما نقول انك مدمن ركض ورياضة ممكن يعني العكس تماماً. فلما نقول انك مدمن انترنت قد يعني شيء جيد, أو سيّء, أو حتى ما يعني شيء. مرة ثالثة, يعتمد على تجربتك مع الانترنت.

طيب شباب بما انا الموضوع انفتح .. واحد يقلي فائدة حقيقية للتويتر غير ( شباب انا رايح اشتري شاورما واااااااو )

- التواصل مع اخوياك
- نشر الأخبار بسرعة وسهولة.
- ممتاز لمناقشة بعض المواضيع.
- تكون متّصل مع اصدقائك 24/7
- التعرف على ناس جديدين.
- يُستخدم لمتابعة أبديتات المواقع الي تبغاها.
- أسهل طريقة لمشاركة أي شيء للناس.
وغيرها كثير.

ممكن انت ما تعتبر هالشيء ضروري, زي جدك لما ما يعتبر الإيميل ضروري.

الساعة 1 ونص, وفيني النوم. فآسف لو كان كلامي ملخبط وغير مفهوم لول

 

[Snake-87]

الإنترنت حاليا مو بس وناسة .. كل شي فيه :
- أي سؤال ببالك ما يردك إلا قوقل سواء معلومة أو مشكلة أو أي شي .
- التواصل مع الأهل خارج الدولة وداخلها .
- التسوق الإلكتروني بذاته سالفة .
- الملتي ميديا بأشكالها .. منو يفتح التلفزيون الحين ؟ كل شغلنا بالنت ستريمنج أو تنزيل وحول على التلفزيون .
- آخر أخبار العالم باختصار الأخبار الي تهمك مو السياسة مثلا .

ياخي الإنترنت صعب تقطعه خلاص .. يحط المسدس بحلجه Internet has changed ...

انا اول شي اسويه الصباح لما اصحى اضغط زر تشغيل الجهاز و بعدها اروح دوره المياه اعزكم الله و في طريقه اضغط على الغلايه بس اخرج اازبط الشاي و اقعد على النت ...

أصحى من النوم أشغل الواي فاي بالنكسس ون وأنا مندعس بالفراش وأشوف الميل (الميل ما أقصد فيه إيميلات الصور والفيديوات العبط) وتويتر وكوتاكو وجم منتدى .

طيب شباب بما انا الموضوع انفتح .. واحد يقلي فائدة حقيقية للتويتر غير ( شباب انا رايح اشتري شاورما واااااااو )

في ناس يمصخونها بتويتر لدرجة إنه أي شي ببالهم يقولونه وتحصل مليون تويت باليوم ... توتير الحلو فيه إنك ما تسولف وايد تقول إلي ببالك باختصار .. فيديو أو صورة عجبتك ترسلها حق ربعك المقربين ووسيلة ممتازة لآخر الأخبار .. أشوفه تواصل حلو ومو حوسة وهذرة .

 

[G7Ga7]

الإنترنت حاليا مو بس وناسة .. كل شي فيه :
- أي سؤال ببالك ما يردك إلا قوقل سواء معلومة أو مشكلة أو أي شي .
- التواصل مع الأهل خارج الدولة وداخلها .
- التسوق الإلكتروني بذاته سالفة .
- الملتي ميديا بأشكالها .. منو يفتح التلفزيون الحين ؟ كل شغلنا بالنت ستريمنج أو تنزيل وحول على التلفزيون .
- آخر أخبار العالم باختصار الأخبار الي تهمك مو السياسة مثلا .

ياخي الإنترنت صعب تقطعه خلاص .. يحط المسدس بحلجه Internet has changed ...

بالضبط هذا الي قاعد أقوله.

 

[squall leonhart]

- التواصل مع اخوياك
شباب انا رايح اشتري شاورما واااااااو
- نشر الأخبار بسرعة وسهولة.
شباب انا رايح اشتري شاورما واااااااو
- ممتاز لمناقشة بعض المواضيع.
ايش احسن مطعم شاورما
- تكون متّصل مع اصدقائك 24/7
شباب انا رايح اشتري شاورما واااااااو
- التعرف على ناس جديدين.
مين يبغى يعترف علي و انا رايح اشتري شاورما
- يُستخدم لمتابعة أبديتات المواقع الي تبغاها.
Geekness
- أسهل طريقة لمشاركة أي شيء للناس.
مين يهتم
وغيرها كثير.

شباب انا رايح اشتري شاورما واااااااو و عصير كوكتيل

ممكن انت ما تعتبر هالشيء ضروري, زي جدك لما ما يعتبر الإيميل ضروري.

انا باعتبر نفسي ما قريت اخرسطر بالرد بالدقه الخفية الي حاولت انك تجيبها بشكل مؤدب جدا جدا جدا .. يمكن الامثله الي ذكرتها بردي شوي فيه ساركازم مبالغ فيه بس انا متاكد انها تشابه 90% من التويترات المنشوره كل يوم .. اصلا ادمان تويتر هذا مثال كبير على ان الانسان Geek كبير .. يعني مقارنتك لها مع الايميل مضحكه يا جحجاح ..

بعض الشباب اخذين الانترنت بزياده .. يعني اوكي تتابع دورسك او هواياتك او تشوف اخبار العالم بس بوقت و معقول .. لكن ان تجلس تتوتر باشياء تافهه و تجلس تدردش بالمسانجر بالساعات و بعدين تجي تقلي هذي ضروره من ضرورات الحياة فذا مجرد هراء مع احترامي .. التواصل مع الاصدقاك يتم بمليون طريقة غير التويتر و ما ادري ايش الشي االي مره مهم الي عشانه لازم تكون متصل فيهم 24 ساعه و شغال تويتنق .. اصلا لو شي ضروري مستحيل اي احد يستخدم تويتر و فيه وسائل اتصال اسرع و اكثر فعاليه منه ..

يعني مو لازم كل شي يسوه الغرب نطب فيه كذا .. عشان الغرب يتوتر الي طبيعتة حياتهم غير حياتنا نجي نسوي زيهم .. و بعدين الي ما يستخدم تويتر صار من زمن جدي ها ؟؟!! ناس عجيبة

 

[squall leonhart]

بالنسبة للادمان فتعريفك له غلط يا جحجاح .. تعريف ويكي له مو علمي 100% بس يفي بالغرض الان لان ما ما عندي وقت ادور عشان اجيب لك مصدر علمي تتطلع عليه .. ما في ادمان ايجابي ابدا .. اصلا الادمان بالتعريف شي سلبي و يضر المدمن باي شكل من الاشكال

An addiction is a persistent behavioral pattern marked by physical and/or psychological dependency[1] and tolerance[2] that causes significant disruption and negatively impacts the quality of life of an organism

مدمن النت ,, و مدمن الجري كلهم يعتبروا مرضى .. زي ما قلت اذا التعلق بشي لدرجة تبدا تأثر على الانسان و من حولة فذا ادمان و هو مرض .. اذا استخدام النت ما يسبب الاشياء ذي لك فغلط انك تقول على نفسك انك مدمن ..

 

[Photon]

^
مع أنه الكلام مو موجه لي لكن كلامك مليان مغالطات فيصل ، نظرتك لتويتر أيضاً قاصرة و أخذتها من جانب الناس تستخدمه في تفاهات .. أنت و الشباب لو تستخدموه بطريقة صحيحة هل بتهتم لو غيرك يستخدمه بطريقة غلط و لا لأ ؟ .. نفس الكلام ينقال للبي بي و المنتديات و فيس بوك و غيرهم و الواضح إنك مو فاهم فكرة تويتر بتاتاً .

بساعدك شوي

[YOUTUBE]ddO9idmax0o[/YOUTUBE]

 

[squall leonhart]

مع احترامي لك ياعبدالرحمن .. لكن انا فاهم التوتير و و ما اظن انه يحتاج عبقرية عشان يفهم .. تعرف الفيديو حقك ذا فيه كل الاشياء التافهه الي ذكرتها بتويتر .. الناس القريبين منك بيكونوا قريبين منك بدون تويتر و من قبل حق ما نعرف شي اسمه تويتر .. المثال الي هو حطه بالفيديو عن ال co -worker ... من جد مين يهتم .. اذا واحد كان بيننا نقاط مشتركه فرح اعرفه و اتعرف عليه بدون تويتر و لا يحزنون .. ممكن الشي الوحيد الي انقبل فيه التواصل بالتويتر هو بين افراد العائلة او الاصدقاء الي فرفت بينهم المسافات مع انه فيه وسائل اتصال افضل و احسن و اكثر خصوصية ,, اما لما يجي لك واحد ساكن جمبك مثلا او بنفس المدينة و تتواصل معاه بالتويتر فهنا عندنا مشكلة كبييييره بالتواصل البشري .. ياخي في ناس بنفس البت يتوترون لبعض بالله مو ذا تخلف .. .. مو لازم نصير زي الغرب و نتحول لمجرد ( الات ) بشرية .. هم اللايف ستايل حقهم غير و ممكن يناسبهم التويتر .. اما عندنا ماني شايف احد يستخدمه غير ال Geeks و لا واحد يبغى يجري ورا اخر موضات الغرب ..

 

[G7Ga7]

واو سكوال. من جد واو. بنظرتك كل شيء في الانترنت عبارة عن موضات غرب واحنا نقلدها. ودي اسمي الي دار بيننا "نقاش", لكن واضح انك داخل بعقلية منغلقة وبقرار نهائي. ما أدري انت وش تجربتك مع تويتر. يمكنك مسوي follow لواحد كل يوم يتعشى شاورما, لكن -زي اي شيء في الدنيا- اذا عرفت تستخدمه راح تحس انه ضروري.

باختصار, تجربتي للانترنت تختلف عن تجربتك. فلو اشوف ان الانترنت ضروري بالسنبة لي, وماهو ضروري بالنسبة لك, وأنا اعتبر تويتر مصدر مهم للتواصل وأخذ الأخبار وانت تشوفه حق مواعيد أكل شاورما, ما راح استغرب ابداً. وما راح أقول انك غلطان, وولا يهمني ان قلت اني غلطان.

 

[Niessu7]

لول معليش تويتر ماينفع ابداً بدون ماتعرف ناس يستخدموه ويشاركوك نفس الاهتمامات ، تويتر يعتبر بلوج مصغر للترويح عن النفس ووسيلة عملية جداً لتوصيل هالشيء ، ما اعتقد ماقد مرة ما ضايقت من شيء وحبيت تشاركه مع اصحابك ؟ مافرحت بخبر جاك وحبيت تشاركه معاهم ؟ ماسويت انجاز معين وحبيت تشاركه ؟ ماشفت شيء غريب وحبيت تشاركه ؟كل هذي الاشياء ممكن توصلها بطرق اخرى للاطراف الثانية ، لكنها ماراح عملية مثل ماراح تكون في تويتر وتختصر عليك الوقت .

ايضاً تقدر تستخدم تويتر كوسيلة للاخبار كم بينوا الشباب ، بس الاخبار الي تهمك مو تلحق كل من هب ودب .

يمكن كنت اقول نفس كلامك سكوال لم كنت ما استخدمه وكنت اعتبره شيء عادي ولا راح يغير شيء من استخدامتي في الانترنت .

تعديل : بظبط زي ماقال جحجاح يمكن انت ماتعتبره مهم زي ما بعض ابائنا واجدادنا يعتبروا الانترنت والايميل هذا خرابيط ومالها داعي 😉

 

[squall leonhart]

لووول جحجاح يستمر باسلوب الدق الخفي .. حكاية الشاورما مجرد كناية عن التفاهات الي اشوفها بتويترات الناس بس انا متاكد انه في ناس من جد يتوترون ( انا رايح اشتري شاورما ) لانها وصلت لدرجةان واحد كتب رد مشابه في موضوع العشوائيات لوول .. المهم انت ما ادري ليش مصر على ان تويتر ضروره .. تعرف اصلا ايش تعريف الضروره ؟؟؟؟؟

99% من التويترات مكانها الماسنجر و اغلبها حوارات شخصيه ما تهم الا شخص او 2 و مع كذا تلقى الواحد ينشرها على 30 و لا 40 شخص و لا اكثر ..

انت يا جحجاح معترف انك مدمن نت فلا تقارن نفسك بالناس العادين و تعتبر اي شي ضروري لك ضروري لهم ..

 

[Niessu7]

اسف اذا فهمتها بالمعنى الغلط او الشخصي ، انا كان مقصدي اي شخص ما استخدم الكمبيوتر وما حس انه من ضروريات هالجيل .

+ ابوي يعتبر الايميل والانترنت من الخرابيط >.>

بالنسبة لتويتر فهو ابداً مايعتبر ضرورة (زيه زي اي وسيلة ترفيه) ، يمكن صعب اتركه الان لانه يسلني كثير وهذا الغرض منه بالنسبة لي . اما المسنجر وباقي برامج الـ IM يلزموني بوقت معين وبا اشخاص محددة ومحادثة تعتبر شخصية أكثر .

 

[The Last Fantasy]

99% من التويترات مكانها الماسنجر و اغلبها حوارات شخصيه ما تهم الا شخص او 2 و مع كذا تلقى الواحد ينشرها على 30 و لا 40 شخص و لا اكثر ..

ممم شوف..

الي يبي تويتات الشاورما راح يحصلها، والي يبي تويتات تفيده (أخبار وتحديثات وغيرها) راح يحصلها برضو. غلط تعمّم وجود التفاهات في التويتر، هي بالأخير تعتمد عليك وعلى الأكوانتات الي تتابعها.

يمكن ما تعتبرها ضرورة عندك وعند غيرك، لكنها على الأقل بالنسبة لي أسرع وأسهل وسيلة لتناقل الأخبار ومعرفة أي جديد صاير حولي. ويهمني أشيّك عليه بين فترة وفترة. غير أني ما أشوفه مصدر إدمان أساساً، لأن استخدامه بشكل عام سريع وما ياخذ وقت بعكس الماسنجر ومشتقاته.

 

[G7Ga7]

لووول جحجاح يستمر باسلوب الدق الخفي .. حكاية الشاورما مجرد كناية عن التفاهات الي اشوفها بتويترات الناس بس انا متاكد انه في ناس من جد يتوترون ( انا رايح اشتري شاورما ) لانها وصلت لدرجةان واحد كتب رد مشابه في موضوع العشوائيات لوول .. المهم انت ما ادري ليش مصر على ان تويتر ضروره .. تعرف اصلا ايش تعريف الضروره ؟؟؟؟؟

99% من التويترات مكانها الماسنجر و اغلبها حوارات شخصيه ما تهم الا شخص او 2 و مع كذا تلقى الواحد ينشرها على 30 و لا 40 شخص و لا اكثر ..

انت يا جحجاح معترف انك مدمن نت فلا تقارن نفسك بالناس العادين و تعتبر اي شي ضروري لك ضروري لهم ..

وانت لا تعتبر اي شي مو ضروري لك مو ضروري لغيرك.

طبعاً انا اناقشك وانا متأكد انك ما جربت تويتر أو ما اعطيته حقه. كل الي في الموضوع انك قريت عنه او شيء وطبعت فكرة نهائية في راسك.

تعديل: انا اعترفت اني مدمن انترنت على اساس انه مدمن تعريفها هو الاستخدام المكثف للشيء. اذا كان تعريفي غلط, وتبغى تتلاعب بمعنى الكلمة هذي سالفة ثانية.